一早起身，手同頸勁痛 >.< ……痛到我丫！
繼續執！點解執極都執唔完o架~~~我都唔係整到好亂o者！唉……聽日再續，出街！
半支酒都飲唔到，三分一都唔知有冇……好難聞！ ~.~ 我諗呢個係好事o黎o既！
今晚幾條友好似開演唱會咁……hahah……最大o既卡拉ok 房都唔夠我o地今晚o個度大！不如索性話我o地今晚o係個間pub 表演仲好過！ ^_^
手已經痛啦！Garrick 呢條友係要激我……痛到我死！而家對手仲赤赤痛呀！
有o的人真係好旺桃花……我個仔係一個活生生o既例子！ （仔，你話係唔係呀？）hohooh……
話說冬天出世o既人晒黑會好運o的……我諗對我呢個咁「陰」o既人o黎講，夏天係我o既世界！
Yeah！巴西 vs 德國 巴西贏！hoho……
今日正係得我同兩個大人o係屋企（查實專登，好耐冇見過佢o地，做下乖乖女先！）……所以，我盡情嗲佢o地，哈哈……母親大人話我由細到大都係女王，父親大人都要聽我話……heheh……^_^ 無辦法，正如母親大人所講，一物治一物！哈哈……
傻瓜，無事o既！你身邊仲有好多人關心你嘛！有安仔、vice、我……仲有好多好多……只要你肯講，我o地願意聽！ ^_^
唉~~~有「大蝦頭獎」頒的話呢，一定非我莫熟！話說今日約o左凱莉到太和游水……唉！我真係極度唔好意思！ ^_^ sorry 呀！山長水遠入o黎，但最後一條友游……當我換衫o既時候至發覺無帶泳衣！……咁你話啦！我係咪好大頭蝦？唉……無得游水，無癮！
諗住返屋企，但係又唔想咁早返，最後閃o左去行宜家（西西，我今次有收穫啦！呵呵！）。最後買o左個櫃仔同雜誌架！查實仲有o野想買……但係冇手！因為唔甘心俾$50transportation cost，所以決定「不求人」。拎到我丫！……當減肥！……如果唔係今日執屋，我睬你都傻！
《乾柴烈火》好好笑……不過媽虎o的囉！楊千嬅成日話佢四代係做醫館，去到後段又話五代，到最後又話四代喎！
今日睇返好多好多得意o野……咁又過o左咁多年啦！遲o的同大家分享！
「韓國係唔識踼十一人波！」Ken。 Korea vs Turkey，後者勝！
開心 * 無限……哈哈………
我鐘意ELC 新 system……可惜丫，我都就o黎gradu……
好唔掂……張新o既十蚊紙設計好鬼唔掂！核突！
Sandra，張card 拎o左返屋企！我諗張卡呢期都唔會有你mention o既作用！不過，我會用佢掛住你o既！ ^_^
原來出世紙有寫出世o既時候有幾重o架喎……呵呵！八磅三！好肥呀！hahah……
第一堂，學呼吸同浮水……激死大興同個仔！教極都係……唉！……不過呢！最後都有少少o既成績，起碼練習呼吸o既時候唔會好似o岩o岩落水咁！仲有呀，「101 次浮水」呀！
愛上了游水……雖然仲未學識！ ^_^ 好舒服！仲晒到成舊炭咁！
舊波士請食飯喎！我o地當然唔放過佢啦！哈哈……好鬼飽！ ^_^
我o地幾條「靚」仲約定o左游水添！
好好玩o既天下太平呀！……好耐冇玩過啦！
but 今日真係好tired……
新牌與老手駕車質素係有得睇o架！我都係鐘意父親大人手車！
一個好正o既 web site……something like that Chicken Soup!
Cody，記唔記得你之前問過我點算係一個成功人士，我話，只要好好活著每一天，已經係一個成功人士。你聽下《呼吸技巧》丫，it's exactly what I mean!
發夢見到爺爺，但係……講唔講俾兩位大人聽好呢？我驚嚇親佢o地……「睇」定o的先，或者我胡思亂想！
我諗我真係鐘意o左韓文，以前遲大到的話，索性唔鬼上！但今日唔理take 唔 take attendence，都照上！I enjoy it！ but 呢個Miss 講o既英文唔夠Miss Han o個o的容易聽！
興之所致…飲！不過我真係怕o左o的啤酒，好難飲，好難聞！……連半支sub zero都飲唔落！死啦！我覺得而家成日飲，好頹廢，但實際上又唔係，反而充實o左好多添！撇除飲酒，o的生活都未試過咁正常同健康！……要收儉下先！大學生唔應該係咁，係識得適可而止！
做女仔真係好過做男仔！
或者由細到大，我o地俾人灌輸「男仔堅強，所以唔會喊。女仔柔弱，所以易哭」o既觀念，所以你o地喊唔出或多或少受這影響吧！當然……還有你o地自己的性格等等影響啦！
我buy「係你始終係你」o既講法，但係你唔爭取，永遠都唔會得到。There is NO FREE LUNCH in the world.
o下！唔係呀……呢個世界就係咁，明明有就變冇！而明明冇呢又變有喎！說真的，我不想有！一個字，煩！
今晚真的很開心……感慨良多！
好耐未見過大興飲到咁開心……哈哈！ ^_^
P.S. 南韓 vs 德國……德國贏！Yeah！
好彩有KCR 同 MTR o既出現，否則遲早一日我會因為暈車浪而死，又或者唔會走出大埔呢個框框！
份first draft 最後遲o左交俾佢……唔知要amend 幾多呢？
爭o的踩到隻死屍……我寧願你唔好話俾我聽o個隻係……你話俾我聽o個隻係小強，我都好過o的！但係而家我……唉~~~
兩仔「九母」唱K 拎到間大房唱，由於音響效果奇差，結果我o地要求換細房！咁先至係嘛！ (^_^)
我諗玩咁多次百萬FUN ，今次o的prize 抵過佢原本o既半打啤酒 or 免一個人頭費……$100 + 八五折 Coupon！好彩早o左少少埋單o者……
um……究竟呢個「飛棍」係點呢……ET？生物？飛得勁勁勁（好多個勁呀！）快？仲可以穿牆添！……錯過o左呢個咁正o既節目！可惜，可惜！
Sandra，下次我要拎定盒紙巾讀你email……我會好好鍚住自己啦！放心啦……Once you tackle something, you can deal with anything. Just believe yourself!!!
The problems with GUYS:
If u TREAT him nicely, he says u are IN LOVE with him;
If u Don't, he says u are PROUD.
If u DRESS Nicely, he says u are trying to LURE him;
If u Don't, he says u are from KAMPONG
If u ARGUE with him, he says u are STUBBORN;
If u keep QUIET, he says u have no BRAINS.
If u are SMARTER than him, he'll lose FACE;
If he's Smarter than u, he is GREAT.
If u don't Love him, he tries to POSSESS u;
If u Love him, he will try to LEAVE u. (very true huh?)
If u don't make love with him., he says u don't Love him;
If u do!! he says u are CHEAP.
If u tell him your PROBLEM, he says u are TROUBLESOME;
If u don't, he says that u don't TRUST him.
If u SCOLD him, u are like a NANNY to him;
If he SCOLDS u, it is because he CARES for u.
If u BREAK your PROMISE, u Cannot be TRUSTED;
If he BREAKS his, he is FORCED to do so.
If u SMOKE, u are BAD girl;
If he SMOKES, he is GENTLEMEN.
If u do WELL in your exams, he says it's LUCK;
If he does WELL, it's BRAINS.
If u HURT him, u are CRUEL;
If he HURTS u, u are too SENSITIVE!!
& sooo hard to please!!!!!
If u send this to guys, they will swear that it's not
true.......
but if u don't, they say u are selfish.....
The moral of the story is.......SEND THIS TO GUYS OUT
THERE ANYWAY...
Send it to girls also, gives them some laughter ...
~ from Sandra
【王欣︰love it so much, quite true!】
23/6/2002 (SUN)
1) What you can see by your mind only?
God only you can see by mind.
2) What you can see by heart but you can't see by eyes?
Love only you can see by heart but you can't see by eyes. 【非常贊成！】
3) What you can see by eyes but you can't see by heart?
Tears, death and the growing you can see only by eyes but you can't see by heart.
4) Who can cry without tears?
Heart only can cry without tears. 【非常贊成！】
5) Who can be dead and a live same time?
Heart only can be dead and a live same time.
6) Who is the difficult love?
Difficult love when you love who not love you.
7) When you can see black is white ?
When you get the real happiness, in this time you can see black is same white because the happiness let you blind. 【非常贊成！】
Ken (2002) says that "亞洲足球水準提升當然值得高興，但係班講波佬一D都唔客觀又冇立場。每個人都可以為自己喜愛0既球隊打氣，不過就算南韓係亞洲之虎，取得好成績，又如何？當一眾人滿以為作為亞洲人感到光榮時，人地都唔會視你為南韓人，因為呢一眾人始終都係中國人，而在南韓人眼中，中國足球水準有待提升。再者，係呢個世界根本就冇Fair Play，眼見意大利、西班牙逐一受到不公平對待，南韓贏波，又如何？世界杯公平競技0既精神蕩然無存。贏要贏得光彩，輸要輸得有尊嚴。意大利、西班牙雖然出局，但理智0既球迷0既眼睛係雪亮的" (n. p. ).
【瑪's comment︰雖然我o地係中國人，佢o地係韓國人，但我o地都係亞洲人！順利成章地，我o地自然幫「自己友」啦！不過，南韓今次真係爭唔落！】
估唔到我會係靚妹最尊敬o既人，我以為佢講笑！……可惜我唔係一個好家姐，要你同哥仔照顧返轉頭！anyway，謝謝呀！ ^_^ （但我諗唔明有乜值得你尊敬呢？……你又唔肯講！）
而家o的女人婚後唔會旨意晒個老公。公一份，婆一份，財政獨立。女人娶o左返o黎並不代表佢唔使做。好命o既話，咪做少奶奶囉！吃喝玩樂又一日啦！但係又有幾多個少奶奶丫？做唔成少奶奶，身為老婆就要打理家中o既大小事務，唔好睇輕呢o的大小事務，處理呢o的大少事務同樣有壓力！唔係個個都可以處理得好！你估打理一頭家好易咩？唔好以為男人出去搵錢大晒！頭家打理得唔好，自己都冇face 啦！多多錢有乜用呀？再加上，「男主外，女主內」o既觀念已out la！而家有唔少o既所謂「家庭主婦」打點家頭細務之外，仲要返工。咁你話啦，男人辛苦o的？定係女人辛苦o的呀？
如願意償，今日足不出戶！……不過離今日o既仲有四個多小時，都要閃出去……
睇怕我都好難唔飲三個月o架啦﹐所以我罰自己每次唔准飲多過四支！
我諗自己會將共事同朋友分得好清楚……我鐘意呢種相處方式多o的！如果我o地唔係共事o既話，或者我o地會玩得更癲！
我真係好想出o黎玩，出o黎癲o既人，但係正如你所講，我放唔低！
anyway，今晚真的很開心！謝謝啊！ ^_^
P.S. 我仍然堅持酒係開心至飲o架！
南韓 vs 西班牙……十二碼決定o左前者入四強！
今屆o的球證都唔知係咪精神分裂，esp. 有南韓出場……同一場波，同一個動作，反應各異！真係好o野！
世界杯越o黎越商業化……不如咁啦，好似打機咁，你想邊隊 vs 邊隊咪俾錢請佢o地表演囉！o拿！你仲可以完全控制邊隊贏添！一來可以刺激全球經濟，二來又可以滿足自己喎！幾好呀！一家便宜兩家著！
我唔敢話南韓冇實力，但係要贏的話，要贏得光彩！……且看準決賽o的球證又點精神分裂啦！
個仔話︰「一係唔做，一做就做埋冠軍去！」
唉~~~ Garrick o個種搭訕法，我都唔知好笑定好嬲……搞到人o地幾尷尬呀！呢度係香港，唔係美國呀！
o拿！做我男朋友一定要係跑步高手，否則佢一定會追到我氣喘！ ^_^ ……查實我都唔係行得好快o者！
maybe 北京之旅會成事！
未夠一點就放……當然搵定個好位睇世界之戰啦……
開波前，我仲未決定捧邊隊……真係魚與熊掌！最後，o係開波後o既兩分鐘，決定捧巴西，因為佢o地著藍色衫……藍色係我至愛呀！完場，2:1……英格蘭就咁say goodbye 啦！【查實我好想佢o地打平手，then 憑「黃金一球」決勝負！可惜冇~~~】
開會，兩個會都好快KO，我亦都好快手出晒兩個會o既minutes and other documents...
搞呢搞路，結果正係睇到德國vs美國o既下半場……好幾次美國爭o的有一球！可惜~~~但係自己真係好tired 兼個胃好唔舒服，最後o個半個鐘都係訓……
等人之際，俾我發現到一個靚靚o既首飾盒！我毫不考慮就帶佢返屋企……靚靚！
Ricky 話我o係Council 成個妹妹仔咁，我認o架！o係屋企我都係咁……都係要人take care o架！ ^_^
P.S. （1）果然係我好細妹，怕我撞柱，寧願自己撞，仲要撞到訓街（抵我鍚你o既！）；（2）原來我個好表弟都唔係好得我好多……wing！（3）原來我仲到過一間茶餐廳（點解我冇印象？）；（4）原來唔係得兩位警察問使唔使幫手，而係成車……一係唔o黎，一o黎就咁多！香港警察算係咁o架啦！起碼唔會見死不救！（5）個死仔包仲要話揹我喎！佢揹得到的話，佢一定要參加奧運o既舉重項目呀！（6）原來o係我落的士o既時候，整親個下巴……（7）一個豆丁要照顧兩個人返屋企，一個醉到成條屍咁，一個wing wing 地……我服o左佢！^_^
P.S. 我o既酒牌將會停牌至九月十五日。（唔好撩我飲酒！）
Miss Han 真係好nice 呀！
馬高同個仔一樣都係意大利迷，佢o地輸o左！自然受到打擊……馬高話叫FMO 唔好o係學校播World Cup 喎！
學校=機器；學生=製成品……不想成為一式一樣的製成品，要好好替自己增值，吸收多方面經驗，最緊要有獨立而全面的思考。（但係又有幾多人做到呢？）
好緊張呀！聽日巴西 vs 英格蘭……我捧巴西，但又想英格蘭贏喎！我係咪精神分裂呢？
出去讀日文定係學校讀呢？Ashley話出面讀得好o的……um……讀埋韓文先啦！如無意外，我會繼續讀上去……interesting! ^_^
諗住執埋份citation，返學校打波……結果都係訓過龍o架……
o拿！玩「過三關」都可以好耐o架！仲可以寓學習於娛樂添！球迷，你係得o既！
第三代馬仔蒲頭啦！
我今個夏季一定學識游水……衫都買埋！今次認真o架！
唉……個相架……冇o左！ >.<
熱水爐出o既水係有煙，理論上，佢係熱到可以沖o野飲o架！沖杯好立克，又有乜問題？o的味道咪又係咁……
細細個玩煮飯仔，話明煮飯，緊係一定要有飯o架啦！襯媽咪唔o係屋企，拎o的米玩……當然紙唔包住火啦！o拿！鬧，由得佢啦！當耳邊風……食飯又點可以無菜呢？整碟魚算係咁啦掛！……o係金魚缸拎條魚出黎！放o係「砧板」上切，然後落鍋……得o左！上碟……通常被玩o既魚仲有半條魚命返缸o既！【或者就係咁，我得罪o左o的魚魚，而家我掂都唔敢掂佢o地……恐怖！】
而家諗起，都覺得低B……hahah…… ^_^
P.S. Ken (2002) says that "I told you that the Korean #19 can't play anymore in Italy ... and it's Bingo. It's the prediction of an Italian fans... and he is fired by the football club" (n. p. ).
P.S. Ken (2002) says that "安貞煥俾佩魯賈炒o左！It's the tradeoff for the nation and career" (n. p. ).
出奇地可以o係930起身……
或者我實在好容易笑……一段少少炸醬麵公仔o既Flash 都可以笑得好大聲……haha……我仲識讀埋裡面o個slogan 添！
終於明白《I believe》呢首歌o既內容……
日本 vs 土耳其……0:1
o係間房打羽球，Eddie，你係得o既……打下打下就過埋6159……正！雖然打唔夠一個鐘，但都身水身汗……熱死！um……乜六樓有單車咩？咁就要o係六樓踩踩啦……
南韓 vs 意大利……南韓o既19號憑住一個Golden Goal完場！2:1……大興同個仔完全冇晒mood！個仔比大興仲受到更大o既打擊……難道主辦國真係著數o的？
意大利個21號仔—小熊維尼好似球迷呀！
In Ken's world, the World Cup is over.
「人非全人」江總理說。
Yan can do...都唔知點解個球迷失驚無神講呢句咁o既o野o架！hahha…… ^.^
球迷係仲未分到廣東話同普通話o架！
o拿！為人師表o既都要識做……好似球迷咁，為o左睇巴西vs英格蘭，專登調堂……你話幾好呀！佢開心之餘，我o地又開心！
補完習，直落睇波……Sunny老豆有眼光，2︰0……我而家係捧巴西o架！（最保險o既決定！）
俾個死仔包踼爆o左！我o係屋企絕對唔會執碗、洗碗o架！……不過，兩位大人教落，o係人o地屋企食飯，唔洗碗，都要幫手執碗o架！
參與學生會係咪無謂？唔係o既！我深信做每一樣o野都有佢o既得著。當然，有得必有失啦！（真係多謝兩位大人由得我o地點發展，沒有甚麼異意……）
Academic skills 努力中，我要一take 過……
P.S. 16/6 o既補充，這個夏天有異性！
P.S. 個相架真係好靚……但係擺邊好呢……o野又未執好……我唔想買o左返o黎俾人challenge 呀……
咁又第二朝啦……返屋企補鑊！
1）爽o左父親大人約；2）飲醉o左！3）冇做節；4）應承十點左右返屋企，又冇返……；5）又再一次應承兩、三點返屋企，又冇返，發埋佢晦氣添！……五宗罪……都遇o左返屋企俾佢鬧！
鬧就冇啦，教訓依然有，發我晦氣當然有啦！（以牙還牙！）最終當然冇事啦……heheh……嗲下佢就冇事！（呢o的係做女o既著數啦！）……想不到今年的父親節是這樣呢！
呢期要修心養性o的啦！否則我o的自由度會大大削弱……
飲完早茶之後，今日可說是做了一整天的睡寶寶……
P.S. 謝謝兩位大人呀！I love you!!! ^_^
訓醒後，酒氣未清，依然wing wing 地、個胃好唔舒服……事後知道嚇壞了靚妹同母親大人……sorry 呀！冇下次！當然少不了兩位大人o既教訓啦！不過係底鬧，I promise 冇下次！……短期內都唔再飲啦……怕怕！好鬼辛苦！
我諗我要積極減磅啦……辛苦了表弟同細妹！
死屍咁款返學……真係辛苦到我丫……如果唔係一早約o左人，我會安睡家中……
結果，返到學校，我都係訓覺o架！
八點幾，同Garrick佢o地走o左去皇朝食粥……難為了Garrick 一日o係同一個地方食幾次粥……
諗住食埋粥就返屋企（應承o左父親大人早點回家！）……結果依然直落o架！見個胃冇咁辛苦……繼續玩！
打麻雀，我依然係浪漫行事……最終都係俾我贏到16元o架！（算係咁啦！由負到唔負打到正喎！）
有西西o係度，我o地個口有福啦！好好味o既意粉……o的魚魚雖然好辣，但都幾好味！ ^_^
如果有一日我o係度bilibala……o個日我一定好唔正常！熟我的人，一定知道我不多喜歡說話……
結婚對我來說，可有可無，有的話，便是錦上添花，沒有的話，也不緊要！又不是不結婚會死的！
理想？只想要一個安穩的生活……就是這麼的簡單！
「男人唔壞，女人唔愛」at this moment，只要個男人唔係做o的傷天害理o既事，我仲可以accept ！
大興問了一個好好問題……點解最後一年都要搞學生會……除o左好玩之餘，仲有冇其他原因？我都想知……
對不起，我絕對係一個口密o既人……你o地點都套唔到想聽o既o野！hahah……o拿！但我可以o係呢度同你o地講，「仔仔」係……唔講啦！費事俾人打！沙律……你又估唔估到係邊個呀？呵呵……
P.S. Sandra，謝謝你呀~~~Everything is ok now... 使唔使我寄o的零食俾你呀？
估唔到同表弟仲有一面之緣……不過呢個一面之緣代價都幾大下！anyway，值o既，我o地又唔知幾時可以見啦！
第一次醉（飲o左幾多？我真係唔知啦！）……矇矓中，記得講o左好多英文……尚記得自己跌了一跤（撞到下巴瘀o左！）……記得嘔o既時候，要膠袋（算係有酒品啦掛！冇嘔到週圍都係……係exactly Ricky 個醉酒款呀！）……um……記得好似驚動了警察，「使唔使幫手？」……Daddy、媽咪幫我抹身……
睇相啦……CLICK IT!!!
一個唔錯o既MV~~~ 英文譯做 " I'll always have a thirst for love" CLICK IT!!!
唔知你o地睇《我的野蠻女友》o既時候，有冇留意到呢o的o野呢？ CLICK IT!!!
原來我個名o既英文發音同韓文差唔多……我個韓文名係咁o架！
人永遠給自己太多藉口。
給沙律、Cody、Eddie、聰and 關心我的人︰
或者我近日的表現嚇怕了你們，令你們擔心，真的十分不好意思。說真的，我真的沒事！一切如常呀！不過，我的小毛病又發作而已！知我脾氣的人也由得我……Sandra、安仔、Ricky， 對嗎？
我這個人怕沉悶。日對夜對同一班人、同一個地方，我真的會悶到發慌！這數星期不大願意留在房中、與你們出外玩！因為厭倦了 、悶了！~~~想與其他人玩、相處……我知這樣做會令人難堪，真的對不起！
還有呀！我這個人很喜歡發呆 ，請你們不要誤會我不開心呀！其實，又有幾多o野會令自己唔開心丫……開開心心好o的，人一世，物一世，點解要苦口苦面喎！苦了別人，又苦了自己，是不是？
我承認自己係一個好好運o既人，自己脾氣不好，但也有一班疼自己、關心自己的朋友！能遇著你們是我的榮幸！
你們放心吧！我真的沒事，謝謝你們的關心呀！ (^.^)
Sandra……miss you ar!!!
"Annyunghaseyo"，今天終於上了第一堂韓文課了。都ok 得o既！……估唔到ocamp過後，同Joyce o係呢度相遇！
原來打乒乓波真係玩到好多o野o架！足球啦、網球啦、棒球啦、數字球啦、遊花園啦！
西西，你快o的度尺寸，快o的買啦！最多我幫你捧埋返屋企o者！
碧琪，西西話我o地兩母女同出一徹喎！過馬路都係唔睇車！我擺明係要o的車讓我……
向各位推介《The sum of all fears》，正！
個仔話戒煙喎~~~唔多樂觀！
同一個學生補習，真係要講緣份！當然啦！仲有責任感同錢啦！俾心機啦！你都話個聰明仔好似你細個o既翻版，你實有方法搞掂佢o既！ ^_^
自信心係自己俾自己，唔係人o地俾！
俗語有云︰「人不可以貌相。」其實有好多o野都唔可以睇表面，可能看似普普通通、低能八痴的遊戲，卻內裏蘊藏很多道理。
主席基，你好似變o左……希望係暫時性啦！
傻瓜，可以的話，不要整天在她身邊纏著，因為她可能覺得你好煩！可以的話，不要亂發脾氣，因為她是你的最愛。可以的話，不要輕易放手，因為遇到自己心愛的不是時時有的。加油！ ^.^
依然o個一句，人係反賤，唔失去係唔會珍惜！
P.S. 法國輸o左……
0400，好鬼tired...但有幾隻字想打埋至訓得安樂！
尋日真係好鬼開心！ ^_^
日記，除了記下自己發生甚麼事，也讓別人知道自己多些！
父親大人，放心吧！我識照顧自己呢！
我斷定Academic Skills 個tutor — Harry Potter （唔係！係Terry Parker！）係一個球痴o黎o架！
原來寫references 都好多o野要留意o架！
阿聰如期出發，Sandra 又飛走，個女又即將飛……
突然想去廣州一趟！
P.S. 同舅父仔緣慳一面！ >.<
P.S. 甩皮啦……好核突！不過，咁又白返啦！我係唔襟黑o架！
P.S. Table tennis + 馬仔相……
P.S. Lamma's Photo……
10/6 後補……
煙竟然重要過水。
好彩有人陪我行o者，否則我又唔知自己蕩o左去邊啦！ ^_^
搭船o既時候，雨勢都幾大。個仔同Garrick猛咁撩碧琪……佢o地簡直係襯人病，人命！到o左索「古」灣啦，雨依然落得好大！但冇影響我o地行山o既心情！六條友撐住三把遮往上走。
神風洞……當個仔同Garrick話點火機入去八下之際，一隻黑色o野o係面前飛過，我斷定佢係隻蝙蝠……撞到我！
條友都唔知係咪路，幫人影相都依然數到十下……結果我o地亦都自食其果啦！hahha……
行到某處停下來，大家開始華山論劍、火燒連環船……
在涼亭歇一歇的時候，「Ken，有咩鴻圖大計？」「我會對準中間碌過去，搏佢整走埋側邊兩支！」
兩個鐘鬆o的，行完山啦！
往市集行，好多狗呀……得意！呵呵！
午膳過後，再到四處看看。剛才天還放晴，點知越行越黑，落雨啦！仲要係滂沱大雨！好彩我o地一早行完山，否則就變做「落湯雞」！我o地被迫滯留o係「萬花筒」，開頭覺得冇乜o野睇，但係原來都有o的o野幾得意o架喎！個仔拎o左一本書，好似叫做《童心童話》，something like that la……「勇敢是……」，雨稍為細o左o的，又再起行！……不過細極有限，都係要到附近酒吧避一避！
入到酒吧！凍到死……又眼訓喎！由於個仔係著人字拖o架！所以我o地咁多人o既腳，入得最多水係佢，但佢亦都係最快乾腳一個o架！
再咁等落去都唔係辦法，繼續o係大雨中步行到碼頭o架！兩條友仔二人三足咁行……仲唔俾乖女影到你o地？hhaha……
回程啦！兩條友仔依然係襯人病，人命o架！……最終碧琪都係熬過o左o架！
直落唱K，西西join 埋啦！
Ashley 把聲真係好似Gillian 呀！ ^.^
兩條友隊酒，我同西西佢o地一於少理，萬咁唱！In Love With You真係好正！亦都因為咁，「Sharp母女」由此誕生！ ^_^
Garrick 被隊「lum」……個仔擺出醒利手勢！
兩條友開始狂唱……好鬼有台型o架喎！哈哈……
散場……好tired…… ~.~
P.S. 得一條路行o既時候，又或者我識行o既時候，我會行得好快……快到無影無蹤！
續……
四條仔努力打牌中，我同碧琪玩狗玩到差唔多朝早……（難為了狗狗！不過，佢真係好得人鐘意！）
消夜（算係消夜掛？）蕃茄炒蛋，我o既至愛……六條友輪住食，個情景都幾搞笑！
打牌的打牌，玩狗的玩狗，訓覺的訓覺……Garrick 依然嚷著打波o架！
早餐，好好味的燒雞！ ^_^
八點鐘左右，整晚麻雀賽果係Garrick 包晒五個人o架！ ^.^
tired 啦，波當然冇人打，各自各歸家，諗住今日做睡寶寶……
四點幾，Garrick o既電話嘈醒……我o地幾個o既睡寶寶計劃失敗！
五條友去睇《慳錢家族》。之前睇預告片諗住幾好睇，但係結果係失望！如果有睇過《新紮師妹》的話，更加唔好咁大期望啦！
Yahoo' game o既上海好好玩呀！hehe……
P.S. 右眼不知怎的整日通紅…… ~.~
upload o左成幾個鐘，俾Yahoo 玩死……Ken 想打部notebook，又唔捨得落手！仲記唔記得「893789」呀？
唔知阿聰可唔可以如期起行呢？……Council人小心財物呀！
SEM B 有驚無險咁就過o左啦！勢估唔到最驚清o個兩科係最高Grade o架！離保險線又遠o左o的啦！Yeah！
阿根廷vs英格蘭……未見過Purple Zone 咁熱鬧！開波前，只要鏡頭影一影碧咸同奧雲，歡呼聲四起！尤其是o的女呀！開波啦！碧咸同奧雲一掂到個波，又嘈一陣……44分鐘，碧咸憑十二碼射入呢場o既第一球，亦都係呢場賽事o既唯一一球！……阿根廷輸o左！
西西話我呢期diary馬虎！鬼咩！掛住個GPA，又點會有心情寫咁多o野！不過，而家就唔同啦！日記有幾長寫幾長，只要我有精神的話！
本來諗住去Eddie 屋企玩！最後都係去o左 Garrick 屋企……不過大家家做o既事一樣！打麻雀、打機……我o地玩狗，佢o地玩貓！
Garrick 隻狗狗真係好鬼得意呀！好鬼熱情……下次一定要同佢影相！
由於個仔話輸係佢，贏係我……所以我落場！依然浪漫行事，第一舖俾我食o左七番，then，之後我打o既牌，嚇壞了西西佢o地……最後賽果係贏2蚊o架！……算係咁啦！正數喎！
Squash this time...
諗住一次過受刺激，但都係睇o左B-law先，意料之內！
我諗場波真係好悶，好悶……搞到我o地三條友就o黎訓著！ ~.~ 亦都因為咁，所以有個「一條線計劃」！
「大胸！」then 呢……個動作勁搞o野！快o的儲錢買部DV至得！last year la...（好後悔呢 幾期洗o左咁多，否則而家買o左！）
今日仲係紅卜卜呀，痛到飛起……碧琪陪我買o野搽，謝謝呀！ ^_^
兩母女兜o左一百個圈，終於等到個仔出o黎……今日可以用呢四個字形容佢！心花怒放…… 你話係唔係呀？仲要係心笑出o黎！ ^_^
根據個仔初步o既試後檢討，Study Group 係有佢o既作用，last year 一定要keep 住！
估唔到最擔心o既科目係最能夠幫我拉高GPA……真係世事難料！下調空間擴大o左！
想不到自己的日記也會讓其他人回味呢！
呢期好多戲想睇—慳錢家族、The sum of all fears、鬼水凶靈、Lilo and Stitch
今日係乒乓球！原來仲有另一種玩法喎—遊花園，好好玩呀！then, 影o左唔少相呢！……我o地o的馬仔呀！（話時話，原來今日同「午夜胸鈴」打波……）
我o地o既第二代今日出世啦！呢期叫SAL……今次係一隻乖馬呀，不過呢，我驚後期會變o左頑皮馬……
開會前，得四條友現身……好彩呢個唔係最終數目！（今日好快KO呀！）
Eddie、David、Ricky、Cody同埋KT呢五條友，食完飯創作力豐富啦！教完我隻馬點交配，跟住講「六九」……你o地呢五條友丫！ ^.^ （都話城軒底食o架啦！）
下半場同乖女佢o地食飯。Garrick今晚依然保持佢以往作風—好多精警對白！阿Ken 一o黎到，即死！咩"invisible hand"呀！"market intervention"呀！Keynesian model 都出埋……仔，一切都係因你而起呀！
好，好，好，You are Chinese ma...記得！ ^_^
從沒有想過寫日記，因為知道自己的字體不漂亮，沒心機寫。想不到自己現在勤於「寫」日記……不知怎的，突然想看回2001的日記。總結︰心情大起伏，絕大部分時間不開心！……現在？截至過去五個月，我頗滿意呀！大興仲話我呢期開心o左好多！真的嗎？heheh……
如無意外，自己親手做過的HP不會剷走……永遠逗留電子世界裡！
真真真........很喜歡這一段文字，一定要再post多一次︰
人與人的相遇就像是一個隨機抽樣。在不同的時間空間之中，彼此相遇。
有些時候，你會發現你一開始最看不順眼的人竟然是你的好友，因為你發現了他的好。
有時候，你根本不想去認識一個人，因為你覺得無趣。後來你卻發現他是你想要認識的那種人。
有時候，你非常喜歡一個人，但是你知道你們根本不能在一起。
愛你的人，你不愛。你不愛的人，卻是那樣的愛你。這複雜的習題卻又如此的跟著我們，解不開，算不清。
人家說在對的時間愛一個人，你是幸福的。在錯的空間遇到一個人，你是痛苦的。
有些人你就是有一種一見如故的感受；有些人你怎樣就是說不上幾句話。
像是一部公車，大家在這一站上車，又在另一站下車，事事總是充滿變數與未知。
曾經感情很好的朋友，即使感覺還在，可是大家都有自己的事情而疏離，所以大家要珍惜每次偶遇邂逅。因為你根本不知道錯過了這次，你跟他會在哪個空間再相遇。也許，這是你們唯一一次的相遇。
from somewhere……
P.S. 皮膚仍然紅卜卜，KT 還比我紅呢！好痛呀！仲要俾我細妹狠狠咁打o左一下！ >.<
P.S. 加多o左兩張相！CLICK IT!
P.S. My new friend -- Garrick's hp...although it's simple, i like it very much. CLICK IT!（其實對人對事都應該簡簡單單！）
This week is my Sport's Week. 琴日打羽毛球，今日踩單車、coming Sunday行山……if 頂得順，聽日打埋squash開會……斷估都可以減少少磅呀……if 唔亂食o野！
如果唔係沙律打電話俾阿聰，我都唔記得今日要踩單車（激死阿聰！）。隔成八年，幾驚唔識踩呀！好彩……總算ok，無穿無爛！仲燒埋豬添！（而家成身仲合合！ 咁我星期日點算好呢？難度要著長袖衫？好熱o架喎！ >.<）anyway, 開心就是了！ ^.^
食埋飯，再到附近酒吧（第一次幫襯自己地頭o既bar）捧中國場！
終於明白國歌o既感動之處……
我覺得中國呢場踼得唔夠狠！
臨完場，中國某球員擋住一球，避食三蛋！好o野！（究竟邊個呢？）
其實呢，可以的話呢，純粹睇波is ok o既！要唔要旁白無所謂啦！佢o地講o的o野廢話連篇！
今日賽事結果︰
中國vs哥斯達尼加︰0:2
日本vs比利時︰2:2
南韓vs波蘭︰2:0
P.S. 真係可以諗下踩完車返學喎！ ^.^
好後悔冇o係書城買埋o個兩本幾米，同樣質料，同樣有靚靚o既畫，不同之處係簡體字罷了！o係香港，我一定唔捨得買……短期內，應該會去多次！ ^.^
不如咁囉！搵日o係Sport Complex打完羽毛球，跟住打Squash，then做Gym（雖然我冇Gym card，唔緊要，你o地做o既同時，我打多round Squash），再跟住呢，就乒乓球……如果遲o的攀石牆開埋o既時候，就玩埋！成個Sport complex玩晒！Yeah！
打完波，tea o左一陣走去睇波（估唔到可以睇到完完整整一場！）……巴西vs土耳其……一班人睇波o既氣氛真係好正呀！heheh……我終於見到李華度o既真面目啦，仲要係入埋波喎！巴西11號係邊個呢？仲有個6號 呀！成日o係特定位置出現……咩前鋒、後衛？唔識分啦！
香港飲冰室o的o野都OK得喎！幾好味！ ^.^
西西話槍傷……皮外傷喎！佢話……點都好啦！佢可以o係星期三返o黎就最好啦！咁我o地可以開始度下個「澳門之旅」啦！
「我是魔鬼 魔鬼的小孩當然也是魔鬼 我們以魔鬼真面目呈現時 通常表現良善」《1‧2‧3‧木頭人》by 幾米。
P.S. o拿！掛隻介指o係條鍊到並不等於我「紅杏出牆」o架，死仔包！我一定會搵個好step-pa 俾你o地…… o拿！徵詢你o地兩個意見啦，你要個step pa 係有錢丫定係講心呀？你知啦！費事話人o地掛住搵錢，唔同你o地講心呀……快o的表決啦！ ^.^
錢呢家o野搞到夫婦不和真係不無道理。今日正正有對開始有講有笑o既夫婦坐正隔離，過o左一陣，嘈……一個字！錢！
踼o左幾日世界杯，都冇真真正正睇過一場……預計將來都冇乜可能睇，最想睇o個o的都係開會時間！唉……
同Sunny 細佬估英格蘭vs瑞典入幾多球，雖然兩個都估錯o左！不過我近o的喎！
好好好好……耐冇同過老鼠食飯啦！「先生，有冇興趣拍《樓梯花園》呀？」「你幹嗎？」（道明寺語氣，普通話）
今日學識o左……「宴客」—十二碼射失；「濕手巾」—死扭爛扭o既足球員（唔記得邊個啦！）；劊子手—射十二碼o個個……好似仲有一個，唔記得啦！
自己都未顧掂，理人o地咁多o野做乜丫？講得o岩！
只要keep 住落去，我諗都可以拎到second hon. o既！（以前但求順利畢業，但係而家唔同啦！至少捧個second hon. 走！）落多幾錢重啦！
期待coming Saturday o既 hiking，好耐冇行過啦！點會唔興奮？呢次o既hiking只需要一雙腿，唔需要甚麼遊船，這是一次平民化o既Hiking呀！快o的星期六啦！
有時覺得做女人會幾幸福！呵呵……
呢期o既長方形係窄而深！
死啦！我更加懷疑自己係雙面人！Ricky 佢o地話我呢期唔開心，但係Ken話我呢期好容易開心，「1+1=2」都可以笑餐死！……What the hell？ ^.^
好啦！證明個password script 都有o的用喎！聰、KT，你o地有排煩啦……heheh……
P.S. 原來上次深圳之旅剩返一百元……點解上次唔見銀包有o既？
薯條shake shake廣告o個條友……Eddie，你秘撈呀？
放心喎！我玩創o左個心，唔想做o野o者……謝謝你們！（多謝Ricky俾面打咁多中文字俾我！heheh……）
一行宜家，就行足半日……o的木架、木櫃係今次o既targets……搵日叫細佬幫下眼先！
等我玩少幾期，咁我就可以買到自己想要o既o野啦！……忍！修心養性！
今日俾人「點相」……
鐘意同碧琪行街，其中一個原因，佢唔會bi-li-ba-la。
謹慎小隊—泰國隊完成任務啦！ ^.^
《美國世界年鑑和事件》全球十大語言︰
（1）北京普通話，八億七千四百萬人；
（2）印度語，三億六千六百萬人；
（3）英語，三憶四千萬人；
（4）西班牙語；
（5）孟加拉語；
（6）阿拉伯語；
（7）葡萄牙語；
（8）俄羅斯語；
（9）日本語；
（10）德語。
能成為十大語言之一，人數多寡固然係因素之一，但係亦都同經濟掛！
究竟我呢個中國人可以幾時操到一口流利o既普通話呢？
呢期好鐘意《屋頂》呢首歌……好正！ ^.^
荔枝係我o既唔知第幾至愛啦……好好味呀！
P.S. 唔知點解大O o個輯相整唔晒上去……唔明！睇住兩張先啦！
P.S. 雖然唔知佢唱乜，但都知同World Cup 有關！Click it！