| 竹原豐賽後點滴 | 2008年3月12日沙田夜馬賽事 | 泥地跑道 好地 | |||||||||||||||||||||||
| 跑道特色 | |||||||||||||||||||||||||
| 週三沙田馬場舉行八場泥地宴，為獨擅泥地的賽駒創造就業機會。早前幾次泥地日賽，場地偏差不太嚴重，而對上一次泥地夜賽又大利外疊後上馬匹，但今次卻來一個一百八十度改變，主動馬匹佔得優勢之餘，全程貼欄更是成敗關鍵，沿途走二疊仍勉可維持競爭力，走再外多少就無運行了。 | |||||||||||||||||||||||||
| 值得跟進馬 | |||||||||||||||||||||||||
| 第四場 將臣三號 | 季初見跑草地賽末段常有追勁，但跑多幾仗仍是未能入三甲，表現有點失望。其後轉到泥地一試，早段唔夠快被迫留到最後，直路卻駛出有競爭力的後勁首次有派彩，可確認其泥地性能優越。今次落班跑可賺級數，但全程走外疊蝕到飛起，咁都追番上黎只以半馬位見負，遲熟馬離出頭之日不遠矣！ | ||||||||||||||||||||||||
| 第五場 小飛象 | 講到都個馬房養老馬最醒，相信都數到吳定強馬房，唔係話佢練馬出神入化，只係佢最忍得啫！明明隻馬值一班，仍要Keep住係三班跑，就好似小飛象咁，長期養尊處優才可到九歲之齡仍經常接近。今次全程外疊望空轉彎，末段仍持續上前，又做出高難度動作，今季仍會有馬贏。 | ||||||||||||||||||||||||
| 第七場 全德勝 | 第七場乃全日最高班賽事，段速最強亦理所當然，但賽事步速之快就實在太誇張了，頭兩段跑出五十秒三，難怪泥地性能卓越的大家興旺都要斷，但全程跟在其外疊的全德勝竟然頂到最後二百米，跑入一席第三確難得，泥地專家終於養番好，之後逢跑泥地賽都要拖一票。 | ||||||||||||||||||||||||
| 有感而發 | |||||||||||||||||||||||||
| 筆者於今晚賽事進行時因要上班，未能親眼觀看每場賽事的過程，唯有回家後收看一屆都唔睇得多過五次的官方賽後節目。到檢討的第四場五班一哩賽時，眼見黃汝安馬房的精算遊戲全程守好位，直路又有位上，但在全面性優勢下卻企咗係度，表現失望，主持人仍為此駒跑千二米就唔夠快，跑一哩又唔夠氣，如果有千四米就咁哂佢，由此起就開始認為本地馬場因設計關係，局限了路程的選擇，從 | |||||||||||||||||||||||||
| 而令某些馬匹失去出頭的機會。對於馬主來說，剩計每個月三四萬元養馬費已頭痕，無場頭馬拉吓確係悽慘，但如果增設多幾個賽程，咁就對投注人更慘，十幾廿個路程令數據更鬆散，難以整合賽績所帶來的就是增加斷估系數，命中率減低下就會打擊投注人信心，如果目的是嚇到馬迷戒賭，那就算是做了一件好事了！ | |||||||||||||||||||||||||
| 返回＜講馬網＞主頁 | |||||||||||||||||||||||||