| 竹原豐賽後點滴 | 2008年4月2日快活谷夜馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 週三舉行八場快活谷夜馬賽事，採用C跑道作賽。近日天雨對場地有少許影響，而最緊要就是馬會賽前只灑少少水，又要講番某官方評馬人話內欄會灑多D水，因此場地這場天雨就會令場地狀況來得平均，而C跑道轉急彎一向利內欄馬匹，難怪今次八場有六場頭馬來是沿途貼欄走，後上馬走二疊仍勉可接近。 | |||||||||||||||||||||||||
| 值得跟進馬 | |||||||||||||||||||||||||
| 第二場 勁擊 | 三歲馬早兩場跑千八米都近，而陣上均顯示唔易撻著，反映其長力十足。今次縮程跑一哩，落腳當然唔夠快，唯有在入彎時已在外疊發力上前，於今次條跑道就非常蝕底，咁都可以如飛殺上贏馬，反映成熟程度又進一步。長途馬理應到五步才大熟大勇，只要馬房不要迫得太急，上二班應無難度。 | ||||||||||||||||||||||||
| 第四場 逍遙派 | 季初贏谷草千八一役，當日場地其實不利內欄跑法，反映本身在四班亦夠爭。可惜其後際遇太差，經常都要望空走外疊跑，敗不足據。到一月練者決意除罩跑泥地及較短路程，擺出一個減分格。今場落班重戴眼罩，本應有心搏殺，只是排位不夾兼遇快步速，咁都係輸二個幾身位，下次排位好多少就可重見天日。 | ||||||||||||||||||||||||
| 第五場 太陽活力 | 今場賽事只有一匹友誼第一放頭，步速真係慢到嚇死人，見一向後上的必定好亦跟得比以往前就充分反映。太陽活力守得比大熱門神箭金剛更後，而轉彎又要走出外疊上，咁都追得個亞軍確實利害。九歲老馬已無後顧之憂，快快出兩場減分落四班，季尾仍有頭馬希望。 | ||||||||||||||||||||||||
| 有感而發 | |||||||||||||||||||||||||
| 蔡約翰甚少將沙田跑開的好馬轉到窄場搏殺，見長期在谷草沉淪的育成明駒、九龍飛及哈哈妙等都未見有正常神仙旗下馬匹的高上名率，而剛戰贏三班長途賽的好知己，前仗突然走黎谷草一試亦無好結果。今次神仙有五匹馬參戰，有四匹都是跑慣跑熟的谷草客，能力偏低焗住與一眾弱手鬥爬，但今次竟然見三戰三捷的短途明星勇士走黎爭個垃圾盃，賽前雖然有報章找了很多藉口支持佢嘅做法， | |||||||||||||||||||||||||
| 而最有力度就係話要等到月尾或下月初先有田草短途賽程，但筆者心想上兩週先至有一場二班千二米，加上二月頭有兩日未見在晨課露面，已存在不少隱憂，問題多多之餘，又要成一面倒大熱，尾場就飛硬佢！之不過咁都唔代表有運行，筆者就買咗條金獅駿將搭友利多、點心及名店之星，問你死未！ | |||||||||||||||||||||||||
| 返回＜講馬網＞主頁 | |||||||||||||||||||||||||