揸車事件簿
| 2001 年 12月 22 日 ( 星期六 ) 晴 |
|
近來小強在路面上發現多左好多師奶揸車，可能平時已經有好多但小強唔覺。但令我發覺的原因竟是一次又一次咁差 D 俾 D 師奶累死。小路出大路唔讓車 ; 行經迴旋處又唔讓迴旋處內的車，仲係眼尾都唔睇下你，完全忘我咁直入直出而且毫無讓車的意圖，已經不止一次，有次仲差 D 撞，好彩停得快，而佢就睇都費事睇你咁走左去喇。當時直係激到我彈起，即時調頭追佢，但我只揸部又嘈又冇力的萬事得 VAN 仔開工，唔駛兩下連尾燈都唔見喇，真係唔憤氣。另外我細佬同 D Friend 都曾經俾唔識揸車的師奶累過。人仔細細揸部大 BENZ，倒後鏡只可以在佢架車軚盤個窿度見倒佢對眼，夜晚見倒實俾佢嚇死。泊個位扭幾十手都仲未入倒去，條路就俾佢頂住哂。CUT 線又唔睇鏡，一下就 CUT 埋黎 ......。仲有好多事例多到不能盡錄，令我呢排對揸車既師奶十分討厭，雖則一竹萵唔好可以打一船人，但小強認為繼電單車新牌仔要在車後掛上「P」字牌之後，應該所有師奶揸車都要在車後掛上「C」字牌以玆識別，等 D 人見倒都唔會跟咁貼。哈 ...，講笑啫。 |
| 2001 年 12月 11 日 ( 星期二 ) 陰 |
|
上星期睇報紙睇倒一側娛樂新聞，說謝霆鋒駕駛一部法國的方程式賽車，馬力有成「2,000 c.c.」。大家知道說什麼嘛 ? 連這些最最基本的知識都未懂就不要學人報導車子的資料，報報謝霆鋒怎樣揸便可以了。眾所周知 c.c. 是引擎汽缸容積，馬力是以匹數計算 ( 唔識的朋友可到小強車學堂睇下 )，簡直九唔搭八，誤導讀者。近來的報紙喜歡詳細報導車子的資料，如有某車發生交通意外，便報導出事車輛型號的資料，什麼「頭轆王」、「日本戰神」之類，幾多 c.c. 幾多匹都會報導，但很多時資料都不正確。報紙都算了，門外漢不懂也難怪，但竟然賣車的雜誌都出錯真的不可饒恕，不理是一時寫錯字還是印刷時印錯字。我前日在一本只賣 8 元的賣二手車雜誌中看到有很多部車的引擎容積只有「1.6 c.c.」，實在令人目定口呆。1.6 c.c. ?? 一部細細的綿羊仔都有 50 c.c. 啦，1.6 c.c. 可驅動一部車 ? 一包維他奶都不只 1.6 c.c. 啦 ! 這當然是說 1.6 公升 ( liter)，但連這樣基本的資料都是錯的，我點知你其他的資料都是正確 ? 我怎會有信心在你這裡買車呢 ? 報紙或這類較新的小型汽車雜誌的資料都不完全正確，似乎都是要買本老字號、大本的汽車雜誌。雖然貴些，但資料正確，可信性高，就算有錯漏人家都會在下一期登編道歉啟事改正錯誤，對大家較有保障。 |
| 2001 年 11月 06 日 ( 星期二 ) 陰 |
|
近來嚴重交通意外好像特別多，每朝的新聞報導都會報導大多發生在深夜的交通意外。但近來的交通意外大部分都是所謂的「新牌仔」造成，而意外的成因竟大都是超速駕駛而失控。可能正所謂「初生之犢不畏虎」，或是看得太多「頭文字 D」卡通，這些新手駕駛者往往低估了撞車的嚴重性及高估了自己的駕駛技術，個個都話要「飄移」，須知道「飄移」是種很高的駕駛技術，就算是飛慣車的老手亦未必會，何況是個新牌仔 ? 而且飄移一定要 FR 的車才可做到，不要發夢揸部十幾年前的 Civic 也可飄移。 曾有一單交通意外，21歲的新牌仔司機揸著他借來的約十年前的寶馬 325i 因高速入彎失控而撞壆，手骨折斷，報章報導他事後說 「入唔倒個彎」所以發生意外。我個人覺得這種人死有餘辜，新牌仔駕駛經驗本就不足，我任你以前經常揸大胆車 (無牌駕駛 )，經驗一樣不足夠，更揸部自動波車去劈彎，入彎不知車速太高，一個有經驗的駕駛者能以身體感覺到車輛入彎的極限，不會像這種人一樣盲目加速，這人今次不死已是幾生修道。希望藉以上的報導警惕所有新手駕駛者，不過我知收效一定不大，交通意外一樣不停發生，只因大部分人心目中都有個信念 「佢手車渣啫，我點同，我手車咁勁，一定無事�H !!!」但實際係點呢，我想大家心中已有答案 ... ...。 |
| 2001 年 10月 03 日 ( 星期三 ) 晴 |
|
Hello 大家好，小強事件簿第一次同大家見面，希望大家以後多多捧場。唔知大家睇開新聞有冇發現，好多喺夜晚發生�H交通意外，大多數都係醉酒駕駛而做成，而 D 人為左逃避責任，都會亂作故仔諗住可以甩身。好似最常見�H係要閃避突然切線�H車呀，閃避突然衝出來�H人或者狗呀，前車突然收慢攪到 " DUP "唔切呀 ... ...等等。我唔敢講𠴱 D 人全部都係老作，但我敢肯定有 9 成都係吹水。點解咁肯定 ? 等我逐點同大家分析。一般呢類交通意外都係發生喺凌晨時分，就算幾繁忙�H路段都應該冇乜車啦，咁大條路俾人行無啦啦做乜會 CUT 埋你度先，就算係有飛仔燎你玩你，你睇見佢 " Her Her " 聲咁殺上黎你就應該有心理準備啦，除非你唔鍾意望後鏡架又或者爆緊機聽唔倒啦 ! 所以一般新聞都會話 " 有人報稱要閃避 ... ..." ，因為根本有少少腦諗野�H人都唔會信佢地，但未查清楚又唔可以一口咬定話唔係，所以唯有咁報。 好喇 ! 今次講住咁多先，廢事俾人話我長氣，遲D有咩好料再同大家分享 !!! |
Copyright By 小強 2001 All right Reserved