藥就食o左啦！肚依然隱隱作痛，都唔知搞乜鬼！唉！
「過去的事不會忘記，只是想不起」錢婆婆說。from《千與千尋》。
父親大人話我自入o左大學之後，我就變o左藥煲。隔幾個月大病一場。又講得o岩喎！但我唔想o架……(>.<)
FM阿sir 話Present value重要過Future Value，人生都係，珍惜眼前一切！
頂！個肚勁痛，痛到入心入肺！醫生話冇事！佢專業，我唔係，咁唯有信佢啦！
咁大個女第一次玩「大風吹」，仲要係Listening Class 到玩！我真係覺得自己讀緊Oral 多o的，我有冇take 錯class？
好鬼耐冇聽過「班長」呢兩個字，Sophia話我似喎！唔係呀嘛！你似o的喎！你係女班長，Alex 係男班長。 (^.^)
今日兩堂都係悶……悶到訓！
27/1/2002 (SUN)
今日係小妹o既牛一，唔知十年後o既今日會係點？
祝福說話一個接一個，多謝呀！尤其是肥明啦！算你有我心啦！哈哈！不過咁多年生日，第二年中七係我最深刻。因為去到一月中，就會隔三日就有人生日，所以成班人都好熱鬧！
今日係連續第三日打邊爐，喉嚨開始頂唔順！多謝你o地o既生日禮物！
每日睇人o地o既Diary 已經成為習慣。
偶然o係某雜誌見到自己以前個同學，佢真係如願以償，做o左model，而且越做越好！希望佢有個好發展。
今日終於見到細妹啦！真係Long time no see la！仲諗住你去field camp 會好辛苦添！cher，咁似嘆世界喎！相對我o個年，簡直天壤之別。
何謂一個大學生？大學生要關心學校，關心社會，這是由我的中學老師處接收的信息。然而，事實告訴我這是另一回事。自己是一名大學生最清楚不過，關心學校？算是緊緊合格吧！關心社會？我自己還有一大段距離。父親大人常說現在的大學生真不像樣，時事不關心，只管那些甚麼潮流、八卦新聞。聽罷，想搵窿呢埋。
「眾人皆醉我獨醒」，我o地又何必迫自己醉埋一份呢？無人清醒，談甚麼關心？談甚麼理想？……醉後總有清醒的時候……
原來diary o既另一作用係俾其他人了解自己！
你話羨慕我同恤閣人士仲可以keep 得咁好？或者呢o的係緣份掛！不過，曾幾何時，有人講過，我o地上莊之後，肯定無而家咁friend！o岩o既，合作過程難免有衝突，就可能因為呢種衝突搞到大家日後面阻阻。或者我o地冇上莊係一件好事呢！我真係希望Keep 住落去！我亦都希望自己好好珍惜呢段友誼！
恭喜Eddie 同 Sunny分別做o左主席同副主席！ (^_^)
西西，舊年你話生日o個日整糯米磁俾我食o架！仲未食到喎！生日我要食！我仲要加個田雞粥！
個仔話第日佢有仔女o既時候，契晒俾我o地喎！好呀！o個時我就「契媽欣」，女番係「契媽番」，西西係「契爺西」。(^_^)
好明顯我係上唔到三個鐘堂o架，理得你有幾多個break！一樣都係悶到就o黎訓著！
做一份十幾版o既問卷就有三分，雖然問題好多，兼且又重覆，但都好過o的Quiz啦！唔多想做咪求其圈晒其中一個答案交貨又得，又唔記名o既！做多幾份我都制！
做完呢份問卷，我肯定自己係有目的地行街。
今日終於見到個肚兜麥兜啦，好鬼cute！
人o地有夢幻球隊，CityU 將會有夢幻學生會！……組莊真係好鬼煩！拭目以待啦！
你唔好咁煩啦！一切隨緣啦！（我係咪好似冇講過o野？）
唉！上Law堂真係sedative，就o黎訓著！餘下十一個禮拜點算？ (~.~)
基本上，今日真係純粹吃喝玩樂！Sandra，我今日真係「感激」你啦！對我咁鬼「好」，我實沒齒難忘啦！
You ar, don't always speak this English ar, terrible ar. See? 唉…… (~.~)
決定去轄委……um……唔知呢一年o既Council 會係點？
著住肚兜o既麥兜，好鬼得意呀！
今日o既Listening都係好好玩，好enjoy！上Kira 堂真係好鬼開心！(^_^)
如果你o地去南山村o既上海舖食飯，記住試下「螞蟻上樹」同盆菜，真係幾好味！……原來Ashley係盆菜專家！
睇完個女篇「選擇」，我亦都有所決定！
雪兒，生日快樂！
「我愛你！」o拿！唔好覺得好易講喎！不如試下講下……好啦！再試下「我發覺我愛上法國牛多過中國牛！」（我都唔記得exactly o既句子啦！）你有冇留意自己讀個「我」、「愛」、「國」、「覺」有懶音呀？睇住LuLu同女番教個仔，佢又玩足半堂~~~好似鸚鵡學講o野！ (^.^)
無疑中發覺明珠台有個幾好睇o既節目—Combat Missions。 ^_^
偶然睇到一套幾好睇o既電影—The Eighth Day。我發覺o的法國人真係唔多慣講「多謝！」或者呢o的係佢o地個文化掛！
終於換o左個電話啦！最後都係換o左8310……GD95個外型不討好呀！
CityU 果然係一個打發時間o既好地方。
今晚又走o左去食咖喱，好好味呀！我鐘意o左o個個叫「阿Lu發老脾」o既「冷」，幾好味！可惜我o地同「印度雪糕」始終無緣。
原來佐敦有間舖頭o的甜品幾好味……燉蛋、椰奶。
佛祖，生日快樂，阿彌陀佛……(^.^)
都唔知係打錯定唔知乜鬼o野，一早返去諗住還o野，搵到間房，但搵唔到我想要o既人。結果都係去o左Hamilton度還，佢好鬼nice o架！
為o左減低GPA向下滑o既可能性，決定乜OOD都唔讀（但我真係唔捨得！呢科Intercultural 真係好想讀。），唯有寄望暑假啦，咁就可以有多o的時間focus 我o的Project 同 Quiz 啦！
用45分鐘時間做三份問卷 = 一張$50 o既百佳購物券。我o地o既時間真係值咁多？
又一次證明o係大房唱K係high o的o架！不過，我要補充一句，大房有小貓五六隻係會玩得high o的o架！二三十人就未必做到呢個效果。用膳o既時候，正如女番話齋，好似o係古代皇宮用膳，不過就欠o左o的美女伴舞啦！當大家諗住可以永無止境用呢間房大玩特玩o既時候，有位哥哥仔話booking 已過，要轉房……真係極度無癮！去到細房，感到似坐牢，結果唱唔夠一個鐘就走人。
上o左小巴，回頭一看，見到杜少。嘩！佢個髮型……無與倫比啦！不過都依然咁型喎，可惜司機大佬已開車啦，否則我一定落車同佢一齊返屋企。我即刻打電話問候下佢，傾完一輪，至發覺唔記得問個死仔包有女未添！
《北斗雙雄》中o既梁朝偉勁似Harry Potter。(^.^)
見到本Schedule book就頭痛，PROJECT & PROJECT, QUIZ & QUIZ……
上830課堂真的不容易，先要克服早起，再要克服沉悶的課題。幸好三小時的課堂有三十分鐘的休息時間。
由細到大，報復心態係我讀書o既Motivation之一。你越睇我讀唔上，我就偏要讀俾你睇，仲要越讀越好，睇下你奈我咩何？……雖然事隔多年，但是那番說話時時刻刻伴隨著我，多謝你…… (^_^)
今天的課堂算是不錯。930的Intercultural Communication for Business識o左一個成日周圍飛o既同學仔，佢叫Stanley，下星期佢又飛啦！呢一班，唔係，嚴格o黎講呢個係一個study group，我諗呢個group會係幾好玩o既！
今期阿John 染o左一頭金髮，型上加型呀！不過始終都係悶o左o的……好睬今日識o左個叫Orling 同 Christy o既女仔一齊上堂，咁就無咁難捱！（第一眼望Christy，好似見到Joey咁！）
上完writing，又上呢個Listening，上課o既老師真係唔錯，佢叫Kira，係一個very nice person呀！樣同身材都好正喎！27歲咋！最緊要係上堂唔悶！2個鐘好易過。
上FM就覺得自己好似上緊yr 1 sem A o既 Economics 咁，小貓三四隻。個lecturer 都 ok o既！……at this moment……人o地話「勉強無幸福」，但有陣時唔勉強就一定冇幸福。好似上FM，如果我唔迫自己上o既話，以後都唔使旨意我上。堂又唔上，又何來有動力迫自己睇Notes？最後實Fail 啦！今日上Listening o既時候，已經多次加以強調我絕對唔會再fail 任何一科！絕對唔可以！
Sem B的第一天，今日的課堂還可以……上Research Methods，正如我個仔所講，好似睇緊「大衛牙擦騷」，都ok o既……不過，我覺得佢都幾慘囉，佢覺得自己某段講得好笑o既，我o地反而無反應。
去年的今天，我不會忘記……仍然歷歷在目。對，傷口仍然隱隱作痛，痛得掉下淚來。曾許下承諾，今年不可再哭，但偏偏……
好吧！今天痛哭一場，以後不許再哭……um……如果傷口痊癒的話。
WoW！周杰倫今晚拿了不少獎。不過，更加開心的是許志安終於得到「最受歡迎男歌星獎」……「多謝TVB頒呢個獎俾我，多謝PACO，多謝一直以對我不離不棄歌迷，多謝我屋企人，多謝細佬；我記得幾年前一個廚房一段對話，你俾心機，你一定得！我相信自己，我等呢個獎十五年！」十五年真的不是短時間，苦盡甘來……許志安，你係得O既！ (^.^)
見細佬換電話，自己又想換埋一份，佢極力游說我同佢一樣換Nokia 8310，但我o係網上睇中o左個GD97，不過香港又未有……而家有兩條路俾我行︰1）買8310用住先，等個97出o左再換；2）等到97出o左先換。好啦！究竟我o既抉擇係咩呢？……兩個電話我都鐘意……
無端端想考返Maths，但係一諗到o的三角形呀、圓形呀就頭痛啦！我都係唔明o個年做o左1/2o既試題都拎到咁o既Grade，好唔明！如果正係做1/4，會唔會合格？(^.^)
各恤閣人士呀，之前upload o個o的相改善o左啦……睇下啦！今次效果應該會好好多啦！睇唔到語俾我聽！
某高層人士話GPA低過3係好差……好睬仲有一年左右俾我追！乖仔，如果你真係form 得成個study group預埋我！
今日講到warning、termination等咁o既問題，好鬼邪呀！一返到屋企，有個組仔同我講佢o既學業面臨極大危機，我以為正係收warning，叫佢定o的o黎，但係佢話唔止咁簡單！我真係唔知點幫佢好……唯有transfer俾醫生啦！大家都係EE。「Good Luck！」
部份的海洋公園照片……LuLu, Thank You！
最終回校走一趟……
終於可以撇甩Warning啦，而且仲有「大躍進」喎！勁開心！我諗個目標可以再set高少少都得……不過，勢估唔到CB o既成績會係咁，真係有o的意外……開心死我！
[8/1/2002續記] 今次企鵝又扮演一個頗重要的角色。我無為意海洋公園之前養o的乜企鵝，但如果係南極洲o個o的o既話，有關方面可以考慮下俾佢o地o係海洋劇場表演。表演o的乜？學女番話齋，佢o地企o係個台一分鐘都唔死的話，呢o的南極企鵝就真係受過專業訓練啦……
既然咁多人都想睇企鵝，有關方面都可以諗下養o的「熱帶企鵝」，例如African Penguin。呢o的企鵝又唔會話怕熱o既，一個禮拜放佢o地一次出o黎散下步，肯定吸引唔少人o黎影相！
去到海洋公園，本來諗住打死都唔玩過山車同埋跳樓機，但結果我呢兩樣o野都玩埋！對你o地o黎講可能小兒科，濕濕碎。但對我o黎講，又另一回事。……我諗我今日一定發癲！
熱身圈︰1）唔知叫乜鬼啦！叫「鞦韆」罷啦！
2）過山車（第一次玩……原來……係冇o野好驚！好鬼正！）
3）海盜船（玩兩次，玩到唔知乜o野叫離心力……索性把心一橫……）
今日焦點︰跳樓機。我就係把心一橫玩跳樓機。wow！真係冇得頂！尤其升上去o既時候對住個無敵大海景，簡直perfect。但當你想望多佢兩眼之際，佢已經“dump”一聲跌落o黎！開頭真係好鬼驚，但係之後覺得好鬼free，好鬼正，想再玩多一次……
好啦！既然過山車都玩o左！無理由唔玩「越礦飛車」o架！但係無Sandra o係度，我做唔到上次個pose 呀……
臨走一round都要玩多次「跳樓機」至安樂！好鬼free 呀！我鐘意！
唔知係咪玩到high high 地，搭的士上落斜時，好似玩機動遊戲，不過欠缺速度……
我真係傻o左啦！……好鬼開心！好鬼開心！
去呢度睇下啦，仲未完全掌握o的skills，將就o的睇住先……PHOTO ALBUMS。
如果有一日返屋企再唔係靠認路返，而係靠你對屋企o既感覺至返到屋企，你會唔會搵到自己屋企呢？……好彩搵到o者！否則呢個將會係我第二個難忘o既惡夢。
唔知道我同細妹十年後會係點呢？佢做o左周太，我就周遊列國。但係點都好，我唔捨得同人o地分享我呢件「玩具」喎！除非呢個人好鍚佢啦！ (^.^)
終於睇我第一套o既韓國片啦~~~JSA。都ok o既，諗到好多o野，但我唔知點講出o黎，唯有自己心領神會啦！話時話，我都勁耐冇去過UA睇戲啦，覺得o的位好唔舒服呀！
GiGi o既Live演出比我預期中好好多，不過尾場唔見鄭伊健上一上台，稍嫌不足喎！
今日成日都咁開心，萬歲！哈哈！(^.^)
父親大人，你對我有信心先至放我o者。放心啦！我會鍚住自己！(^_^)
Council房好鬼靜呀……好唔慣！
女人又好，女仔又好，就算佢o地實牙實齒講明係點，但都係講一套，做一套。呢o的係女性o既通病。
Violet, I love U 呀！哈哈！um……既然2001年過o左去，自然2001o既我都會消失o架啦！你話我成熟o左？唔係呀？我覺得自己幼稚o左喎！heheh……多謝你當我如妹妹看待呀！
悠閒地過了一天。
乜白蟻都可以做到溫室效應？唔係呀嘛？
今日約o左Miss Wong 同死肥明食飯……等緊o既時候，見到黃sir，黃sir第一句同我講︰「嘩！王可欣發福呀？」我即刻大笑，都唔知再俾乜反應好。好啦！點知Miss Wong第一句說話又係︰「你肥o左喎！」我都唔想o架！鬼叫而家好食好住咩？你個死肥明，再嘈唔再理你o的功課。
好啦，既然Miss Wong開到聲，咁我就整個貝殼相架做入伙兼新年禮物啦！
都係短頭髮舒服o的！成個人舒服晒！
今日竟然o係大埔見到小春呀！乜打扮？如果你有睇近日o既頒獎禮就知係乜打扮啦！好鬼型呀！ (^v^)
新一年啦，各新莊接手。好快輪到我落莊啦！Yeah！
多謝Sandra的暖手蛋！很暖！個心最暖！My Dearest Friend……
乜女仔唔識煮飯真係好有問題咩？唔覺喎！大不了食公仔麵、出街食……有不滿的話，叫食o個個人自己煮啦！hehe……
新年新開始。Happy New Year！
今年的目標︰
1）我要做個開心快活人。好似中七o個年日日都嘻哈大笑，做個名正言順o既大笑姑婆。
2）我要修復失地。我要GPA至少有2.5。
3）我要學o野。電腦方面、手語、急救（怕血學唔學得？）
4）我要做一個好評議員。
趕得切今日用呢個新網。決定一切從簡，o的五顏六色o既Graphic自己亂畫一通，現實生活中冇得俾我到處塗鴉，唯有o係部腦度滿足o下先啦！