今朝仲要早d起身,因為今晚會轉酒店,所以要將d行李快d整好俾d bell boy,我地差點miss左呀,如果唔係要自己拿下去,都有d辛苦,好彩那位哥哥回頭幫我地攞~~thx~~~今朝天氣仍然寒冷,而我地第一站去係頤和園,這裡是由昆明湖和萬壽山所組成的,是現存最大最完整既園林建築,當然依度係慈禧太后用左海軍軍費去起呢個公園....首先我地係大圓寶鏡影了一些相,之後就行左去一處真係超級靚既地方,景色真係好美,令我有好深既印象,那裡就係昆明湖的知春亭,我地真係不斷狂影,四圍跑搵d最靚既景影相,而大袁話再過多一陣,昆明湖的湖面會結左冰,d人會係湖面玩溜冰,可惜我地無緣一見~~
之後我地一直行,沿路的風景真係好靚,有一條好長的走廊,有好多的名畫刻在牆上,可是我們都沒有太刻意看,因為太凍了....只想快d行...午餐都係在頤和園食,食完又繼續行程,途中有湖中石船啦,而且見到好多松鼠四處跑,好得意~
臨走既時候,我地買了一d幾靚的風景圖,由於佢地都係人貼人售賣既小販模式,我地幫了一個之後,其他既竟然狂擁住我地買,嚇到我地起勢咁跑,又最攪笑係有一個小販竟然真係追黎,我地真係覺得好變態,我立即搵大袁企係佢後面~~哈哈..佢叫我地快d上車避,真係好笑~~之後我地回到北京市中心,去了什麼同仁堂,那裡又係賣一d藥品,我地又要聽一d醫師既話,我同阿家都齊齊訓覺,好鬼悶~~跟住又一大堆醫師出來,話可以幫我地把脈,而且又有一d推拿師傅幫佢地按摩,真係笑死我既係kenji俾個師傅整到面容扭曲,四肢抽搐,哈哈...真係唔明點解會覺得舒服囉~~
行完依度,就去了另一景點---毛主席紀念堂,嘩...真係來到北京這裡,我感受到d北京人對毛澤東既尊重(但我唔鍾意佢~~),因為要入那個紀念堂排既隊排到好遠,真係好多人當地人前往,而且仲要買哂花去拜佢....完全唔可以明白點解會咁....而且真係好高度戒備,唔可以帶任何野去,連袋都唔可以,我就親眼見到d公安趕人走,唔俾人地入~~終於排到入去,見到就係佢條屍,起初我還以為是假,原來係真架~~只是匆匆一瞥,我覺得沒有什麼特別~~接住去了地下城(防空洞),那裡有專人講解,原來這裡可以四通八達的,可以通往好多地方,好似故宮啦,好似蒙古啦~~連機埸都可以...真誇張~~不過這個地下洞是以前d人來防禦敵人,令敵人唔會找到自己既藏身之地,裡面好多設備,有埋戲院添呀...勁厲害呀~~而且裡面有一個賣絲絨既地方,d人示範點樣整張絲絨被,d團友都買了不少~~
行完後去了三里屯附近既雅秀市場,那裡有一條酒吧街,但由於d團友無人去,所以只有車經過既時候望過,而這個市場都有好多衫呀,鞋呀~~好多野買,但我都無咩興趣,因為d衫好大陸呀,我地上了樓上食野,見到好多團友多數都係樓上食,可能都真係係咩野行掛~~而三個男仔之一既星爺介紹我食當地既麵(我都忘記了是什麼款式了),只記得真係幾好味呀~~
行完所有既行程之後,我地食晚飯,今晚好特別,是食御膳,是以前皇帝食既餐點,好多一小碟一小碟的精緻甜點,不過好睇囉,而味道就......整個晚飯都係好開心既情況下食完~~今晚我地住最後一晚既酒店(春暉園溫泉渡假村)是有私人溫泉,好正~~
當去到既時候,嘩....好靚呀~~見到d獨立式既房間,我不斷嚷著要住,三男之一不停取笑我,又扮我,被佢激死,回到房仲興奮,好靚呀真係,好大個溫泉池,不過等佢d水滿等到我地都訓著了....當我"擲"醒既時候,巳經係1點了,我即刻叫醒家姐一齊浸,哈哈...我地兩個傻婆就係半夜浸溫泉了....d泉水好熱,我地玩下玩下,成2點幾3點先再訓~~好開心的一晚~~
最大既園林--頤和園
湖中既石船
個view真係靚得要命呀~
那個就係溫泉了,好正呀!!
DAY 1 DAY 2 DAY 3 DAY 5