| 竹原豐賽後點滴 | 2008年3月19日快活谷夜馬賽事 | B跑道 好地 | |||||||||||||||||||||||
| 跑道特色 | |||||||||||||||||||||||||
| 週三舉行八場快活谷夜馬賽事，採用A跑道作賽。見兩場短途賽頭馬均由後上馬取得，就反映了放頭馬的劣勢，勁彩寶蹄贏得都要靠兄弟唔上黎同佢玩嘢先贏得咁易，本身當然都有D分在手啦！至於沿途貼欄走的優勢其實不大，多匹馬中段沿外疊發力亦跑出水準，駿馬大師及神鑽福將就用此技為熱門客保住個荷包。 | |||||||||||||||||||||||||
| 值得跟進馬 | |||||||||||||||||||||||||
| 第二場 龍翔 | 講真佢嘅年紀都唔細，但北半球長途馬隨時到七歲之齡才大熟大勇。前仗跑沙田闊場全程在外疊望空都近，都算時好賽績，均速馬上場直路大部分途程受困才失三甲，今次意圖中段發力彈甩對手，可惜事與願違，彎位被頂在大外疊轉彎，咁都有第三都算佢好嘢！長途都要拖住。 | ||||||||||||||||||||||||
| 第三場 開心之星 | 經過季初一輪搶攻，其後跑短回回氣都合理，而上場又回到較合腳法的一哩發展，全程操控著步速入圍，尚算吸引。今次再跑此程，位置飛長期保持熱門地位，眾人對牠的均速跑法充滿信心，可惜王志偉求領放心切而早段過分施壓，頭三段跑出一分十五秒九，於近期場地已是極速，終點前輸過鼻亦無話可說，睇黎季尾仍有出頭機會。 | ||||||||||||||||||||||||
| 第七場 鎖定目標 | 全組馬眼前有前速的都有三四匹，但眾人都怕步速會快，倒頭來反而益了勁彩寶蹄慢放，而鎖定目標今次留報跑就當然蝕底，轉彎見步速偏慢又唔施展騎者強項，到出彎時又當自己係殿堂級大師傅走內欄搵位，騎得黎又唔識轉位，咁就無咗個三甲。計馬跑谷草就一定有分在手，騎者發揮正常就不愁無頭馬見面。 | ||||||||||||||||||||||||
| 有感而發 | |||||||||||||||||||||||||
| 昨晚馬會又有驚人舉動，於賽事日早上發現尾場波板糖氣管內有濃啖，屬一個每次大熱門落敗賽後發現的最大理由，今次竟然話適合出賽，已經難以理解，接著話需在賽前再作檢查，但不會照氣管，難道馬會獸醫亦懂得為馬匹把脈？這個機會相信不大了，見上週日都要賽後才發現公眾熱門鼓浪晨曦氣管受感染才導致有大量濃啖，筆者絕不相信馬會為了數千萬的退款而隱瞞事實的。 | |||||||||||||||||||||||||
| 薄奇能被喻為新一代谷草王，不是說他特別懂得攝位，相反是在彎位特別懂得早發力蝕位追，只好怪馬會在跑道上做的好事，但見近期此君的谷草成績有點下滑，就只好怪香港馬圈的競爭力特別大，通常一些外來騎師在港客串後都會在走位上有所改進，見第七場其策騎的鎖定目標出彎時應順勢飛出金獅勇將的外疊發力，可惜今次就扮醒走內疊上，以佢嘅騎功就當然無好結果啦！ | |||||||||||||||||||||||||
| 返回＜講馬網＞主頁 | |||||||||||||||||||||||||