| 竹原豐賽後點滴 | 2008年4月27日沙田日馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 愛彼錶女皇盃賽日舉行十場草地賽事，大賽日採用全闊A跑道作賽。場地測計儀指數高達2.7，但跑出來的時間就似好至快地，還要偏向快的一邊。跑道偏差尚算不太嚴重，實力馬如跑啱都可發揮出應有水準，只是千二米賽事較側重內欄馬匹，超新星及功夫就憑條欄爆出冷門，後駒更大勝而回。 | |||||||||||||||||||||||||
| 值得跟進馬 | |||||||||||||||||||||||||
| 第三場 首飾奇寶 | 當眾人都認為紅跑車屬四歲馬兼跑過一路程，理應佔先多少，但跑馬就是這樣，翩翩就係跑一匹三歲重磅兼初戰此程的首飾奇寶出黎，賽事步速偏快仍可克服，級數起碼值一班，贏唔贏到級際賽就言之過早，下次上班跑輕磅相信都無乜對手了。 | ||||||||||||||||||||||||
| 第一場 雄心寶貝 | 全日唯一就是千二米特利內欄，此駒初次上陣就排大外檔出閘，屬雙重打擊，轉彎飛出外檔追，入到直路又有內閃傾向，在步速唔多快的情況下都追個第四，反映質素唔錯，難怪練馬師選擇大賽日才派遣上陣。長線成就克服三班應無問題，睇吓今季可否趕得切贏番場啦！ | ||||||||||||||||||||||||
| 第五場 花好月圓 | 一匹熟遲遲未能適應水土的北半球精品，講真今次沙圈所見毛色仍差多少，但末段的追勢已嚇壞人。重段速所見其實未有什麼特別之處，只是見白德民跑來欠缺誠意，直路搵位欠積極性，到二百米仍在發夢，但短短途程已追回極多失地，再細心睇騎者只是輕推了事，姿態吸引。如幕後肯用，季尾可有頭馬見面。 | ||||||||||||||||||||||||
| 有感而發 | |||||||||||||||||||||||||
| 日本今年派遣有馬紀念盟主梵高藝展來港挑戰女皇盃，紙上賽績都算係歷來最強代表馬，一個「有天皇賞春都唔跑」的信念，令部分馬迷深信今次日本隊充滿誠意來騷多年之癢。沿途騎者發揮尚算合格，在「四角」位置亦的確「先頭」了，只是直路上貫注力不足，竄勁亦不強，到最後二百米已乏力墮退，繼賞月後又再令FANS失望。日本馬遠征香港多年，筆者從中發現到才許竅門，不妨與大家研究 | |||||||||||||||||||||||||
| 研究。其實近年日本來港多匹參戰馬，不論一哩至到二千四百米，奪標者大多是後上馬，大長途有黃金旅程，一哩則有榮進寶蹄（該仗大熱門就是當年日本一哩賽盟主放頭馬禪宗勝者），愛麗數碼而是小數跟前亦能取勝的日本馬。上屆國際瓶的至愛及今屆香港一哩錦標的金剛力王，放到直路早段已腳軟，難怪今次「四角先頭」代表梵高藝展亦要俯首稱臣。 | |||||||||||||||||||||||||
| 返回＜講馬網＞主頁 | |||||||||||||||||||||||||