| 竹原豐賽後點滴 | 2008年4月9日快活谷夜馬賽事 | C+3跑道 好地 | |||||||||||||||||||||||
| 跑道特色 | |||||||||||||||||||||||||
| 週三舉行八場快活谷夜馬賽事，採用C+3跑道作賽。短途賽偏差較大，沿途貼欄馬匹優勢明顯，五升四的眼鏡之寶近仗都係得個近字，今次排內檔守住個食糊位配生手普萊西亦大勝。跑到中距離以上偏差則減少，走二疊者亦有上名機會，後上馬轉彎走出更外疊發力也可接近。 | |||||||||||||||||||||||||
| 值得跟進馬 | |||||||||||||||||||||||||
| 第三場 虎威將軍 | 季初贏馬一役姿態驚人，加十分亦合理。之後再戰同程，志叔排大外檔自然蝕到飛起，賽後亦發現不良於行兼軟顎移位，敗不足據。今次久休半年復出，賽前兩課大閘走勢只普通，而陣上轉彎卻飛出四疊追，仍可跑入Q位已有交代。熱身後收收身大有機會補中，增程千二米更有信心。 | ||||||||||||||||||||||||
| 第四場 萬里駒 | 在港無幾耐就走出黎跑，而且一出就能贏馬，擺明要益吓呢位練馬師主席。一出閘就用領放跑法，而賽事早段突然幾匹快馬都唔快，頭兩段慢到不得了，所以末段才可竄一段二十二秒七，表面只是慢步速受益者，但直路仍在拉遠主馬群距離，屬值得尊重的賽績，相信已是馬房爭分重要棋子。 | ||||||||||||||||||||||||
| 第七場 色種靚 | 今季頭馬已在千八米途程所取得，已擺出一位長途好手格，接著上三班跑同程面對凱風及好歡騰等好手都可威脅，對牠的前境有憧憬亦很正常。久休四個月後跑千四米走位一般亦追得近，反映馬匹仍持續進步。今次突然走黎谷草，騎者全程外疊走，唔輸就怪。下次返回神仙主場就可繼續上。 | ||||||||||||||||||||||||
| 有感而發 | |||||||||||||||||||||||||
| 上週三先話蔡神仙無厘頭整隻勇士黎窄場玩，結果就玩出火，今次神仙又派質新分子色種靚考吓你，馬迷受過上週的經驗果然有所成長，但都成為了今場的次熱門，配得高雅志排十檔，志叔穩陣走三疊跑，輸得漂亮，還記得早前神仙隻好知己係谷草輸到無影，轉回正場又見回真章，隨時仲有好分頭添！ | |||||||||||||||||||||||||
| 大摩今次個心地都好得過蔡神仙好多，搵隻早前全程望空跑千四都唔到的三歲馬幸運勇將轉場挑戰一哩，仲要操到隻馬無哂口，一眾晨操客就俾佢呢個文靜樣引死，到臨場又話隻馬好淡定，令人相信牠真的能應付此程，筆者其實唔係話佢一定輸緊，只係廿一蚊實在熱得太過分，唔通盛智文近蘭桂坊慶祝都關我地事咩！ | |||||||||||||||||||||||||
| 返回＜講馬網＞主頁 | |||||||||||||||||||||||||