| 竹原豐賽後點滴 | 2008年7月1日沙田日馬賽事 | B+2跑道 好地 | |||||||||||||||||||||||
| 跑道特色 | |||||||||||||||||||||||||
| 七一沙田煞科十一場賽事於B+2跑道進行，見由昨午開始無乜雨水到，就知馬會個好至黏地掛牌都唔會準，場地乾快下對前置型馬匹有利，谷草實力亦只一般的威馬加鞭，就是得到跑道形勢之助頂到尾。因場地未有「特別」灑水，靠追的馬匹只要貼欄走仍有一線生機，九龍飛就是一味靠攝得第三。 | |||||||||||||||||||||||||
| 值得跟進馬 | |||||||||||||||||||||||||
| 第二場 果然勁 | 等到季尾都要攞出黎跑，面對上場一出即勝的競駿精神都夠膽兩倍都無，可見幕後之信心。住程走位都算合今次跑道特色，但贏馬段速已媲美同日三班賽，加上質新馬初出在成熟及狀態上仍有大把進步空間，見母線出自Rory's Jester，相信長力頂盡得千四米，上三班無問題。 | ||||||||||||||||||||||||
| 第四場 力奇駿馬 | 季初兩場由戴勝操刀都有悅目走勢，只是健康問題影響，氣管出完血後仲流埋鼻血，進度大大阻滯。今次小休三個月復出，事前做足功夫可見健康轉趨穩定，但試大閘只一般，咁樣都可追上僅負質新的超新星，可見潛力優厚。細粒仔狀態易操起，下季初出已要睇緊。 | ||||||||||||||||||||||||
| 有感而發 | |||||||||||||||||||||||||
| 今早連早餐都未食就入馬場，但在買嘢食期間，卻見一名怒漢在咒罵小食亭的員工，原因是為了一隻賣貴四蚊的熱狗，怒漢表示一向買開都係十八蚊，但小食亭員工卻堅稱一向都係廿蚊，既然賭馬都時不予我，就一於站在一旁等睇戲，經過數分鐘的爭辯後，原來在沙圈旁的小食亭一向賣貴兩蚊，如肯行多兩步就平D，都唔知話馬會識做生意，還是特登影響馬迷的EQ，衝動起上黎賭多幾百都唔出奇。 | |||||||||||||||||||||||||
| 今日本來只為兩匹馬入馬場，一是金寶駿，二就是兄弟齊心，但見場地乾快而特利貼欄，唯有將目標放在排內檔又有前速的兄弟齊心，唔知係條跑道真係極利放頭，還是薄奇能屎波，其實都唔係，原因全落在筆者近期黑氣纏身，買W經常跑第二，搭條位置Q就跑二四。跑完第五場我就提早煞科，好好計劃放番過休閒的暑假。 | |||||||||||||||||||||||||
| 返回＜講馬網＞主頁 | |||||||||||||||||||||||||