| 竹原豐賽後點滴 | 2008年4月12日沙田日馬賽事 | C+3跑道 好地 | |||||||||||||||||||||||
| 跑道特色 | |||||||||||||||||||||||||
| 週末沙田馬場舉行十一場泥草混合賽。今次只偏排兩場泥地賽，雖然泥地指數有11.13之高，但馬匹跑出的時間卻快得驚人，指數都係信唔過。兩場賽事入圍馬匹大多貼欄跑，偏差算嚴重。草地採用C+3欄，主動馬匹優勢明顯，中華英雄一放到底爆出半冷門，按一下今次後備補出排好位，守得好位就落飛得手。 | |||||||||||||||||||||||||
| 值得跟進馬 | |||||||||||||||||||||||||
| 第三場 超班 | 又一蔡約翰精英，今季初已贏得千四米，級數當然會高。上場小休復出跑千二米，沿途騎者力迫亦唔夠快，擺明嫌短。熱身後今次跳程跑一哩，加上今場賽事步速極快，對氣量要求更加嚴厲，場地不利追的情況下仍追得勁，走勢非一般四班馬可做到。賽後加分下次上班負輕磅就可補中。 | ||||||||||||||||||||||||
| 第四場 強駒 | 低沉多時的馬匹落在今季低沉多時的馬房，今季連番大敗換來評分大幅下滑，三四班升降機減至四十八分已有著數。近期馬房谷底反彈，而此駒今場的表現亦大有驚喜。今場出閘依舊留得後，直路走位亦欠積極性，點知二百米望空會追得如此利害，下次稍有鬥志就好惡。 | ||||||||||||||||||||||||
| 第十場 威騰 | 上次在港首戰狀態一般，雖有少許形勢之助，但咁都追個第四已不太差。今次增程千四又排大外檔，三歲馬焗住迫起前速，賽事步速偏快下仍在最後五十米才被大熱門中國心追過，而賽事跑出的時間亦媲美尾場二班賽，已充分反映其潛藏，今季要贏一場應唔難。 | ||||||||||||||||||||||||
| 有感而發 | |||||||||||||||||||||||||
| 白德民第五場策一匹低班馬冷門馬彪形大漢，因出閘不久踏到它駒後蹄跪一跪，韁繩抽一抽就拉傷肋骨軟骨組織，退下火線。生果報列出其後賽駒易配成績，加加埋埋話佢唔見咗六萬四千四百零八個半，連五毫子尾都幫佢計埋，貴報都算有心，不過以白德民的騎功，如無意外都叻得過賴維銘及湯智傑掛！眼見驃驥王跑個梗頸四，馬主贏少咗獎金外，條三T分唔哂都因為佢，影響嘅範疇大到你唔信。 | |||||||||||||||||||||||||
| 講到最緊張白德民病情應該係佢老細約翰摩亞了，賽後官方記者訪問大摩，表示前主帥馬素爾亦曾有同樣傷患，而佢都話傷肋骨軟組織屬策騎生崖最痛楚的一次，亦要很長時間才可復完，難怪大摩要白德民早早回家休養，步步到贏馬嚇到面青事少，爆冷於女皇盃有什麼騎師代戰事大，費事用多多錢搵個靳能黎都係出醜啦！ | |||||||||||||||||||||||||
| 返回＜講馬網＞主頁 | |||||||||||||||||||||||||