| 竹原豐賽後點滴 | 2008年6月5日快活谷夜馬賽事 | B跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷B欄上演，因賽前天色長期昏暗，跑道就此未有灑水，最終竟然無乜雨落，賽事就咁在一個正常場地上上演。跑道無俾場地經理做手腳，內欄馬即刻起義，尤其是短途賽事，一二檔馬威到盡，實力一般的鄉村傳奇，都可單靠賺位贏番場。一哩以上路程還可靠快步速追上，短途賽就主動馬匹威哂！ | |||||||||||||||||||||||||
| 值得跟進馬 | |||||||||||||||||||||||||
| 第三場 好機緣 | 三歲馬今季一出就跑千四米，仲要見佢追得唔差，其後縮程卻無段好睇，順理成章增程都算正常部處，但後生仔即使落腳慢亦難以克服氣量問題（除了蔡約翰外），成績欠佳亦有得賴。今次縮番落黎千二米兼排大外檔，迫住放棄早段跑，入到直路走外檔追一段卻用凌厲走勢，可見本身潛質不俗，下季增程跑就可大放異彩。 | ||||||||||||||||||||||||
| 第六場 心中有運 | 季中出爭谷草一哩連番有好成績，其後少休三個月再上征途，先跑兩場不合腳法的短途賽，敗不足據。到了今次跑回今季兩W路程，本應到搏殺之時，可惜出閘後被內欄的全勝福星頂住條欄，而騎者手韁繩又留得唔順，加上步速偏快，終點前都算輸唔遠。此程專家日後再爭同程都要兼顧。 | ||||||||||||||||||||||||
| 第七場 多多昇 | 季初贏谷草短途上班，三班首戰就挑戰田草千四米，即使直路慳哂位，但可與幸運勇將及歡笑星等超班馬跑得接近都算唔錯，其後再爭田草卻總是得過近字，相反跑回谷草贏馬路程留後跑走蝕位都追得好。今次又再爭此程，可惜又排外檔要走三疊，而到直路又肯撲上。相信只要排位好番多少，要贏番場都唔難。 | ||||||||||||||||||||||||
| 有感而發 | |||||||||||||||||||||||||
| 冠軍騎師韋達即使尾場又再以凌厲後勁憑火箭動力取得十二分，亦敵不過以三個短頭取得三場頭馬的潘頓，韋達騎師王亦連霸的美夢就此幻滅。還記得潘頓季初贏在港第一場頭馬聚寶駒之時，全程騎來進退失據，到直路發力時更連韁繩都鬆哂！如果匹馬唔起大超班都幾難贏。估唔到到咗季尾階段，竟然可壓倒韋達成為騎師王，表面上好似有大幅進步，但睇番佢騎隻奪寶群英，入到直路選擇走出面 | |||||||||||||||||||||||||
| 都仲算醒目，不過見佢開始發力推騎之時，就如時光倒流到季初騎聚寶駒般，直路上需時才可令馬頭保持直線衝刺，咁就解釋哂為何上季冼文諾成績會咁好，而到今季就走哂樣了。韋達正需要為遠征安田而強行色時，就俾件潘頓截住道氣，難怪好利威會執個大外檔，唯有希望韋達可繼原居民後再創奇蹟吧！ | |||||||||||||||||||||||||
| 返回＜講馬網＞主頁 | |||||||||||||||||||||||||