| 竹原豐賽後點滴 | 2008年3月24日沙田日馬賽事 | A+3跑道 好地 | |||||||||||||||||||||||
| 跑道特色 | |||||||||||||||||||||||||
| 復活節賽日於沙田馬場舉行十場草地賽事，採用A+3跑道作賽，場地未因早前的大雨所影響，反而馬會怕場地太淋而沒有灑水，賽事跑出來的時間反映屬好至快地，值得存記。場地偏快令前領馬優勢大增，即使見後上馬牛精財星捧得精英碟，亦因柏寶入彎時已發力上前才可扭轉劣勢。走外疊則未有太大影響。 | |||||||||||||||||||||||||
| 值得跟進馬 | |||||||||||||||||||||||||
| 第四場 精圖 | 早年同主馬生圖屬鐵馬一族，估唔到這匹精圖跑到七歲亦充滿戰鬥力。上場一條直路後上殺哂！一改以往均速跑法，筆者還以為是盡地一煲，到今天賽事跑道不利後追，佢竟然又一次留到最後衝一段入圍，相信假象不會一次又一次發生，既然找到最佳跑法，下次走去谷草跑千八或以上路程可能更啱追。 | ||||||||||||||||||||||||
| 第六場 首飾奇寶 | 三歲馬賽前兩度跑千四得WP各一，即使賽事水準不高亦值得尊重，今次久休再跑此程，負一三一磅對一匹年輕馬來說已是重大考驗，而今場突如其來的快步速亦不易招架，直路能貫注到尾屬優秀賽績，上班跑輕磅一定更好跑，季尾三班賽水準只一般，不難再捷。 | ||||||||||||||||||||||||
| 第十場 步步到 | 大摩繼鷹闖初出即有好表現後，另一匹名馬主旗下馬匹步步到又驚喜演出。因負磅太輕，主帥白德民未可出策上陣，唯有選又叫走又唔走嘅冼文諾跑，馬匹全程走勢幼嫩，用得韁繩水皮的巴西友都預咗！入到直路仍可壓倒一步不蝕的安畋，擺明有分在手，用回好手可交代。 | ||||||||||||||||||||||||
| 有感而發 | |||||||||||||||||||||||||
| 打吡大賽後通常D賽事水準都偏低，今次亦唔例外，望住場三級賽都無幾多匹愛駒俾馬迷麻木追捧，其他賽事就更無睇頭。沉悶的賽事日又係蔡約翰發威嘅時候，多匹質新馬久休復出，超班、色種靚、首飾奇寶及首飾寶寶成績好壞參半，作為投注者都幾難搵倒甜頭，諗住買番D有正常出賽頻率的駿馬繽紛及安畋，又係得位置交代，都唔知話蔡約翰難攪，益話係韋違麻煩。 | |||||||||||||||||||||||||
| 近戰見巫斯義成績有少許反彈，還以為開始有運行，但上次賽事策蓮華生輝犯下大錯，個天又搵隻超新星黎要他靜思己過。多匹易配馬中，只有水晶皇及奮鬥心入位置，似乎損失都唔係好大，但見衝勁寶改用白德民，出閘早段竟按實唔放，跑法來一個大違反，入到直路睇直鏡見騎者一早便休息，可見巫斯義在香港馬圈仍有某些練馬師關照住佢，而我個荷包就．．． | |||||||||||||||||||||||||
| 返回＜講馬網＞主頁 | |||||||||||||||||||||||||