| 竹原豐賽後點滴 | 2008年3月1日沙田日馬賽事 | C跑道 好地 | |||||||||||||||||||||||
| 跑道特色 | |||||||||||||||||||||||||
| 週六港澳盃賽日編排了十場泥草混合賽，八場草地賽事於C跑道上演，場地掛牌一如近期般掛好地，但近日陽光實在太好，又有涼風陣陣，因此久違了的好至快地終於重臨了。今季初場地偏快時，貼欄主動馬匹常有優勢，今天賽事亦不例外，多匹前領馬都能交出水準。泥地方面，兩場不同路程的賽事未能特別反映跑道特色，但見招財名駒都能捱入一席，相信主動馬匹應有一定優勢。 | |||||||||||||||||||||||||
| 值得跟進馬 | |||||||||||||||||||||||||
| 第五場 大紅人 | 上季三歲身份已贏田草千四米，本身應有一定質素。到今季連跑多場草地賽事走勢只一般，都可以話幾失望，直至前仗轉戰泥地千二米，排外檔及用揚啟棠都屬負面因素，出閘早段亦唔夠快，但直路追勢確實利害。上場增程一哩前速明顯較合，末段亦能交出驚人加速力，今場加磅跑同樣無敵手，睇黎上班要贏馬仍無難度。 | ||||||||||||||||||||||||
| 第七場 細腦 | 國際賽日一班千四米中，高雅志直路走位衰得很，但末段望空後即能變速追回失地，難度極高。賽後曾發燒影響進度，直至今天才再上戰陣，雖然沙圈所見狀態未見低落，但久休對陣上表現總有影響。全程走位只一般，入到直路馬匹又內閃嚴重，可以話從未全力施展潛能，咁都贏唔到你唔服，下次即使跑女皇銀禧盃都唔睇得少。 | ||||||||||||||||||||||||
| 第十場 安畋 | 一匹由外地到本地九戰亦從未失三甲的馬匹，今天終於落敗了。排十三檔當然是致命傷，騎者試圖用前速盡快切入，可惜未能成功，更需全程走三疊望空，入到直路因步速偏快，其跑法理應直路中段已洩氣，但此駒卻貫注到底，其實表現絕不差，相信很快可補中。 | ||||||||||||||||||||||||
| 有感而發 | |||||||||||||||||||||||||
| 今天賽事的焦點落在第七場本地三級賽－港澳盃，可能有人話大賽日用C跑道似乎唔多尊重這個港澳挑戰賽，其實上屆香港打吡大賽都是用B+2跑道作賽，至於為何打吡跑一出閘就轉彎的二千米路程都要用條怪跑道，咁就真係要問吓D馬會高官喇！而澳門馬會今次最受歧視反而是選擇在星期六作賽，睇落三月二日香港又無乜選舉之類的大事發生，你問可能澳門有什麼大事件呢？筆者只好講一聲對唔住， | |||||||||||||||||||||||||
| 本人只認為澳門是一個雲集內地各省各市暴發戶的聚賭城市，其他事就完全唔知啦！筆者都係一個大香港主義的一員。講番場賽事，澳門有六匹戰馬出賽，最叻嗰隻已是跑第八的嘉林之寶，其他就更無需多講啦！而當中卻插入了一匹港隊代表飛馬王子，鞍上人卻換了巫斯義，那就明白此君近期在眾練馬師的角色了。 | |||||||||||||||||||||||||
| 返回＜講馬網＞主頁 | |||||||||||||||||||||||||