| 竹原豐賽後點滴 | 2008年6月15日沙田日馬賽事 | C+3跑道 黏地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十一場泥草混合賽，草地賽事於C+3欄上演。近日場地受甘露洗禮，場地指數亦高達2.9過外，但上半場賽事所跑出的時間並不太慢，只可當作好至黏地，賽事期間因天朗氣清，到下半場更跑出快地時間。草地賽事主動貼欄馬匹明顯佔優，即使是後上馬亦要貼欄才追得好。泥地賽偏差不太嚴重，後上馬不吃虧。 | |||||||||||||||||||||||||
| 值得跟進馬 | |||||||||||||||||||||||||
| 第七場 尚兄 | 雖然在此程已贏得兩W，但其今場的表現才令筆者首次垂青。早兩次贏馬都有慢步速形勢之助，尤其上場末段快到廿二秒四，搵鬼馬追倒咩！今次就唔同了，先有飛天快馬死頂住條欄，到佢埋倒欄外邊又有山東名將燒住佢，步速超快下仍有第四，難度極高。下季轉四歲會更進一步。 | ||||||||||||||||||||||||
| 第十一場 特寶樂 | 今仗首次在港跑千四米，本來已有一定難度，加上今場賽事步速偏快就更難適應，有埋呢個喜歡逢彎蝕彎的高雅志，全程跟前三疊望空，在步速及跑道特色的夾擊下，未有直路已可話輸咗九成，結果亦的確無三甲，但牠仍可在直路貫注到底跑入一席尚算接近的第五，又再做出高難度動作。翻查外地賽績用得唔多，前境光明。 | ||||||||||||||||||||||||
| 有感而發 | |||||||||||||||||||||||||
| 香港地賽事緊湊已出哂名，如無形勢之助，就算強如蓮華生輝，亦會因直路困死而負於好爸爸蹄下。今次賽事第十場為本地三級賽 － 精英盃，大摩馬房四路興兵，而講今季成績，步步穩都算係最差的一匹，回想其對上一場頭馬已係上屆冠軍一哩賽，在靳能跨下慢放，最後連竄兩段廿三秒內的極速剛剛頂得住。今仗賽前見有紙醉金迷及再領風騷兩匹快馬列陣，點計都唔會再有龜爬步速俾佢慢放， | |||||||||||||||||||||||||
| 不過馬圈經常都有D出人意表嘅事發生，紙醉金迷早段都算係前列，但騎者卻安分守己的在步步穩的外疊蝕位，而再領風騷就仲離譜，一出閘竟然唔見影，跑到八百米處先係三疊位置上前，睇見第二段步步穩慢開一段廿二秒三，加上今次條跑道對主動馬匹有利，咁就贏咗佢久違了嘅頭馬。你話跑馬唔講運就有鬼啦！ | |||||||||||||||||||||||||
| 返回＜講馬網＞主頁 | |||||||||||||||||||||||||