| 竹原豐賽後點滴 | 2008年7月3日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週四煞科戰八場夜馬賽事於快活谷A欄上演，而跑道特色亦算全季A欄中最正常的一次，八場頭馬中，頭七場都是由一至三檔包辦，即使尾場爪皇泓金排十檔，但騎師不知不覺間已埋欄，可見貼欄的威力。不過傳統A欄總有些二疊馬能克服，但要睇騎師掌握發力點的耐性。放頭馬則稍難捱到。 | |||||||||||||||||||||||||
| 值得跟進馬 | |||||||||||||||||||||||||
| 第三場 金獎葡萄 | 大半季用主動跑法總是到直路半路就無力再上，直至前仗轉用後上跑法似乎有轉機，今次用韁繩好冼文諾高幾班的白德民跑，沿途留得順就追得勁，負於財富之星只因步速極不利及對手有田草賽績級數較高。未交代馬下季馬房應會早用，四班底分要贏馬唔難。 | ||||||||||||||||||||||||
| 第四場 馬中神駒 | 對上兩仗排大外檔仍跑得好，而上場更駛出極速後勁，質新馬到季尾才開始成熟。今次增程二百可惜又排外檔，用得韋達當然出閘走上博有位攝，雖然攝得二疊都算唔差，但增程全程望空確對氣量有嚴峻考驗，到係埋門僅負已不簡單，下季轉歲相信有兩W在手。 | ||||||||||||||||||||||||
| 第八場 駕進 | 在上手馬房一跑谷草就跑到唔知去咗邊，而在姚本輝手上就般若兩駒，上場已在谷草一哩追得好，今次增程千八米不幸排大外檔，留到最後直路被迫走出七疊上，埋門卻追回極多失地。經過上文家良上季一輪減分，現階段重拾正軌後可見有分在手，忠心馬長期要留意。 | ||||||||||||||||||||||||
| 有感而發 | |||||||||||||||||||||||||
| 今季最後一戰，卻是筆者今季首個無投注過分文的賽事日，經過上次兄弟齊心差一步負於只在谷草勉爭位置的威馬加鞭後，香港的賽事還有什麼值得留戀呢！筆者黑仔之餘，其實香港馬壇亦唔好得去邊，香港馬王、最佳一哩馬及最受歡迎馬匹三料得主好爸爸，到遠征日本展示國力的一刻竟然出醜人前，大敗而回。最佳短途馬蓮華生輝就在三冠短途系列兩度失手。而奪得最佳長途馬殊榮的爆冷， | |||||||||||||||||||||||||
| 明明在遮打盃負於包裝大師，而季內於二千二至二千四百米又未再交手，你話爆冷遠征杜拜取得佳績，但不能排除包裝大師如同場競逐會贏埋，不過敢踏出遠中的一步都算是英雄表現。講到最威的始終是冠軍騎師韋達，今季以百一場頭馬彈離對手，而最受歡迎騎師亦以超高得票率奪魁，還記得薄奇能在季前聲稱三季內可登冠軍，唔好玩啦！ | |||||||||||||||||||||||||
| 返回＜講馬網＞主頁 | |||||||||||||||||||||||||