| 竹原豐賽後點滴 | 2008年6月22日沙田日馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行近期少有的十場草地賽事，今次又輪到用全闊A跑道。近日天氣轉好，場地當然回復正常。今次都算是跑番此欄的典型特色，走外疊馬匹絕不吃虧，更可說是比貼欄者有優勢，就連一向較利貼欄的千二米賽事亦由馬主精英及鑽飾光芒等走外疊贏。放頭馬未有因場地乾快而得益，這都是多年A欄跑道的典型特色。 | |||||||||||||||||||||||||
| 值得跟進馬 | |||||||||||||||||||||||||
| 第二場 金寶駿 | 在谷草短途熱身兩場後，今次返回田草跑一哩，面對住此群殘兵，本應可勝回一仗，但騎者卻在只得十二匹馬競逐的賽事，排八檔入到直路竟然都要塞車，末段要繞過大唐勇將才可望空上前，睇勢頭必屬全組最強，終點前跑個第四實在無話可說。睇馬房季尾都要操番起搏殺，相信煞科日仍會攞出黎爭勝。 | ||||||||||||||||||||||||
| 第五場 雄獅寶貝 | 女皇盃日首度出戰，沿途走外疊已追得勁，已反映本身質素之餘，亦可見幕後對其實力信心十足。今次落到潘頓手上，排中外檔竟然望空跟前走，對於這匹BB已輸咗九成，沿途見個馬頭無時停，末段仍可維持勁勢過終點，又再做一次高難度動作。等下季成熟跑千四至一哩可上二班。 | ||||||||||||||||||||||||
| 有感而發 | |||||||||||||||||||||||||
| 筆者今季賭馬運氣只一般，見月初係安田紀念賽執到多少，現階段已放軟手腳，當然亦要配合報名馬嘅水準，先可以令我這位病態賭徒緊守荷包。見今次賽事無乜心水，一於搵幾匹冷門馬博吓懵，點知倒頭來都係激到嘔血。最先就睇好賀賢馬房的半冷馬金寶駿，就如以上「值得跟進馬」中提及，姍姍來遲跑過第四，只好應命。接著到第五場敲吓隻盈駿寶，見佢今次急急除罩跑番千二米，埋門又差 | |||||||||||||||||||||||||
| 少少輸俾個今季已收工的告東尼嘅馬，黑氣沖天。到盃賽再次挑戰冷門，買條點心搭開心之星連贏及位疊Q，終點前又追唔切，賽後見呢條Q著哂紅燈，估唔到小小的筆者會邪到阻人發達。見大摩今日氣勢幾好，尾場一於搵同一夢想做膽，拖大熱門及大摩個Friend，哈哈！大摩咁大個馬房都頂我唔順呀！ | |||||||||||||||||||||||||
| 返回＜講馬網＞主頁 | |||||||||||||||||||||||||