首先要多謝LuLu先，如果唔係你，我諗我同阿基都冇咁多話題……真o架！

自從聽完安仔o既一番說話後，get 到o的o野……但唔知點express……

今日心情好返好多，原來同人o地講晒o的唔開心o野出o黎會真係舒服o的！

不過，亦都因為同人講o的唔開心o野，所以搞到我破o左戒—喊。都係多得主席所賜…… Anyway，多謝我個乖女、Sandra、LuLu同阿基聽我訴苦……而家我真係好o左好多……^v^

主席，多謝你份禮物……好得意！我一定會俾心機做好我個job！

今日，章則委都已經nom 埋人啦！有阿安、Vanessa、Bear……好鬼開心呀！

而家係0150，距離MIS test o既時間冇12個鐘，但係我而家都係冇乜動機去溫……冇眼睇！  >.<

星期三都唔知做乜鬼，做乜o野都神不守舍……結果？當然係一團糟啦！ >.<

Vice，今日搞到你亂晒輪，I am so sorry！冇下次！I promise.

今日晏晝，Violet搵o左我傾計……我諗都冇諗過。佢同我講返我有o的乜o野做得唔好，有乜o野要注意……我唔知佢係咪真心幫我（有o的小人之心度君子之腹添！但我真係唔想，因為呢個council所有人同事都好複雜，唔過濾唔得……）我真係好多謝佢！好感激佢！不過最開心o既係，佢話當我friend！我真係好開心……希望我o地真係可以做到朋友……我亦都鐘意佢有乜講乜o既性格，好似今日咁，如果唔係佢咁o既性格，我都唔知問題所在。

Sandra真係一個好鬼純品同天真o既女仔，不過，睇怕佢o係council浸過一年後，佢會有o的轉變……希望佢唔好學壞啦！

um……你話Council人事關係複雜，不大贊同佢o地o個種人與人之間o既溝通方法，好似「對人講人話，對鬼講鬼話」o既處事態度。其實，我以前覺得呢類人好賤格。但係人越大，見o既o野多o左，漸漸發覺呢個世界人與人之間o既關係再唔可以單純靠大家o既坦白和直言來維繫，而係要識得「變臉」, that is「對人講人話，對鬼講鬼話」o既處事態度，唯有咁樣先至可以令到自己立足。

或者你覺得我對人已失去信心，所以先會有「對人講人話，對鬼講鬼話」o既處事態度o黎protect自己。當然，對住自己o的知心好友，我絕對 唔會 咁！包括你在內！既然你肯同我交心，我自然交個心俾你啦！

不過，呢個世界始終唔係你同我想要o既世界。要改變呢o的處事作風唔係話唔得，而係唔知幾時呢個世界可以被淨化到我o地o既ideal 世界。既然如此，你咪適當o既時候「對人講人話，對鬼講鬼話」囉！雖然自己個良心會有o的唔舒服，但係可以減低自己會俾人跣o既機會……

人始終會長大，it depends on 你幾時開竅！

切勿太過執著，否則你會悶悶不樂！……睇開o的啦！

新一屆o既財委主席終於名花有主啦！我真係唔知今屆評議會會變成點？

話說有個freshman本來諗住今個sem 乖乖地，傳神貫注於佢o既學業。但係最後都唔得，佢始終都要搞搞震……結果呢個freshman唔知何來有咁大o既勇氣，一下子挑戰大Council 秘書一職。本來被人看死……但係結果就係呢個freshman 令很多人跌晒眼鏡！

Anyway，我會向有投過我 一票o既councillors負責，我會做好自己本份， 唔會令你o地失望！當然我亦都要俾睇死我o個o的人知道，我呢個freshman係做得o野！

尋日同Sandra去 百佳掃貨，wow！個櫃筒塞滿晒o野食……不過肯定又好快見底！

唔經唔覺sem B已經去到尾聲，查實我都唔知o係呢幾個月讀過o的乜……正係知道自己不斷走堂，搞搞震……

Sandra 真係做O左轄委O既秘書，好O野！

今日Council 房大掃除，especially 轄委張desk...我都再執返好o的files，雖則仲未執好……（0015）

wow！成間council房變o左樣咁！同我開頭見呢間房完全係天壤之別。守門貓貓， 你要幫我o地看門口呀！

原來主席係我個校友o黎，佢小六個樣勁搞笑！都係而家靚仔o的……heheh.....

有陣時覺得主席成個大細老咁，好搞笑！(^.^)不過佢做起o野上o黎都幾頭頭是道o既！

Gary前幾日問我點解我好似無乜煩惱？我當時答o左佢︰「因為我係一個善忘的人，所以唔開心o既o野好快唔記得，咁又何來煩惱呢？或者我係一個人易於滿足的人吧！所以冇咩話煩唔煩惱！」

跟住，佢又問我︰「你會對人o地好o的定係自己呀？」我好快就答o左佢︰「對人o地！」聽落去好偉大，實質上係出於自私。我寧願人o地有負於我，我都唔想負人……因為負o左人會成世受到良心責備，仲慘過去死！而且，你而家對佢好o的，當你日後有求於佢o既時候都方便o的啦！

當然，如果我真係覺得某某係可以做到我o既知心好友o既時候，我會完完全全俾個心同佢講心。

我成日覺得Law Soc好神秘，而家識到個同學女係讀Law，我覺得Law Soc o既神秘面紗會慢慢俾我揭開……

西西，成個禮拜冇見你啦！好miss 你呀！Are you ok？我有冇o野可以幫到你？

阿安，唔知你tired定係唔知乜原因，你近排好似唔多開心咁喎，係咪同Council 有關呀？Don't worry, be happy！(^.^)

今日終於派o左MS test 同Writing o既assessment，兩科都俾我勉強過關，好彩！好彩！……死仔包，好讀書啦！你唔係想叫阿媽日又篤你讀書，夜又篤你讀書呀？我諗你都唔想retake o架？俾心機啦！

終於出到第一份minutes啦！如果唔係星期五流會，我都唔會咁快出到呀！不過，主席呀！你快o的換部printer，佢好似唔多掂……簡接影響我工作o既efficiency (^.^)

o係度唔該晒Ada幫我出minutes, thx！

今日整好"Link"呢個page……

有冇人話俾我聽點解清明拜山，有人要放爆竹（係o係祖先o既墳前），o的孝子賢孫想藉此尊敬佢，定係想嚇佢呢？

「清明時節雨紛紛，

    轄委委員剛選完。

    借問酒家何處有，

     今晚消夜佢（o地）作主。」

好鬼開心呀！Sandra同Jack等人做到轄委委員。聽聞Sandra會做轄委秘書呢！if so, 我會更加開心！(^v^) 

一對有名無實的夫妻並不等於他們日後沒有感情。感情是可以培養出來的……既然月老為他們扯紅線，旁人又何必看不過眼呢？要知道係你o既始終係你，唔需要諗住用乜「七出之條」踢走so-called o既有名無實o既老婆。時間可證明一切，呢對有名無實o既夫妻將會是一對被人妒忌的恩愛夫妻。

o係度好多謝ex-chair對小妹提出主動的幫助同埋俾o左o的意見俾我……真係thank you！日後有咩指教的話，請多多指教！我絕對唔會輸o既﹗

我媽咪成日話我好命，我都唔知係唔係。Anyway, 我覺得上天真係對我不薄，俾咁多貴人輔助我，有機會的話，我會報答返佢o地！

都算過o左mid-term，所以我決定全心全意做一個好秘書。好似《女人四十》裏面，芳芳姐講過︰「若果我唔係要照顧老爺，我一定同你搏過……」而家我照顧完個mid-term 啦，係時候要搏！絕對唔衰得俾人睇！

阿安，俾心機啦！唔好介意人o地點睇你，只要你覺得自己無錯就得。記住「眾人皆醉，我獨醒。」你唔好同埋佢o地一齊醉，知o麻？If you need any help, 搵我！雖則我幫唔到你o的乜，但係盡幫啦！(^v^)

今日唔知點解總覺得身邊o的friends心情唔多靚。朋友，若果你有咩唔開心不妨搵我，雖則我未必可以真係幫到你，但係我相信你講o左出o黎會舒服o的！「難得可以同座，何以要忌諱赤裸。如果心聲真有療效，誰怕暴露更多，你別怕我……」~ Eason's Shall we talk

而家係早上五點幾……

唔知係咪好耐冇試過咁齊人，所以十幾人“隊”o左三十幾枝酒，結果係點？有人wing wing 地，甚至乎嘔添！

就係因為咁齊人，所以諗返我o地搞莊時o既o野！一時high 得制，唱返polling 歌、口號，o個一刻我真係百感交集……唔經唔覺咁就過o左三個月。