| 竹原豐賽後點滴 | 2008年5月7日快活谷夜馬賽事 | B跑道 好至快地 | |||||||||||||||||||||||
| 跑道特色 | |||||||||||||||||||||||||
| 週三八場夜馬賽事於快活谷B欄上演。經過近幾次利貼欄的跑道特色，今次終於回復季初面貌，即使轉入最後直路前仍守在欄位，出彎亦要走出中外疊發力才可發揮本身實力，死守住條欄就算有位都唔係好願追上。不過，如沿途走三疊又似乎蝕唔起，騎者轉彎走位及發力點的決擇成為勝負的關鍵。 | |||||||||||||||||||||||||
| 值得跟進馬 | |||||||||||||||||||||||||
| 第六場 永得勝 | 三歲馬早前跑沙田千四米，段段快開下面對雙雙在直路才發力後上的駿達駒及至上，都是最後五十米才頂唔住，計級數就一定高過一般三班馬。今場韋達揀騎Big Boss的威馬加鞭，永得勝隨即跑法受制，均速馬於今次跑道貼住條欄仍貫注到底，表現已算合格。下次落番韋達手就會見真章。 | ||||||||||||||||||||||||
| 第二場 好馬加鞭 | 上場在白德民手上只負於級數稍高及質新的勁擊，敗亦無話可說。本來今天條跑道正合此駒跑法，只是韋達夥拍大摩的極低上名率，令騎者一出閘就發揮出超水準，一早就走緊三四疊望空，再整個轉彎發力，輸得精彩。等到馬房主帥復出就會有截然不同的演出。 | ||||||||||||||||||||||||
| 第二場 財子佳人 | 神仙馬房三歲馬一向緩進，今季馬房強勢才見有少數後生馬亦有頭馬見面。財子佳人季中由短途賽程起步，陣上表現只一般，直至上場跑到千八米才初見競爭力，可見此駒極受母線影響。今次再跑同程，雖然有快步速幫手，但直路追勢實在勁。似乎趕得切季內贏番場。 | ||||||||||||||||||||||||
| 有感而發 | |||||||||||||||||||||||||
| 騎師王舉行至今，先不要說馬迷的投注意欲是否高漲，「誰是冠軍」已成為馬迷茶餘飯後的話題，而賽事中評分的走勢，更觸動到FANS的情緒，有些較感性人士，隨時因一時的主觀願望而影響較後場次的投注方向，是禍是福就見仁見智。五次騎師王除首次由見習生楊啟棠奪得外，其餘四次則由兩位前列騎師韋達及柏寶包辦，從此賽果可見，其實我們的冠亞軍表現都唔係咁飄忽啫！五次騎師王 | |||||||||||||||||||||||||
| 冠軍，除第二次冠軍因韋達開飛時太熱才有少許回飛外，其餘四次即使無落飛亦保持住開飛賠率，可見有部分投注人士或馬會操控賠率的專業人士都幾好眼光，暫時我們的確可從其賠率走勢推斷騎者該日的鬥志。但如足智彩一樣，日後當發現從此可捉路後，到時就會開過「鬼盤」等你頭痕吓啦！ | |||||||||||||||||||||||||
| 返回＜講馬網＞主頁 | |||||||||||||||||||||||||