| 竹原豐賽後點滴 | 2008年5月4日沙田日馬賽事 | B+2跑道 好至快地 | |||||||||||||||||||||||
| 跑道特色 | |||||||||||||||||||||||||
| 週日沙田馬場舉行十場泯草混合賽。晨早因天雨關係，跑道未有灑水，就此好至快地的掛牌終於重來。賽事模式未有因場地偏快而利前領，相反，走外疊的後上馬反而更有利，見一對方廐冷門霹靂子彈及鋼寶就是飛出外疊爆。幾匹內欄熱門勇蹄飛及金津勝等就輸到無影。泥地方面，只可確認外疊不太蝕底。 | |||||||||||||||||||||||||
| 值得跟進馬 | |||||||||||||||||||||||||
| 第二場 龍船旺 | 全日賽事好馬唔多，都係追蔡神仙D質新馬較有保證，而這匹到季尾才初上戰陣的四歲馬龍船旺就不能不追啦！要等到季尾先上陣，健康當然有問題，其實此駒係三月尾亦一天未見出操，此廐有這情況已屬不祥，嚴格來說，距離停課日個半月不足就再上戰征，點都有隱憂。既然今場咁都贏得咁易，進度理想上班仍可繼續追。 | ||||||||||||||||||||||||
| 第八場 超班 | 無錯！第二隻跟進馬又係來自蔡約翰馬房。超班上場三歲負重都追近，今次上班大幅減輕負重，當然贏面高唱，但巧遇今日內欄條跑道唔多好跑，咁都追上黎贏就值得尊重。見末段力拚衝勁寶之際，韋達亦只有一般節奏推騎，而終點前更做定勝利手勢，就知道騎者成竹在胸。贏短距離加分唔多，下次負中磅可再贏。 | ||||||||||||||||||||||||
| 有感而發 | |||||||||||||||||||||||||
| 官方著名評馬人近幾次賽事經常以場地偏差作笑話，只認為剛巧同場無馬放頭就利前領，多幾匹快馬就利後上，走內欄唔塞車就利內檔，塞車就是利外檔。其實他有自己的睇法本來就無甚問題，但經常借勢取笑他人就只給人一種老鬼印象。當然，不是每天賽事都有場地偏差，坊間亦有某些人兄過份沉迷，之不過，不少外地賽馬重鎮亦會以場地偏地作為選馬的其中要素。今次賽事就真有頗嚴重的場地 | |||||||||||||||||||||||||
| 偏差，全程貼欄馬匹大多欠表現，上場仍以佳速跑入三甲的勇蹄飛，今舖賺哂位直路卻企咗係度，即使本身實力真的稍遜於人，亦不應輸一條街掛！第八場大紅袍的表現就更恣反映，上場場地特利前領，即使段段快開亦頂到尾，到今日不利貼欄前領就反輸給超班三身位，如果你們要堅持只是進度及分齡讓磅的問題，咁就無話可說了。 | |||||||||||||||||||||||||
| 返回＜講馬網＞主頁 | |||||||||||||||||||||||||