2339，去完camp，充完電，果然真係做o野有o左衝勁喎！Good！keep 住……不過，Sandra話想放多一個禮拜假喎！
見到主席上鏡……(^.^)
CCIV終於完啦，算係咁啦！今日present都OK啦……比預期中輕鬆好多！
睇o左時間表啦……如果我唔調o黎調去的話，我正係返一日830。我要俾心機！
今日又買o左兩本書……應該好快睇晒！
「痛苦最大的意義，就是熬過後，人變得更堅強，本來害怕的東西也不覺一回事。」copy from 《醫者孩子心》
2246，雖然呢幾日camp，絕大部分時間訓覺（好難得可以乜都唔使理去訓覺喎……梗係要訓餐飽啦！），不過，我都黑o左少少喎！heheh……
um……我諗呢幾日係我有史以o黎最乖o既一次。點解？三日都幫手洗碗喎（我唔會咁衰女o既！食完就訓or玩……梗要做返o的o野！）鬼叫我唔識煮飯？仲有呀！原來「省」鍋係咁辛苦！
特別鳴謝︰今次Camp o既2位大廚 — Sandra同主席！
麻雀當然係好多人o既頭號節目啦……邊個大贏家？邊個大輸家？呢個我就唔清楚啦……
第一晚走o左去沙灘睇星星……咁大個女，第一次睇到咁多星，真係好多，好多，有時望真o的，好似見到條河o係天上面……真係好靚！醫生話可以睇到流星喎，我唔信！跟住KT、阿聰同Jack都話睇到……我望真o的！真係有呀！唔只見到一次，仲見到幾次添……好鬼開心！發夢都記住！（傻o左！）heheh……
o個晚一直都有兩隻狗陪我o地。查實，o個兩隻狗係我同Sandra撩佢o地跟我o地，不過，冇諗住佢o地會陪足我o地成晚……真係好得意o架！臨走時，有隻狗仔訓著o左，班男仔都冇辦法……當然由我同Sandra搞掂啦……我諗沙灘o個班人以為o個兩隻狗係我o地養呢！
第二日，沙灘玩……杰少話佢玩數字球最叻喎！結果……hehhehe……
第三日，回程…>照片一張，then返學。本來諗住純粹做CCIV……點知，都係做一做Council o野至安樂……最後，差唔多九點返屋企！
0319，Vice個department收o左佢讀Master！恭喜晒！
去Camp……三日後見……(^v^)
0002，前日Apple問我有冇返學校。我答佢冇。佢覺得出奇……我答佢打八號呀！過唔到自己Daddy、媽咪o個關，又點返呢？佢話主席係工作狂（我都覺得o架！），佢以為個秘書都會係……sorry，唔係！所以兩個人對比之下，我都幾懶o架……heheh (^.^)
0131，唔打啦……仲爭side B，希望今日打埋去，咁就可以安心去camp啦~~~~
曾嘗遍失意時 卻找到快樂匙
那裡會知 就是自己 原來是個幸運兒 (^.^)
知足常樂呀！（究竟我幾時至學會呢？）
寫錯o左位添……
1050，我仲以為玉兔正係o係月球跳跳紮紮添！唔知係咪想visit下地球，就跳到o黎地球……仲要旋風式visit香港添！玉兔，玉兔，你覺得香港點呢？
2138，好鐘意PAGE ONE 個decoration呀！佢將o的相串埋一串串，好靚呀！(^v^)
今日，上網見到一隻介指，好靚！唔知香港有冇得買呢？ -->（唔會正係得日本有掛？）^.^
睇o左The Lost Empire 啦……好似細個睇o個套「冒險少女」……如果你o地諗住睇o既，自己諗諗啦！
終於Drop o左 Financial Management……不過要乖乖地讀返書……玩夠啦！
馬虎地做了一個小LOGO -->
做O左星星O既奴隸……hehe (^.^)
仲有呀！呢一版o既scrollbar都換o左顏色……有我最鐘意o既藍色……正呀！
唔開心o左幾日，係時候醒啦……呢幾日做過o的乜？um……睇書啦……睇o左本叫《開懷醫生》，幾好睇o架！百看不厭……「當痛苦來臨的時候，別去想為何選中我，嘗試了解痛苦帶給自己的啟示，生命可能更有意思。」雖然今次未算係痛苦，但係今次咁頹唔多唔少俾o左機會自己作自我反省……
仲有運動啦！運動真係一種唔錯o既散心、減壓方法……唔知係咪因為做完運動後，新陳代謝快o左！人o既轉數都快o左……諗通o的o野！（我講下咋！我正係讀o左一年biology咋！）不過，對於一個甚少運動o既人突然做大量運動，下場係腰酸背痛……(>.<)hehe……
Sandra……多謝你……冇事啦……不過香港水塘又有進帳啦……
究竟真正o既我係點？ 我以為自己好清楚自己，原來唔係……究竟我係點？但俾我知道係點，咁又點？
諗得太多啦……搞到自己成日都目口目面，我唔想理人……好tired……頂！ 仲要痛到幾時？
而家，我正係想向前跑，跑，跑……跑唔郁，都要一直向前行，行，行 ……唔想停……為o的乜？我都唔知！我唔想理任何人， 正係想一直向前跑或走……咁樣自己會舒服o的…… 其實，我前晚無端端行得咁快，撇低你o地……我都係想俾自己靜下……因為你o地太嘈啦……難道我想要一刻間的寧靜是一個奢望嗎？難道我想要一刻間的寧靜也要得到你們批准嗎？我諗開完會之後，o係學校以外o既地方做返自己o野，唔係過份呀？我無理由向任何人交待自己o既一切呀？我連自己父母都唔會交待得咁清楚……何況係你o地！我諗你o地都唔鐘意人o地理你每一件事呀？煩到嘔！我鐘意跑就跑，行就行，你理得我幾多？我唔係你o地o既機械人，要我跑就跑，行就行……我係我，唔到你o地管！不過，勸告仍然會聽！因為人要不斷改善至會有進步……或者我呢o的唔鐘意人o地理自己咁多o野o既性格都要改……係或者！
半年有多啦，我仍然對你牽腸掛肚……唔知你近排o係天上o既生活會係點呢？……love u！if u have time, pls tell me……
0112，語氣重o左……不過我唔會作出任何修改……，因為不吐不快之餘，而且，我唔想用咁多形容詞修飾我o個一刻o既不快！否則會失真！
食藥食到傻o左……我唔使retake，虛驚一場！
今日無端端玩失蹤，嚇親Sandra，Sorry呀！我諗住玩下咋！冇諗到你會驚成咁……不過，你呢個保姆玩起、癲起o既時候，乜都做得出……你有排煩啦！heheh……
我一定要drop o左 FM！
凌晨2點幾，update 緊……主席打電話o黎……你話跟你做o野係咪好大壓力？壓力梗有，冇就不得了啦！不過未致於好大……真o架！
um……或者我俾人寵壞掛，一唔鐘意或者無端端任性o既時候，我就會發癲，發脾氣……我想改……but……anyway，盡改啦！其實，我冇乜希望過你會點對我，點關心我。因為我自己本身都唔想俾人知道自己咁多o野o既人（ 你應該明白o既！），所以我冇expect你會點concern我！我正係想做好自己本份，唔想煩到你……（雖則仲有一段距離……）……因為我都知道你兩邊走都好辛苦！
er……如果有人日日同我講一大堆o野（公事or 私事)，我又未必受，因為我會覺得好鬼煩！所以有陣時，我都唔係幾理Sandra……或者好似而家咁，隔一段時間你send 個message or email, even好似今晚打一個電話提醒我又好，傾計又好，點都好，我都無限歡迎。
同安仔好似多o野傾，我認。佢都話自己係「口水佬」，咁我咪陪佢一齊吹囉……不過肯定唔係講私事！因為仲未達到trust o既地步……
我再強調一次o既係，I strongly believe that你係一個好主席。o係Council房，以致其他地方，我都唔希望人o地就我，逗我開心，尤其是你，我係幫你做o野，我更加唔希望你咁對我！……因為我唔係十多歲o既妹妹仔，我唔想受呢套……真o架！呢個唔係幼稚園……
anyway，多謝我呢一塊「背後的鏡子」，你真係令我反省好多o野！都係o個句，我會盡改！Thx！……仲有LuLu呀！(^.^)
病倒了……
要retkae！shit！……
想玩殘我？冇咁易！
凌晨，由西環搭小巴出旺角，覺得自己好似大海茫茫的一條小魚兒，而小巴就係一個大魚網……點解咁講？個小巴司機一路駕車，一路望有冇客。見到有客，即使架車o岩o岩經過，佢又會駕返轉頭接客，我都勁無奈！
我直覺真係冇錯，靚妹佢o真係出o左事……
尋日o岩o岩o係學校返屋企，諗住返o黎睇港姐……點知無端端走o左出去唱K！Sandra，你又話 你個表弟（Kenneth）好煩o既！我唔覺喎！
Hello Kitty Big Echo靚就靚啦……不過o的咪就有o的問題。Then，某位工作人員幫我o地拎o左一支咪走……唱「來夜方長」的時候，正係得o個一支咪……我o地三個女仔唯有好似choir咁唱，而Kenneth就拎住支咪唱……勁搞笑！<--Kenneth
奇聞！有人竟然可以o係百佳講價！本來6個幾一隻雞髀竟然可以變成4.7一隻……變態！邊間百佳？咪又一城囉！我諗有講價多年經驗o既家庭主婦都未試過o係supermarket講價！應該係話，從未諗過可以o係呢o的地方講價！最衰我唔o係現埸啦……否則真係笑到趴街！文仔，我要寫個「服」字俾你！hehehhe……
Gary，生日快樂！
Sandra，好坦白講，我都係對醫生（你老豆）仲有少少介心……我都唔知點解？不過呢個介心相對o岩o岩入Councuil時冇咁大！唔知佢會唔會成為我o係Council第三個值得相信o既人呢？（千祈唔好話俾佢聽呀！）
0312，
0119，今日會議一共同三個會議主席開會？邊個夾o的？好似冇乜話夾唔夾，會咪一樣咁樣開……
又無端端發燒……too bad！
LuLu，鐘唔鐘意呢O的貓貓？快O的返O黎啦……
恤閣人士，近排我特別覺得我O地好唔對路……我有o的心淡……唉！
主席有三日唔o係香港，我諗應該冇事掛？我相信Vice handle 得到o既！
0149，食o左藥，「恰」o左幾個鐘……舒服返好多啦……
總覺得靚妹同佢男朋友仔近排有o的唔妥……問唔問佢好呢？都係唔問啦！話明互不干涉！希望係我錯覺啦……
一個舊同學send o左個hp 俾我，好meaningful（有興趣的話，GO TO HERE啦！）……或者呢幾個月經歷o左好多o野，所以特別有感觸……相信Sandra唔多唔少都會贊成hp o個番說話！係咪呀，傻妹？
原來今日係黑色星期五！
原來我好耐冇見過自己寶貝細佬啦……佢返工時，我仲訓到成隻「死豬」咁；放工時，我仲留o係學校；返到o黎時，佢又訓o左覺……所以尋日的起心肝，快手o的做埋o野，返屋企陪細佬……點解正係掛住細佬？唔掛住其他屋企人？咁係唔係啦！個個都掛！有陣時夜返，咁o岩Daddy又放工，咁兩父女食下o野，傾下計……不經不覺就去到6點；媽咪？唔……都見得頗多，佢同靚妹知得我最多o野！皆因我乜都同佢o地講……至於我個好細妹，因為佢都係「夜鬼」一名，有陣時三、四點返，佢都未訓，咪同佢傾一陣……一係仲未返屋企，我又要受媽咪所託，打電話催佢返o黎！電話傳情呀……heheh！仲有呀！佢失驚無神同佢個friend走o黎我學校tea……你話啦！我就算長時間逗留學校，我總有方法同我細妹keep in touch！
0224，有陣時我會諗︰如果我o地而家上到莊，我o地十三個人會點？heheh……呢段時間應該忙於搞Ocamp……查實我真係好想將恤閣o既每一件事都寫o係度……但係不知從何寫起……不過，見到Jando寫o左少少，寫得勁好笑！「到左大概10月尾11月頭，上莊兩幫人都開始做勢啦，著埋同顏色同款既衫啊，諸如此類
啦，例如敢閣係杏色劉德華瘋嬲，恤閣就係A記橙色瘋嬲，兩幫人加埋就係‘杏加橙’。」咁都俾你諗到，服o左你……
今日無端端發燒……
Cory，Happy Birthday！
今日，哥利牛一兼開網大吉……雙喜臨門！
Cory，你個message board 唔夠我寫……全文如下︰雙喜臨門喎！首先同你呢個站主講句︰「生日快樂！」then,「開網大吉！」你個hp唔錯喎！但係唔好因為個網站名叫「惰」而唔update o的o野……hehe……(^,^)
C—create more interesting hp
O—of course, u need some ideas to create
R—remember to update ur hp
Y—yes, you've done it （hp）well！
Sandra又唔開心啦！Sandra，你唔好咁啦……我唔想幫人湊你，湊你湊到咁唔開心呀！如果呢個世界真係有守護神的話，我願意將自己一部分的守護神送俾你（我都係你個守護神掛？），由佢o地幫你趕走晒o的煩惱、唔開心o既o野！咁就做個開開心心o既Sandra啦！
史力加好好睇呀！英文版已經好好笑…同埋隻Donkey真係好鬼煩！唔知中文版會係點呢？我諗中文版o既Donkey會更加煩……
壞習慣又出返o黎啦~~~發呆！目無表情！唉！我唔可以咁o架！……但我唔想喎！
有一排都唔可以見Vanessa，anyway玩得開心o的！
阿Do話佢自己係潑婦、傻婆，咁如果再加上我同Sandra呢兩個唔知幾時發癲o既傻婆，會有o的乜化學作用呢？……難以想像……
快o的清晒o的minutes……我打字好似快o左呀！hehe……
Vanessa, Happy Birthday!希望你唔好咁多煩惱！忘記唔開心o既o野！日日都要生活得開開心心！
um……工作熱誠少o左……我認o架！一來放暑假，自己好想玩；二來o的summer course又勁多o野做！不過，我肯定自己對呢個post仲係好有熱誠，我絕對唔會俾自己頹o既！之前乜都唔做咁，係我私下放自己暑假。或者你覺得我咁做任性，但係我都想平衡下自己o既生活……因為我計劃放完呢個「暑假」就乖乖做o野！我唔想假都冇得放！我o既假期已經結束好幾天，終於完成一份minutes……我會快快手手出埋其他啦！點講都好，都係多謝主席的一封email，令我反省o左唔少o野！Thx！
主席o既English presentation lesson = Indian Girl？Sandra見到此問題，請給我一個答案！主席，你都可以回答o架！當然你都可以ignore呢個問題o既！hehhe……
LuLu，我好掛住你o的笑聲……快o的返o黎啦！
6/7，A-Level放榜……o的friends都大步跨過，希望佢o地可以跨埋最後一步啦！尤其是杜少呀，你呢個成績入唔到U，天真係冇眼啦！等緊你做我小師弟！(^.^)不過，你咁o既成績都唔會諗CityU啦……hehe……anyway，Goodluck to all of you！8月再次聽到你o地o的好消息。
0427，而家我o係屋企至真正覺得而家打緊風，不過企o係窗邊吹風，又確實幾舒服喎！
再諗真o的，原來我有好幾塊「背後的鏡子」……雖然第一下聽呢o的說話o既時候，心裡少不免難受，但係我諗自己唔會忠言逆耳掛？因為你o地肯話我，就證明你o地真係關心我！唔想我衰落去……我知你o地o既好意，所以我會聽，我會改！I promise.
Sandra，o係我呢三年大學生活，唔好話三年咁長遠，就講呢個moment，我肯定你係其中一個深深影響到我o既人……你提醒我要珍惜好朋友！（開始做緊……）開心/唔開心同人講，唔好收收埋埋（尚在改善中，因為我係一個不太願意講自己o野o既人！我怕煩到人！）
0449，早抖！
To 主席<-- pls click it！我諗我已經搵到自己「背後的鏡子」，THX！(^.^)
o岩o岩至讚完個天氣靚靚，點知今日無端端掛8號添！咁都好！今晚要quiz o既o野都未溫完，尋晚睇完個天氣圖，斷估都會掛8號掛？算俾我恨到啦！不過，我都要開始溫書啦，八月考試，我唔可以再豪埋落去……因為我諗我自己到七月尾都會一心掛住玩！
2013，「占卜」一欄已upload，得閒去八下……
今晚唔知發乜癲，失驚無神同Daddy 、媽咪講自己好幸福……我好怕唔知幾時有機會或者有膽量同佢o地講埋呢o的咁肉麻o既說話……佢o地聽完就o係度笑，仲話我又少少運氣添！heheh……anyway，I love you！(^.^)如果我o地三隻「化骨龍」唔孝順你o地，我o地就正衰仔、正衰女！
1140，咁o既天氣先至似夏天嘛……太陽伯伯，你唔可以呢段時間放中假呀！hehhe...傻o左！(^.^)
Vanessa，你問我Council有冇男女歧視？點解女仔唔可以做Chair？前者我唔知點答你，但係後者我可以俾少少意見o既……其實，即使我覺得某人有能力做chair，咁都要配合天時、地理、人和，你可能覺得我咁講過於迷信，但事實話俾我聽，好多o野都係咁……不過，我自認係一個好矛盾o既人，雖然我係咁諗，但係我又相信人定勝天喎！我唔甘心俾人綁住走，所以我會去爭取自己想要o既o野，即使結果得唔到，起碼自己曾為呢樣o野爭取過，咁我就無悔啦……
我同Sandra 自問都有個好主席，鍚住自己， 其實Vanessa你o既主席都唔差！我同阿基、Sandra同安仔可能大家o係Council房時間見得多，所以慢慢熟落……好似我咁，開頭同主席之間真係有好大一堵牆咁……而家應該冇掛？hahha……不過主席時不時投訴我對佢過份冷淡！主席，我不嬲都係咁喎！hehhe……至於Sandra同安仔，呢對父女簡直合作無間啦……Sandra話俾佢寵壞喎！鬼叫佢係你老豆呀！傻妹！
要同主席相處得好，最緊要大家見得多，咁就自自然然熟落，開始多話題……咁就自然相處得好啦！呢個係事實！
主席，你滿面鬚根話俾人聽你勤於打機呀！唔好唔記得開會呀！(^.^)但係我見到info o個張打機List……
好o野！快o的到月尾，去Camp……跟住再去Pre-Camp，跟住再去大Ocamp……正呀！
大興，咩咁快做總結呀！差唔多啦！sem B都完o左啦！過多一個多月就Year 2啦……時間真係過得好快！講真！呢半年多真係發生好多好多o野，點可以寫幾句就話作一個總結？腦袋海時不時會浮現由開學到而家所遇到的事……好多o野我係記得，但係我唔知點講，點寫！我諗……應該仲有排寫，if I 逐個逐個月寫！hehhe ^,^
三個秘書近排唔知做乜，個個換晒新髮型……不過，都好，象徵一個新開始！Um.....咁三石剪乜髮型好呢？
竟然為o左個CCIV presentation留夜，會唔會過份認真呢？Sandra，唔好訓到唔想起身呀！要開會呀！
1345，眼訓，訓覺……ZzzZzzzz (~.~)
1828，爭o的唔記得講，Vanessa買o左三條靚靚手繩，我p地三個一人一條……好靚！
7月1日的Council 房異常平靜，竟然無人！得我同Sandra留守大本營！今日返去都無諗住做o野，都係做o的輕量級工作……嘩！點解o的Bearer List唔齊o架？
咁快又過一年，做一個小小總結先……
1）上莊︰雖然未能與大興、LuLu、Alvin、Joey、西西、Cory、Francis、碧琪、Ken、亨利、Mike上MG莊，但係我o地都各自各精彩……有人join o左AC、有人join o左出面o的組織，而我自己就無理頭入o左Council……
2）兼職︰有一份待遇好好的補習……自由度頗大，唔會俾壓力我o既家長，最重要係同我好鬼夾o既人細鬼大的小朋友……暑假教佢乜好呢？唔想齋教英文……太悶啦！叫佢教我「九方」先……點解佢教返我轉頭o既？無所謂啦！平時都係咁……
3）住宿舍︰雖然未真正住過hall，但因為o係Council工作，所以時不時會o係Council房過夜……當住Council房係宿舍先啦……heheh，亦都因為咁，Daddy同媽咪無奈接受我有第二頭住家……(^v^)
4）旅行︰有子彈，但冇時間……唉！
5）拍拖：交白卷……想拎分，但冇信心拎分喎！
6）學業成績︰死「扶碌」！死啦！我唔可以再咁讀書法啦……太太太太懶啦！
7）朋友︰好多，好多……唔同Department，唔同學院，唔同年級……開頭一下子記名記到亂晒！而家？記名係我強項……職業病？heheh……因為識o左唔同o既朋友仔、朋友女，眼界大開！仲多o左個大佬添！
8）仔女、幫人湊女？係呀，無端端有一對仔女—Ken同碧琪，個死仔包仲叫我快o的幫佢搵個Step-pa喎……傻o既！(^.^)點解幫人湊女？查實我都唔知幾時做o左Sandra個褓母，上個月掛？又仔又女，又要幫人湊女，搞到我好想開間託兒所添！
9）um……除o左讀書懶得好緊要之外，自己刁蠻任性o左好多，尤其是入o左Council 後。玩得癲o左……都係因為恤閣人士(^v^)
0239，打住咁多先，好鬼眼訓……早抖！