| 竹原豐賽後點滴 | 2008年6月28日沙田日馬賽事 | A+3跑道 黏至軟地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行近期十一場泥草混合賽，八場草地賽事在A+3跑道上演，天雨影響下，跑道對前置馬較有優勢，徐雨石三W中兩場草地頭馬均是靠放頭偷雞成功，第二場的雙辣就因出閘稍慢而被喜萬家遠遠反先，但當賽事後期再受大雨影響後，走外疊馬仍有得追吓！泥地賽馬匹走內欄食泥無數，走外疊反而追得更勁。 | |||||||||||||||||||||||||
| 值得跟進馬 | |||||||||||||||||||||||||
| 第十場 最佳孖寶 | 這匹三歲馬今季初都用得頗多，三W後曾小休三個月才再出，復出柏寶跑谷草短途轉彎走位蝕到極，敗不足據。上場賽前因右前腳不良於行，進度確有一定程度的影響，今仗仍到埋門才僅負搏殺有心的又快又勁，已交代有餘。全姊弟馬曾勝千八米，下季增程千四至一哩可上一班。 | ||||||||||||||||||||||||
| 第十一場 功力勁 | 只觀其外地三場賽績均跑膠地，即使得兩W1P亦總覺水準一般。來到香港兩戰雖有接近演出，但今場屬這匹北半球三歲馬初跑千四，咁都成為大熱門就知某部分人士信心十足。賽事中遇上偏慢步速，入直路屬同場唯一可迫近雄鷹的參戰馬，可見潛質不俗，大摩又為長期Fans引入一匹良駒。 | ||||||||||||||||||||||||
| 有感而發 | |||||||||||||||||||||||||
| 季尾D報名馬睇落已唔多精神，而幾位前列騎師成績又一般，韋達仍可靠極有耐性的馬房醒隻馬佢爆吓，而柏寶的支持者就慘了，兩匹一面倒大熱雙辣及贏馬組合只能跑第三第四，幸好尾兩場無馬跑提早收工，避免尾場跑畢後大喝倒采。大摩主帥白德民都唔好得去邊，騎老細手馬仲算跑出正常水準，但騎外線馬就不敢恭維，勁惑一出閘竟唔夠快，就如早前騎外線的衝勁寶一樣，算吧！還可賴場地 | |||||||||||||||||||||||||
| 性能不合，但第八場泥地賽騎春之日就真係諗極都唔明，明明排十檔正好配合今天的泥地跑道特色，騎者卻攝入內檔食泥，雖然末段走勢睇落就算走外檔都未必會追得入一席三甲，但一早走定入去就一定無影。賽後聽聽在旁的馬迷自豪地說：「白德民跑外線馬仲要熱門，梗係買番大摩嗰隻新力高啦！」，唔怪得冼毅力同場無馬跑都要益佢！大摩搵呢個主帥果然無揀錯。 | |||||||||||||||||||||||||
| 返回＜講馬網＞主頁 | |||||||||||||||||||||||||