(1877-1938)
Jinhen main dhoondta tha asmanon mein zameenon main,
Woh nikle mere zulmat khana-e-dil kay makeenon main..
Kabhi apna bhi nazaara kiya hai tu nay aye majnoon,
Kay laila ki tarah tu bhi hai mehmil-nasheenon main..
Mahine wasal kay ghariyon ki surat urtay jaaty hain,
Magar ghariyan judai ki guzarti hain mahino main..
Mujhe roke ga tu aye na’khuda kya gharaq honay say,
Kay jin ko doobna ho, doob jatay hain safeenon main..
Jala sakti hai shama-e-kushta ko mauj-e-naffas in ki,
Elahi! Kya chupa hota hai ehl-e-dil ke seino main..
Na puch in kharqa poshon ki iradat ho to dekh in ko,
Yad-e-baiza liye baithay hain apni astino main..
Kisi aisay sharar say phoonk apne kharman-e-dil ko,
Ke khurshid-e-qayamat bhi ho tere khoshaa-cheeno main..
Mohabat kay liay dil dhoond koi tootnay wala,
Ye woh mai hai jisay rakhtay hain nazuk aabgeeno main..
Saraapa husn ban jata hai jis ke husan ka ashiq,
Bhala aye dil haseen aisa bhi hai koi haseeno main..
Numayan ho kay dikhla day kabhi in ko jamaal apna,
Bohat muddat say charche hain tere bareek bieno main..
Khamosh aye dil, bhari mehfil mein chilaana nahin acha,
Adab pehla qareena hai mohabat ke qareeno main..
Bura samajhun inhe mujh say to aesa ho nahin sakta,
Ke main khud bhi to hun IQBAL apnay nukta-cheeno main…
-----------------------------
Tere ishq ki inteha chaahta hooN
Meri saadgi dekh kya chaahta hooN
Sitam ho K ho wadaa E be-hijaabi
Koi baat sabr-aazma chaahta hooN
Yeh Jannat mubarak rahe zaahidoN ko
K maiN apka saamna chaahta hooN
Zara sa to dil hooN magar shauq itna
Wohi lantaraani suna chaahta hooN
Koi dum ka mehmaan hooN ae ahl E mahfil
Chirag E sehar hooN bujha chaahta hooN
Bhari bazm meN raaz ki baat kahdi
BaRa be-adab hooN sazaa chaahta hooN
-----------------------------
Darya Mein Moti, Ae Mouj-e-Bebaak
Sahil Ki Soughat! Khar-o-Khs-o-Khaak
Mere Sharar Mein Bijli Ke Johar
Lekin Neestan Tera Hai Namnaak
Tera Zamana, Taseer Teri
Nadan, Nahin Ye Taseer-e-Aflaak
Aesa Junoon Bhi Dekha Hai Main Ne
Jis Ne Siye Hain Taqdeer Ke Chaak
Kamil Wohi Hai Rindi Ke Fan Main
Masti Hai Jis Ki Be-Minnat-e-Taak
Rakhta Hai Ab Tak Maikhana-e-Sharq
Woh Mai Ke Jis Se Roshan Huwa Idraak
Ahl-e-Nazar Hain Yourap Se Numeed
In Ummaton Ke Batin Nahin Paak
-----------------------------
Sitaron Se Aage Jahan Aur Bhi Hain,
Abhi Ishq Ke Imtehan Aur Bhi Hain
Tahi Zindagi Se Nahi Ye Fezaein
Yahan Saekron Karwan Aur Bhi Hain
Qana-At Na Kar Aalam-E-Rang-O-Bu Per
Chaman Aur Bhi Aashyan Aur Bhi Hain
Agar Kho Gaya Aik Nasheman Tou Kya Gham
Maqamat-E-Aah-Wa-Fagha Aur Bhi Hain
Tu Shaheen Hai Parwaz Hai Kaam Tera
Tere Samne Asman Aur Bhi Hain
Esi Roz-O-Shab Mein Ulajh Kar Na Reh Ja
Ke Tere Zaman-O-Makan Aur Bhi Hain
Gae Din Ke Tanha Tha Main Anjuman Mein
Yahan Ab Mere Raaz-Dan Aur Bhi Hain
-----------------------------
Zindagi Insaan Ki Aik Dam Ke Siwa Kuch Bhi Nahi,
Dam Hawa Ki Mouj Hai, Ram Ke Siwa Kuch Bhi Nahi
Gull, Tabasum Keh Raha Tha Zindagani Ko, Magar
Shama Boli, Garyae Gham Ke Siwa Kuch Bhi Nahi
Raaz-E-Hasti Raaz Hai Jab Tak Koi Mehram Na Ho
Khol Gaya Jis Dam, Tou Mehram Ke Siwa Kuch Bhi Nahi
Zaeran-E Kaba Se Iqbal Ye Pochey Koi
Kya Haram Ka Tuhfa Zam-Zam Ke Siwa Kuch Bhi Nahi
-----------------------------
Goongi Ho Gai Aaj Kuch Zaban Kehte Kehte
Hich-Kichaya Main Khud Ko Musalman Kehte Kehte
Yeh Baat Nahi, Mujh Ko Rab Per Yaqin Nahi
Bad Darr Gaya Khud Ko Sahib-E-Iman Kehte Kehte
Tofeeq Na Hoi Mujh Ko Ek Waqt Ki Namaz Ki
Aur Chup Howa Moazin Azaan Kehte Kehte
Ksi Kafir Ne Jo Pocha Yeh Kya Hai Mahina
Hath Se Pani Gir Gaya Ramzan Kehte Kehte
Meri Almari Mein Gard Se Atti Kitab Ka Jo Pocha
Main Gadh Gaya Zamin Mein Quran Kehte Kehte
Yeh Sun Ke Chup Sadh Li Iqbal Us Ne
Youn Laga Ruk Gaya Woh Mujhe Hewan Kehte Kehte
-----------------------------
Shor Hai Ho Gaye Duniya Se Musalman Nabood
Hum Yeh Kehte Hein Keh Thein Bhi Kahin Muslim Mojod
Wazza Mein Tum Ho Nasraa Tou Tamad-Dan Mein Hanood
Yeh Musalman Hein Jinhein Dekh Ke Sharmaein Yahood
Youn Tou Syed Bhi Ho, Mirza Bhi Ho, Afghan Bhi Ho
Tum Sab He Kuch Ho Batao Musalman Bhi Ho?
-----------------------------
“Jhapatna Palatna Palat Kar Jhapatna
Lahoo Garm Rakhne Ka Hai Ek Bahana”
Kiya Maine Es Khak-Daan Se Kinara
Jahan Rizq Ka Naam Hai Aab-O-Daana
Baya-Ban Ki Khalwat Khush Aati Hai Mujh Ko
Azal Se Hai Fitrat Meri Rah-Bana
Na Baad Bahari, Na Gulchein, Na Bulbul
Na Bimari Naghma-E-Aashiqana
Khaya-Baniyo Se Hai Parhez Lazim
Adaein Hein In Ki Bohat Dil-Barana
Hawaein Bayaban Se Hoti Hai Kari
Jawan Mard Ki Zarbat Ghaziyana
Hamam-O-Kabotar Ka Bhoka Nahi Main
Ke Hai Zindagi Baaz Ki Zahdana
Jhapatna Palatna Palat Kar Jhapatna
Lahoo Garm Rakhne Ka Hai Ek Bahana
Ye Europe Yeh Pachhim Chakoron Ki Duniya
Mera Nelgo Aasman Be-Karana
Parindon Ki Duniya Ka Darwesh Hon Mein
Ke Shaheen Banata Nahi Aashyana
-----------------------------
Ya Rab Dile Muslim Ko Woh Zinda Tamanna De
Jo Qalb Ko Garma De Jo Roh Ko Tadpa De
Pher Wadi-E-Faraan Ke Har Zarre Ko Chamka De
Pher Shoq-E-Tamasha De, Pher Zouq-E-Taqaza De
Mehrom-E-Tamasha Ko Pher Dida-E-Bina De
Dekha Hai Jo Kuch Maine Auron Ko Bhi Dikhla De
Bhatke Howe Aahon Ko Pher Soe Haram Le Chal
Es Shehar Ke Khon-Gar Ko Pher Was-At-E-Sehra De
Peda Dil-E-Mehra Mein Pher Shorish-E-Mehshar Kar
Es Mehmil-E-Khali Ko Pher Shahid-E-Lela De
Es Dour Ki Zulmat Mein Har Qalb-E-Pareshan Ko
Woh Dagh-E-Mohabbat De Jo Chand Ko Sharma De
Raffat Mein Maqasid Ko Hum-Dosh Suraiya Kar
Khud-Dari-E-Sahil De, Azadi-E-Darya De
Be-Lous Mohabbat Ho, Be-Bak Sadaqat Ho
Sinoon Mein Ujala Kar, Dil Surat-E-Mina De
Ahsas Enayat Kar, Aasar-E-Musibat Ka
Amroz Ki Shorish Mein Andesha-E-Farwa De
Main Bulbul-E-Nala Hon Ek Ujde Gulistan Ka
Taseer Ka Sahil Hon, Mohtaj Ko Data De
-----------------------------
Khuda Se Husn Ne Ek Roz Yeh Sawal Kiya
Jahan Mein Kyou Na Mujhe Tu Ne La-Zawal Kiya
Mila Jawab Ke Tasveer Khana Hai Duniya
Shab-E-Daraz Adam Ka Fasana Hai Duniya
Hoi Hai Rang Taghaiyor Se Jab Namod Es Ki
Wahi Hasen Hai Haqiqat Zawal Hai Jis Ki
Kahin Qareb Tha Yeh Guftago Qamar Ne Suni
Falak Pe Aam Hoi Akhtar Sehar Ne Suni
Sehar Ne Tare Se Sun Kar Sunai Shab-Nam Ko
Falak Ki Baat Bata Di Zamin Ke Mehram Ko
Pher Aye Phol Ke Aanso Payam-E-Shab-Nam Se
Kali Ka Nan-Ha Sa Dil Khon Ho Gaya Gham Se
Chaman Se Rota Howa Mousam-E-Bahar Gaya
Shabab Seer Ko Aaya Tha Sog-War Gaya
-----------------------------
Aata Hai Yaad Mujhko Guzra Hua Zamana
Woh Bagh Ki Baharein Woh Sab Ka Cheh-Chehana
Azadiyan Kahan Woh Ab Apne Ghonsle Ki
Apni Khushi Se Aana Apne Khushi Se Jana
Lagti Hai Chot Dil Per Aata Hai Yaad Jis Dam
Shab-Nam Ke Aansoun Per Kalyon Ka Muskurana
Woh Piyari Piyari Sorat Woh Kamni Si Morat
Abaad Jis Ke Dam Se Tha Mera Ashyana
Aati Nahi Sadaein Es Ki Mere Qafas Mein
Hoti Meri Rehai Aey Kash Mere Bas Mein
Kya Bad-Nasib Hon Main Ghar Ko Taras Raha Hon
Sathi Tou Hein Watan Mein, Main Qaed Mein Para Hon
Aati Bahar Kaliyan Pholon Ke Hans Rahi Hein
Main Es Andhere Ghar Mein Qismat Ko Ro Raha Hon
Es Qaed Ka Ilahi Dukhda Kise Sunaon
Darr Yahi Qafas Mein Main Gham Se Mar Na Jaon
Jab Se Chaman Chutta Hai Yeh Hal Ho Gaya Hai
Dil Gham Ko Kha Raha Hai, Gham Dil Ko Kha Raha Hai
Gana Ese Samajh Kar Khush Ho Na Sunne Wale
Dukhe Howe Dilon Ki Faryad Yeh Sada Hai
Azad Mujh Ko Kar De Ouu Qaed Karne Wale
Main Be-Zaban Ho Qaedi Tu Chor Kar Dua Le
-----------------------------
Teri Is Duniya Mein Yeh Manzar
Q Hai
Kahin Zakhum Tu Kahin Peeth
Mein Khunjar
Q Hai
Sunaa Hay Keh Tu Har
Zarrey Mein Hay Rehta
Phir Zameen Pr Kahin Masjid
Kahin Mundar
Q Hai
Jub Rehne Waale Is Duniya Keh Hain Tere Hi Banday
Tu Phir Koi Kisi Ka Dost
Kisi Ka Dushaman
Q Hai
Tu Hi Likhta Hai Sub Logon Ka Mukaddar
“YA RAAB”
Tu Phir Koiye Baad Naseeb Aur Koiye
Mukaddar Ka Sikanddar
Q Hai..?
-----------------------------
mohabbat ka junun baqi nahi hai
musalamanon mein khoon baqi nahi hai
safen kaj, dil pareshan, sajda bezuk
ke jazaba-e-andrun baqi nahi hai
ragon mein lahu baqi nahi hai
wo dil, wo aawaz baqi nahi hai
namaz-o-roza-o-qurbani-o-haj
ye sab baqi hai tu baqi nahi hai
-----------------------------
gesu-e- tabadar ko aur bhi tabadar kar
hosh-o-khirad shikar kar qalb-o-nazar shikar kar
tu hai mahit-e-bekaran main zara si aabaju
ya mujhe ham-kinar kar ya mujhe be-kinar kar
main hun sadaf to tere hath mere gohar ke aabaru
main hun khazaf to tu mujhe gauhar-e-shahawar kar
nagma-e-naubahar agar mere nasib mein na ho
is dam e nim soz ko tairak-e-bahar kar
ishq bhi ho hijab mein husn bhi ho hijab mein
ya tu khud aashakar ho ya mujh ko aashakar kar
bag-e-bahisht se mujhe hukm-e-safar diya tha kyon
kar-e-jahan daraz hai ab mera intazar kar
roz-e-hisab jab pesh ho mera daftar-e-amal
aap bhi sharmasar ho, mujh ko bhi sharmsar kar
------------------------------
Har lehza hai momin ki nee shaan naee aan
Guftaar main kirdaar main ALLAH ki burhaan
Qahar-i-o Ghaffarr-i-o- Quddusi-o- Jabroot
Yeah chaar anasir hoon to banta main Musalmaan
Humsaya-e Jibrail-e- ameen banda-e Khaki
Hai is ka naheman na bukhara na badakhsahaan
Yeh raaz kisi ko naheen maloom keh momin
Qari nazar ata hai haqeeqat main hai QURAAN
Jis sey jigar-e lala main thandak ho woh shabnam
Daryaoon key dil jis sey dehel jaeen woh toofan
------------------------------