A Ulla literaria Inicio Autores e autoras As obras Bibliotecas virtuais Contactar Manuel García Barros Naceu en
Ulla, Berres (A Estrada) en 1876, e morreu en Pousada (San
Martiño de Callobre, A Estrada) en 1972. Cursou por libre a
carreira de Maxisterio e exerceu ata 1936, ano no que lle foi retirado
o seu posto por motivos políticos. A súa loita
contra o caciquismo levouno ó cárcere antes e
despois da Guerra Civil, e participou activamente na campaña
a favor do Estatuto do 36, ano no que estivo a piques de ser fusilado
polos falanxistas. Dérase a coñecer como escritor
e xornalista co pseudónimo de Ken Keirades, asinando unha
columna titulada "Rexoubas", e colaborou con xornais como "El
Estradense" (do que foi un dos fundadores e director) e "El Emigrado".
Desde 1957 foi membro correspondente da Real Academia Galega. Tivo
moito éxito o traballo "Falemos na nosa fala" (1929), onde
intenta elimina-los prexuízos contra a nosa lingua, que usou
en practicamente toda a súa obra. Como excepción,
escribiu en castelán un alegato contra a guerra, o fanatismo
relixioso e a opresión, titulado "Divagaciones sobre lo
discutible y lo indiscutible". Fixo poemas como "O cantar do saramago"
e "Oración da media noite" e a obra dramática
"Carta da Habana". En 1931 dá ó prelo
"Contiños da terra" e en 1972 publícanse
postumamente "Aventuras de Alberte Quiñoi" (Premio do Centro
Galego de Bos Aires). Obra
© Terrasgalegas.com 2006. Tódolos dereitos reservados |