第二日我地都比別人遲(7:10左右)才下去,因為我同家姐邊個都唔願起身先...如果就遲了....酒店既早餐我覺得幾好味喎...我都食左唔少....攪好哂...今日第一站就係去天壇,是中國現存最大既壇廟建築,是明,清皇帝祭天同埋祈求五穀豐收既地方,這裡好大,首先我地一入到去,就好似一個普通既公園,但沿路有好多公公婆婆巳經係到做緊晨操,佢地有d人係到玩類似羽毛球既玩意,點打都唔會跌落地...好得意,我地都有好多團友買左....
而我地第一個主要停留既地方就係祈年殿,那裡是d皇帝必到既地方,因為佢地會來祈求可以有大豐收,而附近就有幾展覽館,我地都逛了逛...不過那裡太空曠了...真係非常之凍....接住我地去了一處好得意既地方---皇穹宇,這裡有非常出名既回音壁和三音石,回音璧是要一個人在牆既一旁細聲說話，另一個在牆既另一邊就可聽到對方的說話，很有趣。不過那時有好多人嘗試這玩意,而當我想講既時候,我家姐並未埋到位,結果未能親身試到這好玩的玩意~~
而同一個地方又有一個特別之處,就係三音石,要係指定既三格,拍手就會聽到回音,三音石的第一,第二塊,第三塊石可聽到一下,兩下,三下的回音,而大袁亦都示範左俾我地睇,真係唔明何解會有如此的天然現象~~真係幾好玩~~
之後去了一個地方叫圜丘,這是皇帝相信只要站在這塊石上,天就會聽到佢地既說話,所以我都站在圜丘最中心的石上講"我要發達"...哈哈...雖然我唔知是是真定假....但大袁就講了一個真人真事既個案俾我地知,話說有一位團友,去到北京好想見到落雪,咁佢就去到這個地方既時候,好大聲講左一句"我要落雪",跟住接著佢幾天既行程,都真係不斷落雪,仲係連續幾日,不間斷....都咪話唔信邪呀~~行了一個上午,我地就去了食午餐,就係非常出名既--全聚德,雖然那裡的食物,尤其出名的北京填鴨好好味....但可惜係佢地既服務真係差到丟左自己既假呀....竟然當所有團友巳經離開既時候,先發現佢地自己上漏了一碟餸,真係too bad了....
嘩...我地係出面見到當地著名既小食,哈哈...就係煨番薯了...雖然我地食飽飯..但見到大家團友都忍唔住照食可也...真係好好味呀...是我食過最好味既煨番薯,真係好香又好甜,而一大件都只係人民幣3元...真係好抵呀~~~跟住就前往另一名勝--天安門,這裡真係守圍森嚴,地方好大,我地爭取時間拍照,因為這裡都有好多著名的建築,好似有天安門城牆,人民英雄紀念碑,人民大會堂,什麼軍事博物館等等....我地更係故宮前影了一張大合照,那時我記得真係凍得要命,打住冷震....
好了....我地進入位於北京市中心的紫禁城,是明清兩代的皇宮，前後有24個皇帝在那裏居住過。我地就從天安門進入，經過午門，進入太和門便看見宏偉的太和殿,其實大袁講解左好多以往古代既歷史,可是經過大半個月,現在我都忘記了八八九九了....太和殿是皇帝登基、大婚、冊封、命將出征的地方。大典舉行之時，千人高呼「萬歲」,好有氣勢呀~~~
沿路一直行,真係發現這裡大得恐怖,如果唔緊貼kenji或者大袁,真係都唔知點走了....其實故宮中的殿堂，只要參觀過一兩個，再看的話便感厭倦，因為全都是大同小異。之後我記得我地去了坤寧宮,但都唔係好知道是什麼了....最有印象就係養心殿,雍正皇帝理政和就寢之地，以及慈禧太后垂簾聽政的地方。哈哈...被我見識到慈禧太后如何垂簾聽政,那塊簾都無咩特別其實...哈~~~而且大袁介紹雍正同d後宮過夜既地方,沖涼既地方都見到...好鬼攪野~~一直行,在天氣只得零下幾度既情況,真係辛苦~~而且仲要行了成4個多鐘,而我地行既方向盡頭,就係另一個景點---景山公園,這裡之所以出名,就係當年明未既祟禎皇帝係山上既其中一棵樹自殺死了....我地唔多團友行上山,可能都行了一整個下午,但我同阿家,一心來到,梗係咩到要去睇下啦...而且上到去見到故宮既全景喎...非常值得上去一看~~雖然行到氣喘,而且好熱,但見到中國這個偉大既建築,真係令我佩服佩服~~好正....可惜由於只得我地自己行上去,根本唔知邊棵樹先係祟禎自殺個棵....有d失望~~
晚飯我地今晚食就係肘子宴,好好味呀....其實我自己就覺得北京菜都幾好味~~唔錯呀~~之後到了回酒店,大概7點幾,大家團友都唔想咁早回酒店,於是約埋一堆去了附近一間大型百貨公司,我地都買了一d禦寒衣物,因為實在太凍,好難頂,所以團友都買了好多寒衣...好好笑...而我地都只是四處行,買左二件衫,同埋一d食物,就坐的士回去....最攪笑就係我地同兩個團友坐一架,我地唔識嘔,普通話又唔好既情況下,話個司機兜路...哈哈..笑死係個司機鬧番我地,因為佢話我地唔識,就話佢行錯...原來佢真係無兜...哈哈...攪到我地要勁say sorry~~~
回到酒店都之不過9點多,我地就同左另一個uncle去了酒店既二樓打保齡球,都幾貴呀...成廿幾三十蚊一局..不過真係好好玩...我更有全中既記錄呢~~~哈哈...玩到我手都受傷,結果要回房休息唔玩~~哈....愉快既一天~~
天壇裡面既祈年殿
>
紫禁城入口
DAY 1 DAY 3 DAY 4 DAY 5