| 竹原豐賽後點滴 | 2008年6月8日沙田日馬賽事 | C跑道 黏地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十場泥草混合賽，草地賽事於C欄上演。賽事日早一天黑雨降臨，普羅馬迷都仍為場地必會嚴重變化，點知跑落都只係好地，但亦足以影響到放頭馬的優勢。沿途貼欄馬匹稍有著數，威陽死守條欄爆出冷門外，雄鷹亦靠此優勢跑入冷位。泥地賽未見有嚴重偏差，後上馬有用武之地。 | |||||||||||||||||||||||||
| 值得跟進馬 | |||||||||||||||||||||||||
| 第二場 發達心聲 | 賽前四試大閘走勢只一般，而體重亦比一般同父馬低，相信這都是成熟不足的原因。今場本來排得好位，但騎者卻守得頗後位置，明顯缺乏搏殺之心，但末段走出中疊望空卻如飛殺上，可見本身潛力不差。幕後未必會急於今季交代，但下季必屬馬房爭分棋子。 | ||||||||||||||||||||||||
| 第九場 飛快勁 | 三歲馬上場初跑千六米只負於超班馬超班而壓倒值三班頂的同一夢想，表現已值尊重，今次再增程千八米，難度當然再上一層，加上直路遇到白德民的惡意攻擊，對一匹後生馬影響極大，竟然經一段時間修正後仍肯再追過，氣量及鬥心均一流，直線成就不俗。 | ||||||||||||||||||||||||
| 第九場 好著數 | 上次谷草已走外疊都追得好，今次縮程跑闊場，又係因出閘稍慢而留得後，騎者又一次心急走外疊上，於此條越趨乾快的跑道甚不利，結果仍繼續保持上場的勁勢追上，反映此匹長途馬到今時今日才服水土。今季仍有一場沙田二千米可跑，睇吓會否換人搏殺。 | ||||||||||||||||||||||||
| 有感而發 | |||||||||||||||||||||||||
| 本地十場草地賽事水準極低，見倒都唔開胃，筆者嘅投注意欲亦大減，最終都將大部分子彈投注落安田紀念賽身上，而跑出來的賽果亦啱哂本大爺心水。你可能會話唔通連好爸爸都無買，的確在隔晚見薛達志講到鬼死咁有信心，仲諗住搵佢做膽添，之不過臨場瀏覽日本中央競馬會網站公佈好爸爸體重唔見咗十五公斤，咁就緊係立即轉軚啦！隨即搵番愛駒好利威做膽。配腳方面，東京競馬場重建後 | |||||||||||||||||||||||||
| ，守於內欄競逐的馬匹總有些優勢，而伏特加有好位之上餘，在免稅店錦標走外疊亦跑第四，咁就成為了今場的重心連贏投注，估唔到就求其拖兩隻表現稍穩定的內檔馬榮進特快及西野掌珠就已仲埋T，可惜因出馬超過十四匹而錯失良機，但只投注此場賽事已夠哂唞暑，總好過賭埋D古靈精怪嘅本地低水平賽事。 | |||||||||||||||||||||||||
| 返回＜講馬網＞主頁 | |||||||||||||||||||||||||