|
|
| sheila ! |
 |
 |
| ngitian blues |
| ilang araw mula ngayon sa muli nating pagkikita sana nakangiti na ako, sanay at masayang mag-isa, walang takot na muli kang maaabala. simula ngayon iiwasan kong huwag masaktan tuwing maiisip kong wala kang panahon na pansining mahal na kita. kailanman mula nang makilala ka di ko naman ginustong makaramdam dahil mas madaling mag-isa at walang kahit anong dala. pero nariyan ka at nagpakitang di ka mahirap kasama; mga ugali natin di nagsasalungat, mga nakasanayang gawain natatanggap. hayaan mo, naiintindihan ko noong makalawa lang sinabi mo na di mo kayang mag-alaga ng relasyon ngayon. huwag ka ding mag-alala, napagdaanan ko na rin ang ganito noon. masakit at mahirap sa umpisa, pero gagaan din sa pagdaan ng araw. kaya ngayon, aalis na muna ako, magtatago at magpapakalayo mula sa iyo, para sa sarili ko. mag-iingat ka. lagi. hanggang sa muling palitan ng ngiti. 20jun04, 1245h, dvo airport |
|