| 竹原豐賽後點滴 | 2008年6月1日沙田日馬賽事 | B跑道 好至黏地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十一場草地賽事，於B跑道上演。週四及週五豪雨襲港，即使週六開始已收水，草地跑道亦未能及時回復正常。因欠缺乾快地場幫手，放頭馬不但無優勢，更可以話「放邊隻，死邊隻」，強如尾場的功夫，入到直路已企係度。後上馬只要沿途有遮擋，不論走內外疊亦追得好。 | |||||||||||||||||||||||||
| 值得跟進馬 | |||||||||||||||||||||||||
| 第五場 星河舞士 | 今季中轉到呂健威馬房數字上都算是仗比仗好，但都估唔到今場可以在不利放頭的跑道形勢力拼僅跑第四。閘前見連贏及位疊Q均全餐落飛，幕後亦反映有一定信心。本地同父馬以一哩或以上路程較佳，上手馬房亦曾挑戰千八米路程而接近，中長途馬下季會更進一步。 | ||||||||||||||||||||||||
| 第六場 新強勁 | 一般馬房練三歲馬通常都是跑短為佳，而神仙蔡就相反，練者越肯增程，馬匹的表現就越好。今次新強勁初跑千四米，即使今天有外疊亦不代表可全程望空跑，入到直路仍肯增速上前挑戰，可見又是另一匹馬房成功棋子。相信神仙會設法於季內為牠贏番場。 | ||||||||||||||||||||||||
| 第十場 零距離 | 睇完今場的走勢，相信無邊幾個夠膽話佢唔係一班馬，只要直路一望空已彈離主馬群，上官方網站睇睇其末段時速，二十二秒一完成四百米，而騎者最後五十更按韁而回，可見發揮全力隨時在二十二秒內完成。今場加十二分應無走雞，不過上班續負輕磅就仲好跑。 | ||||||||||||||||||||||||
| 有感而發 | |||||||||||||||||||||||||
| 今次賽事黃汝安馬房出馬唔多（成個馬房都無幾多隻馬可出賽），但都算精兵出盡。香港拍賣馬挑戰賽派出馬房僅有的新馬鑽之寶，今次出閘順利，終點前不敵一面倒大熱又贏哂，都算可交代。第十場出隻馬房精英好芝味，諗住都贏得啦掛！估到估唔到隻零距離轉到賀賢手上會邊咗另一匹馬，就好似出自其馬房的好爸爸，轉到薛達志手上竟然可以遠征安田，還大有機會是大熱門，真係眼冤！ | |||||||||||||||||||||||||
| 韋達又一次成為騎師王，身為多屆冠軍騎師其實亦不出為奇，只係每當佢登上騎師王寶座時，更係聽到人地話佢都係多馬房支持啫！不過今季柏寶亦同樣有好多門路，但到現時騎師榜的成績卻與韋達有一大段距離，所以筆者由中韋達第一W東北烈馬開始就鍾愛佢。而馬迷經常都痛罵他，原因都係對他有過份期望。有時劇情需要，走位差多少都要見諒吓啦！ | |||||||||||||||||||||||||
| 返回＜講馬網＞主頁 | |||||||||||||||||||||||||