| 竹原豐賽後點滴 | 2008年3月9日沙田日馬賽事 | C+3跑道 好地 | |||||||||||||||||||||||
| 跑道特色 | |||||||||||||||||||||||||
| 週日十一場日馬賽事於沙田馬場上演，採用最窄的C+3跑道作賽。跑道偏差並不嚴重，只是主動馬匹略帶優勢，喜蓮精彩一放到底取得遲來的頭馬，而谷草較佳的馬友寶亦憑主動跑法捱入一席接近的第三。後上馬要在內欄搵位都唔易，見韋達騎隻金碧滿湖都要入彎走出二疊已反映一二。直路賽同樣未見有太大偏差。 | |||||||||||||||||||||||||
| 值得跟進馬 | |||||||||||||||||||||||||
| 第四場 勁飛飛 | 早前腳部問題頗嚴重，今季初更要做手術，幸好手術後功夫正常，腳患問題應已解決。晨課所見步步尺七，難怪首戰就競逐千四米，可惜均速馬出閘失機，而賽事步速亦慢，入到直路走內欄又唔多夠位上，但末段亦持續增速上前，反映質素有番咁上吓！蔡神仙又有一匹爭分棋子了。 | ||||||||||||||||||||||||
| 第九場 鷹闖 | 睇個馬名都知道唔會差得去邊，只估唔到愛爾蘭馬首場跑一千米直路已可接近，潛藏的確唔錯。今仗出閘第一匹彈出，帶新鮮感下全程望空足一千米仍可貫注到底，難度極高。睇血統全熟應向一哩發展，但三歲馬暫時跑千二米較合發揮，前景光明。 | ||||||||||||||||||||||||
| 第十場 勝眼光 | 除一場四班頭馬外，其餘頭馬都在快步速賽事取得，今次跳班跑遇特慢步速，都算是一大挑戰。早段韋達在一口田之後找遮擋，但當喜蓮精彩確定領放位置後就按慢，此駒沿途難以操控，入到直路又等到三百米才可望空，末段二十二秒二的極速下仍肯撲上，確認硫評分仍有起碼十五分的上升空間。 | ||||||||||||||||||||||||
| 有感而發 | |||||||||||||||||||||||||
| 零七至零八年度新馬賽又黎啦！參戰馬得少猫三四隻已屬意料中事。每當見新馬賽時，都會回想起首屆香港小姐冠軍孫詠恩的愛人賓康，當年其新馬成績出類拔萃，高企的勝出率當然換來偏低的回報，但對於普羅馬迷來說，最緊要能在馬會櫃位有來有往，尤其新馬賽大多編在頭場，能夠攞番個頭綵，對該日投注的信心亦會大增，餘下賽事自自然然都會買大D啦！隨著賓康的離去，大衛希斯又要回老家 | |||||||||||||||||||||||||
| 接管家族牧場生意，新馬賽就開始令馬迷卻步。新馬賽報跑馬雖然唔多，但賽果卻經常帶來驚喜，相信與現今大多練馬師都借此機會減分有關。每一位病態賭徒本身已百病纏身，還要在心神未定的頭場嚇一嚇，他們下次就會選擇飲啖荼，提提神後才上征途。今次新馬賽又爆全場最冷門，時時有機睇血統乏速度，睇試閘乏水準，埋門無飛都贏你吹咩！ | |||||||||||||||||||||||||
| 返回＜講馬網＞主頁 | |||||||||||||||||||||||||