|
資料由成報提供
26- 09- 2002
林子祥退出頒獎禮與黑幕無關
林子祥於下月十七號的演唱會，會加開一場，阿Lam說之前都冇諗過會加場，對於反應咁好，當然好開心。他說可能今次與管弦樂團合作，有新鮮感及用不同方法演繹，他還會邀請仔女、沙麗及華納新人作嘉賓。阿Lam指個唱開多少場不重要，只要有得做就要做得更好。以前唱十場、廿場，辛苦得來又未必達到水準，但好似早前他與陳奕迅只唱一場，感覺就等如唱了十場咁好氣氛。 提到葉蒨文爆頒獎禮有黑幕，阿Lam說他未遇過，因他早已退出競逐獎項，而當年他退出唔攞獎亦非與黑幕有關，只是他由一開始就討厭與人爭鬥，唔攞獎就唔使搞咁多嘢，不過阿Lam說沙麗從冇講過此事，他亦不知發生甚麼事。若沙麗再競逐獎項，會否壓力大？阿Lam說：「唔知佢點諗，亦冇傾呢個問題。（沙麗咁坦白，會否提醒她以後慎言？）當時我唔在場，唔知道係點問點答。」他還說講多冇用，最緊要在台上交代到畀觀眾。 沙麗得罪咗弟婦沙麗昨日亦接受電台訪問，表示早前得罪了她的弟婦，由於她向來愛講笑，可能因一句冇心的笑話得罪對方，搞到對方成家人也非常唔開心。沙麗坦言已不記得自己說過甚麼，但得知對方有如此反應後，她已第一時間致電道歉。沙麗說：「雖然我唔記得自己講咗啲乜，但係既然人哋唔開心，有時放棄少少自尊，講聲Sorry都冇乜所謂。」雖然阿Lam表示代她打電話，但沙麗仍堅持親自致電給對方。 採訪、攝影：娟妹、Darlie 2001 Sing Pao Newspaper Co. Ltd. All rights reserved. 成報報刊有限公司 版權所有 不得轉載 |