早 前 本 報 率 先 披 露 葉 蒨 文 （ 沙 麗 ） 即 將 加 盟 英 皇 集 團 新 成 立 的 「 紅 」 唱 片 公 司 （ Music Icon ） ， 據 知 沙 麗 已 於 日 前 正 式 動 筆 簽 了 合 約 ， 唱 片 公 司 鐵 定 本 月 十 二 日 假 洲 際 酒 店 為 她 舉 行 簡 單 而 隆 重 的 歡 迎 儀 式 ， 單 單 是 記 者 會 都 耗 資 近 百 萬 元 。

據 「 紅 」 的 行 政 總 裁 黃 劍 濤 昨 日 承 認 已 成 功 羅 致 沙 麗 加 盟 ， 他 說 ： 「 沙 麗 在 亞 洲 舉 足 輕 重 ， 係 一 個 好 有 價 值 的 歌 手 ， 能 夠 成 功 斟 掂 佢 加 盟 係 好 開 心 ， （ 係 咪 出 到 天 文 數 字 斟 沙 麗 加 盟 ？ ） 好 坦 白 講 係 有 八 位 數 字 ， 但 年 期 就 要 保 密 。 」

抽 佣 方 式 完 全 獨 立
沙 麗 除 了 唱 片 合 約 ， 她 在 樂 壇 多 年 ， 從 未 正 式 簽 約 任 何 經 理 人 ， 但 今 次 沙 麗 破 例 地 連 同 經 理 人 合 約 簽 給 「 紅 」 ， 令 黃 劍 濤 開 心 不 已 ， 英 皇 對 旗 下 的 歌 手 藝 人 一 直 被 指 抽 佣 甚 高 ， 貴 為 天 后 級 數 的 沙 麗 會 否 有 別 ？ 黃 劍 濤 強 調 ： 「 『 紅 』 係 完 全 獨 立 的 ， 同 英 皇 的 做 法 方 式 唔 同 。 」

不 捨 不 棄 用 窮 追 術
黃 劍 濤 表 示 今 次 成 功 邀 得 沙 麗 再 闖 樂 壇 ， 全 靠 「 誠 意 」 兩 字 ， 黃 劍 濤 說 ： 「 我 足 足 用 四 個 月 時 間 同 沙 麗 傾 約 ， 我 諗 沙 麗 被 我 的 不 捨 不 棄 、 窮 追 猛 打 同 埋 誠 意 下 打 動 吧 ， 加 上 早 年 我 同 沙 麗 響 舊 公 司 合 作 過 咁 耐 ， 大 家 互 相 信 任 ， （ 沙 麗 有 冇 開 出 咩 特 別 條 件 ？ ） 冇 喎 ， 我 諗 佢 的 心 意 我 完 全 明 白 ， 大 家 係 好 有 默 契 ， 總 之 全 公 司 都 會 全 力 支 持 沙 麗 。 」