| 竹原豐賽後點滴 | 2008年3月5日快活谷夜馬賽事 | A跑道 好地 | |||||||||||||||||||||||
| 跑道特色 | |||||||||||||||||||||||||
| 週三舉行八場快活谷夜馬賽事，用回A跑道作賽，跑道雖然夠闊，但走外疊馬匹卻無著數，除非賽事步速夠慢，否則貼欄馬匹佔盡優勢，盈然贏及得運寶兩匹弱勢馬房冷門就憑特利貼欄的跑道偏差取得1W1第二。後上馬走內欄易受困，有運行就如喜富龍般賺得首W，但超級神駒就塞到飛起。 | |||||||||||||||||||||||||
| 值得跟進馬 | |||||||||||||||||||||||||
| 第四場 必定好 | 近三仗跑谷草一哩都用騎功一般的潘頓，但走勢仍吸引，上場出彎走出大外疊仍追得好，而今場明明入彎仍走二疊，只是潘頓心急提早發力才蝕到盡，本身追勁絕不比同場大熱門信賴來得差，甚至是有過之，反映這匹愛爾蘭五歲馬今季才開始成熟，相信好快會有頭馬見面。 | ||||||||||||||||||||||||
| 第七場 波板糖 | 四歲馬今季久休多時才上戰陣，但上場首戰已跑出比同日三班賽強的段速，本來今次上班轉場應有極大優勢，只是排正大外檔已嚇走哂D捧場客。埋門落飛竟然強勁，可見幕後對其實力信心爆棚。排外檔早段被迫跟前，頭八百米跑出四十六秒半的快時間，末段仍可再發力，可見熱身後再進一步，三班贏馬無難度。 | ||||||||||||||||||||||||
| 有感而發 | |||||||||||||||||||||||||
| 上週四公佈今次賽事的報名表時，八場賽事只有喜德寶令筆者有投注意欲。到星期一排位日，兩場四班短途賽按得好及雄爆均排好檔，縱使A跑道利內欄的偏差未必太嚴重，但短途賽有好位幫手都係較信得過。而在報名表時已留意的喜德寶，後上馬排中檔，沿途預計可輕易走二疊，有利直路望空施展火箭追勁，仲要配埋馬房愛將柏寶，信心當然再加一等。只可惜好夢在星期二早上已幻滅，正當想 | |||||||||||||||||||||||||
| 上馬會網站看看其最後試跑的晨操程序時，十號卓越歡騰之後竟然已是金剛小子，一時間真的有點不知所措。在這刻，大部分馬迷都會退而求其次於該場選另一匹其實不太喜歡的賽駒投注，這當然是賭仔大忌，但做得賭仔就緊有D病纏身，筆者亦不例外，一於投注此專欄的另一匹值得留意馬飛快贏，結果大家都知啦! | |||||||||||||||||||||||||
| 返回＜講馬網＞主頁 | |||||||||||||||||||||||||