(1/1 後補）

訓醒，去睇呢個「人體奧妙」……我媽咪︰「你幾時變得咁大膽？」我︰「人一世，物一世，乜都睇下先得o架！」

無錯，係好多絛屍，但無我想像中咁恐怖，仲掂埋佢o地添！醫學o既o野，我真係唔多覺有。只係臨尾見到有條屍插o左好多手術工具。你話藝術？佢個主題又唔係，無乜藝術可言。總而言之，學生飛都40蚊，我都覺得唔值，何況成人80蚊？

唔摸唔知，原來人腦都ok 重o架！

跟住好tired，返到屋企做「睡寶寶」，六點幾訓……

新一年新開始，new hp  <--- Click IT

(1/1 後補）

都唔知訓到幾多點，夜晚同哥利、女、Jando、仔去阿西度食飯。原來個City Challenge仲未玩完，移師o係香港玩，groupmate 換o左碧琪、哥利、Jando同埋阿Dee。話說我o地搭小巴往西環，一上車，我同碧琪都見到一大袋o野，但都冇理佢。到總站，都冇人理，於是個仔拎起睇下乜，係部相機……諗住交俾司機，但相信都會冇o左！於是，我o地諗住搵警察搞掂佢，點知搵警察係咁難……係唔係太平成咁呀？我o地亦開始明白點解咁多人「濫用」999（事實係，警方迫人濫用999）。見到警車，就好似同佢玩捉迷藏咁，但都搵唔到。仔打電話俾佢個fd，佢個fd 話喎，去邊度邊度問secure，會問到西區警署電話……ooh oh，冇喎！嘩，secure 都冇，唔係呀嘛……咩保安呀！真係有o的激氣想劈低袋o野唔鬼理……但……送佛送到西，幾個人為o左部相機搭丁丁車（好耐冇坐過啦……十多年啦）去差館，終於俾我o地見到警察啦，想做個「路不拾遺」o既人真係唔易。 ^.^ 之後，先知道呢部相機係一個旅客留低，希望呢個旅客能夠拎返部相機啦……

擾攘一輪後，終於可以食飯啦！金莎蝦好好味呀！但係我都係我o既至愛‧蠔餅好好味呀~~~呢餐飯好似旅行後sharing 咁……新加坡點點點，北京點點點，香港又點點點……好正！

去北京一定要講價，但如果幾塊錢，算罷！

究竟影景定影人？ ^o^

李純恩先生o係《香港人你怕甚麼》講過，香港人最唔過宜旅行，尤其是郵輪o個o的，因為佢o地會好快睇晒船上有乜玩……之後幾日就唔知有乜新o野玩，就猛咁話悶。

李生生又講過，中國人去旅行總是熱熱鬧鬧。無錯，熱熱鬧鬧係應該，但都要顧下禮儀，唔好失禮人。

今次一行，改變o左我對新加坡o既印象，雖然話係「罰國」，但我又唔覺得有乜特別。或者哥利講得o岩，可能我o地只係睇到佢o既好o既一面，但點都好，我對呢個國家印象非常好。佢唔會係一個好o既旅遊地方，但會係一個好o既居住地方。學我Daddy 話齋，只要冇乜政治野心，o個度係一個好地方。有機會的話，我會再去多次o個度……

坦白說，去咁多日我都冇掛住香港，屋企都冇掛。媽咪話我適應力強，隨時起飛腳，嫁到去外國……冇錯，我只要有銀兩、時間，我就會週圍玩。 ^_^

唔知點解，我替時下年青人感到可憐。點解佢o地會變成咁？教育o既錯？政府o既錯？

過份自由=放縱。放縱就會有好多規條規範自己。要自由？先做好自己吧！……深深體會某作者o既意思。

好！去完台灣，睇下又有乜share先！ ^_^

(1/1 後補）

依然有少少唔舒服，今次多埋咳添！

最後一日O既第一個行程係玩City Challenge。搭巴士去，行路返。返去o既時候，乳豬佢o地諗住學「電波少年」截車返MYMCA，寫埋「H‧E‧L‧P」，可以慳返筆。有O的司機真係想停，但係我O地人太多啦。最後，不知不覺我O地拎住份map就行到返去啦！  ^_^  （出o左一身汁，傷風冇晒，但咳就不斷。）

沖o左個涼，執埋行李check out。我o地最後一個參觀景點 — Malay Viallage，o係呢度享受o左一頓豐富午餐，歌舞表演同埋我o地o既Farewell Party。

本來真係想買風鈴返o黎，但係仔話唔好買，話唔好喎~~~忍得好辛苦呀！ >.<

最後，我o地去機場……走之前，Johnson 將佢o個個魔術速成咁傳授俾我o地。入閘啦，個個都依依不捨，Emily喊o左、Ivan、Shirely 都係……

上機回程，都ok tired la...就o黎抵港時，我同阿金好快表演o左一次Johnson 個魔術，好玩呀！ ^_^ Mandy 都學識埋啦！

一切手續搞掂之後，準備各散東西時，聽到一件好唔開心o既事︰「o係NPC熱[情招待我o地o既 Anthony，o係接待完我o地之後，同patner一齊巡邏，好不幸遇上意外，唔o係度……」而家打到呢度，我依然好介懷，但提醒我一樣o野，「坐言起行」。要知道下一分鐘真係唔知會發生乜事。

雖然唔可以將每一分，每一刻拍落o黎、寫落o黎，但呢個旅行所遇到o既，體驗o既永遠都會keep in mind。呢個旅行學o左好多o野，但係影響我最深o既係Anthony。

（1/1後補）

頭痛非常 >.<

第一站係National Youth Council，呢度會provide funding 俾一o的青少年活動，亦都提供唔少資源for organizing youth activities 同埋 training youth staff。佢o地其中一個program好正 — service-learning，in other words, 透過服務去體驗，去學習。其實，要真真正正學識一樣o野，學習係唔夠，仲要係體驗。好似爬山咁，理論一大堆，但你唔落手落腳做，你都係唔識爬山。

o係Youth Council 對面係Youth Park，for o的年青人Graffiti 同埋滑板。講開又講，o係新加坡，唔多覺有「街場」呢樣o野，咁唔知同咁少青少年問題有關呢？

o係o個度，阿金同叉燒噴o左個好靚靚o既logo ^o^

之後，再去呢個Outreach Centre，呢個centre除o左for 老人用之外，仲有託兒所功能。由於o岩o岩落成，所以一切都係新蔟蔟。

託兒所內有張類似Guidelines o既物體，其中一條guidelines 係「我o地要專重每個兒童o既發問……」講就易，但係又有幾多人可以做到？

之後，自己時間（話係自己時間，實際上仲有一個local leader 跟住）。shopping o既 shopping，觀光o既觀光。我同個仔依然堅持唔買o野，於是我o地同馬氏姐弟、仲有阿熹、阿熊o係附近食o的點心再起行（都係南山村o的蝦蛟最好味！）

然後，去搭呢個MRT（即係香港o既MTR），基本上，同香港MTR 一樣。少少唔同O既係，even 單程車票都好似八達通咁，不過我相信都係轉o左冇幾耐，因為o的入閘機仍然保留入票o個一個step。

唔記得o係邊個站落車，出閘後o既環境大同小異。又一城、太古城……其實o個度叫R……唔記得啦！不過個名周街都見到，Derek 話呢個人好出名，唔知啦……  ^o^

行下行下，見到個水池，聞說順時針行三個圈，用手掂一掂o的水會發財。我同家姐都費事同佢o地癲……  ^_^

之後，我o地去搭巴士到ChinaTown。o係新加坡，大部份o的巴士都係單層。而我o地搭o個架都唔例外。由於我o地冇類似Octopus 咁俾車費，所以要入錢錢。開頭我o地諗住一齊入就搞掂，但Derek 話最好分開，我開頭都唔明，上o左車，就明白啦。司機會睇你俾夠錢未，俾夠錢，佢就會俾返張票你as a receipt。至於o都「Octopus」會係上車一次、落車一次，唔同香港。但記得香港有人提議過呢樣o野。 ^.^

途中，我同家姐見到香港……香港街「Hong Kong Street」。落車後，我o地又發現呢度有「Temple Street」，呢度o既Temple Street 譯做「登婆街」，呢條街冇o野食，正係得o的車泊o係度……

沿路見到o的幾舊o既樓，見到某個窗，掛住一個風鈴……本來冇乜o既，但細佬同我講見到有個男人……我問咩男人，佢話o係紙度，藍色的……咁細膽o既我，當堂呆晒，眼前閃出一幕又一幕恐怖片段……但……細佬點會咁好眼力睇到呢？ ~.~

之後，行o左陣，同赤柱o的store差唔多，所以都係冇買o野。然後去o左一條「食街」，食o左蠔餅（都係阿西整o個o的最好味！ ^.^），Fried Carrot Cake（新加坡人似乎好鐘意炒籮白喎！）、新加坡卷（酸酸甜甜，都幾好味！）。

五點，再搭巴士去Woodland 集合。或者行得耐，家姐訓著o左！ ~.~

六點多，到達目的地。一個二個都滿載而歸。而我o地就滿肚而歸啦！  ^_^

之後，食日本o野……太飽關係，每樣咬一啖就唔食……

同家姐行o的精品店，始終都係女仔，鐘意行下呢o的咁o既舖頭。最後，我同家姐都係敵唔過米奇老鼠誘惑，買o左lu……當然啦，見佢o係香港冇，先至帶返香港。 ^_^ 跟住，米奇老鼠就不斷俾人非禮。

返到MYMCA，勁tired，藥力又發作，玩o左陣，又訓覺……

（1/1 後補）

一早起身搵拖鞋……搵唔到，赤腳走…冇所謂啦！ ^_^

早餐過後，去o左Neighbourhood Police Centre (NPC)，呢度o的Police 勁 friendly，唔似香港o個o的。同埋成個Police Station o既 impression 俾我個感覺好舒服，唔會有拘束感覺。 (^o^) 接待我o地o既其中一個staff 係 Anthony，佢o地一早預備o左小食俾我o地，一入到conference room，佢猛叫我o地食……驚餓親我o地，hahhaha……睇完NPC短片，去O左附近參觀……點講好呢，o個度好似一個大型o既社區中心，裡面除o左有呢個NPC、仲有gym room、體育場地、食肆、班房（for interesting class）應有盡有。o係o個度，見到一種未曾見過o既運動，玩法同羽毛球差唔多，但拍呀、波呀唔同……好似好好玩…… ^.^ 再行返去NPC，影下相、食下o野，呢一站就咁完結啦！

o係NPC 見到，譯返大概意思︰「無人唔會犯錯，但犯錯過後，要識得改，唔好俾佢錯落去。」

之後，我o地去o左附近一個屋村商場食lunch……都唔可以話食lunch，因為一個二個都食得好飽。仔同我，再加埋馬氏姐弟o係Starbunck停留，搵o左個corner 位坐低。我唔記得邊個老師講過，試下搵間coffee shop，搵個corner 位坐低，一邊嘆杯香濃咖啡，一邊睇街外o既人生百態，係好正o既事！老師無講錯，唔止好正，我覺得係享受。 ^_^  你會發覺新加坡人無咁著重外表，個個都著得好casual，even 去到一o的CBD地方。仲有，你好難發現有人染髮。 ^_^ o係香港o的屋村，成日見到o的年青人聯群結黨，染紅染綠，一口煙，粗口滿天飛……o係新加坡，我未見過，o係屋村都見唔到。

其實，我同個仔都勁怕悶親佢o地兩姐弟，但佢o地兩個好乖，陪我o地一齊……我o地兩個都希望佢o地兩個知道去旅行唔係only for shopping，but also for認識當地人生活。 ^_^

享受過後，再搭車去呢個Aerogreen Home。呢個Aerogreen Home好似香港綠田園，不過，我諗o個度無得俾外人親手落田種。 ^_^ o係o個度，我o地食o左好鬼新鮮o既菜菜（咁大個女食得最多菜o既一次…… ^_^）同埋飲o左好好味o既菜汁。

之後去o左National University of Singapore (NUS)，由於時間關係，我O地只係去O左一小部份……O個一小部份相等於City。整個NUS o既面積相等於幾個中大。 ^_^

返到去MYMCA，一個二個都忙住換衫 for 呢個High table dinner。多日o既行程，第一次咁準時，亦都係最後一次。第一次見咁多位著得咁斯文，亦都係最後一次。  ^o^ 好可惜個Guest有事o黎唔到，冇得學餐桌禮儀。 >.< dinner 完結後，Johnson 表演o左個魔術俾我o地睇，嘩~~~超正呀！

跟住，Johnson帶o左我o地去Pub，冇乜特別，坐埋一邊，望下街景，飲下酒都唔錯。尾聲，拉o左Emily 同 Shirely 一齊跳舞，之後成班人都high high 地一齊跳。wow~~~

返到MYMCA，個個好仲好似意猶未盡。 ^.^

傷風~~~  >.<

（30/12 後補）

冇乜幾可可以早起，七點半起身，八點食早餐。九點上堂—Leadership Training Programme。

話明上堂，梗係悶啦……不過，悶極都仲記得YMCA o既四個core concept — Caring、Honesty、Respect、Responsibility。

上完兩個多鐘堂，就整午餐。冇錯，係整，唔係食咁簡單。我同家姐、阿雄負責整沙律、三文治。第一次整沙律，好彩家姐識整。 本來諗住加蛋蛋，但點知o的蛋又唔熟，結果呢個沙律非常健康，好多生菜、好多吞拿魚醬、好多麵包粒同薯仔粒，同埋沙律醬。今次午餐真係好豐富，同埋特別好味。^o^ o個o的炸雞脾好好味，亦都因為咁，阿琪專登留意當地supermarket 有冇o個o的調味料，買返香港整，最終俾佢搵到。

食完之後，去Sentosa。o個度好舒服 。先參觀UnderwaterWorld，同海洋公園o個個冇乜分別。之後，我o地搭「有人駕駛o既有軌觀光車」到公園中的下一站。沿途分別經過淺水灣、貨櫃碼頭……到達沙灘，真係好靚，同埋真係好有渡假feel，而且仲俾我見到孔雀。^o^ 再行前o的就係Lagoon，o個度有海豚睇。我第一次咁近距離見到海豚，三米都唔夠，開心死~~~不過，佢o地咁樣俾人困住，我又替佢o地唔可以o係海中暢泳，感到可惜。~.~

晚飯過後，o係Sentosa 睇Musical Fountain，好正！真係好靚……  ^_^ 不過，我o地四個人（家姐、細佬、仔同我）都係對O個條所謂海豚感到有O的……睇O黎睇去都唔似……  ^_^

接住落o黎去呢個翻版Merlion，去到頂，俯望四週，夜景都係香港靚o的。  ^o^

細路仔o的創意真係唔錯，細佬成日講「馬拉人」，開頭我都唔知佢講乜，問下佢點解，佢話係「Merlion」﹐又幾o岩音喎~~~跟住，又唔知點解去到家姐度，「馬拉人」變做「人拉馬」。自此，我o地四個都叫呢個獅子魚叫做「人拉馬」啦！  ^.^ 仲有，「大笨象」一詞經家姐重新演繹，嚴格上o黎講，我o地呢團有二十三隻大笨象。  ^_^

香港同Singapore最大唔同係，後者有呢個「人拉馬」，無論咩類型主題公園，都不難發現佢蹤跡。

夜深，317依然非常熱鬧，嚴公公要Maid service，我o地又點敢disturb 佢呢！hahahha……經過一輪激戰後，嚴公公先有得休息。另一邊廂，又另起爐灶—「非洲話事啤」。又跑、又飲、又鍚腳皮底……真係乜都有！跟住，tired 啦...我都訓低o左，記得好似佢o地o係度講鬼故……之後一場混戰  ^_^  一句「shu...隔離呀…」先真係訓著o左……

（30/12 後補）

七點多，二十五人齊集機場，個個都好興奮，等待上機一刻。等待之際，卻遇上問題。阿熹的護照期限不足一個月……

入閘啦！阿熹亦經過Ivan 同有關方面安排之後，都可以同我o地一齊順利入閘。好開心呀！終於可以飛啦……^_^

上到機，好有新鮮感，不竟都係第一次搭飛機嘛！起飛啦，心情有點緊張，但又好快安靜落o黎，沒甚麼特別了。

抵步啦，氣溫有三十多度，我的第一個summer Christmas就o係Singapore 度過。

抵步後，接待我o地有Kenny、阿偉、Felicia、婷婷、Derek、Changloo（有冇數漏呢？）……仲有係好重要一個，Loretta。

o係Metropolitan YMCA settle down 之後，開始我o地個行程。首先去Esplanade Theatre，o個度好似香港o既文化中心。不過呢度大好多，靚好多，佢外型好似榴槤。仲有呢，裡面勁多相，相信Talie 睇到，一定好開心，真係好正，我睇到都勁興奮。真係好靚……香港都有份o架！  ^_^ o係呢個Theatre 對出o既海灣會望見Merlion。

去完文化中心，再搭車去「西貢」，沿路經過「葵涌貨櫃碼頭」。點解叫「西貢」？因為目的地勁似香港交野公園。o係呢個公園又見到一條好細條o既Merlion，o係呢度望落去，開始明白點解咁多人話香港個Peak 望落去個景咁靚。【話時話，Singapore 有冇BBQ場？ ^_^】

之後去到Night Safari，由於之前無去過呢o的咁o既野生動物園，所以感覺都幾新鮮。^_^ 晚飯過後，先睇動物表演。 節目其中一部份係搵大蟒蛇，工作人員已預先收埋o係觀眾席某處地方。嘩！真係好大條。如果呢條蛇o係我凳底出現，我一定大叫到失聲，成個人彊晒！ >.<

鼓起勇氣去掂條大白蛇……好滑溜呀！滑到真係有o的過份，哈哈……仲摸埋一隻似熊又唔係熊o既o野……都唔知乜o黎，我正係知佢o的毛毛好似o的毛公仔，好舒服呀！

真係走去睇野生動物啦，靚靚鹿啦、好耐冇見o既大笨象、好鬼大隻o既河馬、熊bear bear、野貓、犀牛……我真係好耐未見過o的咁o既o野啦，見都係o係電視、雜誌度。 ^.^

返到MYMCA，好tired...玩埋個Xmas Party，勁tired...~.~  交換禮物，抽到手錶，唔知邊個送，但都要講聲︰「Thank You！」 ^_^

（30 / 12 後補）

出發前一天……

先到恒生exchange money，點知話要至少exchange一千，要咁多做乜？於是走o左去附近o既匯豐，點知呢間無得exchange，好彩個staff 幫我o係附近一間分行留定五百俾我，真係好多謝佢呀！  ^_^

返學校玩…玩到「白雪紛飛」，真係白色聖誕啦！hahha……有一個識講o野o既M&M公仔！Sandra 話o岩我！^_^

同Eddie 佢o地玩到十二點多，再走去灣仔join 大興、仔女。

夜深，一行四人去o左西灣河「明記」（not sure 個名），o的糖水唔錯呀！好味好味！順便推介埋位於旺角西洋菜街o既「老友記」。 ^o^

個肚勁飽咁樣上去個仔屋企...o個陣已兩點幾啦。四個人玩UNO…玩到五點多，起程啦！^_^

P.S. 今年有好多特別O既聖誕禮物，好好好好多謝細佬~~~錫晒佢！佢買O左CF卡俾我做present，話俾我去旅行影多o的相。原本無諗住返屋企，所以根本無可能收到呢份禮物拎去Singapore用……於是我o地就o係火車站交收。但我呢一個家姐真係好大矇……九龍塘等，但我又上o左車，結果累到佢冇位坐，大圍交收……唉~~~不過，真係好開心呀！感動死呀！肥仔，家姐錫晒你！^o^ sweet sweet...

P.S. 臨走前收到好多message，謝謝啊！最緊要係謝謝靚妹，我唔會洗o左你呢個message……touching again!!! 靚妹，家姐錫晒你  ^.^

有呢兩個咁鍚自己o既細佬妹，真係我o既福氣！^_^

今晚同碧琪佢o地做節，好耐冇見O既Garrick返o左香港過聖誕，未到前，個仔話佢聽唔清楚佢會帶一個一般朋友定日本朋友一齊！……開估啦！係咪一般就唔知啦！肯定o既係The guy from US and studies in Japan.言談間，英語、日文、廣東話共用（識多五個可以做金雞 ^_^）。

老番話我o地係中國人唔使學英文，跟住有人問佢︰「咁你點解學日文？」佢話︰「大家都係黃種人。」^o^

交換禮物啦，由於有兩位人兄係無備而戰，所以寫下「欠單」—憑票即付。阿Ken 就抽到Garrick o個份，Garrick 話送個日本妹俾佢，仲要free of charge......^_^

結果，今年都係平唔到三十支紀錄……  ^.^

搞呢搞路搞到五點訓……

訓醒同靚妹行街，個仔終於見到阿姨啦 ！ ^_^

擠迫o既街道……唔係，係熱鬧o既街道（廢事俾我細妹話我咁negative！）……搞到我唔多想行街……迫死！

好明顯尋晚都飲到high high 地，記錯o野！the best presenter 係 Ruby 呀！…都唔緊要啦，都係我o地組！yeah~~~

《無間道》好睇呀！呢套戲真係節奏緊湊，冇得俾你抖一抖！好正呀~~~

食埋o野（EXP o的 staff 真係要train 一 train……使唔使我o地幫手呀？^_^），跟住同Mr Coni 、大興走o左去迫到死o既旺角。嘩！真係賤物鬥窮人，真係呢……$50有交易！真係有o的過份！hahhahha……係乜？唔知呢……^o^

再走o左去上堂，嘩，先知道我o地真係好認真喎！

尋晚仲有好多o野未寫……好似Porter's five-forces model咁，點樣可以apply o的男朋友度？哥利同大興真係活學活用！^_^ 唔記得啦……

結果係「兩梳蕉」入去考。

終於考完啦！當堂成個人想訓低……好tired 呀！ ~.~

跟住我o地一行十一人浩浩蕩蕩去石澳bbq。首先o係又一城X'mas tree影影相，讀o左咁多年都未同過呢棵o野影過。

到達目的地，John 不斷要人自飲三杯，佢唔飲……佢呢條友丫！ ^_^ 結果o個兩盒紅酒就俾我o地十多人飲晒！

Ken 提議落蘭桂芳再續，唔同佢o地癲……好好好tired 同埋留返o的quota 俾23、24號晚玩。 ^_^

相信今年o既聖誕禮物都唔會俾呢兩份好！ hahahhaha……真係好好好開心呀！首先，Sylvia係Thursday Class o既 Best speaker。跟住，我o地組亦都係Best team. Yeah~~~總算我o地o既努力係冇白費。 ^_^ 好開心呀~~~

除此之外，碧琪亦都係另一班o既best speaker 之一呢！  ^_^ 恭喜啊！

今晚o的相……CLICK!!!

未試過考試真係咁鬼free，呢科e-marketing 真係ok 抵讀！……結果正係做o左四分三份卷，我諗都pass o既！ ^_^

山楂就考完啦，而我仲有兩科跟住。原本諗住考完e-marketing即返屋企，六點幾先再返過o黎！結果我抵受不住山楂魔鬼o既誘惑……同佢兩口子一齊食飯。再跟住，我走o左落csc 溫……都係溫唔到，索性返屋企訓覺。 ~.~

雖然都可以話ok 無聊，逗留屋企只有一個多小時又要出門口，但你o地唔覺得屋企係一個「充電」o既地方嗎？^_^

好彩科SP都可以接受o既！不過答題o既distribution 絕對係一定o既規律遞減…第一題寫8pages，第二題寫4pages、第三題得2pages。大家同樣都係33.3% o既題目，但係佢o地所佔o既版面數目絕對係唔成比例。  ^_^

仲剩返科PM…最後一科一係好有動力溫，一係唔鬼溫。結果我選擇後者……我都唔鐘意……

（21/12 後補）

「要當機立斷，果敢執行計劃；對自己的過份顧慮是成功的唯一障礙。」Alexandre Dumas

雖然聽日有兩科考試，但都好似好他調！ ^_^

（21/12 後補）

幾難得有一科可以令我乖乖坐足成日對住佢！……都係o個句識唔識另一回事。 ^_^

難為了部電腦……陪我癲足十多個鐘……我諗佢而家都未休息得住。 ^o^ 18/12...0223

結果都係冇溫到書就考啦……只不過係一早返去借書考試……跟住就再無乜好準備考ME啦！

點知做下做下勁tired，爭o的訓著…… ~.~

跟住走o左同個女一齊溫書，坦白講，書就無溫啦，溫唔夠幾版就訓著o左！

Coni……都係慣o左o係呢度嗌Mr Coni（Jando 佢o地係唔係嗌你呢個名，我控制唔到o架！^_^）

快o的考埋o個三科，咁就可以盡情玩啦！ ^_^

今日絕大部份時間係做「睡寶寶」。但聽日要考ME……我唔係真係咁瀟灑呀？1911

中文配音o既Titanic 總,是怪怪的……聽唔夠十五分鐘就轉返英文lu！唔知係咪o係屋企睇o既關係定唔知乜原因，總覺得今日無咁好睇~~~

my name is 瀟灑，哥利改的。  ^_^ 因為？佢話喎，考試考得瀟灑，唔使溫書……er……  ^_^

結果都算係冇乜溫到書就入試場……好彩o的題目ok 易，咁o岩自己最熟係o個幾parts。 ^o^

跟住閃o左返屋企，真係好tired，好想癡住張床，唔想去華貴呀……但唔去又唔得，結果係遲大到，亦都因為要搵提款機，先至知華富o係華貴隔o黎，又識多一個地方啦！ ^.^

所有組員現晒身啦，有我啦、仔啦、阿熹、阿金同埋成成o既。

講到話要表演……我o地四個不其然就諗起presentation，又o岩喎，入o左U之後真係操得最fit 應該係presentation。我諗如果要我o地組present 應該唔係問題。 ^o^

行程緊密，同埋我覺得真係名副其實交流團，可能你覺得會好多o野做，去旅行咋喎，做咁多o野，但我同個仔都認為係值得o架，學到o野！依然o個一句好想快o的到25/12。 ^_^

跟住，走o的去一間我覺得幾靚o既食肆食飯，個仔都冇介紹錯喎！幾好味！好似叫新昌明……既然可以有勇氣同人拍拖，點解唔可以有勇氣接受人o地o既一切呢？有時，唔好咁固執好！hahha…有新抱仔囉！^_^ 之前我咪講過有o的surprise 俾你o地o既，係乜？唔……都係唔講住！

阿John 23歲結婚，嘩！我以為呢o的人一早絕晒種啦！ ^o^

考完試後o既time schedule 已full 啦！20號考完即入石澳bbq（阿仔︰姬絲汀話要隊lum 阿John）但係，阿John會唔會咁易lum呢？21號約o左Mr.Conni 睇《無間道》，夜晚入去華貴上堂。22號做節……23號lunch K，會唔會有交換禮物呢？跟住又要入去華貴final 啦，跟住又同班fds做節。24號同安仔佢o地去玩……玩到幾多點？度緊……o係西灣河入機場（咁就可以玩夜o的！）定係o係屋企出發好呢（Daddy車…）？要度呀…… >.<

仲有四科，加油！  ……先苦後甜啊！

出奇地好早起身…食完早餐，睇完報紙雜誌，又閃o左出去……

先拎Passport ……我諗入境處真係要學下咩叫笑容同禮貌。雖然唔係零售行業，但都算係服務性行業呀？

跟住不大願意咁返學……結果搞到界親隻手……如果唔係有位人兄幫一幫，我真係將o個堆垃圾劈埋一邊！ >.<

話時話，話政府精明又精明唔晒。日前，佢話現時推行o既環保計劃唔work 喎，諗住閣置。都實行o左多年啦，雖然個成效唔係咁顯著，但係有o的o野要慢慢o黎，唔可以拔苗助長。再者，其實而家有一小撮人已有呢o的咁o既環保習慣，政府絕對唔可以抹煞呢個計劃o既成效。仲有o既係，新一代已細細個開始接觸環保，再假以時日，香港o既環保會有氣息o架！I believe！

to some extent，我好欣賞日本大公司o既節約資源o既表現，係大公司，並唔係百資公司。

尋日睇到一本書，講到「謝謝！」。唔知你o地平時會唔會有講開呢？或者你會覺得講一聲「唔該」好無謂，對方都唔會有好處，就係因為咁諗，搞到而家呢一代o既年青一輩真係不知所謂，人o地幫佢做o野好似係奉旨……話說有個小朋友要o係老闆度拎返個書包，個老闆俾返個書包佢，但個小朋友一聲「唔該」都冇，老闆即刻拎返個書包，小朋友好奇，老闆話︰「你的父母、老師沒教你何時說『謝謝』嗎？」小朋友不好意思地微笑著道謝，接著拿著書包走。有個客人不明白為什麼老闆會這麼固執，道不道謝也不會對他有好處。老闆說︰「無錯，佢道謝我沒有益處，但是對他有啊！一個不懂說『謝謝』的人，任由他的學識與財富如何富裕，也是一個沒有德的人。」試諗下，你平時又幾可會同人o地講「唔該」？

離開學校，閃o左去沙田幫細佬買飛……我都好想睇張學友呀，雖然唔使我錢……都係留返俾佢兩仔「九母」睇啦！

都係敵不住Disney o既誘惑，o的公仔勁平呀！買o左隻毛毛俾靚妹，高菲同埋唐老鴨俾自己，Daddy 睇到實話……但我諗佢短期內唔會劈o左佢o地o既…… ^_^

聽日考試，但我仲有心情行街，真係冇乜考試mood。擺明找死！hahahha……

SP竟然都有個B……真係幾意外下！仲以為上次咁present 法同串Benjamin會大大deduct mark 添！求其啦，考試再下一城。

好啦，王欣今日去到呢度要收手啦，真真真係要o黎個last round TD revision la!!!

時間係1733。

今日好好好好開心呀~~~~~hahhahahahaha………  ^_^

好坦白講，今日真係冇mood 溫書。

周杰倫呀！好好好好好*無限正呀！近距離接觸，但近極都有限，都係遠望，不過都好過正係睇電視、睇vcd、聽CD嘛！雖然好早就散O左，但係一個人由八點多做足十一點都差唔多啦！

我未睇過周杰倫O係台灣演唱會o既DVD，但我諗佢都係將台灣個形式七七八八搬晒o黎香港。依然好鐘意佢斯文look，好正，尤其是身旁有座鋼琴，唔好意思，我係百看不厭。今次o黎o左兩套斯文look，不過我鐘意黑色o個套多o的o者！ ^o^

佢呢場無請到嘉賓，唔知尾場有冇呢？ ^.^ 中場o既時候，佢自彈自唱《我願意》（lum死呀!!!hehhehe  ^o^）跟住再唱埋《追》（查實我都唔知個歌名係咁o架！歌詞係︰「……一追再追……」）都好正呀！

高迪講得o岩呀！有個MC會好o的……

仲有呢，坐我後面o個排女仔真係好正，i mean 佢o地o既瘋狂情度同我都……hahha……

話時話，我從未試過咁「瘋狂」（我諗唔到第二個字啦！但我諗應該仲未去到呢個程度o既……）鐘意一個歌手，或者有細妹陪我癲啦！（查實佢多得我唔少…因為開頭我猛播《星晴》，佢就開始慢慢鐘意啦！）結果連兩位大人都奈我o地唔何，媽咪有時仲陪我o地癲……佢話喎，咁多作品，佢都係鐘意《龍捲風》。  ^_^  而我細佬，佢一有周杰倫o既網上消息或資料，我o地實會有得睇！ ^_^

今日真係好好好好開 心呀~~~~~~周杰倫……最衰靚妹唔可以同我一齊睇啦！ >.<

死妹丁，家姐掛住你呀！ ^o^

ê星晴ê

有o的surprise，阿漢竟然搵到呢度！不過……無任歡迎！ ^_^

人究竟係咪咁清楚自己呢？好似係，又好似唔係。

時間容許的話，真係好想重新寫過個hp……但仲未有好o既idea，今次想試下用dreamweaver……時間容許的話……  ^_^

今年o既十二月肯定開心過舊年多多聲。

我有一條刺，佢提醒我野蠻任性都要有分串。……如果唔係，朋友都冇得做。係！我仍然好介懷！但我又無勇氣同佢講對唔住。唉~~~ >.< 一個風鈴賠o左一個朋友。

o係我個世界，有幾個字係好難開口，犯大錯時o既「對唔住」，對自己o既致親講o既「我愛你」（好痺呀！……細妹除外，ok 成日講，hahah……）。

其他朋友仔一到考試季節就會stop 佢o地o既diary，專心溫書……我呢就唔打唔安落，冇辦法啦，都唔想溫書，對部電腦好過對書呀！……大興話我讀得他調，都ok 他調o架！鬼叫我懶咩，識就識，唔識就唔識，知道個concept，吹到答案咪得囉！況且有兩科係open-book，都冇乜動力溫o個兩科，全副精神俾晒TD、PM同埋SP，TD當然最多啦，鐘意嘛！不過呢，我諗如果你O地溫晒呢三科O的O野，一定OK 多o野寫，因為佢o地o的料可以一齊用！  ^_^ …… 進度︰睇晒！但入唔入腦係另一回事。  ^_^

哈哈……Daddy 以為我開始放長假放到新年！^_^ 我想放假呀！但咁樣會唔會長過頭呢？講真，我咁樣閒賦在家又幾holiday mood o既……  ^_^

而家先至1310，都打咁多……係咁多先！（再一次證明，日頭o係溫唔到書o架！ ^o^）

今日真係真係勁多o野寫呀！

返到學lu……溫書o既溫書……但我今日開始我覺得究竟我有冇溫書呢？我真係好他調……但五科o野…  hahha…

大興發埋o的放火燒舖o既夢……究竟係咪佢o既潛在意識呢？雖然佢話唔係佢做，只不過目睹事發經過……但係呢？……講笑咋！唔好嬲呀！  ^_^

跟住佢講第二個夢都幾得意但又少少詭秘，佢話唔知點解我o地一大班人o係教學樓搭lift press 9 樓考試喎（但事實係冇o架？）……跟住去到天台，見到個課室，入o左去，但裡面o既佈置似戲院多o的喎！但又少少特別係，課室兩邊各自擺o左兩張Tables，中間仲好似有o的o野咁……大興見狀，同哥利講︰「我去洗手間先，你搵住位先啦！」……醒o左！【多謝大興o既提供，但我都係講得唔夠你傳神……笑到我！hahah……】

六點幾，同個仔閃o左去華貴村，係咪，我真係冇乜幾可行香港o個邊。 ^_^ briefing 後，真係好鬼想快o的25/12呀！ ^_^

睇下仲記得幾多先，仔啦，我自己啦，讀教院o既阿琪、讀city o既阿心、好好好似女番o既Emily（nice！）、靚靚o既Mandy、馬氏姐弟啦—好cool o既Jenny 同好得意o既……唔響全朵住，仲有阿包、VV、Zero、阿熊、成成、Shirely啦……後o黎o個o的唔知啦！都起碼識o左一半啦！跟住仲有導師Ivan啦（幾似陳豪）同埋（靚仔？）Leo ^_^

今日可以「噴煙」喎！ ^o^

仔，睇到呢度時你都可能考完Staff 啦，但係我都照打啦……「每事打輸數， 又點會成功？」咩叫「機會」呀？你識o架！ ^_^ 你俾我識諗好多，冇理由呢o的諗唔通o既！仲有呀，你咁操勞法呢唔病都一身潺呀！試下改下你o既生活習慣啦！唔好俾咁多藉口俾自己啦！

某朋友說︰「我只會打有信心的仗。」咁你呢？……esp for Polly.

原本諗住同Mr Coni睇埋《無間道》先至各自飛，但o的時間俾個Tour塞住o左！我真係好想同佢睇呀！跟住我又想睇Harry Porter……真係大出血啦今個月。

今日篇日記真係超超超長呀！其實仲可以長……但tired 啦！總之，今日好好好開心！ ^_^

Titanic呀~~~又有得睇！^_^ 記得o個時睇到喊呀！最touching 我會首選Jack 要Rose promise「Never give up！」……真係好感人o架！

Titanic o既主題曲ok 同我唔夾……次次唱親總會有o的唔愉快o既事發生。

呢期又聽返芝See菇Bi，記得考cert 時，呢個節目陪我溫書呢！仲有森美同小儀啦！^_^好正o架！佢o地講o野抵死，真係溫書都無咁悶呀！呢期愛上o左芝See菇Bi Family之小火花……每一種咖啡豆都有佢一個屬於自己o既名字。從前有一種咖啡豆叫做「朋友」，泡製出o黎o既咖啡味淡、優雅亦芳香。有一種咖啡豆叫做「情人」，製出o黎o既咖啡味味濃而且澀。天地轉移，土壤變質，某一日農夫發現o左新品種o既咖啡。蒸餾出o黎o既咖啡味唔淡唔濃，味道介乎「朋友」同「情人」之間。農夫諗o左好耐都未能為佢配上一個合適o既名字，農夫飲一啖，味道似「朋友」，再飲一啖，亦都似「情人」。最後，農夫決定叫佢做「小火花」。 ^_^ 呢個劇話就話「漣漪」（苦榮主唱？但明明Denny 唱緊o架！ ^o^）係主題曲，但我總覺得另一首歌先係……但我唔知乜歌啦！幾好聽o既Jazz，正呀！  ^_^ 仲有杜文澤呀，佢做o個個阿杜o的語氣都好好笑，仲有陳冠A o既阿臣呀，都好好笑……竟然叫佢o係劇中做一個唔係幾識英文o既年青人喎！  ^_^

再推介多一首歌先，動力火車o既《衝動》。正！

唔知你o地信唔信呢個世界有精靈呢？ ^_^……我都係發下癲問下o者！溫書溫到無聊亂諗o野！for me，我信o架！ ^_^ <-- 好明顯溫書溫到傻傻地！……但我真係信o架！hahahh……

天氣依然係好凍呀~~~

本來諗住三點幾訓啦~~~凍呀~~~但係又唔知點解會咁精神喎！於是溫……一路溫到八點…… ~.~

訓到三點起身，跟住又專程返學還書。

前幾日呢見到有個BB好得意o架！BB配一個Punk頭都OK 唔錯，好得意呀！ ^_^

唔好話我迷信，但星座o既o野有o的真係幾準，係有o的。 ^_^

呢期整返負離子，搽o左銀綠色指甲油，又匿下暖笠笠被竇，又聽下歌……正呀!!!

斷線風箏點飛都好，都會有停o係度o既一日。

Mr.Coni、大興同碧琪……對唔住呀！放飛機添……但真係好凍，唔多願返學溫書，仲要落埋雨添……同你o地傾完電話，我又訓過啦……  >.<

今次發夢真係有o的……唔識形容啦！故事一開始……唔記得o左lu！跟住就係同碧琪、大興食晏晝，唔知係咪呢期玩得公仔麵多，我提議話食海鮮炒公仔麵，跟住我o地就o係某間食肆食啦，我o地三個都嗌o左海鮮炒公仔麵，但唔知點解最後得我同碧琪可以堂食，跟住個老闆話另一個要外賣喎（都唔明…… ^o^），好啦，咁我o地走啦，走o左去搭地鐵，上到車（但o的座位又唔似MTR喎，二對二咁對坐）先至發現唔見o左大興喎，但架車都開lu……I'm sure 呢個站係觀塘，但唔知點解下一個站竟然係葵興喎~~~但又唔知點解大興又o係度出現喎！仲要拎住一樽海鮮炒麵，係呀，係一樽呀！……同碧琪對望，百思不得其解o既時候……醒o左！……跟住就接到你o地傾電話啦！ ^_^

好好好凍呀~~~

乜水瓶座o的人好易喊咩？

「斷線風箏」好適合形容我，同埋幫我改呢個咁o既名o既山楂。  ^_^

對我o黎講，冇自由就真係乜都唔得，安全感？唔……冇諗過，maybe 覺得無o的咁o既必要。Fresh 對我好重要，yup!!!你話斷o左線風箏唔知會吹去邊？係呀，但咁樣可以睇到多o的o野，體驗到多o的o野……對於我呢個咁怕悶o既人o黎講，呢樣o野係好重要！um……不過有幾樣O野我成日見都唔會悶，就係自己屋企人啦！  ^_^  仲有BB！

個仔講得O岩︰「 we are fully utilize our sem break ........Singapore and Taiwan, and me, Singapore and Outward bound」yup!!!最後一年喎！以後都唔知仲有冇o的咁o既機會咁玩法啦！  ^_^  我都想玩outward bound，但一諗到可能會掂水就卻步啦……唔排除下個sem 會玩……  ^_^

好明顯我個溫書時鐘係半夜……

誠意推介舊歌《高妹》、呢期我至愛《高妹正傳》、同埋Eason o既《Lonely Christmas》。

好鐘意Eason o係《Lonely Christmas》MV個頭……隻色，好靚o既紫紅色呀！ ^_^ 唔知Eason 係咪俾《常在我心》定型呢？佢呢個MV idea……

好好好……唔想溫書呀！ >.<

結果係買過另一隻《我的野蠻女友》……搵唔返呀！不過今次呢隻多o左o的所謂「秘密片段」，如果加返落去會幾好o架，ok 感人o架！仲有呢，有一段真係勁似《向左走，向右走》……阿婆o個段。  ^_^

今日真係熱死呀，但聽日又話凍啦喎~~~o拿！呢o的就真係叫cold front 啦！

P.S. 發o左個夢，自己做o左一個無情無義o既人。  >.<

有點兒無聊，專程返校拎notes 同俾錢錢俾哥利（仔，知我點解俾$$俾哥利O既原因未呀？）。

個死仔包happy la，唔使考試，下星期仲要去台灣玩成個禮拜，我就要考試！ >.< 不過好快過o者，跟住我又有得玩啦！

有o的擔心今年o既聖誕卡又寄唔出啦，第三年啦~~~仲爭o的相相呀！……yeah!!!上次o的相相救得返！ ^_^

yeah~~~firm 晒啦！今個sem break真係可以起行，再唔係得個講字啦！唔該晒仔、哥利你o地咁多位啊！

人一世，物一世，有機會真係要四圍去，睇下呢個世界。……等我說下個細佬先！  ^_^

以前我埋怨過個天點解要咁對我，喊過，仲諗過死……而家無lu，反而感謝佢，多謝佢俾o左一個機會我學識幸福唔係必然，學識體諒，學識珍惜，學識生命o既奇妙之處，學識凡事向好處望，最緊要係學識堅強。我諗再無其他o野可以再打擊到我，真係o架，如果俾你有同樣o既經歷你又會點呢？^_^……咩經歷？只有我知同天知，……遲早都會講？um……要講o既話，十多年前已講了吧！以前唔講，以後都唔會講。不過肯定係我當中體會o左好多o野。

好想快o的見到周杰倫呀~~~ 仲有六日咋！  ^.^

繼我咳完，個女尋日又病，今日輪到大興發燒…… u all take care ar!!!  發燒o個個呀！飲多o的水，休息下啦！ ^_^

我同山楂其中一處相似地方係︰唔鐘意俾人管，鐘意四圍飛。  ^_^

「你沒有六呢高，你答應待我好，努力也能彌補那點高度。對你印象還好，只不過自信差兩毫，要是你樂意做，怎會給那幾吋難倒？我的心裏你一樣高，你別為此苦惱，鞋爭只不過磨平幾吋，會試著習慣這差距就你的擁抱。」《高妹傳奇‧梁詠琪》

琴晚睇到哥利o個度寫o左句︰「無論任何時間、地域，只要有人類存在，就會有……」有乜呢？我第一個答案同熊一樣，係愛！咁你o地認為係乜呢？

唔……仲有溝通啦！無論係情人又好，家人又好，朋友又好，溝通係好重要！one-way communication 係唔work o架！電腦都唔係one-way 啦！你俾command 佢，佢都會有反應o架！何況係人？ 個個都希望自己情人好，先至會苦口婆心，但有冇考慮到對方感受？你實話有，再諗真O的……你有冇俾機會聽佢講O野？你有冇將佢說話放O係心？好言相勸係好，但都要互相體諒，先至真係有communication.  ^_^ 知道嘛？

又整負離子，都係直頭髮好o的，容易打理！人就係咁奇怪，有o的人o的頭髮天生直，佢就會好羨慕天生鬈髮的人。相反，鬈髮的人又會羨慕天生直髮o既人！……細個o既時候，我o的頭髮真係ok 鬈o架，所以都ok 似公仔！ ^_^

高迪話我整個頭會發脾氣喎，第二個都或者會o既！但呢個師傅我唔會，因為由細睇到我大！ ^o^ 哎呀！又諗起紋身呀~~~ 今日見到師傅o個個好靚呀！  ^.^

yeah!!! 四隻狗狗都換晒啦！ heheh……話說Daddy 見到我睇完狗狗廣告，佢就即刻話︰「唔好再買啦！成床公仔無位擺啦……」（咁呢個又係事實o既……cushion + 公仔）……但媽咪梗係同我癲啦，一於先斬後奏。

P.S. 謝謝高迪的M&M啊！  ^_^  你想肥死我同細妹啦！……仲有四大包！

P.S. 好o野，如無意外，今個聖誕將會o係新加坡渡過！ ^_^

P.S. 哎呀，尋晚唔記得寫！大興同Connie 講o個o的台灣酒店設計真係呢……我o地真係去o個度住？

雖然都未能準時九點返到學校，但今日好叻o架啦……九點半返到！

一直o係咁溫……夜晚八點多，終於KO o左 TD！ ^_^

今日食晏，大興話似o的旅行團briefing 喎！皆因準備去台灣o既人士已差唔多坐晒o係度！

仔，話時話，我o地幾時要interview 呀？十二月啦喎~~~

我都話o架啦，同Connie一齊，我就會發癲o架啦！ ^o^

如無意外呢，我都會add 埋韓文同 Advertising Culture in Asia，因為個時間表似乎無可能再調，唯有塞o的科落去填補下時間。不過韓文一定會add。  ^_^

問題︰「女朋友唔開心，男朋友要點做？」hehhe……好容易應付o者！hahhaha… ^_^

Eddie，Happy Birthday!!!

話咁快又年尾啦，考試又到，今日開始要乖乖地埋頭苦幹溫書……

都係個女清楚我，知我實遲……sorry ar！約o左九點，但九點起身！ >.<

hehe……俾媽咪講中，我真係對住個「八哥」訓著O左la……不過我會依然帶佢返學o架！  ^_^

sem B時間表，如無意外，Strategic Marketing 會俾我整走……因為Marketing 讀晒啦~~~但又如無意外呢，我又會add 韓文同International advertisement……不過，都係睇o個時點先！

唔制呀！都唔明點解個個sem 都唔可以同Coni 一班，雖然我o地一合即嘈到不得了，但無我o地又點可以娛樂大家呀？ >.< hope 能夠上晒早堂，咁o的時間就好使好多啦！  ^_^

Vice︰「係唔係黑暗唔緊要，只要係正義就得。要知道Council係餘下的一個地方存在返少少正義o既地方。」……見仁見智吧！

說了多時（真係多時……四年）要看的戲，今晚終於可以安坐家中收看。《You've got mailed》成日話想睇，睇到而家先至睇！Tom Hanks 雖然唔靚仔，但佢真係演愛情片有一手。Meg Ryan都好正，《Sleepless in Seattle》、《French Kiss》我都有睇！唔……自《阿甘正傳》一片，我就好欣賞Tom Hanks o既演技，真係好正！尤其是套戲。

之前問過你o地一條問題睇到乜o既？有冇答案？答案係你o地諗到乜就係乜。我只想同大家講︰「唔好鑽牛角尖，你就會睇到好多o野！」