| 竹原豐賽後點滴 | 2008年5月12日沙田日馬賽事 | C跑道 好至快地 | |||||||||||||||||||||||
| 跑道特色 | |||||||||||||||||||||||||
| 佛誕沙田舉行十場泥草混合賽，三泥七草戲碼毫無吸引力。泥地賽事後上馬有用武之地，第八場三班一哩因無馬與尚兄鬥燒，慢鬥慢下才無得追。草地賽則主動馬匹着數哂！後上馬如貼欄懾仍有少許機會，如走外疊則凶多吉少，老處馬水晶皇就憑今次的跑道特色作出零的突破。 | |||||||||||||||||||||||||
| 值得跟進馬 | |||||||||||||||||||||||||
| 第五場 輕巧 | 今季開鑼日出爭千二米，出閘大漏，起碼唔見四五個身位，轉入直路才拉近尾二馬匹，末段追勁竟可與上二班亦經常接近的至上相比，處四班當然超級。之後從未再入三甲只因配搭上出現重大問題。上場小休復出，直路又再重現悅目追勁，今次增程千四繼用冼文諾而不幸排外檔，如今天跑道走外疊仍追回極多失地，睇黎距出頭之日不遠矣！ | ||||||||||||||||||||||||
| 第六場 財子佳人 | 剛週三才在谷草以無可能的位置追上，隔數天再出轉戰沙田長直路，見韋達仍未接手跑，相信是蔡神仙未點燈，但今場直路同樣展示出有競爭力的追勁，確認本身貫注力已養成。三歲馬到季尾開始踏升軌，看其出賽頻率，相信馬房都係想贏番場才收鑼。 | ||||||||||||||||||||||||
| 第七場 勇士 | 睇近兩仗走勢看似到極限，其實上場賽前曾停課，進度只是一般。今次可當作熱身後首仗，於此廐的慣性，現階段只發揮了七成功力，就此已可在劣檔全程望空，兼作為對手假想敵仍只以短頭僅負，粗身馬相信經過多一場熱身，下次再與同級數對手已可反先。睇母線跑闊場千二可能更勁。 | ||||||||||||||||||||||||
| 有感而發 | |||||||||||||||||||||||||
| 自從四月初葉楚航開腔不滿徒弟仔王志偉後，停賽復出至今都無啖好食。上週三第二場隻雄威一向用開王志偉，季初更有頭馬見面，該晚操到Fit哂卻用外人普萊西，直路一閃就俾旺人柏寶告甩，以王志偉的騎功相信唔會同西哥相差得好遠，甚至有過之，仲有五磅減就着數到暈，筆者大膽馬後炮話此場如肯用偉仔已贏咗！不過練者既然要俾D顏色個徒弟睇，對馬主帶來傷害亦在所不適。練者全日就 | |||||||||||||||||||||||||
| 齋係俾隻運動健將佢跑，雖然係熱門，不過成績就...。今天賽事葉楚航共出五匹馬，王志偉都有馬跑，但係兩駒分別係近績差劣嘅新勝威及尚未在陣上展示過競爭力嘅好塑料，而其餘三駒則由柏寶及鄭雨滇瓜分，上名率卻達一百過巴仙，擺明唔想俾佢咁快畢業。而偉仔所策騎嘅外線馬亦配合近期格局無運行。原來葉楚航係香港馬圈都幾有人面。 | |||||||||||||||||||||||||
| 返回＜講馬網＞主頁 | |||||||||||||||||||||||||