| 竹原豐賽後點滴 | 2008年5月28日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷A欄上演，不知是因天雨影響，還是內欄養草時間長，貼欄馬整體而言稍佔優勢，走二疊者亦可。後上馬走內欄因馬群轉彎並無外閃現象，因此容易受困，鑽飾光芒及威勁多就因直路早段塞一塞就失三甲。前置型馬匹有少許優勢，新力高遇快步速亦能捱得到，而紅旗威揚更爆出冷門。 | |||||||||||||||||||||||||
| 值得跟進馬 | |||||||||||||||||||||||||
| 第一場 福駿 | 在上手馬房常用主動跑法，但最終成績都係得個近而無威脅。轉到薛達志馬房首戰出爭田草千四米續用主動跑法，表現當然乏善可陳，直至上仗轉後追，直路氣勢都算強。今次再用後上跑法，卻因排檔關係而走外疊，加上場地稍不利追，以其直路發揮的追勁確俱威脅。轉啱跑法應可贏番場。 | ||||||||||||||||||||||||
| 第三場 碧綠駿駒 | 此場當眾人焦點落在幸運精英走三疊望空轉彎都用Q時，其實碧綠駿駒入到直路持續內閃，直至最後一百米才全力最上亦能接近亦很觸目。此駒早前轉戰泥地賽，實際表現未如同父馬般強，而今次跑回谷草一千米，見早段已唔夠快，加上騎者又發揮一般，下次增程二百再換個好少少人就夠爭勝。 | ||||||||||||||||||||||||
| 第六場 好著數 | 講到全日最值得跟進的馬匹應數到呢匹後備補上的好著數。今次出閘竟然唔慢，但排四檔卻要走外疊，尤其入彎更走出最外後追，見其餘頭五名馬匹都是貼住欄跑，可見此評分跑長途威力十足。今次幕後落足飛失手，而今季機會已無多，應會把握六月尾的唯一一場三班長途賽。 | ||||||||||||||||||||||||
| 有感而發 | |||||||||||||||||||||||||
| 當黃汝安仍在練馬師榜末之時，孖寶神駒總是排外檔，即使有冠軍騎師幫手，交出前所未見的前速，外檔就欠一匹快馬忍不住上前做遮擋，最終得個第三已歇盡所能。近期連番拉頭馬的徐雨石，今晚明明乏實力馬參戰，上天就偏要送個靚檔俾巴圖魯，又係配冠軍騎師就一早守好位，全程無跑錯一步險勝。其後更憑初跑二千二百米的瀟洒叻龍爆冷起孖，有時都會慨嘆這個世界之不公。不過，如果 | |||||||||||||||||||||||||
| 你們都是雀友就會明白什麼是「打弱」，只要舖麻雀打錯一隻牌而「出充」、「無糊食」或「造就他人自摸」，嗰四圈麻雀都唔方有運行。就如季初好好一匹好芝味，總要連番報跑不合腳法的短途賽，結果跑到要做手術，即使復出算能跑出競爭力，但個「勢」就點都輸蝕多少。週日好芝味出爭手術後第三仗，又睇吓可否食番舖「三番」？ | |||||||||||||||||||||||||
| 返回＜講馬網＞主頁 | |||||||||||||||||||||||||