| 竹原豐賽後點滴 | 2008年5月18日沙田日馬賽事 | C+3跑道 好至快地 | |||||||||||||||||||||||
| 跑道特色 | |||||||||||||||||||||||||
| 因有新馬賽關係，沙田舉行十一場泥草混合賽。二場泥地短途賽，貼欄馬明顯佔優，即使康威王排十二檔亦要刻意留後攝位。草地賽放頭馬優勢明顯，哈哈霸、夠信心、飛躍龍門及本地實力分別爆入冷位及贏馬，貼欄馬匹整體上亦着數多少，沿途走三疊以外難跑了。直路賽馬匹大多靠外欄跑，但走跑道中疊亦不太吃虧。 | |||||||||||||||||||||||||
| 值得跟進馬 | |||||||||||||||||||||||||
| 第一場 金津好 | 睇跑出來的時間，相信是今季暫時最強的一組新馬賽，見其末段望空後的衝刺力，大約可推斷上二班都無問題。二歲仔已有逾千一磅，已血統亦反映是一匹純跑速度的早熟分子，馬房應唔會留住用。下場雖然屬一面倒大熱，但現階段真的找不到用邊匹新馬夠佢Fight！ | ||||||||||||||||||||||||
| 第三場 永旺勁 | 一匹重口馬排了十一檔，用死留找遮擋的跑法亦合理，之不過今場只有一匹威霸龍按韁慢放，加上今日條跑道又不利追，咁都可以在外疊追回極多失地跑第四，而反映這匹三歲馬的評分已減到頗有利的水平。經過今次眼罩的適應，下次應會更好留，如排埋內檔就如虎添翼了。 | ||||||||||||||||||||||||
| 第六場 年年如意 | 連夠信心都可以放到，就知道步速有幾咁慢，信賴可以追得近都係靠條欄，而中國陸家及年年如意飛到出外父咁外都有追勢已好叻！而年年如意更要等前駒發力才可走其外疊發力，埋門竟然追回更多失地，可見進度已夠在四班出頭，睇身型增程會更合發揮。 | ||||||||||||||||||||||||
| 有感而發 | |||||||||||||||||||||||||
| 上回講到又係因跑道古靈精怪而頭痕，自問近幾季與結識十餘載的親密戰友都有斬獲，就係今季明明投注的馬匹走啱哂啦，但騎落去就一步到無，到下次再出又唔知點解又會贏得番，你當然可以話只係自己眼光唔好，但自問近季投注得嘅馬，雖然唔係一定得，不過跑落卻總有威脅，而今季D馬就經常無厘頭輸到無影，相信筆者的戰友就是被今季難以捉摸的跑道偏差摧殘了。睇回剛週三谷草夜賽，明明 | |||||||||||||||||||||||||
| 賽前天朗氣清，但內欄跑道卻踢出很多泥頭，難道跑到賽事日中段，某些識執生的騎師入到直路已懂得走出跑道中疊上，但如果一早走定出三疊轉彎，又難克服C跑道的弧形魔咒，如果好似眾威旺走定出去轉就死，不過好似悅勝豪情咁入到直路都貼住條欄又無，咁攪法，只要騎師少一點誠意，賽果就可大幅改寫，唔怪得跑完這晚賽事，連另一位馬友都戒埋賭了。 | |||||||||||||||||||||||||
| 返回＜講馬網＞主頁 | |||||||||||||||||||||||||