好耐冇同過Sandra傾心事啦！……今日傾返夠本！
if 我o地唔再做Council o野，我o地仲會唔會咁friend呢？
if 我o地唔再做Council o野，我o地係咪真係可以完完全全脫離學生會事務？
if……太多if啦……
你同我都希望就算大家唔一齊共事，都會keep in touch！話晒大家一齊經歷o左好多o野！有開心，有唔開心！我諗我o地唔會變成陌路人掛？
um……我諗自己唔會完完全全脫離學生會事務，因為自己對學生會有一種歸屬感……一定會搵o的o野o黎做！um……做o的乜？我都唔知，我正係每樣o野我都想試……我唔甘心將自己困住 一個框框到，呢一點你係好清楚我o既！
er……我承認自己係好勝！你講得o岩！如果我冇呢種好勝，我都未必捱到今日！唔可以話捱o既！因為我開始對呢個post敬業樂業啦！而且見到自己主席咁搏命，我呢個秘書仔點可以唔勤力o的呢？仲有，主席會提醒我自己工作方面o既o野！呢o的主席好難得o架！所以我會俾心機o架！
亦都因為呢一種好勝，我 forsee 自己如果俾人飛，我一定唔會俾自己頹，反而要自己活得更精采，我要令佢後悔！（hehe……到時係咪真係咁呢？既然學業、事業都係咁，呢個成數都會幾高！）
今日Council房同大房異常平靜，有o的唔習慣……O'camp後遺症？
2318，小強o係Council房橫行霸道，油王都要徹退……hehe……
主席，放心喎！我冇唔開心喎！不過，實在太tired啦，唔識做表情……ZzzzzZZzzzzzzz
把聲終於似返樣啦……咁至係嘛！
三日兩夜o既Ocamp 咁快就完o左啦！或者呢o的叫做快樂不知時日過掛？點都好，起碼呢個camp俾我識到好多「新鮮人」……尤其是紅燈區狂組o既組仔、組女……的的、Stella、阿寶、婷、阿洛、影、卡夫、占士、華、Paul、Paul Lip、行、Anthony……有冇數漏呢？(^.^)
um……我都冇諗過自己會玩得咁癲……不過真係好好玩……想多謝一個組女……符影……因為Penny 同文仔要負責o的games，所以大部份時間得我同阿Do睇住佢o地，真係好辛苦……好彩仲有佢咋……如果唔係，我都唔知狂組點啦！Thank you very much！爭o的唔記得講，佢教識我玩新Killer……幾好玩！
仲有Clive啦……俾我改o左名……卡夫。我同佢o既關係非常撲朔迷離……開頭我係佢大家姐，跟住佢就變o左我老豆？咁即係點？亂倫？
占士……太多占士啦……佢同卡夫好似樣，簡直係兩兄弟！前者係陳啟泰，後者係張錦程（呢個卡夫講o既！）……不過佢好似我個仔 — Ken喎……不過冇佢咁瘦……但係佢一o的都唔肥o架！教識o左佢跳四步……下次有機會同其他女跳啦！唔好掛住跳快舞呀！
本來去Camp前講少o左好多粗口，但係呢三日兩夜……唉！又要由頭開始戒過……
其實仲有好多o野想講，但係唔知點入手好……
為o左幅眼鏡專登返屋企……返到屋企，至醒起擺o左另一個袋，結果返屋企沖涼……大頭蝦要閃啦！返去嘈醒人……冇帶漏o野掛？
我都話自己越o黎越刁蠻任性，EQ越o黎越低……我要改啦！
醫生，儘管不能自醫，病總有痊癒的一天。即使是絕症，也有其解決方法……
無端端想睇北極光……
0230，俾個電話嘈醒……主席……算！唔醒都醒o左，搵o野做！ (^.^)
尋日幫細妹拎o野，老闆送一對刻o左我o地個名o既鎖匙扣俾我o地……happy！
尋日買o左個好靚o既相架！真係好鬼靚！(^v^)
1309，份minutes 仲爭少少，一定要打埋至去Ocmap！
多謝主席份手信！ （^v^）
打完份Minutes……不過今日心情極度欠佳，唔好惹我！
主席，終於返o黎……開心！不過我又做錯事啦！too bad！
本來諗住今朝9點返學……但係唔知醒！結果以極速梳洗，0915返到學校……搞完一輪，又要補習，then 又要出返去見組仔！雖然冇o黎齊，但係都總有幾個o既！不過好似Clive同的的好玩o的！o個位Clive 人兄呀！我真係俾你激死！你竟然同我講用維他奶盒相認……你真係！（^.^）
Gary，你又記得邊日EEC？好o野喎！我都唔記得啦！o個個EEC冇o野值得我留戀！
um……仍然對o個個夢念念不忘，究竟佢係邊個？我記得呢個夢好細個發過一次……佢係邊個呢？
o的魚仔幾時會長大「成魚」呢？死仔包，你話幫我養大兩條魚送俾我o架！唔好冇口齒……
唔知係咪做親Vice 都會有問題呢？抑或係o的秘書有問題？或者大家o既工作方式唔同……但係……有陣時睇到自己都火滾……我知佢唔會咁容易聽人勸，我已經好婉轉同佢講……但係……佢話晒都係cap o黎o架！點可以咁o架？你估正係佢tired 咩？仲有好多人仲tired 過佢……如果唔係有o的前輩同部份leaders 頂住，我都唔知「紅燈區」會變成點？
特別多謝呢班人為「紅燈區」出咁多力！Christine（佢專登返o黎幫手做o野！）、阿Do（自己莊搞緊camp都過o黎幫手！）、Sandra、阿佳、阿沖（一人頂三個人做o既o野！）、安仔（未開始做，都已經話幫手……）、阿峰、中田、阿麟……希望無數漏啦！
近排勁鐘意《風鈴》呢首歌……
呢兩個月不斷去camp……上次同Council 班friends去完camp，今期去Ocamp，之後，再同恤閣人士去，去邊？東堤~~~~~農歷七月去東堤！
主席仲有幾日就返啦……唔知佢o的頭髮有冇長到呢？(^.^)
LuLu，你呢個真係傻婆！我點會為一個小小o既鼓嬲你……我當你係朋友，o係我心目中你有一定的重要性，我絕對唔可以因為一o的小事而同你炒。知嘛？如果小小事都同你嘈的話，可見你對我o既重要性係微不足道，嘈咪嘈囉，最多唔做friend囉……anyway, 你呢個傻婆真係傻婆（heheh……），不過好多謝你包牛仔片（查實整Banners o個晚，突然好想食呢樣o野！）如願意償！^v^
尋晚o係Council房見到一個情景，聽到一o的對白……好似細個發夢見過、聽過……不可思議！
嘩！今日又一大整蠱……竟然同我有關！Oh, God！
To 醫生﹐
你真係冇事嘛？um……工作麻醉自己或可以暫時忘記唔開心、煩惱o既事，但係治標唔治本……
我覺得你同阿基一樣，好似冇o野可以難到你o地，即使有，都好快solve……係咪每個主席都係咁？
點都好啦，話晒你係我o既醫生，你有事，我一定support 你o既！
o的Banners 終於搞掂晒啦，冇諗過會咁快完成……都係最鐘意大Banner。
製作Banner 人馬︰阿Do、Christine、Sandra、阿沖、安仔、自己。
尋晚一早做完banner，睇o左本四格漫畫，雖然有o的睇唔明……好鐘意呢個 -->click here《取決於心》
終於完成6 個Banners o既稿啦……今日晏少少開工！特別鳴謝醫生o既協助。
醫生，你呢個「心理建設」醫生能夠令人痊癒，又會否能夠自醫呢？
近日忙於Ocamp 的工作……
To 乖女，
人能夠嘗盡甜酸苦辣是一種幸福。
甜 — 甜絲絲……甜得心也會笑出來
酸 — 酸溜溜……酸得險些兒哭出來
苦 — 苦苦澀澀……苦得差點熬不過來
辣 — 火辣辣……辣得要向人噴火
人既然有七情六慾，點解正係要開心先？如果乜都係開心的話，人生未免太平坦……
唔好成日問︰「點解有咁多唔愉快o既事都發生o係身上？」搵到問題所在，係咪一定解決到呢個問題？唔愉快o既事發生唔一定係一個人造成，而係多方面……要解決，就要大家合作。如果你盡了力的話，你又何需自責？
乖女，俾o的時間俾大家冷靜下……
我知自己絕對唔係一個好好o既朋友，但係如果你鐘意的話，隨時搵我。
From 阿瑪
原來一個人訓唔到覺，而身邊有部相機的話，佢就會玩偷拍……KT，你好o野…… (>.<)，主席，你都有份呀！
0206，忙緊Ocamp……
主席，放心啦！我會做好你交低落o既o野！……我會俾心機！
0939，好tired……不過好好玩……但係點解冇靚仔？冇靚女o既？唔可以o架喎！唯有寄望聽日Engineer 啦！
0752，好消息不斷咁o黎……杜少，恭喜你！唔知點解聽到你入到科大，我勁開心，有o的想喊……呢餐你走唔甩啦……
仲有另一個死仔包啦！做我師弟……GOOD！o岩o岩至向佢hard sell 大 Ocamp……
報住咁多先……
我又緊張我細妹……
1204，又掂多一件，好鬼開心……緊張完畢！
1017，pre camp 完……但係好似冇乜pre喎……玩囉！聯誼囉……查實練camp fire o個part係咪真係有人練到o架？好混亂喎！
um……今次又識多o左人啦！好似EB o個班啦，Kelly、Suki……原來Suki都係MG人……仲有兩位師兄啦……中田（開會o個時，正係知佢叫Allen）、仲有把口無時停o既阿倫、估唔到佢會睇經濟書o既阿峰！
尋晚，八條友玩「真心話」，講o的乜？o個度講，o個度散！
散場！……then 唱K聯誼！十幾條友就咁度過幾小時啦……
死啦！KT話影o左我訓覺個樣……佢一定同我講笑、 講笑…… (>.<)
聽日放榜啦！雖然好似唔關我事，但係細妹放榜，又點會唔緊張？仲有呀！杜少呀！咁O既成績都入唔到U，佢真係要認命啦！GOOD LUCK TO ALL！
營歌︰
城市間日夜在變動 未停留每秒每分鐘 靜靜待每季暗飄過 枷鎖滿進注我天空 嘆夕陽 幻變常 棄下沉重理想 螢幕晝晚都發亮如常 永欠缺欣賞
*從信心翻出我天空 再亂尋錯過了影蹤 眺高峰矚遠處 星光照遍晦暗天空 奏和弦 拾理想 竭力彈奏每章 有你身旁 衝破礙障*
城市風中再闖靈魂 同擔肩鎖責任 用我熱誠帶動萬人 盼歌聲常懷念記 沒變更 仍信心飛翱萬里 暖日照熱烘心泉 晚空映照出心中憶記 縱風霜 仍存傲氣 因你
Repeat *
0313，傷風……有冇可能食完藥，幾個鐘頭後好返呢？
喂喂！醫生，我細妹話你唱假音唱得好掂喎！ ^.^
如果有人3日都冇訓覺，佢已經試過好多方法令自己訓覺，例如睇o的悶到嘔o既書、飲鮮奶、做運動……連冇咩可能做o既家務、洗衫都做埋，都係訓唔著！如果你o地有乜好方法的話，pls tell me……我唔想有一個咁殘o既Vice呀！
今日去pre-camp……
1153，仲有兩餅帶多o的，可唔可以o係下個星 期出多份minutes呢？
0313，好耐未試過咁好精神開會啦……(^.^)
終於睇晒本《醫者孩子心》，真係幾好睇……餘下o個一本應該o係呢幾日就會K.O.……原來仲有兩本未睇晒，買o左返o黎鋪塵，咁呀！um……臨訓前，睇一篇至訓啦！heheh……
主席，你都多o的休息啦！
2341，本來諗住今日諗住一點幾返學，點知俾套《南海十三郎》吸引住，最後，三點半至出門口……不過，套戲真係好好睇……謝君豪真係演得好好！話時話，我都好耐未試過坐成兩粒鐘睇電視。
0106，做晒CCIV功課，舒服晒！(^.^)
「忙碌確是一種罪過—它令我們忘記許多美好的事物，包括親情、友情和愛情。」copy from《醫者孩子心》。um……但係忙碌有陣時令人更加珍惜許多美好的事物，因為失去過，才學會珍惜。
都是星星惹的「禍」……搞到我、Sandra同醫生為星星發傻……icq info 都要提下佢……hehhe
好鐘意同好認同呢幾個info……「去完camp，我的心情很好啊！因為....看見非常非常漂亮的星空!躺臥在沙灘上，看著漫天星火，還有海風陣陣，感覺是 — 很幸福......一個人靜靜地坐著
我想到很多......想起過往，也想到未來
".....默默許下心願，看遠方的星如果聽的見，它一定實現......"」copy from Sandra's info.
「深夜躺在沙灘望向天空, 看著很多星星, 亮的, 暗的,頓時覺得自己十分渺小,但很快我便覺得我十分幸運, 因為我可以躺著看見美麗的流星,很快, 就在這令人陶醉的星空下睡著了...」copy from 醫生's info.
「一個寧靜、天朗氣清、滿天繁星的夜晚，躺於沙灘上，看到數顆流星……開心極了！沒想過可以看到……
一個寧靜、天朗氣清、滿天繁星的夜晚，躺於沙灘上，一張印滿了星星圖案的被單蓋於自己身上……
一個寧靜、天朗氣清、滿天繁星的夜晚，躺於沙灘上，頓覺人很渺小……縱管渺小，但也有貢獻……
一個寧靜、天朗氣清、滿天繁星的夜晚，躺於沙灘上，覺得自己好幸福……」copy from自己。
今晚同恤閣人士去唱K，本來開心，但係心有點兒不舒服！