嘩！CB 個 experiment 簡直係送分啦！俾5分你o既同時，又有得玩，仲好過乜乜出奇蛋！話時話，我都好耐冇玩過呢個game 啦！今次做「白老鼠」竟然有意外收獲。
呢一排都唔知做乜，一個禮拜總有幾日好鬼「早」返！一係索性唔鬼返！
今晚KT唱歌O既自信受到重重打擊，Christine走了之後，他嚷著唱K證明自己把聲係得……當然唔理佢啦！KT，你係咪好後悔今晚出o黎呢？ (^_^)
LuLu，生日願望真係特別「靚」喎！個組仔唔使俾人term，yeah！ (^.^)
以下呢番說話特別同你講呀！諗下啦！做到兄弟姊妹真係好講緣份o架！點可以無兩咀o架？做人大佬家姐都想自己細佬妹好，鍚住佢o地，但係大家都要有一個好好o既溝通至得o架！唔係點教呀？我唔係話家長式管教唔好，但係而家o的細佬妹唔受呢套o架啦！大家都差唔多咁大，點解我要聽你「命令」呀？既然而家o的父母同仔女溝通都好似朋友仔咁，點解大佬家姐對細佬妹唔可以呀？大家o既年齡都唔係相差好遠o者！
我幫到你幾多就幾多啦！我覺得你要對自己細佬有信心至得o架！呢o的遲o的至同你講啦！喂喂！你細佬好樣過你多多聲聲喎！「何記出品，必屬佳品。」哈哈…… (^_^)
我都話母校越o黎越變態o架啦！...... (^.^)
嘩！好耐未試過食兩Round 早餐，飽死！hehhe……
今日約o左 Dr Luk 做「白老鼠」，但係某o的原因，上堂做。Sorry！
唔訓覺去上堂係會死人o架！今日Writing 爭o的訓著！
原來o係clinic 外面o個排訓覺係幾舒服o架！ (^.^)
「別笑我 我犯賤 被嫌棄 也像蜜甜 別勸我 我自願 下來這條賊船 別理我 我犯賤 被磨折 也是自然 別救我 我自願 並無怨言」，《犯賤》呢幾句歌詞真係唔錯！
大家試下寫個「 t」字睇下自己勤唔勤力？如果你中間o個一畫偏上，即係你係好勤力；如果中間呢，咁就ok 啦；如果偏低的話，就悄為不勤力啦！
悠閒地過了一天。 (^.^)
今日tired 到不得了！不過好鬼開心呀！(^.^) 約o左班朋友返去探班兼討利是錢，佢o地似乎冇乜變到！變o既係人事！我做o個個位又換人啦！我都話o架啦！呢個係文昌位，做親個個都會繼續升學。
冇諗過臨走o係電腦做o既手腳仲有用！等我睇下暑假有冇時間，再update 下啦！um……如果時間許可的話，我仲想帶o的小朋友週圍去呀！總之一有時間，我同細芬佢o地返o黎幫手啦！
講返好多我o地做o既o野，笑到肚痛！真係永世難忘！ (^.^)
似乎我o既工作種類已經俾人定型緊！細芬話我graduate之後會做秘書多o的喎！再唔係會做教師！老師一定唔會o架啦！費事誤人子弟，自己知自己事啦！ (^_^)
冇諗過第一份工會俾我咁多o野！就算冇做，我o地四個仲keep 得咁好！難得！難得！而家仲成日o係六樓見到個死仔包添！
開會！ (^_^)
估唔到會有o的咁o既EC，開咁多次會都未見過人。佢仲話乜唔係delete 咩？delete 你個頭啦！你係EC o黎o架！你唔係諗住為個名而選EC呀？貪玩呀？檢討下啦！
仲有呀！有o的細Council Chair 都好唔負責任……尤其是佢！我就o黎想殺佢，咁多個月，人都未nom 到！ (>.<)
呢期差唔多食乜嘔乜，結果搞到輕o左o的o的，應該係好事o黎o既！我諗……
嘩！有個組仔同我講我成日都好開心？我當堂大笑！唔係呀嘛？何以見得？佢話見我成日笑同冇乜皺紋喎（乜唔係笑多o的，會多o的皺紋咩？），仲要發自內心喎！哈哈！唔係呀嘛！不過，我都希望自己真係可以日日都係開心。
著suit 著上癮，又買多套suit。 ^.^
一早起身已經覺得唔多妥，最後上完830就睇醫生。仲諗住呢三年唔會睇楊仲儀o的醫生，因為印象唔多好，但係自己極度唔舒服又唔可以返屋企，迫住睇……
最慘係開會中途，藥力發作，搞到好眼訓！ ~.~ 好彩今晚都係開到十一點幾o者！
尋日美心接o左Exchange Cafe 做，今日幫襯……服務一流之外，o的o野食都好好味。可能沒有太多時間準備，有很多地方需要改善。例如︰食物種類、等候上菜時間。Anyway，整體上都好好o既！
沒甚麼特別。
估唔到一飯之行會有意外收獲！藍色馬仔風鈴得到手啦！勁開心！hehehhe……
某某中學的歌唱比賽，差唔多有一半的參賽者選擇的曲目都是Twins 所唱。如果我係o個間學校o既學生，我會悶死當場！
打下打下都打o左成十二多個小時，真係tired 啦！
Sandra，真係諗下整個General Secretary 學會啦！我諗都會有唔少Sec都會入囉！尋晚o個一大「壇」o野最後都要由我、Sandra、安仔同Marco 執手尾！唉……我o係屋企都唔會做，o係學校會，你話咩道理？
Marco 今日講o個o的o野，自己諗過，講過、遇過……俾心機啦！或者冇你想像中咁o既！朋友？睇下你自己想搵乜朋友？吃喝玩樂梗有一大堆o既！真心朋友又或者會好少，但未至於無o既！我就有Sandra、安仔、Eddie 同 Ricky 啦！我相信你都會有！ (^.^) 人事關係？複雜係在所難免。你係IVP o黎o架，你一定要適應呀！
原來男校、女校會有咁多古仔聽！唔怪之得安仔話可以寫書啦！
今日返學校打邊爐之餘，當然又有例排節目啦！
無錯！有o的o野係要交下學費至得o既！咁我諗呢o的學費都抵o既……仲要咁多名師喎！Sandra、安仔、Eddie同Marco啦！算係咁o架啦！哈哈！睇我打牌都幾驚o架！除時會嚇死你……「o下？你……」
王欣 Theory︰「凡有兩對牌或以上可以做對對糊。」+++++ 事實有好似得喎！不過，大家都係諗清楚先至做啦！因為隨時去到最尾會一炮幾響，到時你就慘啦！
冇錯！我打牌都係都好講浪漫主義o架！hehhe！
今日擺明「行大運」！事緣約o左3個fds 睇 Ocean's Eleven，諗住訂o左飛啦，就o係火車站等！1030，我仲訓到矇矇鬆鬆，肥彤打電話話o黎唔到，都是酒惹禍！唉！算啦！仲有三個睇……我已經遲o左成15分到火車站，正係見到杜少坐得有點兒不耐煩！倫倫呢？唔見……咁我o地等呀，等呀……電話不斷打，但打唔通！我o地最後等到點幾至走！最激氣係臨尾至知買唔到飛！ (>.<) 杜少決定返屋企訓覺，我都想，但又想睇戲，結果……我都係o係大學轉返羅湖方向o既電氣化返屋企訓覺，好鬼眼訓……
訓到五點幾，溫FM……不過溫o左一課又閃……Yeah！終於睇o左 Ocean's Eleven，套戲OK 啦！都有唔少o既爆笑場面。(^_^)
我都開始驚驚地！身邊o的人而家忙緊佢o地o既功課，但自己又無所事事……究竟我有冇功課要交o架？！
總覺得今年冇乜新年氣氛，係自己問題，定係整體氣氛呢？我個friend 都話今年冇乜新年氣氛，都唔知點咁！
肥明！我o地決定畢業時至同你食飯！！！
李克勤個演唱會好正！真係睇咁多個演唱會最正係佢！兩個男人老狗（李克勤 & 梁榮忠）扮Twins，真係幾異相，不過真係好好笑！ (^.^)
佢o地有一段發人深省o既對白︰一對情侶拍拖o既時候，HONEY前，HONEY 後。一係叫「勤勤」呀！「殊殊」呀！真係骨到痺！好啦！結婚後，前面o個o的稱呼一掃而空，換來的是「喂！」「衰佬！」「衰婆！」好啦！老啦喎就叫「死老o野！」難道每一對夫婦都是這樣嗎？應該不是！其實我覺得乜稱呼都唔緊要，最緊要係大家由始至終都係相親相愛！嘻嘻！ (^_^)
希望你o地呢一年過得開開心心，心想事成！(^_^)
唔係正日食團年飯總覺得怪怪地……
嘩，旺角真係人山人海！迫到阿媽都唔認得！咁都好o既，行年宵o既預習。
Ricky佢o地9點幾至出得o黎，同大興行完旺角都仲有大把時間剩……都係返屋企抖抖先再出！
今次行元宵行得最舒服……但係買唔到自己想要o既馬仔風鈴呀！藍色…… (>.<)
銅鑼灣o既漫畫王好正呀！我鐘意o個度o既環境，好有和風feel！或者我實在太肚餓啦，食埋Ricky o個半碟雞飯！ hehehh……
KT請飲酒，萬歲！ (^_^)
人o地話第一次賭博通常會贏，事實上又係喎！
本來今朝冇乜o野o既，仲好開心，點知點心阿姐o既一句說話，我就好唔開心……佢話︰「靚仔，食乜呀？」(>.<) 豈有此理！hhehehhe……
評議會同幹事會都有Sunny，一有人講到Sunny真係要問清楚邊個打邊個先。亦都因為咁o既原因，EE Sunny 話要改名……叫Sun？真o架？
好驚自己訓過輪，結果係冇訓覺，唯有搵o的o野無聊下。彈緊琴都可以就o黎訓著，可想而知真係好鬼眼訓！ (~.~)
開會啦，開到就o黎訓著……
KT，印象呢o的o野可以慢慢執，但最緊要係你要俾心機做。加油！
結果我都係要食埋團年飯至可以訓覺。
你o地睇度呢度o既時候，我已經大昏迷緊！早抖！(^_^)
今日好開心！(^.^)
如果o的新Councilor再係咁o既表現，個會議真係唔多健康喎！
呢幾次開完會後都冇返屋企，今次亦唔例外！
有陣時覺得上CB就好似上緊o的Phyisics、Chemistry或Biology堂咁！
愛上了粵語長片……古裝除外。粵語長片版o既雪姑七鬼真係將原著抄到足！
越o黎越討厭上Law，悶到發瘟之餘，個Miss仲……真係唔多想提！
沉迷一樣o野，會使人忽略身邊人。
仲有2/3套o既《BB與我》未睇；仲有1 1/2集o既《Harry Potter》未睇；我仲想睇埋The Lord of the Rings（如果時間容許的話。）……仲想睇好多好多書！
將另一部電腦扮得靚靚，非常滿意！不過，有o的technical problems 留待俾細佬搞掂！
我發覺唔少身邊人都係一月出世，仲要連住落喎！我唔會撈亂，反而會記得喎！(^.^)
而家至發覺SAC係一個好地方！
點解Listening 堂過得咁快o架？我真係好鐘意上呢堂！好開心！識到小花、Sophia、Mint、Rebecca、Alan、Calvin…
阿仔話Exchange Cafe 做埋今個星期六就關門大吉。咁o個度遲o的做乜呀？
唉！FM sir 話讀得BBA就唔使旨意可以脫離數學，聽完之後，面色一沉……咁佢又講得o岩o既！唔使我計o的三角形、圓形已經算係咁啦！ (~.~)
今日買o左支Lip Gloss（好似係女番o個隻！），搽o左落去，o的味勁似好耐未食過o既西瓜冰，真係好想舔…… (^.^)
油王成日話人有「死亡對答」，佢咪一樣有，仲要講完之後死撐喎！
油王︰「乜余太結o左婚咩？」
某人︰「咁你話呢？」
講起油王，我又諗起某人o係海洋公園o既海乜館講o左的好好笑o既o野！ (^_^)
o係Council 學得多o野o的定係Exco呢？我覺得呢兩樣o野都係唔同性質o既o野，學到o既o野就自然唔同。KT話Council 學得多o野o的，唔知Ricky同埋有做過Exco o既人點睇呢？o係Council 將近一年啦，我o係呢度的確睇到唔少o野，學到唔少o野。
由細到大，我同數字呢家o野簡直係貼錯門神。今日溫FM，計下數，一路做，一路爆粗，把母親大人嚇壞，以為誰得罪了我。唉……我幾時至可以真真正正脫離同數字，唔好數字咁籠統，不如話我幾時至可以真真正正脫離同會計有關o既o野……DEBT, ASSET, EQUITY, I HATE U!
個肚本來有o的起色，一時貪玩，俾個夫拉圈又整到個肚痛痛地！(>.<)
與SS結下不解緣……
"The Lord of The Rings"都幾好睇！但幾時至會做到大結局呢？咁即係迫我睇書啦！
"What to do when you know the worst is coming..." from Harry Potter and the Prisoner of Azkaban，雖然未睇晒，我亦唔知道本書會唔會有答案，但係今日套戲就俾o左答案我，就係「克服！」
Sandra，為你而設呀！go to here……some info about Legolas（神箭手呀！）唔知你睇過未呢？ 仲有o的screensaver，你去個Offical Web Site睇啦！
o個o的做事拖拖拉拉、舉棋不定、扭扭擰擰、婆婆媽媽o既人，我係容忍唔到咁多！雖則我知一個大學生唔應該為o的咁o既事發脾氣，但係見到呢o的咁o既人我就會好鬼！ (>.<)
好彩都係一陣o者！o的音樂果然有療效喎！哈哈！今晚聽到好多首我鐘意o既歌……
今日個肚終於好返少少，但係仲痛……