| 竹原豐賽後點滴 | 2008年6月18日快活谷夜馬賽事 | C+3跑道 軟地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C+3欄上演，今次賽前雖然無黑雨，但只要賽事途中仍Keep住落下，就造就成今季首次的軟地跑道。放頭馬優勢明顯，尤其短途賽就更誇張，兩場千二米一出閘最快兩匹就串成一Q而回。一哩或以上路程仍勉算可有得追，但入直路前唔貼住條欄都幾難有運行，不過入到直路又要走出中外檔較較場地才追得好。 | |||||||||||||||||||||||||
| 值得跟進馬 | |||||||||||||||||||||||||
| 第二場 京城天寶 | 早前在谷草走外疊仍追得好，但上手馬房見好即收，立即轉戰闊場就場場輸一條街，馬主終於都忍無可忍將匹馬轉到旺人徐雨石手上。賽前晨課功夫未見加強，但今場就能由蟲變龍，竟可在此軟地後上殺敵，有人可能話此駒黏地性能特強，但與其評分有大利亦不出為奇，上班不妨繼續追。 | ||||||||||||||||||||||||
| 第六場 鎖定目標 | 排八檔騎者未有刻意攝欄，全程外疊於今天的跑道蝕到飛起，轉彎發力成為今場致勝關鍵，但直路末段仍可維持走勢追贏實在難得，要做出此高難度動作當然要有分在手，不過變化地性能出眾亦重要。贏馬距離短或會令馬迷帶來評分打緊的印象，換來賠率就更值跟進。 | ||||||||||||||||||||||||
| 有感而發 | |||||||||||||||||||||||||
| 臨近季尾，在早年的我現階段已心亂如麻，在僅餘的賽事日，賽前必會用加倍心機刨馬，仲要係場場都深入研究嗰隻，注碼當然亦搏命多少。近一兩年，投注意欲開始續步減退（並不代表投注金額也減退），究竟是近年的賽事越來越難賭？還是對賽馬的興趣已減？講真自己都唔係好清楚，只是每逢週一及週四在報攤購買的排位版有一天比一天沉重的感覺，經常到賽事當日份排位版仍摺疊得整整齊齊 | |||||||||||||||||||||||||
| （現在上網翻查資料的機會較多）。回想起中學年代，上學總會將份馬經摺得細細的夾在教科書中偷看。就算歸家後，亦會在深宵時分在枕頭底埋頭苦幹，有時更會借「開大」來爭取刨馬機會。到賽事當日，整份排位版已被五馬分屍，有些油墨更因摺得太多而退色。今天在背包中提出的排位版，恍如時光倒流到星期一中午十二時一樣，睇黎在剩餘的四個賽馬日都可以慳番廿四蚊了。 | |||||||||||||||||||||||||
| 返回＜講馬網＞主頁 | |||||||||||||||||||||||||