| 竹原豐賽後點滴 | 2008年5月1日沙田日馬賽事 | A+3跑道 好地 | |||||||||||||||||||||||
| 跑道特色 | |||||||||||||||||||||||||
| 五一勞動節沙田馬場舉行十一場泥草混合賽，草地賽事採用A+3跑道，場地偏差與幾天前的A跑道差不多，不論內外前後均可有公平的發揮，如象冼文諾跑馬威力般全程走大外疊就無得講啦！全日只有一場直路賽，見駒師全部靠外欄競跑，闊跑道都係外面著數D。兩場泥地短途賽，第九場因步速太快才跑哂後追馬，其實今日條泥地跑道都算平均。 | |||||||||||||||||||||||||
| 值得跟進馬 | |||||||||||||||||||||||||
| 第十場 馬威力 | 冼文諾果然唔係臘鴨，絕對係垃圾，諗住今次排五檔，點計都會走個有遮擋的食糊位，但佢竟然由一出閘開始就走緊四疊，出彎時更被排九檔的實業飛駒撞出九疊，咁都跑個接近嘅第五，如果走位好番多少，相信贏埋都唔出奇，見今個月十八號還有一場三班千八米，希望可以補中啦！ | ||||||||||||||||||||||||
| 第十一場 細腦 | 馬會將今場評分區域加到一零六分，擺明俾個機會佢，可惜排檔又幫唔到手，一出閘幾隻快馬鬥放，被頂在四疊韋達亦決定搶前埋欄，但五十八秒二跑一千米，真係馬王都死啦！早段跟在其後的大富之星及團隊精神過終點已輸緊一條街，而牠卻只負頭馬四身位，擺明有級際賽水準，今季仍有兩場機會，相信季內仍有頭馬見面。 | ||||||||||||||||||||||||
| 第五場 浪濤峰 | 雖然已是一匹八歲老馬，但出度早期被已掛靴的強哥浪費不少光陰，不過其健康問題亦是不能成材的關鍵。上季轉到姚本輝馬房時亦唔多跑得，直至今季才初踏升軌，於兩場泥地短途賽熱身後就扶搖直上。今次縮程跑千四亦輕勝，而跑出的時間亦比七星樂園強，隨時是上季的叫關領。 | ||||||||||||||||||||||||
| 有感而發 | |||||||||||||||||||||||||
| 筆者對五一勞動節的由來其實不太了解，從字面去睇，勞動節應比平日生活更加勞動，那麼馬會編排該日跑馬就非常合理，仲要跑夠十一場，如入場馬迷每場都要睇完沙圈，跟住就去投注大堂排隊買飛，接著又趕到終點前吶喊助威，咁就真係勞動到夠了。不過，國內同胞慶祝勞動節都有七日假期（聽聞今年開始得番三日），似乎這節日是為了平日百姓生活過勞而休息番吓！咁計落，馬會對祖國文化 | |||||||||||||||||||||||||
| 就不太尊重了，本來四月三十日跑完夜馬，第二朝就可以睡到日照天靈，家吓就要晨早起來，急急腳食完個早餐就踏上征途。聽我謂就好似講到好慘，其實今次賽事D戲碼衰得咁緊要，賭少日都唔係損失，就算係賭性極深的病態賭徒，賭少頭幾場就當係「少別勝新婚」囖！ | |||||||||||||||||||||||||
| 返回＜講馬網＞主頁 | |||||||||||||||||||||||||