馬拉松式o既會議終於完o左（唔好同學聯比！），八個幾鐘，打破舊年o既紀錄！當大部份人越夜越tired的時候，Eddie 就越戰越勇，你睇佢眼仔"碌碌"就知啦！nom 佢去學聯真係無錯！

開會前的一句「口從禍出」-->開會時一句的「淫褻及不雅物品」-->開會後幾句的「X你個街」、「尾」、「一絲絲的歡愉、幾秒（分）鐘的快感」構成一個笑到人肚痛o既大笑話。點好笑？um……睇下有冇人話俾你知！hahaha……

飲完茶後，阿祺o個一句「凍我Account囉！凍我物資囉！」好似被人施o左魔法咁！佢 每講一次，我同Sandra佢o地就真係笑到肚痛！雖則o個時真係好tired……

我懷疑自己係咪tired到神智不清，竟然話晏o的去睇戲，死都唔想訓覺……結果睇o左套「戀愛起義」，套戲對我o黎講幾難明，好彩有解畫！最後，我並沒有睇戲……因為排晒長龍！

「當你覺得自己走到盡頭的時候，意味著現在你走的路已告一段落，明天繼續向著新的路進發。」

星期四似乎成為我、Sandra同醫生o既睇戲日子……尋日去睇《絕世好Bra》，不過不失啦！

仲有好多戲想睇……

常在我心
Bridget Jone's Diary V
Cats and Dogs
American's Sweethearts
絕世好Bra V
Moulin Rouge V
Princess Diaries

咁多堂Tutorial 最鐘意上阿John 堂，因為你會好開心上佢堂，隨時令你笑爆咀！佢好似我Form 3 o既班主任呀！hehhe……正如乖女話齋，今個星期上OB tutorial 就好似上心理學，亦都因為咁，我至真真正正明白「Perceotion」呢份Notes 講乜！

而家OB有一份Case study o既？其實，如果你個tutor 係阿John 的話，你會發覺無線o個套o既《公私戀事多》亦都係Case study 的一部份。即使不是Case Study，John成日將之作為教材的一部份。

Presentation 就做完啦……睇下個Handbook 又點收科啦！做完之後，仲係一肚氣，好唔鋸！所以決定走堂去唱K……

天使話︰「王欣，你好好檢討下自己，越o黎越任性，越o黎越冇耐性！成日發脾氣！」

魔鬼話︰「有氣頂住對自己唔好，要發洩出o黎至o岩！」

唔該Council人講笑都要睇人玩，唔係個個玩得起！唉！而家似乎搞o左個大頭佛出o黎！點收科？

我未試過做Presentation 做得咁激氣！唔知你o地有冇試過全程用email預備Presentation？我真係唔recommend 你o地去試囉！係唔Work o架！雖然而家electronic 化o者！但唔係樣樣o野都要咁呀？真係頂佢個肺！人o地Sandra send 晒o的o野俾你o地，你o地又「阿之阿john」，都唔知你o地想點？如果而家可以拆組，我一定拆！你o地唔好話功課忙，所以咁o既形式傾Presentation 呀？IT IS NOT A GOOD EXCUSE！你估正係你O地忙呀？我同Sandra都忙呀！唔好諗住你o地係Year 3大晒！
你 o地簡直係杏色+橙色o既顏色！

P.S. 以上寫o既o野較為粗魯，請各位多多包涵。

0133，o岩o岩收到一個Groupmate o既email……真係乜街都有佢份啦！

尋日Interactive skills 介紹組名，大興︰「We're EEC」……好掛住去年大嗌Slogan o既時候……Then，玩role play，大興o既演出簡直令人拍案叫絕！Olive都唔錯o架！

尋日同個女行街，收獲都幾豐富o架！我o地買o左手鍊，係「母女裝」，唔係！阿女話︰「姐妹裝喎！」乜裝都好啦……hehhe……

原來我o地兩個近排都發瘟，發乜瘟？講下個女先，佢就「發豬瘟」，買o左隻豬陪佢！話時話，隻豬又真係好得意！我就發呢個「貓狗瘟」，愛上了可愛的貓貓狗狗！（醫生，醫生，有冇得醫o架？hehhe……）

去年o既今日，仲係搵緊人齊莊……有冇記錯呢？

有史以o黎最快一次開完會（流會除外！）。

0616，早抖啦！ ^.^

今個禮拜唱K唱到夠晒喉，經過一輪聲嘶力竭後，聲都沙晒……要抖一抖啦！

「不想見的臉，阻不了湧現……沐浴露……」from《若有所失》，有乜特別意思？有乜咁好笑？只有尋晚去唱K o既人先知啦！

各位吸煙人士，盡可能食少o的啦！食得多唔好呀！

如果唔係Payman尋晚講主席o既「表演」，我都唔知發生乜事！開完會後，大家路過Cover Terrace，醫生將帶飛到主席那一段……大家哄堂大笑……其實唔旨佢呢段好笑，仲有兩個同學仔扮跑步宣傳o個度都好好笑！究竟邊個咁大「傑作」呀？

原來蘭茜係城大校友喎！

今日見到好肥o既馬騮……真係好似……

~我愛恤閣~

原來我真係潛O左好耐啦……係時候要蒲頭……原來阿Mike拍o左過廣告……我真係唔知！

今日走o左去食咖喱！真係好鬼正……本來諗住食唔到辣，但係食到麻木晒……原來最好味係最尾o個個「巴辣雞」，好正呀！

人o地「金睛火眼」，我o地「金睛屎眼」！

Sandra，下次叫埋你老豆一齊去食，應該o岩佢口味！Of course，有唔辣o既Curry啦！

我期待食非洲菜同埃及菜……

乖女，I hope I am always around YOU！

今日去睇 Moulin Rouge，雖然故事普通，但係裏面o的歌舞真係好正！睇完戲，順手買埋Soundtrack。

How wonderful life is? Now you're the one. ~YOUR SONG~

死啦，18/9寫o個o的o野似乎令LuLu有所誤會添！查實我係for 一個非恤閣人士o架！如有誤會的話，Sorry！

Marketing in China個presentation o既資料終於有o的眉目啦……多謝Christine協助！

近排勁鐘意貓貓o既items，所以o係Mega Sale買o左個好得意o既貓貓碎紙包！如果MD機再小許一點，那便可以放入……

仲有呀！近排亦都好鬼鐘意Graffiti…真係好正！

可以的話，我想要多o的自由空間……

乖仔同Gary同時投訴我好耐未理過佢o地，sorry！自己早排都有o野煩緊！而家冇乜啦！大家冇「見」一排，原來發生o左好多o野！

乖仔，take care la！你自己都識講，唔係個個咁好彩o架！煙都食少o的啦（雖則你話唔關事！）

乖女，阿瑪每日都會睇你個「Diary」，呢排你好唔開心？對唔住呀！冇理到你，冇關心你！我真係唔知道點做人o地阿媽，自己對仔女有事都唔知……too bad！I am terrible sorry！

不知不覺已是0449，訓啦！GOODNIGHT  ^.^

醫生+Sandra=  (^.^)

我極度怕人煩我……尤其是電話！……好煩！好煩！煩到自己成日發脾氣，嚇親Sandra！我話一就一，二就二，冇第三，唔好諗住問多幾次，我會改變主意，That's it！

今晚唱K……好耐未唱過啦！~~~K.T.唱到把聲……（NO EYE SEE！~.~）

清除程式進行中……

是晴？是雨？who knows？

今日o係電視見到一大班人行山，話時話，好耐冇行過啦……見到佢o地行馬鞍山一段，我又諗起自己o個時o既情況……唔知我o地又幾時可以一齊行呢？

Sandra尋日問o左我一個幾得意o既問題︰如果有人點歌俾你聽，你會唔會感動？um……it depends on……

心情總算平伏返o的……但係……唉！又俾「猴子腦」單新聞Kick到添……

呢期我又做錯o的乜o野令人誤會呀？我真係摸不著頭腦……即係咁，我玩得癲o既時候，可以乜都唔理，如果因為咁令你o地有誤會，sorry！

遊船河o的相post o左上網，但係仲有o的技術性問題……遲o的會執……
http://hk.geocities.com/redhouse0102/

呢排成日唔記得帶o野，甚至遺留某某地方添……好彩都可以搵返……好似尋日咁，同Sandra睇戲，唔見o左學生證、八達通……好彩戲院o個位哥哥仔好快幫我搵返……Thx！

美國發生大件事……恐怖襲擊！Calvin話興奮，「因為美國佬做咁多衰o野...你冇咁o既感覺…」但我都唔明點解興奮喎！死傷係o的平民o黎o架！無辜o架！……我個心好唔舒服！好唔舒服……

我諗我自己真係冇乜國家意識，好認同高錕一句︰「我唔屬於邊一個國家，去到邊度，就係邊度o既人……同樣住o係地球某一角落。」

上帝……我唔知講乜……點解人會可以咁可怕？ (~.~)

尋日結果訓得o個兩個鐘就上堂，諗住返到去都有幾個鐘訓。最衰自己鐘意玩心理測驗，結果我就用o左一堂Lecture時間幫佢做埋餘下120題o既題目交功課……心理測驗關於乜？個題目係「九型人格」，我自己屬於邊類型？領導型喎！不過，我覺得係「平和型」喎！

上到六點幾，就好掛住屋企張床……但係我都係要行一行Council 房至安樂……一入就差唔多十一點至走人……

0051，我懷疑自己係咪有睡眠失調症……應訓就唔訓，唔應訓就訓！死啦！o的皮膚會唔會變差o架？

尋日上Interactive skills，臨落堂前，鬼馬阿Sir派o左張紙俾我o地，it is about "What kinds of students do lecturers admire and appreciate?" 紙上面列o左好多"Admired student behavior" 同埋 "Disliked student behavior"……結果我後者多   過前者……咁你又點呢？ click here！

我唔可以亂咁諗o野……stop it！

仲未度掂o黎緊呢一年會點過……不過，冇十成都有八成會留守Council……做乜？仲未定……主席，再俾少少時間我……

童話故事o既王子、公主往往一見鐘情，跟住結婚就係ending……um由細到大，我認為佢o地會百頭皆老……現實中，見到唔少老公公、老婆婆互相扶持，好羨慕！但係真係有幾多對夫婦可以白頭皆老，仲可以咁甜甜蜜蜜？um……或者我對愛情仍然係咁執著，所以唔會亂o黎……我forsee佢會好快出現……

幸福　我要的幸福　漸漸清楚
夢想　理想　幻想　狂想  妄想
我只想堅持每一步　該走的方向
就算一路上 偶而會沮喪
生活是自己　選擇的衣裳
幸福　我要的幸福　沒有束縛
幸福　我要的幸福　在不遠處

訓o左十幾個鐘，乜都精神晒！ 尋晚個夢話俾我聽今日我會見返抽鑰匙喎……唉！

尋日真係好開心呀！咁多次遊船河，最開心都係呢次！玩得最盡興！似乎呢個Re-U搞得幾成功喎！起碼出到海，你都唔知走去邊，唯有局住識埋其他人，同埋其他人一齊玩，遊船河真係唔錯O既選擇，好過BBQ好多！

之前組仔問我會唔會落雨，我話︰落咁多日，乜都落晒啦……終於見到太陽伯伯啦！I miss U ar！

我終於見到阿埔、「燒dar」（唔識串！）、Stephanie o既真面目！um……仲識埋其他組仔組女添！好似阿Wing、Christine、慧琳、豪、Jack、Jackie……

尋日預o左會濕水，但係冇諗過濕成咁……又話馬騮忌水o既？但係一樣照落水喎……

冇諗過自己會咁有膽量，o係完全唔識游水o既情況下，大膽到攬住水泡浮o係茫茫大海到……不過，如果冇救生員在場，我有冇咁o既膽量呢？um…… o係海到浮下浮下又幾好玩喎！

不過玩時玩，總有tired 的時候，對住個海、對住o的山、對住個天，諗緊自己呢一年想點……諗通o的，但係仲未有肯定o既答案！

玩o左成日，變o左舊「炭」……

不過，美中不足的是……唔見o左抽鑰匙……唉！要配過晒……

Sandra話我玩得癲……我認，不過，係入o左Council 之後至咁癲……我開頭都唔相信自己會係咁，但係事實話俾我聽︰我係！

有機會的話，我一定要再參與Ocamp！出幾多力都唔緊要，至緊要大家盡興！

1739，今次真係大頭蝦啦，自己都覺得勁搞笑！好瘀呀！不過個夢睇到o既o野又成真喎！正當我拎我細妹抽keys去配的時候，我抽keys 呀……我搵返啦！我見到即刻大笑，面紅添 (^.^)hehe……好瘀呀！

0227，今晚哥利問我︰「你會唔會試下食煙？」「係咪SUo的人都會食煙？」……我可以好肯定同你講，我最多掂酒，但係絕對唔會掂煙……係咪SUo的人都會食煙？um……起碼我、Sandra同醫生唔係！

吸煙危害健康……食少o的啦！

究竟而家o的男仔係咪咁婆媽1o架！見到佢o地就真係火爆……男仔o黎o架！做o野爽快o的！

好o野！尋日乜骯髒說話都冇講！

今日突然諗通一樣o野……但係會唔會過份保護自己呢？

熊人先生問我會唔會繼續做？um……會o既！不過唔係我話做就做嘛！

o黎緊呢一年我有乜打算呢？未肯定……今日聽完你呢一番說話，似乎有o的頭緒……

靚妹，你唔好俾自己咁多藉口走堂呀！否則我會考慮用你老豆講o個個方法o架！hehe...

今日開學（都冇乜話開唔開學，日日都係返學！），八點起身，仲見到細妹未返學，先知道教育署話上午校同全日制學生唔使返學！之後，一路上就聽o左好多「今日使唔使返學？」o既電話……冇所謂啦！師姐應該幫師弟妹o既！唔係o的師兄師姐要o黎做乜？

好幾日冇update過，皆因要執屋！而家書檯同書架勁整齊……不過，唔知又幾時俾我整亂！另一方面，我又要為自己個hp大執屋，所以冇時間update……

今日上o左Interactive skill，幾得意！今日合六人之力駁條橋出o黎，要托得住架玩具車喎……不過衰o左！

唉！諗住讀韓文，人o地已經幫我hold埋位……最衰個OB lecture……咁就眼白白睇住佢冇o左！咁我唯有讀Criminology啦……