對住篇CB Journal半日，都算有o的成績……快手o的做埋去！跟住又趕第二份assignment！

同Ricky 路過PAGE ONE，走o左入去睇。有本書吸引o左我o地駐足觀賞，書名叫做“The Worst-Case Scenario Survival Handbook: Dating and Sex”，有頁講到how to duel with wet kiss，方法好簡單，手指公便可以了。仲有其他好好笑o既o野，我諗o個個moment，睇書睇得最嘈o既人非我o地莫熟啦！

今日一次過俾我睇晒三個「新頭」，其中一個冇乜咁大surprise，都估到係點。但係Ricky 同安仔就……「嘩！」首先，我未見過呢兩位先生咁短頭髮o架！第二，覺得佢o地個頭同Eddie 有得 fight，可以話係同類。

「幸福不是別人給你的禮物，也不是別人給你的施捨。幸福是由自己掌握的。」

今日做o左乖乖女，返學校做完o野後，乖乖地於晚上八時前回家。母親大人和細佬以為我病了早回家，可見我真係幾「常常」早回家啦！

尋日，Ricky 話自己仲未即時接受到自己個新髮型，所以冇同我o地去食飯。今日，Sandra又同我講，佢同安仔又換了個新髮型。唔……搞到我都想換埋添！電直？染髮？有冇人陪我呀？

講開染髮，即刻諗起女番……隻紫色真係染得好靚呀！

我終於明白阿姨點解可以玩到日夜顛倒，唔返屋企，訓到日上三竿……我做了她的翻版。hehehheh……

一大清早，三個無聊友研究乜「龜」物「龜」住o係鹹水定係淡水。當中有提及過巴西龜、金錢龜、潛烏龜、烏拉圭……跟住我問︰「龜同劉子俊有乜關係？」個答案係……唔打啦！自己諗下啦！(^_^)

真係好tired，一訓就訓到2點幾……連堂都冇上！（很久沒睡過這麼甜了！ ^_^）

Marco, I don't really know what happened last night even I heard something from you and Eddie, try your best! I believe you are really a good IVP. (^.^) 哈哈！見到你咁o既樣，我更加要俾心機做好自己本份！你都要繼續俾心機呀！

Exco同Council 始終都係企o係唔同point 睇o野，做返自己個職責，衝突係在所避免。

做一個稱職的評議員是需要時間浸淫，並不是一朝一夕的事。

人要耳聽八方。【我學習中，你已經做到了。】

幾滴咖喱汁犧牲了兩件衫！   (>.<)

轄委新一屆主席終於誕生了……恭喜你呀，阿聰！仲有Sandra 同阿Jack就做o左Vice！當然唔少得個秘書沙律啦！

清酒真係別有一番味道，好！(^.^) 究竟我飲幾多酒至會醉？我都想知……不過都係開心時又有熟人睇住我先敢試！費事出事！（^_^)

話說有一日，兩個傻婆手牽手行街。o個日天雨路滑，大傻婆同小傻婆講︰「小心o的，因住跣親。」小傻婆就話︰「跣親都要搵你扶……」兩人安然地步過濕滑的路到達地鐵站。兩個傻婆見到一列地下鐵快將開出，她們手牽手便加快腳步趕上。小傻婆上了車，然而此時月台已響起了DoDo的訊號，此時，她們的手仍然緊緊握著。小傻婆的手被門夾著，兩個傻婆就隔著車門對望狂笑。地鐵的門真的很敏感，即使夾著一條繩，它也會重開。因此，列車的車門再為兩個傻婆而開，小傻婆隨即拉大傻婆入車，然後狂笑！當然，她們已成了車廂中最矚目的一對。「下一站是深水。The next station is Sham Shui Po.」兩個傻婆尚未笑完，又再狂笑，原來她們搭錯車。對面的男人已經笑不攏嘴，現在還……真的瘀死了！

話說又有一天，兩個傻婆左一袋，右一袋過馬路回校時，綠色的交通燈突然亮起。剛剛走到一半馬路的她們被駛過來的私家車嚇呆了。過了數秒後，她們才急急退回原位，再等候紅色的交通燈號……

應該會再有續集！下次取材地點可能o係電氣化、巴士、的士……那視乎以上兩個主角了！   (^_^)

好耐好耐以前， 有個叫拉燊（英文名係License）的人於Council 房中以「超巧型飛機」摧毀Council 首腦—Eddie的「文件大廈」。首腦發出聲明強烈譴責拉燊所為，並聲言會作出反擊。拉燊隨即找了「山洞」匿藏，然而給首腦發現，而且向他作出猛烈攻擊。【以上純屬笑話，只有今晚在場的八個人才真正領會其精粹所在】

P.S. 今日一覺訓醒以為係星期六，到夜晚至知今日係星期五……有點兒不習慣呢！

咁早返屋企，有o的唔慣添！靚妹陪我癲完一陣，得返我一個人……悶到死！週圍搵o野睇……睇完Cody某一日的日記about「有冇諗過自己聽日就會死？」。

如果一個「唔該」聽日就離開的話，咁都幾好呀！冇乜大病痛就咁去o左喎！係福份o黎o架！好似佢咁……不過愛鍚他的人會心痛不已！如何教人接受這個突如其來的事實？

如果一個「唔該」聽日就離開的話，我會o係另一個世界搵自己o係呢個世界無可能實現o既o野！

咁多如果，都係實際好，大家要為自己的每一天努力。

女番唔提我，我都唔記得要傾功課！

終於開第一次細Coun，but 遲到早退……冇下次！

Sandra，如果下次早休會或散會，去多次o個度食雞粥、燒乳鴿、炒硯丫……仲有蠔餅！真係好好味！

好明顯我係冇乜運動細胞……桌球同保齡球都係好鬼「屎」！hehe……

一連兩日都要迫住我聽《我信》，我真係癲啦！

Sandra，你要顧住自己身子呀！

3個鐘Law上o左15分鐘……最抵死係o岩o岩坐低就點到我個名啦，Sandra都話我有冇咁橋？冇法啦！

好耐冇試過星期三晏晝唱K啦！忘記o的中學開始放假添，勁多人！唱o左3個鐘都冇！

Sandra、阿聰，我會記住你們的「好事」，那首歌……哼！  (>.<)

今晚終於同Sandra 佢o地去7樓食咖喱……我的至愛︰巴辣雞！正！原來馬騮食咖喱個樣好好笑！真係唔食得辣喎！

睇完大興個Diary，突然好想睇螢火蟲，但而家仲有邊度有得睇呀？（大興，你好殘忍呀！你竟然……）

一個故事︰「我比任何人更珍惜你」他紅著臉說。聽罷，我的心甜絲絲的。但那種感覺只是維持了片刻，心又有另一種感覺，是一根針刺下來的感覺。「因為我是你的朋友嘛！傻瓜！」我說。 ~from自己

一首歌︰「小時候跌倒留下的傷口長大了以後還在，但痛的感覺已經輕輕的模糊。就像愛情，當愛人離開你，傷口變成愛過的證據。久而久之，在心底匯積成一本筆記。提醒自己下一段感情如何小心，如何珍惜，如何處理。」 ~from 王力宏《傷口是愛的筆記》

又一首歌︰「為你變堅強，相信你的眼神……為你堅強，就不怕犧牲」 ~from梁靜茹《無條件為你》

兩個疑問︰到底我幾時至會真正痊癒？到底我 會為誰變得堅強？

Eddie，我服o左你啦！咁「多」錢都出到街？好o野！

KT，好！我盡可能返多o的屋企！

仲諗住今日可以帶返cons，點知間o野話副cons冇貨，佢話盡量幫我搵喎……頂！

「大學生飛行計劃」o個幾個地方，好想玩晒呀，except 英國巴黎！

人o地話拍拖有三大個關口，似乎又講得無錯！（1）中六；（2）大學一年級；（3）出來做事的第一年。

Marco, GET WELL SOON！

P.S.: 都話肥明好人o架啦！有義氣……咁你記住提我拎返本書俾你啦，否則罰到你喊呀！

凌晨三時許，終於完成份Law，得返半條人命……餘下o個半條人命點分配？溫書、測驗、開會。

結果R&S絕大部份都係吹出o黎！

幾驚今晚開會會好鬼眼訓……好彩冇事！

晴天會長 + 兩列往同一方向、相距甚近的火車 = 可愛、得意 （讚你都唔得，仲要俾你搣添！瘀o左啦！你開心啦？）^_^

睇住你o地兩兄弟你一言我一語，真係好鬼溫馨呀！不過，好似仲爭o的o的o野，自然。唔知係咪你o地唔慣o係其他人自然相處定係你o地平時都係咁？如果後者的話，要改了。知嘛！你個好細佬很尊重你，鍚你。

今個星期返多o的屋企先，鍚下我o的細佬妹先……嚴格上來說，係向佢o地撒嬌。（^.^）

今次FM quiz擺明打天才波！

一口氣買o左3條scarf，過份o左添！但係呢三條scarf 都唔係今日行街o既目標！o個條Anna Sui新出o既黑白配搭手巾仔至係真命天子，但係行o左好多間舖頭都 冇貨！(>.<)

睇o左好多唔同顏色o既染髮劑，再睇o左好多「人辦」 ，你都係唔好玩到咁fashionable啦，要顧返個image呀！

乖乖地溫書、做功課……跟住去玩、搞Ocamp、專心一意做Council o野！加油！Yeah！

P.S.主席基，多謝你的禮物！ ^_^

原來開會係咁！(~.~`)

趕功課、有測驗、要搞Function 絕對唔係缺席會議好藉口。做得Councilor就應該要知道自己個責任，唔好以為簽o左名就算！仲有，開會就係開會，睇雜誌呀、打機呀，唔該行埋一邊！

老鬼並不等於一切。

將心中積下來的不快爆發出來後，舒服了很多。如果去年我懂得這樣做， 而家個局面會係點呢？

我絕對贊成人向高處望，達到某個goal 後，再將個goal set 高o的。

要團結一致？無錯大家經歷一o的o野可以令大家more cohesive，但係好多事實證明係好難……且看看你的功力了！

Marco，某程度上，我同Eddie佢o地都好認同你的處事手法和表現。(^.^)

短期目標︰1）GPA唔准跌！最好可以有2.8啦！2）要好好幫Eddie手，做到佢要做o既o野！3）對人、對事都要有信心！

P.S.唉！又整唔見隻左邊con……已經第二隻啦！

Ricky 話Marco 睇人睇得準，冇錯！冇錯！

我覺得笑已經係一種奢侈品，何況由心笑出o黎？唔怪得你話我笑得唔夠真……但其實你自己又何嘗唔係？

好多o野我都會諗，但係我唔會有結論，係因為怕見到個結果！正如你所講，半途而廢！

要將個心交出o黎，對我o黎講真係好難，由細到大，我都係唔想麻煩到人，少講為妙！當然！我怕被人出賣。自從識o左Sandra，情況至稍為好轉……當然，識到你亦都對我呢個「病情」起了作用。

要將心交出o黎，除o左要信任人，仲要心口掛個「勇」字。其實，做其他事都要「勇」。

你問我最開心係乜？幾時發生？o個一刻我腦一片空白，有乜事可以令我感到最開心？諗唔到，但我諗到最傷心……知嘛？我想喊o架！但係我講過，除o左o個一日，我絕對唔可以喊！到訓覺o既時候，仍然諗緊有乜最開心事……原來係冇！at this moment？冇！中學？冇！小學？冇！小學前都冇乜印象……係咪自己貪得無厭呢？

企o係塊鏡面前，望見自己對眼，好驚！對眼無神、迷惘，根本唔知自己做乜，好似一個機械人……究竟我做緊o的乜？有乜目標？

Marco，多謝你！我又對自己清楚了一點……   ^_^

希望有一日，Sandra、安仔、Ricky同你可以見到我笑得最真o既一面。

我要忍……

新一屆轄委nom 夠人啦……Yeah！

女，我有諗過個nickname落全名，但係驚佢唔鐘意嘛！放心！經此一役，我會記住o架啦！尤其是你同乖仔！(^_^)

手指尾仍然好痛……豈有此理！(>.<)

死啦！呢期太多坐言起行，尤其是食o個方面……嚇親個女！……我好想試o個個咖啡，好吸引！

Yeah！Kate and Luc o係一齊……戲就睇晒，但我都唔知o個套係乜戲喎！

晴天會長話︰「女人使男人失去方向。」但我個女話︰「乜唔係調轉咩？」究竟邊個o岩？

Ricky聽完之後，即刻度o左個廣告……都幾掂喎！

死啦！嗌o岩晒人o地個名，唯獨個仔o既名嗌錯，都唔知點做人阿媽……唉！放心！我會記住o架啦！

好啦！既然有要求，咁寫親同你o既o野就響你全朵啦，Marco！【咁樣得啦掛？】 唔好口輕輕話蒲少o的，通常o的人講就易，做就難！（^_^）病人，準時食藥呀！休息多o的啦！

《男人四十》is ok la！但都係《女人四十》好睇o的！

好耐之前已經想試下紋身，而家都仍然想試……但係我驚兩位大人……算啦！唔逆佢o地意，鬼叫佢o地鍚我，唔激佢o地啦！

今個星期六有FM Quiz，coming Monday 失驚無神又有個Test仲要交Law 功課……仲有o的乜呀？真係乜都唔想溫呀！

如果相遇是緣份帶來的禮物，那麼能成好朋友、知己便是緣份帶來的特別禮物。我怕自己沒有能力保護它，愛惜它。我很怕，很怕，很怕。我不想失去它……【上下上下堂突然為此感到不安！】真的不想！怎麼辦？

蠻有意義的一篇文章—在你心中有這樣的一個人嗎？

《男人四十》、《Kate and Leopold》、《新紮師妹》、《大腕》、《Ice Age》我都好想睇……但屋企o個堆VCD、DVD又未睇……我有冇咁多時間呢？

本來想睇其中一套，但時間又唔o岩，一係四點幾，一係七點幾……o個時五點幾，入去睇又唔係，等佢又唔係……最後都係唔睇！(>.<)

好唔想溫書呀！不如唔好測……還掂仲有下次……

以為世界變，竟然係你叫我起身？有點兒不相信囉！不過正所謂「江山易改，品性難移。」原來一切都係假象……都係要我叫妳起身！我有點兒被屈囉！人o地好心嗌你，你竟然話我女魔頭、山賊。豈有此理！(>.<)唔鬼理你啦！hehehhehe……

最後未溫晒入去考啦！當然，我都唔會理咁多，一切隨心所欲……不過考試我絕對唔會咁！

呢期好多人頭暈身，小心o的啦！o個個呀，成日發燒o個個呀……收斂下啦！再咁落去，會真係做個正職病人！

如果我真的要減肥，Sandra同Marco 一定要遠離我視線範圍……見親你o地一定係會食！但係有o的難度囉！點遠離呀？唉……唯有做多o的運動啦！(^_^)

轉眼間，年幾咁就過o左去……發生好多事，仲要係我以前未遇過、試過……一切都係由《恤閣》開始，係各《恤閣》人士令我開始一個新o既生活，做一個新o既我……由組莊到promotion，我o地邊個冇話辛苦過？呢種辛苦值得o架！因為大家從中可以學識互相扶持……或者見得多，大家感情會好o的呢個theory o岩o架！以前o既《恤閣》與現在o既《恤閣》……人變、心變……大家o係呢一年多過著各自的生活，經歷唔同o既o野，係咪因為咁，我o地已經再冇乜共同話題可言？【大家背景唔同，好難溝通到……其實我明……但係我接受唔到……其實你講得o岩！】【諗起大興去年INFO，我到而家都好鐘意︰「當一o的人不斷向前行, 另一o的人原地踏步o既時候，向前行o既會話: 你地再唔行就唔等你o架啦！原地踏步o既又會話: 唔好行咁快得唔得呀, 係咪想撇低我地先?」到最後, 佢地就會發現佢地o既距離會愈來愈遠……」 】

極力推介何韻詩的《天使藍》、《水花四濺》同埋《露絲瑪莉》。

P.S.正所謂「你望我好，我望你好。」你覺得我幸福，我都覺得你比我幸福呀！o的父母不嬲都係精神分裂o架啦！講一套，做一套。佢o地唔會諗下自己以前細個o既時候係點……不過咁，某程度上，我諗父母咁做都係為自己仔女好！唔可以怪佢o地……當然佢o地諗o既，做o既每一樣o野都唔係o岩晒，所以自己要好好爭取自己想要o既o野，今日得唔到唔等於聽日得唔到！……鬥耐力o者！

開會……何韻詩……兩次都係因為開會而睇唔到佢表演！好失望呀！

入大學以來最寫意的一天。第一次覺得自己正職係一名學生！

訓到十一點起身，同Sunny 食飯兼溫書……睇住佢本Accounting 書真係想喊！好彩唔係我溫！(^_^)鄭翼之樓算係一個溫書唔錯o既地方，有水、有樹、有雀、有風……勁正呀！今日進度算唔錯，三個小時都Load 到43%，加油！

跟住o係Exchange 落腳，件芝士蛋糕真係唔錯。有機會試埋朱古力先！

究竟自己將來過o的乜生活呢？游閒o的定忙碌o的？

兩個人o既經歷幾唔同都好，彼此o既距離都唔相差好遠，只要你同佢肯花時間互相溝通與理解！情人如是，兄弟如是。

或者你講得o岩！咁玩法係一種發洩，唔係為玩而玩……真係要諗下！你提醒了我！

屋企o既感覺真係好舒服！^.^

好耐未試過咁早返屋企……不過這是有必要早些回家露一露面！

今日真係好鬼死寫意，好鬼舒服，多得你啦！(^_^)

P.S. Sandra、Sunny，你o地話食朱古力火鍋o架……

今日唔使上Law，開心死！一訓就訓到1030啦！

開會……R6159，討厭！(>.<)

又冇返屋企啦！……唉！

Listening 睇戲，但未睇晒就落堂啦！咩戲呢？咁Luc 會唔會同Kate 一齊呢？

最後，幫唔到Sandra整網頁，書又溫唔到喎……兩條友就好早訓o左覺啦！

0215，終於真真正正完成了recruitment and selection 功課，真是嘔心瀝血呀！特別多謝Sunny o既協助！當然仲有死肥明啦！冇o左本書都唔知點做啦！(^.^)

係時候要整張清單︰

仲有o的乜？Council o野唔計啦！上面呢一大堆都死人啦！   （>.<）好！即管放馬過o黎！我同你死過！heheh……  ^.^

如果大家心煩氣燥，心情唔多靚o既時候，我鼓勵大家去聽古典音樂，千祈唔好話悶，真係好有療效o架！以前本小姐真係成日聽，成個人好溫和o架！根本唔會將「發脾氣」三字與本小姐拉上任何關係！……嘔死！hehehhe……but this is a  truth…… (^.^)

唔好咁快玩到咁殘啦！仲有排玩呀！你都識講啦，你咁o既死樣會俾媽咪話嘛……好好休息一下啦！休息完，再癲過！【玩時玩，都要顧下其他o野，知嘛？坐得呢個位，唔可以正係諗住自己o架！】……actually，呢句都係話埋自己o架！點都好啦！休息多o的，飲多o的水至會好o架！病人！    (^_^)

我要封Sunny 做偶像，我終於明白你細佬點解話你小學時已經咁與眾不同啦！你呢個運動健將！  （^.^）你要俾心機做一個好會長呀！relax o的，唔好下下咁拘謹？see？

Yeah，有機會同沙律合作……大家俾心機！   (^_^)

份recruitment and selection 功課依照未做晒……   >.<

今日果然係「與眾不同」，由Sunny 小學時表現的「與眾不同」，再說到呃人錢的大排檔「與眾不同」，接著又說到Sunny 細佬如何「與眾不同」，短短一小時便有這麼多「與眾不同」。(^_^)

與君一夕話，我會記住的。

人總有成長的時候……it's going……

0438，男版TWINS with 一個小露寶、兩支咪唱K！最後，當然俾人投訴啦！

呢期好多人問我點解咁開心，我都唔知點答！唔知呀！係開心就開心，無得解喎！或者心態唔同o左掛！睇到周圍o既o野都係靚、開心……呢個算唔算原因呀？「問我歡呼聲有幾多？問我悲哭聲有幾多？我如何能夠一一去數清楚。問我點解會高興？究竟點解要苦楚？我笑住回答，講一聲我係我。」

原來城軒都有早茶飲，仲以為正係午市至開始添！話時話，我都好耐未幫襯過9樓喎！

仲有人未接受到某種待遇喎！

同Sunny、Marco 佢o地飲茶，好似睇棟篤笑，笑到肚爆！不過佢o地講o既o野有佢o地個道理！(^_^)

社會安定好定唔好呢？「入則無法家拂士，出則無敵國外患者，國恒亡，然後知生於憂患而死於安樂也。」雖則唔記得exactly meaning，但係大概意思係話太過安定就會令人缺乏危機感……到知道有事o既時候，已經太遲啦！

正因為每一個人同時扮演唔同角色，所以好難搞清楚某時候需要扮演甚麼角色，顧及誰的利益。

現實與理念……

近排做了一個「不願歸家的人」！

Sorry, 佩怡……如果唔係極度眼訓的話，我會奉陪到底！……Happy Birthday！

P.S.下星期要稍為收心養性o的……否則會死人……Law、CB mid-term、FM test……應該仲有……等我聽日整返張List 出o黎先！

同Sandra 扮Twins 呀！哈哈！如果我o地買白色的話，我o地又會似送外賣喎！

繼地鐵事件後，又一傑作！真係瘀爆！   (^.^)

又一次漫長的會議！   (~.~)

我諗咁樣處理o的minutes 都會幾有效，下次再試下先！估唔到自己會寫到喎……真係唔試唔知喎！所以話呢，凡事都要做下至知得唔得！

有心做的話，你一定唔會好似而家咁，知嘛？俾心機！

死啦！再咁戴cons 法，阿仔o個番說話真係會隨時應驗喎！

你幾時見過我正常呀？傻人痴話係最真心o架！

終於睇o左《怪獸公司》，好鬼鍾意阿Boo！   (^_^)

開會！

或者呢期太開心啦！連續幾晚都發o的好開心兼且搞笑o既夢！笑醒o左！hahahah…… (^_^) 

呢期好鍾意《跳傘》同《玻璃鞋》！

仲有呢首《I believe》，好正！俾我恨到啦！唔該，哥利！開心死啦！好好聽……不過我一樣都會買soundtrack o架！

Ricky，加油！(^.^)

多謝你o地一直肯遷就我，鍚我……我向得你o地刁蠻任性、撒嬌都係因為你o地能夠俾到我安全感同信任呀！  (^_^)

估唔到《我的野蠻女友》會令Sandra 有感觸o架！Sandra……唔好亂諗o野啦！戲o黎o架咋！唔好當真啦！

我唔知拍拖o既感覺係點，但係我覺得兩個人一齊o既時候應該係開開心心。唔掂咪講到掂囉！

好鍾意Sandra 呢期o既Info︰「今日如果再有人問我，真係愛一個人係要點樣，我會講俾佢o地聽︰
好耐好耐以前，鯨魚並唔o係海裡面，但係因為鯨魚太鍾意海，佢o地唔理入面有o的乜o野，諗都冇諗就已經完全投入。千億年之後，佢o地仍然存在，就係因為佢o地…當時冇怕過。」我就冇呢種勇氣！你o地有冇呢？

給某人甲︰有勇氣愛他，為何沒有勇氣面對你與他之間的問題？

給某人乙︰安全感對女仔來說是很重要的。二十四小時在旁並不等於可給她安全感，她要的是需要他的時候，你便在她身旁，而這個他也要明白她心內想甚麼……

o下？唔係呀化？你竟然而家先話返呢個舊聞俾我聽？不過我真係俾你o地激死！我點會鍾意o的咁o既人？做朋友已辛苦！點解你o地會有咁好o既想象力？

一本簿，內裡記載不少我和Sandra的故事。今天再翻看，有很多事值得回味！你和我也變了不少呢！如果可以的話，我們再繼續寫，直至我們不在學生會工作為止……到了某時候再拿出來慢慢品嚐當中的甜酸苦辣。

真係極度懷疑現在這個刁蠻任性的我是否真的我？因為做現在的我是最舒服的。

唔知我係咪真係可以教到佢呢？希望佢俾心機讀啦！唔好咁快俾郭sir 玩死！

雖然我較為男仔頭，但我都係女仔呀，我都鍾意去爹人，俾人鍚，俾人照顧o架！   (>.<)

極力推薦《我的野蠻女友》，好鬼好笑！真係名乎其實o既野蠻女朋友。Sandra 話我會係咁o既女朋友喎！唔知呢？睇下邊個唔好彩？又或者我會千依百順呢？小鳥依人呢！hehhehehh……我都希望快o的搵返個證實下自己係咩類型。(^_^)

好鍾意《我的野蠻女友》o既尾段歌，唔知邊度有得download？真係好鍾意！

好多戲都想睇呀，唔知睇唔睇得晒呢？《Kate and Leopold》，仲有關芝琳o個套乜鬼o野！

回家途中，諗返以前o的o野。原來我暗戀o既人都係有數個共通點。唔知我有冇機會再同這類男孩拍拖呢？以前沒有好好珍惜，很後悔！現在還可以彌補嗎？確實有點兒難度，遇見了卻不能一 起是最痛苦的！你太似佢啦，諗起好多同佢有關o既o野！

友情與愛情要分得清清楚楚……難！

緣份……就是這樣奇怪！   (^_^)

好！睇完我發up風之後，醒大家一個健康tips……如果唔想成日抽筋，咁就要食多o的紅蘿蔔啦！本人試過，真的十分有效呢！ 不過我真係唔多鐘意食紅蘿蔔！唔好味！ (^.^)

今晚俾KT盡顯歌喉，一雪前恥！o拿！佢o的自信心又返晒o黎啦！哈哈……  (^_^) 我幫你澄清o左啦！

如果有日你發覺我猛咁同你講英文，我應該開始wing 啦！um……考ELC前飲多幾杯會唔會有更加好成績呢？

唔見o左隻耳環…… 唔制呀！ (>.<)

嘩！半個鐘打得o個三十多字，真係服o左自己。呢度可以證明一個人o係極度疲倦時o既工作效果係好唔得！

今個禮拜只有三日o係屋企，係咪有o的衰呢？

點解呢期係要我照顧人o架？風水輪流轉！算啦！鬼叫你o地係我o的friends 咩！ (^.^)

不過呢期我真係好開心！

好多o野會慢慢習慣，慢慢學會，唔需要煩惱！

P.S. 好想要一樣o野，短期內得唔得到手？好想要呀！

一早陪靚妹拎身份證，then見家長。原來見家長真係幾好玩喎！hehhehe...有機會去多次先！不過呢！有o的o野真係證明我老o左啦！以前行上六樓小意思，都唔會喘氣o既，而家……唉……

跟住直落整頭髮，唔……好壞參半！唔鬼理，過埋呢個sem至理！

到目前為止，今年o既開會氣氛唔多健康，幾時先會好返呢？少少都好呀...   (~.~)

開完會例排直落……