| 竹原豐賽後點滴 | 2008年4月23日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 相隔十日過外終於有馬跑了，週三快活谷馬場舉行八場賽事，因週日賽事取消而轉用A跑道作賽。近日未有因浣熊帶來太多甘露，而馬會灑水亦不多，因此場地比早幾次谷草賽事還要快。貼欄馬匹優勢都算明顯，而主動馬匹亦因地快而跑得好，只有尾場無厘頭有幾匹馬鬥快才由走外疊後上的黃金好勁勝出。 | |||||||||||||||||||||||||
| 值得跟進馬 | |||||||||||||||||||||||||
| 第七場 眾威旺 | 賽前看似有多匹快馬鬥放，但見同場大熱門鑽石精英亦可跟得四五位跑就知步速未有預期般快，可惜眾威旺一出閘就留住少許跑，於今天這條頗快的跑道確唔易追。到入彎時見柏寶心知不妙就力推上前，但直路上的追勁卻是全場最強的一匹，如果幕後唔係貪個盃而跑一千米，相信今晚已取得首場勝利，唯有等下場才補中啦！ | ||||||||||||||||||||||||
| 第一場 伯峻寶 | 今季初跑谷草一千米用主動跑法都係得個近字，見其身型細細粒，嘗試跑長多少都合理，但增程千二留住下跑都唔多夠氣，對上兩仗刻意跑千四相信屬針對氣量訓練，今次縮程二百加眼罩，排外檔都不足十倍，可見幕後有信心一拚，只是今次條跑道不利外疊之餘更不利後追，追番個第四已屬上佳之作，下次排好位可補中。 | ||||||||||||||||||||||||
| 第八場 鎖定目標 | 本身一向留住下跑才跑得好，上場後上追唔切只因騎者入彎時唔發力，之後再走入內欄搵包廂坐才失望而回。今次卻一早走騎上前與它駒鬥放，頭三段跑出1:00:5的特快段速，加上全程外疊望空，唔輸就怪。連續兩場亂跑落敗令人覺得其評分已到上限，隨時換來好分頭，記得下次唔好放過。 | ||||||||||||||||||||||||
| 有感而發 | |||||||||||||||||||||||||
| 相隔超逾十日的賽馬日終於來臨，筆者亦忍不住要入場親身感受一下現場氣氛，自知身體狀況已不及讀書年代，唯有用多百幾蚊到先駿廊的影視廳坐得舒舒服服咁賭，不過D香港馬迷有時都幾黑人憎。先係無厘頭有兩個人走埋黎話我坐錯位，仲好似好威咁要去搵工作人員理論，身為一個準備戰鬥的馬迷，連一個坐位編號都睇錯，已經註定無錢贏啦！仲要EQ咁低呱呱嘈，睇佢都係「財仔」D常客。跑到 | |||||||||||||||||||||||||
| 第五場，臨開跑前見寶威威落飛落得咁勁，而綠色駿達又唔多回飛，加上佢地都係用主動跑法，梗係立即排隊買番條單Q位置Q啦！點知唔好彩排正條D連智財卡都未識用嘅人後面，見佢插張卡落去就立即插飛，救命呀！連張卡都未讀得切又點買得倒呀！開頭還以為佢太心急啫！跟住見佢再試多次，原來仲設置投注前要入密碼，之前做少個程序都夠膽死！就係咁，我唔見咗三千銀了。 | |||||||||||||||||||||||||
| 返回＜講馬網＞主頁 | |||||||||||||||||||||||||