個GPA終於有o的變化啦……竟然係升……咁我仲驚……我係咪杞人憂天呢？

前幾日o既Diary我當故仔咁寫，梗係詳細啦！  ^.^

著得斯文並不等於成熟……睇下你點配襯！

開會？

不得不承認自己是個貪新鮮的人。

GPA……我已有心理準備！心裡有數吧！

一口氣upload一堆相……看看吧！（時間關係，質素較為參差！）

P.S.沙律昨天送了一隻肥嘟嘟的米奇老鼠給我，THANKS  ^.^

Credit Hour加o左，但係GPA乜都冇郁過……咁樣係好定唔好呢？驚……

日刨夜刨，快手o的考埋就好啦！

P.S. 技術所限，個hp有好多問題。如有改善的地方，pls tell me……thx！  ^.^

修心養性……實行大計。

繼「謹慎小隊」—深圳隊後，而家有「謹慎小隊」—泰國隊，即將有「謹慎小隊」—韓國隊。計劃有「謹慎小隊」—澳門隊。……個女話喎，要向大興同Jando收版權費喎！

朝早十點半，阿聰打電話來唱K……而家o既佢簡直係過度active。係Friend 至理你，否則我又呼呼大睡……

失望，再沒有任何寄望、希望。

Sandra的網頁終於可以露面啦！KT，又是一個色彩有點過分的hp呀……heheh……  ^_^

倦透了，腳步浮浮……   (~.~)

好耐冇試過坐o係海傍吹風。當海風迎面吹來的時候，舒服極了。再望望對岸五光十色的燈光，睡意暫時消除。

一就一，二就二，只要認為是對的，放膽做吧！

TOF 升班啦……hehhe

《深圳之旅—最後一天》

早餐過後，書城……

無行過書城，自己都唔相信會有咁多人！o係香港好少見……我o地當o個度係百佳，係書就掃，結果個個滿載而歸！係全程使得最多錢o既地方。最豐收o個個係Garrick，兩大袋！

返到香港都差唔多四點多啦……去個仔屋企拎返o的行李先……一張字條︰「你衰o左！講大話！」係個仔o既媽咪留低……不過，個仔話無礙日後o係呢度做中途站喎！但要問過佢媽咪至得！

回家露一露面，沖個涼，出去樹記食飯。

好耐冇去樹記食飯，好耐冇見過樹記坐無虛席。

冇諗過馬騮哥記得我係因為o個一打啤酒……多謝俾面！

我同Garrick都係認為人o既目標set高o的好，咁樣可以鞭策自己……正所謂「人望高處」。

正所謂「今日留一線，日後好相見。」鐘唔鐘意都好，我都會盡可能keep 住大家關係好，尤其是做生意。不過，馬騮哥o個一套又不無道理o既！大家追求o既o野唔同……若果我搵夠的話，我唔排除都會好似馬騮哥咁……咁樣會開心o的！

做生意固然有一定把握之外，風險少不了……「危機」，有危就有機，「危機」就係咁解啦！

我仍然堅持︰唔係個個人都值得相信。

五條友食飯，由八點幾食到凌晨三點。Garrick同馬騮哥開頭傾到面紅耳赤，我同碧琪幾驚佢o地出事呀！不過，佢o地可算是識英雄重英雄，好鬼friend呀！佢o地兩條友乜都傾，政治、經濟、生意之道、學校、做人哲理、女人……因為Garrick係半唐番的關係，我o地充當佢同馬騮哥o既翻譯員。我同碧琪都學o左唔少o野！不過，經過呢一次，我o地五條友對馬騮哥認識深o左好多，如果唔係Garrick好奇同直腸直肚，馬騮哥都唔會講，我o地都唔會知咁多o野！

馬騮哥一雙一雙酒咁o黎，我o地亦都一杯一杯咁暢飲……五條友、老闆、老闆娘、小伙記、一堆啤酒、煙就係咁去到凌晨三點……開心的一晚！

期待澳門之旅……「住」已不成問題，只是我們的時間能否互相配合！

P.S. 個仔同Garrick提議由澳門玩到珠海，順便睇靚女……挑選，挑選！

P.S. 其實呢三日點旨咁少事發生，仲有好多好多o野未寫……但係自私一點，當中的一切只有我們七人能夠分享。

P.S. 仔、哥利同我三隻馬跑o左三場海外賽事！但係我隻馬真係好唔聽話呀！

P.S. 原來冇手提、冇電腦，我都可以忍受到！

P.S. 經過三日兩夜，Ashley同哥利係我識咁多對拖友中，最好、最sweet……呢o的叫做平凡是福！^.^

P.S. 謝謝碧琪、Ken、西西（眾人保鏢，heheh……  ^.^）、哥利、Ashley同Garrick。

《深圳之旅—第二天》

凌晨一時許，三隻馬仔正式出世！由於自己隻馬仔顏色似拖肥糖，順利成章，我將佢名為TOF（字數所限）。哥利那隻名為「RMB」（人民弊是也！），個仔o個隻「IVY」（矮肥喎！）

好耐未試過咁訓……細個o既時候，我o地三兄弟姐妹會係咁訓，好warm o架！聽住碧琪同Ken 傾計，聽下聽下，咁就訓著o左啦！~.~

乖女都係訓唔夠六個鐘又閃返學啦！

當有人叫起身的時候，每個人反應都唔同。我絕對係正常（heheh……），一叫即醒，幾乖！   （^_^）西西太熱充佢o既工作啦，一句講晒職業病，佢o既即時反應係四圍望！至於哥利同Ashley 啦喎！個仔就好似打仗咁，當個電話係手榴彈，一o野拋入去……唉！真係俾佢激死！hehheh……

乖女又可以再次提早join 我o地，好o野！星期六過關仲多人……嘩！墟！

今日除o左原班人馬一行六人繼續旅程，再加多個西西朋友—Garrick。西西話佢中文好差，當佢「老外」喎！這個半唐番新朋友為我o地呢個旅程提供不少笑料……係笑到流眼淚o個隻！

到旅館放低包袱，繼續我o地個行程……地圖依然有佢o既作用！

可惜個天黑到唔黑o個隻，見到都唔開胃……首先乘搭這個高架車到世界之窗， 沿途每站的服務小姐質素是每況愈下的……搞到班男仔無癮！

唉！落雨啦……仲點會有咁靚靚心情玩丫？不過落雨有落雨o既開心o既！(^_^)

沒想過那個大型表演也要收錢，所以我o地決定唔去！

回程時，又乘搭高架車到旅館附近。一上車，便看到兩母女坐在車頭位置。當佢o地落車o既時候，個仔坐司機位，佢仲講︰「加快！」架車真係加快！Garrick就講啦︰「過返o黎坐，唔好玩啦！……」（類似句子啦！）跟住我o地笑到碌地，Garrick ，你係得o既！聽返西西講，Garrick以為個媽媽帶埋個女返工，佢o地落車o既時候，仲同佢o地講「謝謝！」 ，我o地真係俾呢個半唐番激死啦！   ^.^

落o左車，then 碌齡！碌齡係我o既勀星，永遠碌親都有事！今次亦唔例外！o個度o的人個個都打得好pro……我o地簡直係相慚形絀！算啦！都係玩下o者！不過咁喎，著o個度o的鞋分分鐘乾淨過香港o個o的！

我o地o係南山食飯……甚麼水瓜（好似蠔餅…）唔錯！幾好味！呢一晚，我被人誤以為係泰妹。事緣啤酒小姐每次添酒，我都係合起雙手說謝謝，她便問我是否泰國人……走的時候，還很有禮貌地say goodbye 呢！（個仔妒忌佢對我咁好！hehhe……你唔恨得咁多啦！   ^.^）

西西問o左個幾得意o既問題︰如果有個外國朋友o黎香港，會帶佢去邊度食！-->屋企，最地道，最特別，最親切！

回到旅館已是十一時多了，大家都沖個熱水浴舒服下 先……

原來火柴可以咁話o架！

好耐冇玩過打筋斗……嘩，痛到我丫！（^.^）個仔話要表演蜈蚣跳俾我o地兩母女睇喎！玩出禍……都要繼續玩！唉……

本來諗住訓，西西佢o地o黎玩……因為「一腳之差」，觸發了連串「高潮」。個仔High 到抽筋，我o地又俾人投訴︰「……你們可不可以少聲一點？」--> 兩把男聲 + 床聲換來投訴 but 接聽電話的是我……個仔話我最威喎！

無聊之際，有樣學樣，我o地搵Garrick用普通話投訴哥利他們嘈……換來的是，Ashley莫名奇妙，哥利亂諗o野—815？投訴？唔係呀嘛……

《深圳之旅—第一天》

第一次唔同兩位大人返大陸，都幾驚o架！話晒人新路不熟嘛！不過，同班friends一齊去玩，個感覺又唔同。

因為乖女碧琪要返學，所以我o地唯有一上一落！首先o係乖仔Ken粉嶺屋企放低行李，然後北上。謹慎小隊—一行五人正式出發！

諗唔到平日都會有咁多人出入境，真係體驗過啦！   ^.^

有西西o係度，去到羅湖都冇咁驚！不過我o地都係小心駛得萬年船……攬到個bag實一實！

第一站到東門搵o野食！原來真正o既腸粉係咁o既……但係我都覺得香港o個o的好食o的喎！   ^_^

Then 買地圖……西西個軍用袋真係好好用呀！跟住我o地四睇行，四圍睇……

個仔話喎，男染到個頭金到唔金o個隻一定唔係香港人。著到好鬼in都唔會係喎！女的，當然看身材啦！

冇乜斬鑊，亦都冇靚女！跟住我o地睇地圖做人……原來個仔同西西o既Map reading唔差o架喎！我o地經過絕對車多的馬路，到達賽車場！……多謝西西睇得起我，佢認定我絕對會飛車！亦都因為咁，多o左個名—「軍馬」……有機會的話，試試看吧！今次尚未有心理準備，恐怕自己一出場已炒車！ ^.^

賽車各有各風格，我同Ashley坐起酒吧到望……佢o地三個真係……好唔同！我o地唔玩係正確o架！

六點幾，大家樂歇一歇腳，再步行至羅湖城！

羅湖城果真是罪惡城！

五十五包煙就足以滿足到西西同個仔……但係一時之快，咁就冇o左一個月命啦！

七時許，一行五人回到粉嶺宿一宵。

乖女及時於晚飯時間join我o地……

P.S. 熟我的人會知道我會行得好快，無影無、大頭蝦、亂o黎……去到深圳，唔夠膽啦！話晒唔係自己地頭嘛……為了避免不必要的意外，全程都係俾個仔扯住走！但係跟住佢咁走法，我都係有o的驚……但佢話信佢喎……

P.S. Sandra，不要這麼的不開心吧！看開一點……^_^

My Sassy Girl (Flash)，多謝KT的推介！  ^.^

好好玩o既Game……玩到眼都矇！多謝Cody！   ^_^

文字o既力量係大到你估唔到！就算一個字都可以嚇親人！究竟發生乜事？

原來仲有好多相未放上o黎！

今日做o左馬主！

死啦！冇婚姻線……heheh……

後記︰我o地回程時，有警察話要查身份證，成車人準備晒o既時候，佢o地又唔查……咁叫做查o左？

P.S. Sandra，你o既hp已大致完成啦！等你返o黎o既時候，再教你、幫你整靚o的！

P.S. 今日又link 多兩個朋友 hp...

甚麼Funamental、Black Magic、ABC、o個o的魔術咁就玩o左大半晚啦！heheh……我都學o左一、兩個小魔術呢！hahah……   ^.^

嘩！訓到頸都痛……   >.<

Cody，一條友飲o左十一罐啤酒……變態o架！小心身體呀！

係喎！大興，你估我o地幾條友幾時可以打破飲三十多支酒o既紀錄呢？   ^_^

今次camp有點美中不足的是︰冇得睇星星、睇流星！

tired 到趴街，爭o的唔記得落車！

星期五快o的o黎啦！   ^.^

P.S.廣西的簡稱是「貴」。

P.S. KT的功課，幾正O架！   ^.^

終於放晴啦！可以到沙灘玩……^.^  晒黑o左少少！

咪又係一樣咁「發」蛋，有乜分別呀？

唉！Sandra又飲啦……

P.S. 呢期o既大廚係Sandra同安仔！謝謝你們啊！皆因自己唔識煮o野，唯有洗碗補數！好讓自己個心好過o的！

下雨天，冇得睇星星，睇流星！

我唔鐘意人o地管我，我亦都唔鐘意管人！正如你地o既結論，冇人管到我！   ^_^

真真正正體會到Sandra 發酒癲啦！……都變態o架！下次唔准飲！

再續……考完試後，悠長假期開始，一切由今晚盡慶開始。

「蟋蟀面對？？（蟋蟀），迴響也如同幻覺。Shall we talk，Shall we talk……」

原來而家唱K夠鐘 o既通知方法，再唔係熄o個個小小o既螢幕啦！

and then, the next station is KK bar.

有波睇……個仔又授課啦！（^.^） 如果俾我揀，我會揀「7」，because it's my lucky number。

我同個女都唔識睇波，面前四位人兄做現場直播，明o的唔明o的……不過佢o地講得好好笑！

唔通老竇對個仔同對個女o既態度真係唔同？

正如西西所講，我係溫室長大……由細到大，我都唔需要顧慮好多o野，搞掂自己就得！兩位大人盡可能滿足到我，根本就唔知咩叫辛苦！西西，你算係生性o架啦！唔係個個都好似你識得咁諗，咁體諒父母o架！其實，你都好鍚你老竇！

如果有得俾我揀，我會依然選擇擁有一個童年生活。將來o既o野，將來至算。童年生活係用錢買唔到……人一世，物一世，點都要擁有。

個仔曾經講過佢做過暴風少年，尋晚佢講o左好多o野，我冇諗到佢會暴風成咁……不過，而家修心養性就得啦！

嘩！乜而家何記o既校規越o黎越怪o架！連著乜底衫、底裙都要管！連著唔著外套都要管埋！……好彩早走早著！

P.S. 飲到成肚酒，冇乜胃口食o野！

P.S. 晴天會長，你o既洗cons方法簡直令我嘆為觀止！好心你啦！顧下你自己對眼啦！

P.S. 呢期好想養馬…… 仔！

o下？o的人唔係咁狼死呀？七樓，杜雷絲包裝已撕開的一角。

四期考試，呢期係最豪！

我諗我個GPA o既走勢係有個pattern。

考完試都未諗到去邊玩……於是由最近玩起！

The first station is Festival Walk 又一城……o係DisneyLand見到個好得意o既藍色小魔怪（查實我都唔知叫乜名！），爭o的想買……忍！

你再講多次隻鸚鵡，我真係喊o架！   >.<

個仔話喎，睇波可以學到好多o野喎！歷史啦、Physic啦、Chemistry啦、Biology啦、、Geography啦、Maths啦、FM啦……好！我而家開始學睇波……今日都上o左唔少堂，包括有關皇家馬德里、西班牙歷史、球場……

咳藥水+可口可樂=strong chemical reaction（其他汽水溝，係冇咁o既reaction！）

原來金魚街真係好多o野睇o架喎！我好鐘意o個o的「火燈籠」，好靚呀！差o的想買返屋企！Jando話，擺o係locker 養喎！都得喎！還掂個locker冇o野擺（好似好耐冇探過佢……），擺缸魚o係裏面都得喎！咁就可以迫我成日探下我個locker啦！

我絕對接受唔到o個o的皮膚粗糙o既「四腳爬爬」。若然你o地誓要將佢送俾我作為生日禮物的話，唔該call 定白車！  ^_^

我諗個仔呢排讀Law讀上腦啦，事無大小都sue人。今日佢又話我同碧琪o既Diary成日quote佢o的o野呀，要告我o地，仲要收我o地版權費喎！

《千里買衫記》o的男仔話成日練大隻，可以吸引o的女仔喎！係o既！都有o的o既，但係如果練到大隻，就會遇到買衫o既problem。因為某o的原因，西西要迫住買件新衫替換，我o地陪佢o係新世紀行晒極有可能有佢size o既鋪頭，可惜都係無間o岩！反而，我同個女買o左心頭好！最後都係要委屈佢到弼街附近買件勉強o岩佢著o既衫……

晚膳o個間台式食肆錯漏百出，連埋邊張單都錯！唉！……不過，o個杯「荔枝綠茶」好好味！

有o的名真係好好笑，再加埋Ken同西西o既演譯，笑到流眼淚……乃水、乃滴、有松、有景、有枝、有葉。

then 唱K……哈哈！贏o左「百萬富翁」，半打啤酒，一人一罐。

都唔記得發生乜事啦……only one thing！溫FM！

我睇波，你o地唔使咁大反應呀？

雖然唔係幾識足球o野，但係我都知邊個係施丹……o拿，o拿，o拿，入波！Yeah，1︰2，施丹，好o野！

我有一個夢想，我可以翱翔星空。

我有一個夢想，我可以食極都唔肥。

我有一個夢想，我可以登上世界之峰。

我有一個夢想，我可以無憂無慮地生活。

我有一個夢想，我可以擁有童話式的愛情。

我有一個夢想，我可以有多啦A夢的百寶袋。

我有一個夢想……

「夢想」有很多，但終歸也是「夢想」，不可以實現，不過，我們不可以沒有它。雖然不能夠實現「夢想」，但「理想」可以。"Ideal" or "Perfect" is just a state of performance. If you want to do the best, put more effort as you can.

完場，結果1︰2，當然係皇家馬德里贏，有施丹喎！呵呵……   ^.^

「你想我一百年後俾$100你，定係而家？」「而家俾！」「好，呢度有八毫子，俾多你！」「你玩我？」「冇呀！我計返個一百年後Present Value俾你，係七毫半子。冇玩你！」【好啦！如果大家溫緊FM而有興趣practice 下就計一計個interest rate 啦！】~~~ 出題人︰乖仔Ken

開始明白此PV不同彼PV，此FV不同彼FV。

一個中途走o左去游水，一個中途走o左去做Gym，搞到我都想去打波！

大家溫書同時，仍然諗緊考完試後即刻有乜搞作……聽日再諗！

P.S. 各位如果有part-time 可以介紹的話，請通知我一聲！THANKS！

Ricky，唔好咁唔開心啦！   >.<

最後都唔知溫o左乜……Sandra 都怕o左我，俾o左兩份Notes我讀……結果係，對住份卷的第一個反應是︰4條作文題目，作邊題先好呢？

仲爭一科……加油！不過係要計數，最唔鐘意！   ＞.＜

好少可正係得我o地三仔「九母」食飯，聽佢o地講o左好多o野，原來我miss o左好多精彩片段！今晚好開心，謝謝你們啊！好耐冇試過真正擁有咁o既晚上啦……很舒服的呀！   ^.^

死啦！連個仔都話我肥o左啦！真係要減啦！我要做一個靚靚阿瑪……我要打波、連最唔想學o既游水都想學埋（有乖女陪我，咁我就會俾心機學啦，咁我o地就要拜託乖仔你啦！）呵呵！

今年暑假好似幾充實喎！hehhe……

對住未讀過o既CB notes，都唔知點入手！   >.<

晚上十時許，總算完成了一半……   ^.^

仲有兩科，衝埋去！

RM比預期中淺，希望呢科major有返咁上下分數啦！   ^_^

你o地一個二個話考車牌，我考o的輕量級—MOUS，希望今個假期可以考埋佢，咁就好啦！

死啦！發覺部腦有o的問題，一部可以入到AIMS，一部入唔到……乜事呀？(>.<)

碧琪，生日快樂！阿瑪祝你「心想事成」、「開開心心」！大個女啦！阿瑪老啦！要自己顧住自己呀！知嘛？

"......that educational productivity rises if parents have more choice among schools. That forces schools to become more efficient to retain students.......By contrast, a new paper by Alan B. Krueger of Princeton University concludes that an effective way of improving educational outcomes is to increase spending to reduce class size."   ~~~from《Business Week MAY 20, 2002》

前者都講得幾o岩o既！香港o既中學發展都差唔多係咁……但係如果increase spending to reduce class size can improve educational outcome，那麼香港的大學教育是一個失敗的例子。幸好，個research 話呢個方法doesn't work！

究竟七十萬一個大學生是否物有所值呢？仲要貴過其他世界級大學喎！自己身為一個大學生都好懷疑，有陣時，我覺得政府過度鍚o的大學生啦！

「目的」是一種無形的動力。小時候，在婆婆面前許下了一個承諾，她已忘記了，可是我一直銘記於心，不是說完便算。現在履行了，你的孫女可不是信口開河的呀！。

今晚又在母親大人面前許下了一個承諾，我一定會履行！做不到的，正衰女！^_^

想不到買甚麼母親節禮物，索性帶她週街食！滿足她之餘，又可以滿足我喎！heheh……一石二鳥是也！

又考完一科啦……應該係話又吹完一科啦！

字典的另一用處︰訓覺。

《The Eye》的驚嚇程度比我預期中低。或者受多個因素影響︰1）同場有一大班嘈吵的中學生助慶；2）自己太倦；3）坐位問題……但我已經揀到附近冇乜人坐o既位……

如果預知的事是最後結果，誰也不能改變。要是能夠改變，那個所謂「預知」又是甚麼回事？

以為隻左con 又係咁先……好彩！搵返……如果唔係，就即將第五隻啦！   (^_^)

要得到父母o既信任同放心，做仔女o既就要識做。正所謂「讀書時讀書，遊戲時遊戲。」好似而家緊，考試季節就多o的留在家中，攤開堆書呀、notes呀，溫唔溫到書就另計，起碼父母知自己都有為考試出過力啦！考完試之後點玩都得啦！去玩o既Quota自然增加啦！

聽日考Law，仲想去睇戲……最後都係冇睇！真係想死咩？考完試先啦……定係聽日考完去睇呢？《見鬼》很吸引啊！

直接或間接溝通技巧

在這世間上，有兩類人。其一是做人、處事、說話時，非常單刀直入—非常「直接的人」。其二做人、處事、說話時，非常兜圈—非常「間間接接的人」。

前者有些時候，基於太過直接的關係，因此在人情世故上，可能很容易開罪別人。反觀後者有些時候，由於太過喜歡轉彎抹角、待人處事未夠直接爽快的關係、因此在人情世故上，每每給人拖泥帶水的感覺，既慳自己時間，更極有可能浪費了別人的寶貴時間。

If「直接的人」, then 毋須大玩「心交戰」。

If「間間接接的人」, then （1）細心聆聽對方每一句說話；（2）著重留意對方背後的意思；（3）全面觀察對方的表情、身體語言、用字方法、說話高低聲線、言行是否表裡一致。

If you communicate with the INDIRECT one more, you will be more patient and understand someone deeply.

~~~ from somewhere

「堆積木一樣，我未厭倦過，就算木塊被人推跌，只會重新疊過，換了另一個方式，重新疊過。我對自己說，人生本來就是如此。」   ~~~from《網海觀瀾》崑南

誰說男女之間不可以做一對好朋友，做彼此的守護神。

《流星花園》勾起我不少回憶，亦都使我更清楚自己想要o的乜。《流星花園》就好似一個stimulus，give me a positive reinforcement，then 迫我繼續睇（consume）！【原來Consumer Behavior o的 concept都可以咁用喎！】

好想食糯米雞呀……係雞包糯米o個隻……魚涌邊度有得食呀？   ^.^

我都話笑得多會有魚尾紋o架啦！但係我冇諗過會有雙下巴喎！

「只怕我自己會愛上你，不敢讓自己靠的太近。
    怕我沒什麼能夠給你，愛你也需要很大的勇氣。
    只怕我自己會愛上你，也許有天會情不自禁。
    想念只讓自己苦了自己，愛上你是我情非得已。」   ~~~from《情非得已》庚澄慶

要不是細佬找地方安置他新買的電腦，那些十多年前的「文物」也不會出現。翻閱那些一張一張的聖誕卡，當中又有幾多個依然保持聯絡？沒有……Sandra，那你明白當初為何我會堅持「三分鐘的友誼」嗎？現在不會了……唔知o個班那時還是一年班的「塞豆窿」怎樣呢？現在應該中五吧！到目前為止，我只認得她一個，不過每次碰到她也會心痛，她本性不壞的。那個俊俏的小男孩呢？現在應該長得高大英俊吧！那些同班小學同學、中學同學又怎樣呢？若有機會，我真的很想與他們一……

開始明白「男人唔壞，女人唔愛」o既道理。

為「這」不開心、懊惱，甚至想過死，不過已是十多年前的事了。也想不到自己可以撐過去，雖然還未能完全接受……有時夜深人靜的時候，會胡思亂想。即使自己忘掉了一切，我永遠不能把「這」忘記，因為「這」永遠會跟隨著我……直至自己舒出最後一口氣。不過，上天已對我不錯了，失去了「這」，還剩下「那」、愛我的人。你給我聽著，我是不會向你低頭。撐了十多年，沒理由現在說放棄吧！我會撐到最後一刻！哼！But也謝謝你讓我過著沒有「這」的日子，在這段日子，我學會了如何堅強，如何面對現實。

挑戰豐富了人生。【工作、學業、人際關係如是】你願意接受挑戰嗎？我願意。

沙律考完試，主席基又考完……人家還有四科呀！努力中……   (>.<)傻瓜，快o的做好你o的功課啦！仲以為你今個sem 正係做Project 添……我諗你離2.5不遠呀？Good Luck 啦！係喎！你報o個o的courses知道結果未呀？ Violet你呢？好耐冇見過你o地啦！  ^.^

沙律，你借給我的《流星花園》已把我細妹迷住了，睇個勢，佢要呢兩晚睇晒！唉~~~  (^_^)不過，我o地兩個都俾道明寺這個角色的性格迷住呢！呵呵……

sorry，大興……本來你可以中Mark Six 的……  >.<

你們兩口子又怎樣了？真的給你們嚇怕！

有o的人做事會越做越hair，慢慢忘了自己當初的理念、原則，但有o的人會越做越起勁，堅守自己的理念、原則。你屬於邊種？

P.S. 沙律，謝謝你的手信呀！

努力中……Law埋尾啦！識唔識就另一回事！

開始溫RM……

四科罷了，俾心機！考完就盡玩。

希望呢個暑假讀埋Academic Skills，咁就安樂啦！最後一年都讀得輕鬆o的！ (^.^)  好明顯我讀到而家都唔知自己需要讀o的乜，正係知道要修畢幾多分……唔該哥利！

做得高級並不代表樣樣精，甚至會引以為笑。細佬幫某公司o既某高層人士解決網絡問題，問題係……答案係，佢唔click CONNECT又點可以上網呀？其實仲有好多政府高官都係咁……政府積極向市民推行ESD Life，但自己的內部……唉！仲有呀，o個o的電腦system 隨時老過我同你而家用緊o個o的！應使錢o既地方唔使！這就是政府啦！

P.S.有點不滿，有點失望。   (>.<)  but I believe there will have a change. (^.^)

「自己的價值是由自己決定。」   ~~~《庶務二課》

o的Law 有o的起色……算係咁啦！由頭到尾都冇堂上過……

不過係時候要掂下o的FM 啦！

一定要Keep 住 2.5 以上，唔跌得！

發夢見到自己生o左個BB仔，有個鍚自己，照顧非常周到o既老公！（好一個幸福家庭寫照，唔知會唔會實現呢？看你了！）   ^.^

HIGHLY RECOMMEND︰我的野蠻女友

「牽牛，你聽到嗎？牽牛，對不起。我真的不想這樣。牽牛，對不起，對不起。我不想這樣！我自以為與別不同，我其實是個軟弱無力的女孩。牽牛，對不起。」   ~~~《我的野蠻女友》

「假如我倆是注定的，必定於某處相遇。」   ~~~《我的野蠻女友》

或者會有人問現實哪有男友像《我的野蠻女友》中的牽牛會這麼遷就、容忍女友。事實是，有的。  (^.^)

老一輩說得沒錯，人越大，越覺時間去得快。我老了……咁又過o左三分二o既大學生活。我享受當中的一切，無悔自己所選擇的。看回自己第一年Ocamp 的相，看回自己第一年所寫的一切，自己的確變了不少，是好是壞不緊要，因為人要變才有進步。

搞莊唔係話搞就搞，人力物力不在話下，the most important is 大家一條心。雖然上唔到莊，但係大家o既大學生活各自各精采。唔錯，唔錯。大興o既生活都越o黎越精采啦，最重要係你搵到佢，呵呵！好好珍惜人家呀！好男人！哈哈……   (^.^)   亦都因為上莊o既關係，我就無端端有對寶貝仔女啦！

第一次被人CON（係單獨一個人，身邊冇阿Ken、Joey 他們），o個種心情仲記得好清楚。咁就開始我於學生會工作的生涯……  ^_^

成績跌落谷底……

識了不少人，不能不提的有︰主席基、安仔、油王、Sandra。多謝你們！

少不更事，感到事事不如意，極度沮喪。

二零零二年，一切從新開始。

這個hp 亦由二零零二年一月一日啟用，希望記下的一切是比去年開心。

新一屆學生會幹事會上任。

成績跌落谷底，驚足成個Sem……好彩最後俾我o黎個大翻身！Yeah！

識了晴天會長、馬高等人（嚴格來說，去年年尾已認識！不過今年才混熟吧！）

與Council 新班底合作。

二零零二年五月四日，我，王可欣，對自己許下承諾。一定要珍惜餘下的大學生活。我現在所得到的一定要珍惜，未得到的一定要爭取。自己所學懂的一定要好好運用，未學懂的一定要學。畢業的時候，我要比任何人得到更多！學得更多！

靚妹已找到了自己的目標。我呢？有了，我要將之一步一步實現。

咁又考完兩科啦！都唔錯！

落實20/5-22/5去camp！快o的考晒試，咁就可以盡情玩啦！Yeah！

唉！又買Cushion 啦！都唔知第幾個……母親大人︰「究竟張床係你訓定Cushion訓？」

沙律就o黎返啦！Yeah！

如果我講乜都靈o既！咁我一定要做神婆！……大興，你話o架，呢期Mark Six贏錢的話，分一半俾我o架！

女，小心為上！希望你冇乜大礙啦！不要擔心這麼多。

仔，你唔好有口話人，冇口話自己啦！我呢個阿瑪都唔知幾乖呀！冇飲個多月啦，你唔好當我係酒鬼至得o架！餐餐飲酒當食飯咩？我有分數喎！顧下你自己啦！你咪仲飲得多過我！飲少o的啦！仲有呀……食少o的啦！又煙又酒好傷o架！……仲有西西呀！唔好以為大隻就放肆呀！唔好帶壞我個仔呀！（講笑咋！總之各位保重啦！^.^）

0000，以為今次的心理重建可以峻工，想不到（自己？）一手又將之一步一步摧毀！

1245，謝謝兩位大人！雖自己沒說甚麼，但每次感到失落、徬徨無助的時候，你倆總是無形地在旁鼓勵我、支持我！I Love you. 唔……開始覺得屋企唔係一個「避難所」，因為「避難所」係一個逃避現實o既地方。取而代之，屋企係一個「加油站」，無時無刻o既關懷、支持成為一種無形o既動力促使你去勇敢面對一切，解決一切。……當然啦，仲有一對寶貝細佬妹鍚我、支持我……其實你o地諗o野、處事比我還成熟呢！ 唉！我這個做家姐的……hehhe……anyway, 謝謝你們啊！

記得多年前，有個老伯伯語重心長對我說︰「幾生修道才能成為家人，要好好珍惜他們。」我會的，一定會的。

溫書溫到無聊，睇返以前寫o既Diary，have some comments……

以前認為人與人之關係尤如「即食麵」o既我，根本不在乎如何維繫彼此之間的關係。現在不同了，我很在乎，這都是因為Sandra、安仔、Marco。……我真的希望自己的心理重建可以快點峻工。

主席基同Violet，我不再是你們剛相識的小朋友了，我成長了！多謝你o地做我o既背後鏡子！Violet，去年你於聖卡中寫的一切，真的使我鼓舞！我會繼續努力的……謝謝你們！（^.^）

由細到大，我都好Buy呢句︰「唔跌唔大！」

去年某一日的Diary︰【幹事會 VS 評議會】？【幹事會 <--> 評議會】？【幹事會 > 評議會】？【幹事會 < 評議會】？想想這個問題吧！

P.S. Ricky, 加油！

17th編委出了他們第一期的CitypPrint，以下純熟本人意見︰

1）圖片影像︰一係細到睇唔到，一係大到矇矇查查、走晒樣！連封面張相……唉！【建議︰好好善用PhotoShop等其他處理圖片影像的軟件吧！】

2）字體大小︰嘩！o的字真係細到睇死人！有o的Topic都幾想睇o既，但係o的字細到我Skip o左佢！【建議︰好好控制字數吧！我相信字數少，不等於沒有內容。】

3）字與背景的配搭︰即係咁，如果個Background係白色，o的字唔該用返深色o的。唔好白色背景，黃色字……真係睇到盲！

4）段落︰有幾篇文章o的段落不是重覆、就是排錯次序。【建議︰小心校對吧！】

*************************

今日的結論是︰究竟我o地而家係乜心態o係一齊？

今期的問題是︰妥協？改變？

今期的課題是︰公私分明，處事硬朗，信任。

主席基，是我認識這麼多人中，最能夠做到公私分明、處事硬朗的一個。

放心吧！沒事的。Thanks！(^.^)