| 竹原豐賽後點滴 | 2008年3月30日沙田日馬賽事 | B+2跑道 好地 | |||||||||||||||||||||||
| 跑道特色 | |||||||||||||||||||||||||
| 沙田舉行十一場草地賽事，採用B+2跑道作賽，近日天雨未對場地帶來太大影響，馬匹跑落只有少許泥頭，而跑出的時間接近好至快地。場地正常下，上半場主動馬匹優勢明顯，要有精圖般的後上鏡頭實屬少見，後上馬要走內欄才可發揮出應有水準，到下半場外疊彼上馬才挽回才許成績。直路賽繼續是近外欄著數。 | |||||||||||||||||||||||||
| 值得跟進馬 | |||||||||||||||||||||||||
| 第四場 國家富強 | 吳定強養五班馬總有一手，應該話馬房喜歡將每匹馬的應有評分再減廿分才出擊，因此造成可威震五班的場境。今次講呢匹國家富強當然都係有分在手啦！今次遇上快步速，全程走三四位二疊位置，絕對處於劣勢，直路仍能貫注到尾，殊不簡單，近季尾就快贏番場了。 | ||||||||||||||||||||||||
| 第七場 最佳拍擋 | 今次明明有三班千四都唔報，走得黎跑千二米兼配生面口的普萊西，擺明減分，電腦仲抽埋個十四檔，都算幫手了，而騎者一出閘走五六疊無遮擋跑，可能這是練馬師的策騎指示，輸唔夠五身位都算佢好嘢！見上兩場走落仍有板有眼，下次落班會見真章。 | ||||||||||||||||||||||||
| 第十場 多多昇 | 今季累積成績暫與上季一樣，同是得1W1P，看似無大進步，但今季中開始轉用較被動跑法，陣上表現實有大幅進步。在十二月跑已嫌短的谷草千二米，全程走大外疊兼遇慢步速，直路追上之勢絕對不弱。今次跑千四米閘前大幅落飛，可惜賽事步速慢得離譜，其即使屬全場後勁最強的一駒，但仍與位置無緣。稍後只要形勢正常就夠贏。 | ||||||||||||||||||||||||
| 有感而發 | |||||||||||||||||||||||||
| 老一輩的馬迷對凌晨三場杜拜一級賽應不大興趣，他們總覺隔山買牛，乜嘢都靠估，寧願刨吓星期日十一場海軍鬥水兵的賽事。後生一輩就完全唔同啦！見我們的長途馬王爆冷，新舊一哩翹楚俊歡騰及牛精福星衝出國際，總有一種捧星心態，希望港隊能在全球馬迷面前揚威一番，回想這是否就是「阿爺」經常掛在口邊的愛國意識呢！「阿爺」每日暗中北水南調不知多少億才可建立的少許愛國意識 | |||||||||||||||||||||||||
| ，一個殖民地機構不費吹灰之力就可做到，問你服未！講番我地港隊嘅表現，頭場杜拜免稅店錦標兩匹港隊馬都跑唔出水準，而望住隻俊歡騰，全程都見巫斯義難欲控制，而官方評馬人話佢唔識跑左轉，因而經常出錯腳，本來我都係咁認為，但見騎者回到香港跑幾隻馬都係不知所謂，可能用第二個騎就識左轉了。而爆冷就排衰咗個檔都唔止，加上當地場地極快，就咁就追唔切，都係黑仔啦！ | |||||||||||||||||||||||||
| 返回＜講馬網＞主頁 | |||||||||||||||||||||||||