踏入第三日既行程,早上依然要6:30 morning call,亦都只在 hotel食早餐,而今日既第一站去既目的地是寶樹堂,這裡都只是一dsale藥膏既地方,當然我就無咩太大興趣,反而d團友就好熱心咁聽,而且笑料百出,佢地都買左好多,因為這個牌子都好出名~~
之後,下一站仍然係一d指定動作要去既地方,什麼玉器城,那裡有好多玉器,雖然好靚,但好貴,而且我地既爸爸以前都係做依行,所以我同家都只是四圍行,只有一樣野吸引我地,就有一塊由玉整成的可以放在枕頭上的墊,諗住送俾婆或者媽咪,可是最後都無買....完成了這些沉悶既指定動作之後,終於去一個我感興趣既地方(明十三陵),這裡位於天壽山,都屬於郊外,所以路程比平時既遠~~基本上明十三陵只得長陵同定陵係開放,而大袁首先帶我地去既就係長陵,依個係將皇帝以往既物品展覽出來,同埋係永樂帝同皇后死去既地方,而我地更去了後面既山墳看過..哈哈...唔知係咪心理作用,原本我都無著羽絨的...行到那裡,真的感到特別冷...要穿回羽絨呢~~
其實這裡都無咩特別,行了一個圈,我地就去了食午飯,之後我地就自費100元去了另一個開放既墓地--定陵,這個同長陵既分別就係一個係地面,而另一個就係地下.定陵這一個是一個地下墓室,要落成9層樓之深(27米)才去到呀....好誇張,這裡是明神宗,同二個妃子既墓,這裡真係保存得好完整,唔知係咪歷史悠久,我聞到一陣陣的怪味...有d難受....真係唔明古時d人點挖到咁深,相信有唔少人死於興建依d墓地~~行完依d氣氛比較陰森既地方,我地去行中國另一偉大建築,而且係地球上唯一可以見到既建築物,係喇~~就係萬里長城了,當我去到八達嶺見到長城,真係有d感動,見到這個建築,真係好有氣勢,真係非常興奮,但當開始行既時候,真係有d恐怖,因為d樓梯級真係高矮不一,有d高到要好辛苦跨上去,當行到某一高度回望下去,真係有d心慄,真係好高~~我家姐更驚到唔敢行,唉...我都知我家姐一家怕得要命,我巳經叫佢唔好行,我雖然怕,但我真係好想走到最高,可是行了二段路,我地就無行了....因為定怕,佢又唔肯俾我自己一個繼續行....咁我地就打消行到最高的念頭,但我地係一d檔位買了一d手信,都只係俾自己的~~哈哈..因為我買了一個金牌俾自己,而且又影了一張相,證明自己到過,我地都真係逗留左好耐,影下相主要,因為真係好靚,從高處看下去,景色更美,更壯觀~~
其實只欠一段就可以上到最頂了....不過放棄了....不過我地落去既時候,唔用行,而係坐佢一個好有特色的類似滑草車的板下去,其實起初真係有d擔心安全,因為只是一塊板,而且唔知點控制,我地又離地面好高,如果飛左出去,真係死梗~~但後來我地見到有網圍住,而且每一小段就有人看守住,都覺得唔怕,其實主要我好想玩下,真係好刺激呢~~
不過最頂癮係佢地話有雙人車,原來佢地騙我地的~~~哈哈...但好彩我自己一個坐,真係可以高速飛行的,我玩到個staff要剎我車,唔俾我行得咁快呢~~但真係好正,好好玩..可是坐係我後面既家姐,叫到劏豬咁,好話好驚...真係唔明?!我覺得好好玩,仲想玩多次呢~~下去之後,我地就係一d攤位買一d手信,今次買了4件衫,都只不過50元,我地一家4口可以著家庭裝..哈哈...因為一樣的~~但真係ok靚喎~~回到上車,到有好多團友上車了...我地去了一個今次旅行最差最臭最劣最難頂的廁所...真係太急啦~~唔可以唔去...天,我真係唔敢再想起~~忘記說,這個廁所仲係要俾錢架~~天~~
行了一日,真係好攰呀....之後我地去了一個買茶葉既地方,係依度,真係笑到扒係到...d團友唔知點解行左一日,仲可以不斷講笑,攪到個講解姐姐笑到講唔到野...厲害~~我地飲到好多唔同種類的茶,真係幾好飲喎,當然依d咁貴既野,我地都只會睇,而唔會買啦~~
晚上我地就食了餃子宴,真係好多唔同種類既餃子,但食下食下,根本就覺得無咩分別,之後我地經那三個男仔其中之一介紹,食酒家下面好香既羊肉串,一蚊一串,真係平到顛~不過可能真係食唔慣,好羶呀~~回到酒店,起初約了一大班團友食消夜..但等左好耐都等唔到,我同家就係酒店買了睇中了幾日既甜品蛋糕,都幾好味呀~~
明十三陵之長陵
我登上長城呀~yeah~
我做到好漢了~~
DAY 1 DAY 2 DAY 4 DAY 5