出發時間:上午8黠零5分(港龍航空公司)
旅行社:關鍵太陽
人物:本人及本人的家姐
領隊同導遊:kenji & 大袁
其實初初都有d唔係好開心,因為等d團友都等左好耐,我又無咩耐性,所以我就不斷呻,而我阿家就不斷安慰我..哈...不過都是起初吧了....第一站,就係去醫飽我地個肚,第一餐d餸(唐都三晉酒樓)都好特別,因為北方菜同香港既係好唔同...不過我都食都好開心~~我地個圍d人都好好,差唔多年輕既都是我地個枱,所以都幾融洽~~
跟住我地行去附近--古胡同/四合院,那裡是坐三輪車既地方,真係好攪笑係依到,我同家姐一齊坐一架,我看到那位年紀巳不輕既伯伯騎那架單車,都替他擔心,哈哈...最笑死就係家坐上去既時候,唔知撞到d咩,竟然將架車整到搖搖欲墜...哈...我坐埋上去,我就覺得好迫(我地著左好多衫啦~~藉口!!)我真擔心伯伯會騎唔郁呀~等左一陣,我地成團人就浩浩蕩蕩四圍穿梭這些橫街小巷,真係好有特色,個view都好正~但凍到傻左...真係好凍又大風,坐左都有幾個字,但我心只係到諗希望快d到啦,我諗個伯伯都係咁諗~~
其後,又去了另一景點"北海公園",勁靚條河...真係好似回到古代一樣...這裡是金代巳有,是歷代皇家花園之一~~但這裡天氣下降得好勁,我地真係凍到流哂鼻涕,好辛苦,小妹妹仲凍到喊呢~~而那時是黃昏既時候,看到晚霞灑落係河面...真係靚到喪~~裡面還有一幅九龍壁,有9條龍,值得一看~~在這裡,有一位伯伯寫大字,好靚,我覺得佢係一個懷才不遇的書法家,不過我阿家話我白痴~
之後可以去shopping了~~就係著名既--王府井大街了,那裡好多商店林立,我同家都漫無目的咁行....因為太凍了,第一日去到真係唔係好慣~~首先我地入左去一間商店,有好多野食買,我地第一樣就買了當地出名既冰糖胡蘆,好好味,人民幣三元就有交易~~之後又買了一d手信,就進攻另一些店舖..不過我地其實主要想買一d保暖既東西,所以就買了一個士多啤梨型護耳罩,好hawaii呢~~
食晚飯既地方係"日壇"裡其中一間店食涮羊肉,不過佢地既service真係好差~或者真係食得太多小食,對於這個非常出名既羊肉,真係唔係覺得好味~~食完了,就回酒店(京都信苑),真係5星級真係唔同d,最起碼有好多娛樂設施俾住客~唔錯~~
嘩.....一早天都未光,4點鐘就要起身整理行李,幸好哥哥肯揸車送我地去機場....如果唔係...就要坐的士了....而媽媽好唔放心似的,堅持要同我地去機場,等到我地入閘....我地到達機場大概6點鐘(領隊要我地5:35到),不過我地都唔係好遲..哈哈...因為領隊無話我地...跟住去左食早餐,再去集合地點,這次終於見到所有既團友,當然亦不出我所料,都是老人團,有一個小妹妹,同三個男子,同一個女仔...其餘既都是阿爸阿媽級了~~
不過都無損我心情,都滿懷期待咁前往,我地係飛機上就似二隻豬咁,由上機訓到落機...最頂癮就係我家姐...佢變態到飛機都未起飛,佢巳經訓了....哈哈...不經不覺三個多小時既機程,大概都成12點先去到北京....今次去到,我第一個感覺,真係好大陸,點講呢....d建築,d環境俾我感覺就係中國...唔會有..."嘩...好靚呀"的感覺...點講好...好難形容,你地自己去過就明白我想講咩~~哈~~
之後,我地既第一站就係恭親王府這裡是大貪官--和珅住的地方,而我地行既就係佢個後花園,佢裡面既建築好多都講求風水,有條石柱,佢就話係多仔柱,只要d妃子摸過,就可以生仔了...仲有好多關於這些風水的格局,如有一條路是向上斜的,又叫步步高陞(我有行,希望事業搵到新方向),又有一個山洞,裡面有一個"福"字碑(我有摸,希望多d錢)...真係點解咁迷信呢(每個中國人都係有這種血統的~~)??
行下行下,我地入了一條真正的王府井大街,那裡真係似旅客區,好多攤位,有小食,有買手工藝品~~我就見到一檔羊肉串,佢地sale的手法好嘈,而且一眼就知唔係北京人,咁見都有咁多人試咪試下囉,佢亦見到我地唔係北京人,不斷撩我地,我以為佢係巴勒斯坦人,就同佢講英文..但佢又好似唔明喎...就係我走既時候,佢大叫"i love you, i really love you"痴線架,嚇到我即刻走都走唔切,因為好多人望住呀~~
之後我就不斷睇d手工藝品,因為都幾得意,我同家更不斷講價,唔肯就走...終於我地都買左好多野,有介指啦~手錬啦~有一d特式手工藝~~都係用左幾十蚊人仔~之後又行了香港人起既東方廣場,那裡有一間比利時朱古力店,不過好貴呀..我地見好似好好味咁,就買了少少...但味道就...麻麻了~~
行到差唔多,我地就預了小小時間去那條出名既食街食野~嘩..真係好多野食,而且仲好平,我地真係食左好多,雖然大袁叫我地唔好食,怕我地會唔習慣,但我地一於少理,食了有鍋貼,生煎飽,花生餅,九不理...到了食晚飯既時候就食唔到了~~
這裡就是恭親王府 
和珅的後花園 
遊胡同的三輪車 
北海公園 
DAY 2 DAY 3 DAY 4 DAY 5