先來個TD，再來個SP，跟住再接過EM…今日o既Day-off 就係咁啦！
Karon 話，話說有一個MS 同學受到好大整蠱，佢所有科目俾人drop 晒……下場唔知！密碼千祈唔好亂咁俾人呀！
呢個MTR project 一定要做得成呀！好好玩呀 ^.^
哈哈……好多麥當當相呀！唔該，和仔！ ^_^
P.S. 趕完兩份assignment，跟住又要趕兩份proposal，真係好鬼充實。
P.S. 世界真細小小小啦，my fd o係UK遇上 Ivan Siu.
P.S. Kitty 永遠都係咁細路女，我呢個師妹真係唔可以當佢係師姐呀！ if 佢再高少少，真係可以諗下做空姐，英文又好喎，佢而家都成日飛，下個月又飛去澳洲啦！
P.S. 好掛住BB… >.<
終於做完一份功課啦……tired la… …係時候要做睡寶寶，晏o的再續！（部腦都要休息休息） ^_^ 0716
份PM呢……頂，o的書又唔知睇到幾時……
本應有五日假，星期六返學校做功課；星期日屋企做（都好啦，可以成日留o係屋企…）；星期一又要返學校做功課，開會；星期二（我諗唔使返去掛？）都係要趕功課；星期三，開會also……this week 又真係忙到趴街啦！有假等於冇假！ >.<
可以o既話，讀書以外o既o野唔想理！
《星願》又真係幾好睇喎！正！
今日返去傾IMC，大家傾到都好想食添……Karon 話，返屋企時買生命麵包食喎！……但真係好鬼吸引呀！好味好味！
各方好友呀，if u 呢期搭MTR 見到麥當勞車，話聲俾我聽。IF 可以的話，幫我影張相就好啦~~~ ANYWAY，麻煩通知聲！功課急用！manyＴＨＡＮＫＳ！！！
安慰人o既說話好似同緊自己講，感覺怪怪的。
想去乖仔Ken 屋企o架，但係要準備IMC，唔去啦~~~
我知你o地鍚我，但我真係做錯的話，要話俾我聽，唔好下下就我……thanks!!!
今朝真係好唔想返學，如果唔係o的o野o係晒我度，我都唔會返！
對眼真係撐唔大……第一次上阿John 同 Fanny 堂釣大魚！真係好好好tired……
阿John 講得o岩，想精神就要由心做起。
我好想抖……但係sem A唔完都唔使旨意可以抖！
知我者莫若大興，我真係好tired……>.<
未試過咁早傾功課… ^_^
其實，人與人之間o既溝通可以好簡單。點簡單？留意下身邊o的BB仔！
死啦，近視度數再度攀升 ~.~ 個驗眼師好好笑呀！我終於明白o個o的tests 有咩special purposes啦！
多次想過離家出走……想過不惜一切離開這個家園。
一線之差……多一事不如少一事……
BBA學生講實際，虛無飄渺唔多理。
P.S. ,原來尋日約O左人做SP，點知我係今日至知因為尋日冇帶schedule…麻煩了他們呢！但我依然極度內疚……皆因約時講o左句︰「你o地聽talk啦，我冇堂，我霸定部腦做丫！」點知我甩底，仲要甩得好徹底。Sorry！
P.S. 謝謝高迪的相機袋，FIT晒位。Thanks！ ^_^
P.S. 人被權力沖昏。
父親大人終於忍唔住講o左一句︰「你係女仔o黎o架，玩到損手爛腳。」
今日總算用Dreamweaver做了一個page。KT，Table真係幾好用喎！
隻眼，唔係係對眼……痛到我爭唔鬼開……我諗要快o的配返幅眼鏡，睇怕不久將來都幾難可以帶cons啦~~~開夜又要早返！ >.<
去到某個moment，人會不自覺地走入迷宮，搵唔到出路時，感到徬徨無助、迷茫。迷宮總有出口，搵唔搵到呢個出口，好在乎你決定繼續o係迷宮繼續迷茫定係鼓起勇氣，自信地踏出第一步尋找出口。知道嗎？支持你的朋友在出口等著你呢，快些出來吧！
份問卷點整好呢？……星期四交啦~~~
原來好消息係，少o左一個人同我爭草草！hahhaha……^_^
草草o既timetable 真係精彩絕倫，一、二、三off（查實全部lecture）！
馬騮諗住幫ViVi 作文交功課，題目分別是「真的豈有此理……」及「天啊！怎麼對我這樣的好？」。馬騮就揀o左前者︰我家住屯門，屯門公路是回家的必歸之路。然而一遇上交通意外，交通大擠塞。這天，意外又有了……落車……拗柴……call 白車……爆呔……褲都爆埋添！【創意十足，但交唔交到貨呢？ViVi唔受喎……^.^】
見到好多classic pooh o既月曆仔呀，好靚，想買個俾ViVi。
嘻嘻！有個靚靚米奇月曆……謝謝沙律！ ^_^ 我o地兩個都要俾心機讀書呀！
資訊發達o既一個唔好處係資訊泛濫，資料越多，自己又唔知點cite 算好……料就有啦，點寫好呢？ >.< 煩死人呀！
"You are a specialist that Amazon.com's management has created to examine the feasibility of expanding Amazon.com's presence in Asia as part of an overall strategy to achieve sales of US$12 billion by 2005." 25/9一定要完成！ ^_^
坦白說，自去年的中秋節，我對呢個節日冇乜好感，甚至反感。今年亦唔例外……基本上對任何節日冇乜好感，除o左新年。
聽住，去，唔去，去，唔去，去，呢個係去！去，唔去，去，唔去，呢個係唔去。去，唔去，去，唔去，唔去，咁呢個係去定唔去？……去定唔去呀？都係o個兩隻字o者，唔係好難講呀？
對唔住，我容許唔到拖拉o既態度。一就一，二就二，有幾難呀？做人爽快o的好！
早知劈酒好過，乜都唔使煩！
o的業務終於有o的起色啦，用三個鐘做係底o既！ ^_^ 呢堂我真係好有衝動走堂，但唔知點解總覺得今個sem o的堂唔走得……算係好事掛！三個禮拜都冇過堂呀，幾乖呀！
上 TM時，真係過份投入，玩到損手爛腳。不過真係好好玩呀！ ^_^ 四個殘廢人，要搵個網球……睇唔到o野真係好慘o架！ >.<
死啦！個仔話我︰「肥o左！」唉……我都唔想，但鬼叫呢排咁多打邊爐咩！
唔知一陣開唔開到會呢？尚餘18分鐘… ^_^
會照開…開到八點多完lu！
跟住走o左西西宿舍到，總之唔買o野食啦~~~飽死我啦！去Hall 途中遇見兩隻「四腳跳跳」（或者可能唔止兩隻），嚇到我有咁快行咁快……死啦！我行得咁鬼快，唔知有冇踩死到o的「四腳跳跳」呢？
於房中逗留至十一時，本想回家，但又真係好耐冇同過仔、大興、西西同碧琪飲o野啦~~~第五街我就聽得多啦，但我未落過去。點知差人查牌……
今晚試o左好多新o野，因為試過安仔o既Gin-Tonic，所以就試下Gin-7，都ok 好味喎！又唔知飲o左幾杯，又試o左杯Shirely Temple，又幾好味喎！甜甜地 ^.^ 似乎我同Pink Lady冇乜緣，有冇得飲啦！於是又叫o左杯Taquelia Sunshine，杯o野酸o既~~~西西話呢杯係失敗之作，我要下次再試過！
不得不承認自己是心軟的人 。
今晚很開心，很開心。 ^_^
P.S. 諗住今晚可以同靚妹去街街，好耐冇試過兩姐妹行街街啦~~~SORRY 呀~~~星期六日頭得唔得呀？
打到呢度都已經係八月十五的0607，tired 啦~~~訓覺！（其實我都wing wing 地！ ^_^ 不過我真係好鬼開心呀!!!）
星期四堂算係唔悶啦，至少我唔會釣魚先啦~~~
IMC 堂，睇o左好幾個廣告，最記得係o個個染髮廣告（男仔o的頭髮好似蝴蝶咁飛o個個呀！），原來唔只我一個人覺得呢個廣告恐怖，仲有其他人o架……嘩，佢o個首歌同形象，我真係唔係幾接受到。
跟住又睇o左一個Levi 廣告，o個個廣告真真真係好恐怖，唔恐怖都搞到自己心緒不寧呀！o的人手手腳腳係咁扭o黎扭去，連個頭都抆埋出o黎玩……真係丫……少o的心血都唔得！ 咁出位o既廣告又點會o係香港出現呢？
Yr1時，得一支莊，仲記得佢叫凝莘，仲記得佢o地有歌仔唱、駐守紅門。Yr2時，又係得一支莊，佢叫城泉，但係佢o地個Promotion 我就冇印象啦。聽聞今年會撼莊，唔知係咪真呢？係就好囉，我冇見過大莊撼… ^_^ 阿基話撼莊好好玩…
今年EB開始蒲頭啦！ViVi 最後都係唔做，唔緊要啦！希望佢真係做得到！「讀Degee，上好多好多莊。」 (^.^)
今晚咩佬擺壽，我又點會唔去呢？不過真係好好tired 呀，好呆滯。
我都係唔明，明明可以一點多可以訓，結果都係要搞到兩三點至有得訓。
三個鐘o既SP功課，要我分析數字？唉……我實知係乜啦！ >.< 不過好彩我o的partners睇住我……
兔仔、魚魚同桃桃可以聚首一堂啦！開心開心…… ^_^ 再一次謝謝Ricky 同和仔，很喜歡呀！雖然中秋未到，但肯定係我咁多個中秋節最開心的一個。
四邊形尤如友情。當你識得多朋友仔時，但感情不深，會係一個又闊又矮o既長方形。當你結織朋友少，但感情深的時候，會係一個又窄又長o既長方形。
原本o係我心目中只有長方形，跟住大興前幾日同我講正方形。於是乎我發覺友情都可以係正方形喎！ 就係咁解啦~~~ ^_^
學業、會務、工作能否共存，視乎是否懂得分配時間。
似乎有o的起色… ^_^聽晚應該會firm……
P.S. 俾我批中o左，都話遲早出事o架啦！不過，今次好似個effect係positive 喎！
P.S. WORDS 已開link 啦…
真係病到唔多想返學……面青口唇白，真係嚇死人… ^_^
yeah！學Dreanweaver 呀！無諗過呢堂e-commerce 會學o的咁o既o野，開心死！
咁o既狀態又點可以撐得住PM呢？結果都俾阿Syed問到……當然我係唔識答啦！不過態度照舊，繼續呆呆滯滯上埋去…而家我又諗到以後呢堂做乜啦！繼續我的韓文課，由Jando指導！呢排成日落雨，講句「Pi Ga Ma Ni Wa Yo」，意思即係話︰「好大雨！」希望中秋節前後幾日都係「La Si Ga Cho Ha Yo」（好天氣）。
「有檯唔坐」…發覺自己呢句說話有問題。「媽媽專叫女坐檯。」「咁爸爸呢？」「買個女落火坑。」
杰倫的一句︰「無聊！」殺死人呀，搞到我o地全埸爆笑！ ^_^
我同ViVi一齊，都幾難要我o地停口o架！
而家無事啦！好返晒！幸福傷風素有真係幾好喎！
P.S. 今年我有三個燈籠呀！今晚有埋楊桃…HAHAH…擺低O左房到！靚靚，多謝和仔！ ^_^
P.S. 仲諗住聽日唔使返，點知諗清楚發覺要返O黎傾功課……我好想搵日成日留O係屋企呀~~~
唔記得邊個講過，City學生適應力好強（係未哥利呢？），先o係商場上堂，而家o係建築地盤上堂。 ^_^
新o既organizer我就未拎，但都知點啦！同舊年比，我鐘意今年呢本多o的……尤其是Memo o個一part。
heheh，開心死呀！真係有金魚燈籠，多謝Ricky！聽日帶佢返屋企陪兔仔。Many Thanks ar……I like it very much. ^o^
草草同ViVi今日走堂，搞到馬騮無人陪佢食飯，亦都冇人陪我玩…… >.<
今年做媽媽太投入啦，感覺到仔女長大後離開父母o既感受。有邊一個父母唔想自己子女學有所成、獨立？但另一方面，佢o地又怕自己仔女識照顧自己後，又忘記o左佢o地，唔理佢 o地。就係捉到父母呢一種心理，o係佢o地面前永遠做一個三歲大的小朋友，嗲他們。當然，適當時候要成熟。怎樣也好，父母永遠當自己的孩子長不大……兩位大人說的。^_^
終於等到六點多啦~~~打邊爐！有毛有翼啦，我同馬騮佢o地可以蹺埋雙手乜都唔理啦~~~佢o地搞，我o地到！（呢個係我想睇到o既o野！）
闊別多久的女人終於露面啦~~~
死啦，呢排食得勁多o野呀，肥死我啦！>.<
ViVi已成為APS Council o既物資。除此之外，佢仲係「魚皮鮫」呢！點解係「魚皮鮫」？唔……關乎一個錯綜複雜o既愛情故事。 ^o^
馬騮話Polly有o的似郭羨妮，似邊個都唔緊要，最緊要靚就得啦！Polly 今晚化o左妝到，坐佢對面o個隻馬騮呢就猛咁笑……都唔知點做人爸爸，hahah……靚靚！ ^_^
而家所收到o既消息係︰茱迪會上ISS；Polly 會上EB；Jan會上APS；草草上大莊；阿傑上EFS…希望遲O的收到ViVi都會上莊就好啦！
今晚對Johnny又認識多一點，對於他的英國生活很感興趣呢！ ^_^
中秋節食月餅，Johnny話佢係月餅怪呀！真係好鐘意食月餅……hahha……等我聽日買返個迷你月餅食先！
「入到一間好大學，但讀o既唔係自己鐘意o既科目」、「入到一間麻麻地大學，但讀o既係自己鐘意o既o野」，你會揀邊個？我會揀後者，鐘意o既o野係可遇不可求。希望你o係呢四年得到你想要o既o野！ (^o^)
今晚我真係好開心呀！
今晚未完，又諗定中秋玩乜、城大夜宴…哈哈，我真係好想一直keep 住落去呀！
物極必反係有佢道理o架！玩得多就會厭，咁就或會乖乖讀書。希望今個sem o既走堂紀錄創下歷史最低紀錄。
P.S. 長方形 vs 正方形…而家呢個四邊形係近乎一個正方形。（睇開我diary就明我講乜啦！）
訓到成一點至起身，真係做O左一隻豬豬啦！好tired 呀！……終於冒雨冒到少少傷風啦~~~
黑人，生日快樂！
諗住今日邊度都唔去，但係又真係好耐冇同過大興食飯喎！大興，俾足面你~~~專程返o黎同你食飯。一覺訓醒就十一點多，諗住快手o的搞掂出門口，點知又俾套卡通片吸引住……十一點九啦，牙又未刷，總之乜都未做……但大興又話十二點多落堂喎（你有講o架！）！點知一點至放，總之唔趕啦！趕到我丫！hhahaha……
今日終於食到我至愛o既大大粒蝦蛟，好好味呀！一粒蝦蛟，三隻大蝦呀！ ^o^
Jando 話呢間酒家o既員工training， attitude 絕對冇問題。
唔好睇呢間南山酒家咁殘舊呀，o的o野食真係好好食o架！蝦蛟係我o既極力推介。除此之外，o的伙記都好nice o架！
大興話尋晚re-u都好好玩呀，o的仔女問我點解唔到喎！我都想到呀……我想到時，你o地都散o左…下次啦！
走o左去tea K，4個人1間大房。Jando，唔似吳健豪呀！唔得呀……笑死我啦，o個一下撥頭髮，我真係諗到想大笑呀！
大興，你要好好對奧小姐呀！（傻o左！ ^.^）
唱到中途我又閃啦！諗住由尖咀行去油麻地，KT 話成粒鐘喎，半粒鐘都唔使，中途仲要走o左去睇o野……
今晚大佬請食飯，萬歲！
走o左去ZOOM，星期四至有Live Jazz。今日黑人生日，蛋糕又點少得呢！冇啤牌，一樣都可以玩Killer，只要有身份證就得啦。雙重享受呀！對住o的身份證有得大笑之餘，仲有玩Killer 喎！ 有相睇…
ZOOM完後，走o左石峽尾食消夜（真係肥死我啦！）你個米高真係好鬼creative，椒鹽多士都諗得到。咩佬o既凍檸茶走檸檬。兔仔o既凍奶茶走杯……一個二個都傻o左……
上面水喉勁開，o的雨係咁落……搞到我唔拎件褸出o黎都唔得！
P.S. Ricky，記住個燈籠呀！我要金魚……heheh……今年有兩個靚靚燈籠呀！開心開心…
P.S. 睇中o左件Nike 風褸呀……靚靚呀，但係又唔值呢個價喎！
P.S. 當欠缺信心時，我會選擇逃避。亦都因為咁，機會一次又一次咁流失。
星期五又係最忙、但又最無聊o既一日。都第二堂啦，依然冇一句聽得入耳，三個鐘都係icq，俾個女人話上堂icq咁都得……冇辦法啦，鬼叫我呢個媽媽怕悶咩！學乜鬼S&P丫，我都唔係呢方面o既材料……投資呢樣o野係唔多o岩我玩o架！
三個鐘o既折磨真係整到人殘。Hills︰「嘩！你對眼咁細呀？好眼訓？」不如你試下上我o個堂丫，睇下你又係唔係咁……好好辛苦o架！如果呢科唔係core，我一早drop 鬼o左佢！tired 得滯，呢堂都係好呆滯上堂，唔記得做過乜！唔……都記得o的o既！Forming、Storming、Norming同Performing o既分別。我而家好期待Week 10 呀！有War Game 玩呀！ ^_^
第七個鐘上呢個e-marketing，都係悶o架，不過相對S&P好好多啦！山楂叫我做自己o野，乜都今朝做晒啦，print notes都prnt 晒，真係冇啦！online 又唔見人喎！唉……印象中，我係釣緊大魚o架！好大呀~~~
上晒lu，我亦都好tired。原來無聊仲令人更加tired！
開會啦…Maggie 終於開咪講o野啦！……十一點多完啦……但係等食飯等到十二點多……餓死我啦！
知我者莫若大興……不過呢期我乖o左好多啦，返多o左屋企訓啦！
老友記o的糖水真係好好味o架！ ^_^
P.S. 慣o左每年都要剪髮開學，今年亦都唔例外。皆因見過女人個頭，於是就試下啦~~~女人都話好喎！開心死！哈哈……山楂話，男仔頭著裙係半人獸呀！hahah……
P.S. 仲記得《絕世好Bra》劉青雲（定係古天樂呢？）絕招嘛？以為做戲o者，原來真係有o架~~~
RIGHT training at the RIGHT time with the RIGHT way in the RIGHT priority order.
都話上阿John 堂係勁開心o架啦！失驚無神來個集體按摩……乜都醒啦！哈哈…… ^_^
唉！CSC o的 printer 呢…我舞唔掂佢啦~~~
原來真係可以o係Podium 撞到好多人o架！話說今日同Judy o係 Podium 不斷兜圈傾計，途中見到有三個鐘break o既 Johnny，飲組Miu 啦，然後撞到阿Jan，跟住Jan 又同我o地一齊傻，跟住又撞到杰倫……傾下傾下，大家發覺開學以來唔多見過女人，就o係呢個時候，女人就企o左我o地面前。……日頭真係唔好講人壞話，不過想見o的好耐冇見o既人，講多o的都唔緊要啦！ ^o^
1230，廣告功課……原來Karon好搞笑o架！
1330，與廣告功課Competitor決定以「生命麵包」比高下。話時話，好耐未見過呢個廣告啦！
如果唔係打風，尋日可以同賭仔賭女飲茶……原來係Almen 講起先，草草吹雞呀！【你o地多o的吹雞啦！爸爸媽媽盡到！】
就係冇得飲茶，見唔到草草，好miss 佢呀~~~但今日見到佢啦！開心開心！ ^_^
跟住好tired 啦…走o左力奇度訓……嘩！真係唔訓唔多電話……訓下聽下，就咁六點幾啦！
今晚蕩組re-u，o係 Hall 打邊爐……正呀！食o既過程中，加插了屎尿屁等等……搞到Grace 無啖好食，不斷笑…
ViVi，原來你係男仔……你係我男朋友……hahah……
終於分得清Irene 同 Sushi 啦……
P.S. Judy，pls take a look. 諗清自己想做o的乜，想得到o的乜，然後再作決定。當然你可以多方面發展，但係總有一o的o野你會花多o的時間處理。Of Course，我真係好希望你參與學生活動，但最終係乜學生活動，都係你自己決定。諗清楚先決定，I will support U.
P.S. Jan，好心你快o的砌莊啦！我真係有o個隻「皇帝唔急太監急」o既 feel！有問題問下小文啦！
P.S. 女人，我以為你唔知死o左去邊添，好彩今日你話俾我聽你仲在生。得閒蒲多o的啦……i mean 露面呀！
P.S. 杰倫諗住nom EB 呀！Good！ ^_^
這個黑格比真的來得快，好，夠爽快，我鐘意！ ^o^
尋晚草草話今日晏晝re-u食飯，我off都會返去……點知，出門口之際，電視機傳出︰「天文台將於兩小時內懸掛八號風球…」，冇得食…唉！next time！
嘩……o的電話即時死晒，理得你係用固網電話定係手提，真係乜都冇用……唔通！ >.< 好彩仲有得上網，所以話呢，冇得上網，對我o黎講，真係會死人o架！
張新十蚊紙呢，真係……俾面我會話佢似coupon，難聽o既就係陰司紙，我真係唔多識欣賞！
好啦！寫住咁多先……今晚再寫，如果仲有o野寫…… （1439）
終於知道點解睇唔到圖啦，衰o左個file 名，而家睇到啦……我真係好鐘意o個張張相！唔知仲有冇機會影返張大合照呢？
今日結果都係睇o左幾版書，then 對住部腦……《STUDY》已開links la，時間表係ViVi 整，靚唔靚呢？呵呵！
細個時候仲會相信有世界和平，但唔知點解人越長大，覺得冇乜可能，慢慢咁退而其次，只求人與人能夠互相尊重，唔好恃住自己有財有勢，又或者以為自己係甚麼甚麼世界警察咁亂o黎，但原來……唉！人，係咪犯賤呢？……我都唔知自己講乜啦！
願主保祐…阿門。
PM真係悶到趴街…Jando話佢照讀powerpoint，if so﹐我present 都得啦~~~好鬼多dead air 呀！
開學咁耐都未同過大興佢o地食飯，今日同佢o地食tea。諗住食o個個肉碎蛋飯飯，點知去到拎時變o左肉碎魷魚湯米，好失望呀！>.< 好難食！
Jando 送了一張靚靚書簽給我做手信呢，很喜歡呀！佢已經投入服務啦……真係好靚，鐘意…多謝Jando！ ^_^
跟住就諗住打波…點知full 晒！大興話執死雞喎~~~又真係執到喎！Hills 話打到手'支力'，其實佢做守門員咪仲'支力'…我都想打呀！但係冇帶到衫褲換，於是陪坐，Jam歌！正呀！
今日簡直係收禮物，收完Jando o個份，仲有沙律呀！係米奇老鼠禮士糖（好似係咁叫掛！唔知啦…），星期日至o係玩具反斗城見到，今日竟然在手呀！沙律，我愛你，哈哈…… ^_^
夜晚，去o左高迪o個邊re-u，勁好玩呀！一個二個都唱到high high 地，正呀！打開天空呀，火熱動感lalala呀，仲有好多闊別多久o既歌都o係今晚俾我o地重新翻唱。正……hahah……
Ken 同 Dora 都係九月o既壽星仔女，Happy Birthday 呀！ ^o^ 【按，一個蛋糕多人分，對我o地o黎講已經唔係難事啦！仲分得好鬼靚添！hahah…】
等我數數先，有Cash就有Dollar，唔係，係Dora，跟住有好似Michelle 家姐o既Ivy、Keiko、Soina、貌似拉燊o既Monkey、仲有好得意o既阿佳，大O細O遊船河都見到我o既Milk、有個好似Joey o既 Geri、好似日本人o既Ken、Sishi（係咪呢組呢？…）……仲有邊個未數呢？係喎，仲有一個未數，係杰倫（普通話讀，唔該！）呀！
我承認自己係偏心，鍚賭仔賭女多o的！大興……o的仔女幫我睇住，有乜搵我啦！thx！
P.S. 又有新相啦…遊船河、Ocamp 正日、Re-U……怡紅院相簿
Jan 一個電話叫醒我…如果唔係，我又唔知訓到幾時……
之前隻左眼勁痛，今次輪到右眼啦！痛到我呢……真係唔鬼想打開眼呀！
由於走堂關係（係肥草，唔係我！），佢提前食Lunch……仲諗住同佢去飲茶添！「見唔見有個著紫色衫O既人？」「有呀！」「我都話有O架啦…」總之，我講話冇啦…睇下ViVi
點都好！hahah……sorry!!!
我承認自己係唔多識關心人，真係會激死人！(>.<)我諗我真係要學下肥草啦！佢真係好細心同埋好識關心人，我有佢一半就好啦……
高迪…定係Ricky呢？話ViVi似我喎，都係傻傻地，唔係人咁品。呢個我仲未知，但肯定係我同佢都會係瘀事多籮籮！哈哈……
好耐冇玩過大富翁啦~~~你o地兩父子擺明恰女人o既…整走ViVi後，又整走埋我，而家係唔要母女先？有錢要齊齊享至得o架！你o地兩仔爺丫，尤其是肥草呀！最有錢o個個係你呀！不過，我都唔好得好多，我同馬騮做o左無良父母，而ViVi就做o左我o地個提款機……但我都唔夠馬騮衰！下下千千聲……真係無陰公！ ^_^
對住叠十蚊數二千蚊…要數二百張喎！……馬騮你唔係呀…兩盒大富翁都冇咁多啦！笑到我同ViVi 死呀！
食埋tea，各自散啦！今日好開心呀！
Print 埋notes 返屋企食飯啦！
P.S. 黑人真係好似貓仔呀！ 喵喵~~~
P.S. 咩佬、Ricky 好心你o地兩個唔好成日走堂啦……你o地走得太離譜啦！雖則係玩，但係你俾成四萬幾元係讀書做main purpose，玩係次要呀！好自為之啦！
之前勁驚佢會落雨……好彩冇，個天仲好靚靚呢！ ^_^
一掂唔到地就唔知點，仲要浮下浮下咁，我唯有靜靜坐埋一邊訓覺……但求無穿無爛，hahah… ^_^
跟住ViVi話出去影相，一出到去，坐o左o係船頭，我唔想郁呀！好舒服……就咁樣坐到目的地—南灣。舊年Re_U都係去呢度，不過論好玩程度，緊係今年好玩多夕啦！ ^O^
依然係學游水O架，依然有阿聰做教練，仲有和叔啦！都係一句，叫一個大笑姑婆學游水係好好好難O架！成日咁大笑又點會學到呼吸呢？肥草o係旁邊陪我 一齊學，有伴！hahah……米高又唔知o係邊搵到隻海星，原來海星係有刺o架（少見多怪呢！）……隻海星就陪o左我一陣練呼吸就走o左啦……不過，有少少成績喎，真係少少呀！起碼唔會一浸落去時笑先… hhehe……
沙灘上，Michelle 同米高分別俾人活埋，做o左沙沙公主同沙沙王子！
有冇試過o係水中跳Camp Fire 呢？應該叫Camp Water…um……定係叫Beach Water呢？我就試過……Sing in the Rain最正…真係Rain啦！
唔經唔覺已四時多啦，係時候要回程啦，個個都好Tired……跟住o黎個靜少少o既o野‧Sharring，有好多仔仔女女上莊，好呀，希望出年六樓見到你o地。不過，我最開係有人對Council 有興趣，好事呀！開心死……我已經開始諗緊我o既「退休」生活，今次一定退到休啦！ ^_^
肥草真係好鬼口甜o既……Judy，你就好啦！ ^_^ hahah…
一個二個食飽，馬騮又唔知邊度拎樽水出o黎，係一大樽……其實我想講係一 桶o架！睇相就知啦！）於是乎大個人圍枚KO樽水。我足足飲o左兩大杯，真係乜毒素都排晒出o黎！
食完飯後，走o左玩具反斗城玩，玩得o個十分鐘……但係一樣玩到i架！你睇下Eddie 同肥草玩Lego就知啦！《有短片呀！）
跟住，O的仔女跟住o的仔女跟晒馬騮打牌，真係賭仔賭女！哈哈……之後聽返肥草講，佢係大贏家，真係青出於藍啦！
而我就同Talie佢o地走o左去文化中心玩數字球、打排球，中途仲有個小豆丁加入呢！好得意o架！玩到唔捨得走！hahahha……好tired 啦……一上巴士即訓……
P.S. 我發覺去完camp o的人係會變o架！高迪個仔仔‧Cash，Gathering後，我仲係以呢個Freshman身份問佢搞唔搞莊，佢話唔會，要返工！今日，佢已經同人o地齊晒莹o個隻！我都
話佢係搞莊O架啦…
P.S. 黃生話佢想搞莊，但要諗……佢O的答法好似"R"，人o地而家就真係做o左Exco啦，我都希望o係六樓見到佢！
P.S. 囡囡Judy 同 KT囡囡Agnes對Council 有興趣，係時候要搵佢o地傾下計！
P.S. KT囡囡Carry係IS人，都係想搞莊，邊個IS人睇到，幫幫佢啦！
P.S. 囡囡Polly對EB 有興趣，唔知仲有冇呢？ ^_^
P.S. 其實唔止仔仔囡囡變，leaders都有變。舊年已見過黑人、米高，但沒甚麼兩句，想不到今年Ocamp竟然來個大轉變喎！^o^ 尤其是黑人啦！你成日上o黎，做埋轄委就好啦！
今日要做乖乖女，點都唔返學……
之前講過整金菇牛肉俾父親大人食，今晚整！……今日食晏晝時，佢問︰「你都唔食牛，整O黎做乜？」「咁媽咪同細佬話好味嘛！」……至於今次好唔好味？唔知呀？我都唔試味o既……有牛！（1806）
兔仔燈籠呀！母親大人話我細個時候玩過，但我真係冇印象喎！唔理！今年我要擁有……有啦！hahhaha！郁得o架！
今日好乖，煮o左金菇牛俾父親大人試，佢話好味呀！ (^o^) 跟住，亦都做o左我好耐冇做過o既o野，首先係洗碗（查實洗得o個幾隻，其他俾母親大人洗晒！象徵式洗o左……驚我打爛晒o的碗？hahahha……），跟住再掃埋地，拖埋地…未試過咁乖！ ^_^
禁賭Re-u 相…CLICK IT！
P.S. 個hp出現問題，要維修……有冇人話到俾我聽，點解有o的圖睇唔到o架…… >.<
830again and again la...不過我就唔多享受今日啦！
第一堂上呢個Strategy and Policy，睇到個名我都覺得悶！鬼叫佢係core……三個鐘佢講o左好多o野，但冇一句入到耳，……唔，都有o既！就係「so far so good！」呢三個鐘真係過得好鬼慢！人o地度日如度年，我就度分鐘如度年呀！唉~~~仲有十二個week，點捱呀？
有時覺得自己手指咬出唔咬入！係要向外……我都好想同大興一齊做project，但係我都係接受唔到五個人都係HR呀……多元化好o的！至少有一個唔同都好丫！ ^o^
唉……終於落堂啦！~.~
第二堂上呢個Team leadership and management，呢個Dr Mary 真係好易笑，好得意呀！ ^_^
第三堂上呢個e-marketing，又係CSC-J，如果頭先O個堂都係O係CSC-J上，今日三堂我就o係o個度長駐啦！都係覺得悶……想drop，但Sandra 話Vincent俾分勁鬆手，同埋勁俾貼士，好大誘惑呀……如果我drop 的話，Sandra 殺o左我都有份！ ^.^
說真的，不想開會呀~~~唉！！！
裝修完的一品香又真係幾吸引喎！而且仲好抵食添！（唔知有冇計錯數呢？）
830again，但係出奇地冇釣魚喎！
第一堂係Training and Development。「Good Morning！」「Good Morning！」「我記得你……」「我都記得你，我舊年上你OB嘛！」如果唔係阿John教，睇怕我交form 時都唔知揀邊科好，呢科緊係我first choice la！雖然係830堂，但係佢教啦喎，都幾難有機會釣魚。 ^_^ 呢一班又有個exchange student，ok 靚仔o架！今年o黎o既exchange students 真係靚仔靚女！ hahha……
第二堂係Integrated Marketing Communication。覺得佢得意，就咁add 埋佢，第一次讀盡21個credits。不過，我都無後悔到，確實真係又幾好玩！雖然workload 好重，但係呢科同我讀緊另一科marketing 都有用，even management 都有用！
跟住同個囡囡Polly 出去食飯，仲有高迪！Polly 被我嚇壞呢！唔識游水，但又會o係海中央飄喎！明知暈船浪，但又會去游船河，仲要唔食丸。……無辦法，鬼叫我係王欣，好多o野你都估唔到！ ^o^
食完飯，Polly 返屋企，我同高迪行White Zone。我明明見過有白色o架，但係……都係唔再見有啦！最後都係捨白取啡，鬼叫我鐘意個款咩！
又休息日啦，諗住今日唔返學，做乖乖女……但ViVi叫到啦喎！專程返o黎又點話呢？ ^_^
黑人入埋轄委就好囉~~~ ^o^
世界無奇不有，明明冇亦都變有。好似KT咁，尋日至話完自己住hall 係waiting list，今朝早就有人打電話俾佢，今個sem 有得住呀！佢都唔知幾開心，當然我又要上去睇下啦！……我下個sem 一定要住，搏佢最後一個sem嘛！
原來阿Jan 同小魚都住hall o架喎！ ^_^
P.S. 如果另一半常為自己不滿這不滿那，是因為著緊自己，關心自己。但有時他那份著緊，那份關心，只會令自己透不過氣……是時候讓自己舒舒氣吧？
開學日啦~~~超tired呀！訓得o個三個鐘就要上830。
原來西西同Ashley都係讀Management and E-commerce o架！Josephine o個種認人方式呢……當堂都醒o左……記得晒o架！
唉……上三個鐘真係乜都死，何況自己仲要唔夠訓！一幅殘樣……
跟住又上呢個Performance management……真係勁驚自己趴o係到訓著呀！好明顥呢兩年學到o既o野全盤俾返晒Dr同 Prof……HR function 係咩呢？真係唔鬼記得啦！要溫溫書啦……
等開會……同KT 佢o地走o左去睇《滅絕危機》（好似係呢個名），呢套戲睇o左30分鐘都唔知有冇…… ^.^
和叔搵到工做啦！ ^o^ 恭喜呀！
開學日…但我o既開學日始於九月三日。
冇諗過會咁早起身而又唔再訓o架！例行工事，開學前要剪髮……點解？冇得解，習慣成自然了。又染髮，又電髮，真係好鬼傷o架，師傅毫不留情咁講︰「好旱喎！得閒焗下油啦！」不過，佢都知我唔會理，依然闊佬懶理咁樣……由細睇到大，都知我係點啦……
短頭髮都係舒服o的o架！ ^_^
做完O野，搵人玩……結果揍夠四隻腳玩飛行棋，唉……我次次都係出征不利，唔係三條六返大陸，就俾人炸返轉頭……尤其是阿尹，佢簡直係狙擊手呀！唉！搞到個個玩完，我仲有四隻O係度飛行中……心諗自己係咪剛加入？ ^.^
KT 教用 dreamweaver，原來同frontpage 差唔多，但有o的function 好鬼死吸引喎！好似layer咁，下次試下先…KT 又話連埋Firework……都好喎！教埋我丫！
今晚，賭仔賭女re-u，順道替阿傑補祝生日……估唔到今晚咁多人到喎！數數先！Judy、ViVi、Polly、Alman、Galaxy、阿昇、主角傑、Jan、Jay、Kalvin、Johnny、肥草、大佬Eddie、大嫂Iris、Sandra、安仔、豪、馬騮、和叔、高迪、KT、聰、大衛、仲有自己呀！
肥草唱歌好鬼正呀，死女…… ^.^原來佢O的口水歌真係好得O架喎！
暑假開始時講過，最後的一個暑假不可以白費！今日已經係暑假最一日，呢個暑假我真係冇白費到！試o左好多新o野。第一次唔同兩位大人上深圳，第一次去澳門，第一次去泳池，第一次o係海灘過膊浸水……你o地可能覺得呢o的o野係微不足道，但係對我o黎講，係好新鮮。
不過，成個暑假最開心係大O……俾O左一個好開心O既回憶我！
和叔就好啦，Annie 都係佢大O同細O個女！羨慕死呀！喂，你又話可以做Annie 個組媽o既？how？
好o野，有人陪我睇Sing in the rain！ ^_^ 開心，開心……
怡紅院相，盡在此處！CLICK IT!
p.s. 換o左個新index!!! CLICK IT!