| 竹原豐賽後點滴 | 2008年6月11日快活谷夜馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C欄上演，黑雨後天氣尚算晴朗，場地指數亦偏底，但跑出來的時間則未見太快，相信與今晚賽事水準偏低不無關係。前置型馬匹因場地偏快而得利，駿冠今次跑法被前主動才可勝，尾場黃金好勁因特利慢步速竄一段才追得贏。全程走外疊未見蝕底，低班有逍遙派轉彎走外疊發力入位，而夢寐以求更全程三疊望空取勝。 | |||||||||||||||||||||||||
| 值得跟進馬 | |||||||||||||||||||||||||
| 第二場 七星仔 | 在港跑頭兩場都仲算好好睇睇，不過之後表演就乏善足陳，評分係半季內就由七十三分插到現時的四班水平。上場轉戰谷草短途加鼻箍跑，直路上意外多多都追近。今次用馬房已甚少交收的巫斯義，相信鬥志只一般，沿途留居於後欠誠意，入到直路走外疊上卻追得預期之外的利害，英愛馬下季會仲好。 | ||||||||||||||||||||||||
| 第五場 星光活力 | 於蘇保羅馬房間中都有一兩場輸得唔遠，但表演之飄忽實在難寄信心。今次轉到何良馬房首戰，黎海榮試過亦跑它駒，而夢寐以求亦的確贏得，可見馬房都係試馬居多。賽前晨課功夫悠閒，在陣中竟然可發揮出強勁追勢跑入一席接近的第三，如賽後可做回正常功夫，兩場頭馬無走雞。 | ||||||||||||||||||||||||
| 第七場 波板糖 | 上季三歲仔跑千四米都近，擺明有級數兼有少許氣量。今季遲復出，但一出就以超級姿態贏馬，而上場更以四個半身位輕勝其後再添頭馬的鄉村傳奇，可見上二班亦綽綽有餘。今次縮程跑一千米，明知唔多正宗，但諗住超級馬少少缺點唔怕，不過高雅志全程迫住走就係致命傷，咁都係輸少少已反映潛藏優厚，屬新一代谷草短途新星。 | ||||||||||||||||||||||||
| 有感而發 | |||||||||||||||||||||||||
| 有時賭馬都唔知係自己黑仔，今次賽事兩隻由上季開始已經常作為重心投注的喜在心頭及黃金好勁，到今季分別贏三場都無次中倒，身體差D都俾佢地激到嘔血，有時都會諗吓究竟係自己嘅問題，還是係有D黑心鬼製造無數盲點來偷雞。見喜在心頭個練馬師係吳定強，其為人係馬迷心目中都標籤哂！明明前季尾處四班於完全不利的田草變化地仍追得勁，上季就偏要用放頭跑法輸到你驚，其後仲加 | |||||||||||||||||||||||||
| 埋眼罩增加難度，真係服咗佢！等到今季三月先肯除番個罩後上，在一連串劣績下就俾佢攪掂。睇佢上場田草短途都追得好地地，今次就特登強配高雅志，而上次賽事甜在心頭在此君跨下又表現一般，直係諗到你頭都爆，點知沿途發揮一般都贏到大超班，睇段速更媲美同日三班賽頭馬，問你服未！計死數加分後仍大有勝機，不過因出自此廐或會令你唔敢買，咁就整個連捷你嘆吓！我死啦！ | |||||||||||||||||||||||||
| 返回＜講馬網＞主頁 | |||||||||||||||||||||||||