| 竹原豐賽後點滴 | 2008年5月14日快活谷夜馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷C欄上演。見上次B欄馬匹入到直路都要走出較外疊才追得好，今次亦唔例外，入到直路仍貼欄走的大多無得追，就連一向較利貼欄的千二米途程亦不例外，電子精英、馬有成爆完一隻又一隻。而跑到較後場次，有些騎師更刻意走出中疊跑，可見內欄場地情況甚劣。 | |||||||||||||||||||||||||
| 值得跟進馬 | |||||||||||||||||||||||||
| 第一場 揀得準 | 上場只是贏五班賽，但贏馬段速已俾同日四班頭馬旅英愛駒強，已反映四班亦夠爭，只是早前出閘常有問題，總令筆者投注前有少許戒心。今次出閘又再順利，似乎馬匹的成熟程度又邁進一步，而今次又跑出比同日三班賽強的時間，睇黎要贏多場都唔難。 | ||||||||||||||||||||||||
| 第四場 國家富強 | 早前在田草千四米，賽事步速偏快跟前黃走外疊，直路貫注力仍夠，可見評分一定有着數。上場換個贏馬拍檔卻縮程，擺明退熱。今次跑正宗路程就排十二檔，雖然今日條跑道直路走中外疊好，但都唔代表入彎走三疊發力唔蝕，可當洗多次底。以馬房性格今季點都有一W，一於跟實佢。 | ||||||||||||||||||||||||
| 第八場 樂意 | 筆者當年的愛駒，不論泥草都可發揮威力。可能當時馬房迫得太緊要，健康終於出了挫折，即使神仙充滿耐性，最終都要放棄。今季由賀賢接手，但都要等到五月才初上戰陣。首戰出爭千二米泥地，久休復出輸得遠都唔奇。相隔十日再爭谷草千二米，末段竟然交出強烈後勁，似乎賀賢真係攪得掂！只要能保持進度，大有機會再進凱旋門。 | ||||||||||||||||||||||||
| 有感而發 | |||||||||||||||||||||||||
| 筆者在中三年代已開始參與賽馬，當時受到同班同學的引誘，而剛巧投注第一條飛就中，就係咁就賭咗十幾年。大部分誘惑我賭馬的同學，其實到了中六時候已放棄，原因相信都無須多解釋。其後近十年的賭馬生捱，數來數去只有兩位馬友並肩作戰，唔好話我認叻！計落每季總有點斬獲，如果唔係都唔都賭到今時今日。上個月突然傳來惡號，一位經常一同入馬場出生入死的戰友突然話要戒賭，還是 | |||||||||||||||||||||||||
| 斬釘截鐵的一種，筆者當然就恭喜他啦！但戒賭的主因其實都了解一二。你地可以話我賭仔姓賴，但係今季條跑道確實古靈精怪，季初條沙田跑道快得驚人，後上及外疊馬匹根本就無得跑，筆者用了差不多一個月時間適應，到十月可以話由反敗為大勝。但到季中又話要灑水避免跑壞腳，場地偏差就開始發生異變，尤其係賽前有天雨的情況下，就要睇場地經理心情來決定灑水程度，俾佢玩死！（待續） | |||||||||||||||||||||||||
| 返回＜講馬網＞主頁 | |||||||||||||||||||||||||